ಗಂಡ ಸತ್ತ ಮೇಲೆ ಮಹಿಳೆಯರು ಹೂ ಮುಡಿಬಾರದಾ? ಏನಿದು ಆಚರಣೆ? ಈ ನಂಬಿಕೆ ಎಷ್ಟು ಸರಿ?

Hindu culture: ಗಂಡ ತೀರಿಕೊಂಡ ಮೇಲೆ ಮಹಿಳೆಯರ ಜೀವನದಲ್ಲಿ ಸಾಕಷ್ಟು ಬದಲಾವಣೆಗಳಾಗುತ್ತವೆ. ಅದರಲ್ಲೂ ತಲೆಗೆ ಹೂವು ಮುಡಿಯುವುದನ್ನು ನಿಲ್ಲಿಸಿಬಿಡುತ್ತಾರೆ. ಈ ನಂಬಿಕೆ ಸರಿಯೇ? ನಿಜವಾಗಿಯೂ ಹೂವು ಮುಡಿಯಬಾರದಾ?

ಮಹಿಳೆಯರು ಮತ್ತು ಹೂ

ಹಿಂದೂ ಸಂಸ್ಕೃತಿಯಲ್ಲಿ ಮಹಿಳೆಯರು ತಲೆಗೆ ಹೂವು ಮುಡಿಯುವ ಸಂಪ್ರದಾಯವಿದೆ. ಇದು ಕೇವಲ ಸೌಂದರ್ಯಕ್ಕೆ ಮಾತ್ರವಲ್ಲ, ಆರೋಗ್ಯಕ್ಕೂ ಸಂಬಂಧಿಸಿದ್ದು. ಹೂವಿನ ಸುವಾಸನೆ ಮನಸ್ಸಿಗೆ ಶಾಂತಿ ನೀಡುತ್ತದೆ. ಅದರಲ್ಲೂ ಮಲ್ಲಿಗೆ ಹೂವಿನ ಪರಿಮಳ ಕೋಪ ಕಡಿಮೆ ಮಾಡಿ, ಒತ್ತಡವನ್ನು ನಿಯಂತ್ರಿಸುತ್ತದೆ. ನರವ್ಯೂಹವನ್ನು ಶಾಂತಗೊಳಿಸುವ ಶಕ್ತಿ ಇದಕ್ಕಿದೆ.

ಹೂವುಗಳು ಮಹಿಳೆಯರಿಗೆ ನೈಸರ್ಗಿಕ ಸೌಂದರ್ಯ ಮತ್ತು ಆಕರ್ಷಣೆಯನ್ನು ನೀಡುತ್ತವೆ. ಅಷ್ಟೇ ಅಲ್ಲ, ಹೂವು ಮುಡಿಯುವ ಮಹಿಳೆಯರ ಮೆದುಳು ಚುರುಕಾಗಿರುತ್ತದೆ ಮತ್ತು ಇದು ಒಳ್ಳೆಯ ನಿದ್ದೆಗೂ ಸಹಕಾರಿ.

ಲಕ್ಷ್ಮೀ ದೇವಿಯ ಆಶೀರ್ವಾದ

ಹಿಂದೂ ಸಂಪ್ರದಾಯದ ಪ್ರಕಾರ, ಮಹಿಳೆಯರು ತಲೆಗೆ ಹೂವು ಮುಡಿದರೆ ಲಕ್ಷ್ಮೀ ದೇವಿಯ ಆಶೀರ್ವಾದ ಸಿಗುತ್ತದೆ ಎಂದು ನಂಬುತ್ತಾರೆ. ಇದರಿಂದ ಮನೆಯಲ್ಲಿ ಸಂಪತ್ತು ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ ಎಂಬ ಭಾವನೆ ಇದೆ. ಆದರೆ, ಗಂಡನ ಮರಣದ ನಂತರ ಹೂವು ಮುಡಿಯಬೇಕೇ ಅಥವಾ ಬೇಡವೇ ಎಂಬ ಬಗ್ಗೆ ಕೆಲವು ಮಹಿಳೆಯರಿಗೆ ಗೊಂದಲವಿರಬಹುದು. ಈ ಕುರಿತು ಹಲವು ಭಿನ್ನಾಭಿಪ್ರಾಯಗಳು ಕೇಳಿಬರುತ್ತವೆ.

ಗಂಡನಿಗೂ ಹೂವಿಗೂ ಸಂಬಂಧವಿಲ್ಲ

ನಿಜ ಹೇಳಬೇಕೆಂದರೆ, ಮಹಿಳೆಯರು ಚಿಕ್ಕಂದಿನಿಂದಲೂ ಹೂವು ಮುಡಿಯುತ್ತಾರೆ. ಹೂವುಗಳು ಸ್ತ್ರೀ ಕುಲಕ್ಕೆ ಸೇರಿದ್ದು. ಗಂಡ ತೀರಿಕೊಂಡರೆ ಹೂವು ಮುಡಿಯಬಾರದು ಎಂಬ ನಂಬಿಕೆಯನ್ನು ಇಂದಿಗೂ ಅನೇಕರು ಪಾಲಿಸುತ್ತಾರೆ. ಆದರೆ, ಹಿಂದೆ ಸುಮಂಗಲಿಯರು ಮತ್ತು ವಿಧವೆಯರ ನಡುವೆ ವ್ಯತ್ಯಾಸ ಗುರುತಿಸಲು ಈ ಸಂಪ್ರದಾಯವನ್ನು ತರಲಾಯಿತು. ಆದರೆ ಗಂಡನಿಗೂ ಹೂವಿಗೂ ಯಾವುದೇ ಸಂಬಂಧವಿಲ್ಲ.

ಇದನ್ನೂ ಓದಿ: Hindu Rituals: ದೇವಾಲಯದ ಮುಖ್ಯ ಮೆಟ್ಟಿಲಿಗೆ ನಮಸ್ಕಾರ ಯಾಕೆ ಮಾಡ್ಬೇಕು?

ಹೂ ಮುಡಿಯಬಹುದು

ಮಹಿಳೆಯರು ಗಂಡ ಬಂದ ನಂತರ ಹೂವು ಮುಡಿಯಲು ಆರಂಭಿಸಿದ್ದಲ್ಲ. ಹಾಗಾಗಿ, ಅವರು ತಮ್ಮ ಕೊನೆಯ ಕ್ಷಣದವರೆಗೂ ಹೂವು ಮುಡಿಯಬಹುದು. ಯಾವುದೇ ವಯಸ್ಸಿನವರಾದರೂ ಹೂವು ಮುಡಿಯಬಹುದು. ಆದರೆ, ಈ ವಿಚಾರವನ್ನು ಎಲ್ಲರೂ ಒಪ್ಪದೇ ಇರಬಹುದು.

ಇದನ್ನೂ ಓದಿ: Dharwad: 16 ವರ್ಷಗಳ ಬಳಿಕ ದೇವಸ್ಥಾನದ ಬಾಗಿಲು ಓಪನ್; ಗುಂಪುಗಳ ಭಿನ್ನಾಭಿಪ್ರಾಯ ಇತ್ಯರ್ಥ