ಪ್ರತಿಯೊಬ್ಬ ಹುಡುಗ ಮತ್ತು ಹುಡುಗಿ ತನ್ನ ಮದುವೆ ಮತ್ತು ಜೀವನ ಸಂಗಾತಿಯ ಬಗ್ಗೆ ಬಹಳಷ್ಟು ಕನಸು ಕಾಣುತ್ತಾರೆ. ಮದುವೆ ಹೇಗೆ ಆಗಬೇಕು ಎಂಬುದರ ಬಗ್ಗೆ ಯೋಜನೆಗಳನ್ನು ಹಾಕುತ್ತಾರೆ. ಮದುವೆಯ ಬಗ್ಗೆ ಪ್ರತಿಯೊಬ್ಬರ ಆಲೋಚನೆಗಳು ವಿಭಿನ್ನವಾಗಿರುತ್ತದೆ. ಕೆಲವರು ಅದ್ದೂರಿ ಮದುವೆಯಾಗಲು ಬಯಸುತ್ತಾರೆ. ಇನ್ನು ಕೆಲವರು ಸರಳ ವಿವಾಹದಲ್ಲಿ ನಂಬಿಕೆ ಇಟ್ಟಿರುತ್ತಾರೆ. ಯಾವ ರಾಶಿಯವರು ಅದ್ಧೂರಿ ವಿವಾಹದ ಇಚ್ಛೆ ಹೊಂದಿದ್ದಾರೆ ತಿಳಿಯೋಣ...
ಸರಳವೋ ಅದ್ದೂರಿಯೋ ಪ್ರತಿಯೊಬ್ಬರಿಗೂ ತಮ್ಮ ಮದುವೆ ಬಗ್ಗೆ ಕನಸಂತೂ ಇದ್ದೇ ಇರುತ್ತದೆ. ಆದರೆ ಈ ರಾಶಿಯವರು ತಮ್ಮ ವಿವಾಹ ವಿಜೃಂಭಣೆಯಿಂದ ಆಗಬೇಕು ಎಂದು ಬಯಸುತ್ತಾರೆಯಂತೆ. ಅದಕ್ಕಾಗಿ ಸರ್ವ ಪ್ರಯತ್ನವನ್ನೂ ಮಾಡುತ್ತಾರೆ. ಎಲ್ಲಿ ಮಾಡಬೇಕು, ಹೇಗೆ ಮಾಡಬೇಕು?ಎಂದೆಲ್ಲಾ ಯೋಚನೆ ಮಾಡಿಟ್ಟಿರುತ್ತಾರೆ. ಅಂತಹ ರಾಶಿಗಳು ಯಾವವು ನೋಡೋಣಾ...
ಮೇಷ :
ಈ ರಾಶಿಚಕ್ರದ ಜನರು ಗ್ಲಾಮರ್ ಪ್ರಿಯರು. ತಮ್ಮ ಮದುವೆಯನ್ನು ಸ್ಮರಣೀಯವಾಗಿಸಲು ಬಯಸುತ್ತಾರೆ. ಅಲ್ಲದೆ, ಹನಿಮೂನ್‌ಗೆ ಸಂಬಂಧಿಸಿದಂತೆ ಕೂಡಾ ಅವರ ಯೋಜನೆಗಳು ಬಹಳ ದೊಡ್ಡದಾಗಿರುತ್ತದೆ. ದೂರದ ಊರಿನಲ್ಲಿ ಮದುವೆ ಅಥವಾ ಹನಿಮೂನ್ ಮಾಡುವ ಯೋಜನೆ ಮಾಡಿಕೊಂಡಿರುತ್ತಾರೆ.
ತುಲಾ :
ಈ ರಾಶಿಯ ಜನರು ಕೂಡಾ ಅದ್ದೂರಿ ವಿವಾಹದಲ್ಲಿಯೇ ನಂಬಿಕೆಯುಳ್ಳವರು. ಇವರು ಅದ್ದೂರಿ ಮದುವೆಯ ಕನಸು ಕಾಣುವುದಲ್ಲದೆ, ಅದರ ಸಿದ್ಧತೆಗಾಗಿ ಬಹಳ ಯೋಜನೆಗಳನ್ನು ಮಾಡಲು ಪ್ರಾರಂಭಿಸುತ್ತಾರೆ. ಇವರು ತಮ್ಮ ಮದುವೆಯಲ್ಲಿ ವಿಂಟೇಜ್ ಮತ್ತು ಕ್ಲಾಸಿ ಲುಕ್ ಇಷ್ಟಪಡುತ್ತಾರೆ.
ಧನು ರಾಶಿ :
ಈ ರಾಶಿಚಕ್ರದ ಜನರು ತಮ್ಮ ಮದುವೆ ಮತ್ತು ಜೀವನ ಸಂಗಾತಿ ಬಗ್ಗೆ ಬಹಳ ಅದೃಷ್ಟವತರಾಗಿರುತ್ತಾರೆ. ಅವರ ಕನಸಿನಂತೆಯೇ ಅವರ ವಿವಾಹ ವಿಜೃಂಭಣೆಯಿಂದ ನೆರವೇರುತ್ತದೆ. ತಮ್ಮ ನೆಚ್ಚಿನ ಸ್ಥಳದಲ್ಲಿ ಮದುವೆಯಾಗಲು ಹಣವನ್ನು ನೀರಿನಂತೆ ಖರ್ಚು ಮಾಡುವುದಕ್ಕೂ ಮುಂದೆ ಹಿಂದೆ ನೋಡುವುದಿಲ್ಲ.
ಕುಂಭ ರಾಶಿ:
ಈ ರಾಶಿ ಚಕ್ರದ ಜನರು ಪ್ರತಿ ವಿಷಯದಲ್ಲೂ ರಾಯಲ್ ಶೈಲಿಯನ್ನು ಇಷ್ಟಪಡುತ್ತಾರೆ. ಮದುವೆ ವಿಷಯಕ್ಕೆ ಬಂದರೂ ಅವರ ಮೊದಲ ಆಯ್ಕೆ ಇದೇ ಆಗಿರುತ್ತದೆ. ಅದಕ್ಕಾಗಿ ದೊಡ್ಡ ಮೊತ್ತದ ಹಣವನ್ನು ಖರ್ಚು ಮಾಡಲು ಸಿದ್ಧರಾಗಿರುತ್ತಾರೆ.
ಮೀನ ರಾಶಿ:
ಈ ರಾಶಿಯವರು ಮದುವೆ ಸಾಂಪ್ರದಾಯಿಕ ಶೈಲಿಯಲ್ಲಿಯೇ ನಡೆಯಬೇಕು ಎಂದು ಬಯಸುತ್ತಾರೆ. ಆದರೆ ಮದುವೆಯ ದಿನದ ಉಡುಗೆ, ಆಭರಣ, ಅಲಂಕಾರಗಳಲ್ಲಿ ಮಾತ್ರ ರಾಜಿ ಮಾಡಿಕೊಳ್ಳುವುದಿಲ್ಲ. ಎಲ್ಲವು ಉತ್ತಮ, ದಿ ಬೆಸ್ಟ್ ಆಗಿರಬೇಕು ಎಂದು ಅವರು ಬಯಸುತ್ತಾರೆ,