ಮಹಾನ್ ಅರ್ಥಶಾಸ್ತ್ರಜ್ಞ, ರಾಜತಾಂತ್ರಿಕ ಮತ್ತು ಮಾರ್ಗದರ್ಶಿ ಆಚಾರ್ಯ ಚಾಣಕ್ಯ ಪೋಷಕರಿಗೆ ಕೆಲವು ಪ್ರಮುಖ ವಿಷಯಗಳನ್ನು ಹೇಳಿದ್ದಾರೆ. ಇದರ ಪ್ರಕಾರ, ಪೋಷಕರು ತಮ್ಮ ಮಕ್ಕಳ ಮುಂದೆ ಕೆಲವು ವಿಷಯಗಳನ್ನು ಮಾಡಲೇಬಾರದಂತೆ. ಅವು ಯಾವುವು ಅನ್ನೋದನ್ನು ನೋಡೋಣ.
ಆಚಾರ್ಯ ಚಾಣಕ್ಯನು ಚಾಣಕ್ಯ ನೀತಿಯಲ್ಲಿ (Chanakya Niti) ಜೀವನದ ಬಗ್ಗೆ ಅನೇಕ ಪ್ರಮುಖ ವಿಷಯಗಳನ್ನು ಹೇಳಿದ್ದಾನೆ. ಈ ವಿಷಯಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡರೆ, ದೊಡ್ಡ ನಷ್ಟಗಳನ್ನು ತಪ್ಪಿಸಬಹುದು, ಜೊತೆಗೆ ಸಂತೋಷದ ಜೀವನವನ್ನು ನಡೆಸಬಹುದು. ಚಾಣಕ್ಯ ನೀತಿಯಲ್ಲಿ ಪ್ರತಿಯೊಬ್ಬ ವ್ಯಕ್ತಿಗೆ ಕೆಲವು ಪ್ರಮುಖ ವಿಷಯಗಳನ್ನು ಹೇಳಲಾಗಿದೆ. ಪೋಷಕರು ತಮ್ಮ ಮಕ್ಕಳ ಮುಂದೆ ಕೆಲವು ಕೆಲಸಗಳನ್ನು ಮಾಡುವುದನ್ನು ತಪ್ಪಿಸಬೇಕು, ಇಲ್ಲದಿದ್ದರೆ ಕುಟುಂಬವು ತೊಂದರೆಗೆ ಸಿಲುಕುತ್ತದೆ ಎಂದು ಹೇಳಲಾಗಿದೆ. ಅವುಗಳ ಬಗ್ಗೆ ತಿಳಿಯೋಣ.
ಪೋಷಕರಿಗಾಗಿ ಚಾಣಕ್ಯ ನೀತಿ: ಮಕ್ಕಳು ತಮ್ಮ ಹೆತ್ತವರಿಂದ ಬಹಳಷ್ಟು ವಿಷಯಗಳನ್ನು ಕಲಿಯುತ್ತಾರೆ, ಆದ್ದರಿಂದ ಪೋಷಕರು ಮಕ್ಕಳ ಮೇಲೆ ಉತ್ತಮ ಪರಿಣಾಮ ಬೀರುವ ರೀತಿಯಲ್ಲಿ ವರ್ತಿಸುವುದು ಮುಖ್ಯ. ಅದೇ ಸಮಯದಲ್ಲಿ, ಪೋಷಕರು ಮಾಡುವ ತಪ್ಪುಗಳು ಮಕ್ಕಳ ಆಲೋಚನೆ ಮತ್ತು ಅವರ ಮನಸ್ಸಿನ ಮೇಲೆ ಕೆಟ್ಟ ಪರಿಣಾಮ (bad effect on children) ಬೀರುತ್ತವೆ. ಚಾಣಕ್ಯ ನೀತಿಯ ಪ್ರಕಾರ ಪೋಷಕರು ಮಕ್ಕಳ ಮುಂದೆ ಯಾವ ಕೆಲಸಗಳನ್ನು ಮಾಡಬಾರದು ಎಂದು ತಿಳಿಯೋಣ.
ಯಾರನ್ನೂ ಅವಮಾನಿಸಬೇಡಿ: ಪೋಷಕರು ತಮ್ಮ ಮಕ್ಕಳು ಸುಸಂಸ್ಕೃತರಾಗಬೇಕೆಂದು ಮತ್ತು ಇತರರನ್ನು ಗೌರವಿಸಬೇಕೆಂದು (respect others) ಬಯಸಿದರೆ, ಯಾವಾಗಲೂ ಅವರ ಮುಂದೆ ಇತರರನ್ನು ಗೌರವದಿಂದ ನಡೆಸಿಕೊಳ್ಳಿ. ಮಕ್ಕಳ ಮುಂದೆ ಎಂದಿಗೂ ಯಾರನ್ನೂ ಅವಮಾನಿಸಬೇಡಿ, ಅಥವಾ ನಿಂದನಾತ್ಮಕ ಪದಗಳನ್ನು ಹೇಳಬೇಡಿ. ಇಲ್ಲದಿದ್ದರೆ, ಇದು ಮಗುವಿನ ಮನಸ್ಸಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಮತ್ತು ಭವಿಷ್ಯದಲ್ಲಿ ಅವನು ನಿಮ್ಮೊಂದಿಗೆ ಮತ್ತು ಇತರ ಜನರೊಂದಿಗೆ ಕೆಟ್ಟದಾಗಿ ವರ್ತಿಸಬಹುದು.
ಸುಳ್ಳು ಹೇಳುವುದು: ಚಾಣಕ್ಯ ನೀತಿಯ ಪ್ರಕಾರ, ಪೋಷಕರು ಎಂದಿಗೂ ಮಕ್ಕಳ ಮುಂದೆ ಇತರರಿಗೆ ಸುಳ್ಳು ಹೇಳಬಾರದು (telling lies). ಮಕ್ಕಳ ಮುಂದೆ ಸುಳ್ಳು ಹೇಳುವ ಮತ್ತು ನಟಿಸುವ ಮೂಲಕ, ನೀವು ಅವರ ದೃಷ್ಟಿಯಲ್ಲಿ ನಿಮ್ಮ ಗೌರವವನ್ನು ಕಳೆದುಕೊಳ್ಳುತ್ತೀರಿ. ಮುಂಬರುವ ಸಮಯದಲ್ಲಿ, ಅವರು ನಿಮಗೆ ಸುಳ್ಳು ಹೇಳಲು ಪ್ರಾರಂಭಿಸುತ್ತಾರೆ ಮತ್ತು ಈ ರೀತಿಯಾಗಿ ಅವರು ತಮಗೆ ಮತ್ತು ಕುಟುಂಬದ ಪ್ರತಿಷ್ಠೆಗೆ ಹಾನಿ ಮಾಡಬಹುದು.
ಪರಸ್ಪರ ಅವಮಾನ: ಪೋಷಕರು ಮಗುವಿನ ಮುಂದೆ ಜಗಳವಾಡುವುದು ಅಥವಾ ಪರಸ್ಪರ ಅವಮಾನ ಮಾಡುವುದು ಸರಿಯಲ್ಲ ಎಂಬುದನ್ನು ಯಾವಾಗಲೂ ನೆನಪಿನಲ್ಲಿಡಬೇಕು. ಗಂಡ ಮತ್ತು ಹೆಂಡತಿ ಮಕ್ಕಳ ಮುಂದೆ ಪರಸ್ಪರ ಅವಮಾನಿಸುವುದು ಮಕ್ಕಳನ್ನು ಕೆಟ್ಟವರನ್ನಾಗಿ ಮಾಡುತ್ತದೆ. ಅಂತಹ ವಾತಾವರಣದಲ್ಲಿ ಬೆಳೆದ ಮಕ್ಕಳು ಭವಿಷ್ಯದಲ್ಲಿ ತಮ್ಮ ಹೆತ್ತವರನ್ನು ಅವಮಾನಿಸಲು (disrespect parents) ಹಿಂಜರಿಯುವುದಿಲ್ಲ.