ಇಂಥ ಫಿಲ್ಮ್‌ಗಳಲ್ಲಿ ಇನ್ನು ನಟಿಸಲ್ವಂತೆ ಮಿಲ್ಕಿ ಬ್ಯೂಟಿ ತಮನ್ನಾ!

ಇತ್ತೀಚಿನ ದಿನಗಳಲ್ಲಿ ತನ್ನ ಮಾದಕ ಲುಕ್‌ ಹಾಗೂ ಮಾದಕ ನಟನೆಯಿಂದಲೇ ಪ್ರಸಿದ್ಧಿ ಪಡೆದಿರುವ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ, ಭವಿಷ್ಯದ ದಿನಗಳಲ್ಲಿ ಕೆಲವೊಂದು ಚಿತ್ರಗಳಲ್ಲಿ ನಟಿಸೋದಿಲ್ಲ ಎಂದು ಹೇಳಿದ್ದಾರೆ.

ದಕ್ಷಿಣ ಭಾರತದ ಚಿತ್ರಗಳ ಮೂಲಕವೇ ಪ್ರಸಿದ್ಧಿ ಪಡೆದುಕೊಂಡ ತಾರೆ ತಮನ್ನಾ ಭಾಟಿಯಾ. ದಕ್ಷಿಣ ಭಾರತದಲ್ಲಿ ಅದರಲ್ಲೂ ತಮಿಳು ಹಾಗೂ ತೆಲುಗು ಚಿತ್ರರಂಗದಲ್ಲಿ ಈಕೆ ದೊಡ್ಡ ಸ್ಟಾರ್‌.

ಇದರ ನಡುವೆ ಮಿಲ್ಕಿ ಬ್ಯೂಟಿ ಬಾಲಿವುಡ್‌ನಲ್ಲಿ ಹಲವು ಬಾರಿ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದರು. ಆದರೆ, ಅಲ್ಲಿ ಯಶಸ್ಸು ಕಾಣಲು ಮಾತ್ರ ತಮನ್ನಾ ಪರದಾಡುತ್ತಿದ್ದಾರೆ.

ಇದರಿಂದಾಗಿ ಇತ್ತೀಚಿನ ವರ್ಷಗಳಲ್ಲಿ ಬಾಲಿವಡ್‌ ಚಿತ್ರಗಳಿಗಿಂತ ಹೆಚ್ಚಾಗಿ ತಮನ್ನಾ ಭಾಟಿಯಾ ವೆಬ್‌ ಸಿರೀಸ್‌ಗಳಲ್ಲಿ ನಟನೆ ಮಾಡುತ್ತಿದ್ದಾರೆ. ವೆಬ್‌ ಸಿರೀಸ್‌ಗಳಲ್ಲಿ ಅವರ ಮಾದಕ ಸೀನ್‌ಗಳು ವೈರಲ್‌ ಆಗಿವೆ.

ಆದರೆ, ಇತ್ತೀಚೆಗೆ ತಮನ್ನಾ ಫಿಲ್ಮ್‌ಫೇರ್‌ ಮ್ಯಾಗಝೀನ್‌ಗೆ ನೀಡಿದ ಸಂದರ್ಶನ ವೈರಲ್‌ ಆಗಿದೆ. ಅದಕ್ಕೆ ಕಾರಣ, ಈ ಸಂದರ್ಶನದಲ್ಲಿ ಅವರು ದಕ್ಷಿಣ ಭಾರತದ ಚಿತ್ರರಂಗದ ಬಗ್ಗೆ ಆಡಿದ ಮಾತುಗಳು.

ದಕ್ಷಿಣ ಭಾರತದ ಚಿತ್ರರಂಗ ಹೆಚ್ಚಾಗಿ ಕಮರ್ಷಿಯಲ್‌ ಸಿನಿಮಾಗಳನ್ನು ಮಾತ್ರವೇ ಮಾಡುತ್ತದೆ. ಈ ಚಿತ್ರದಲ್ಲಿ ನನ್ನ ಪಾತ್ರಕ್ಕೂ ಹಾಗೂ ಸಿನಿಮಾಗೂ ಸಂಬಂಧವೇ ಇರೋದಿಲ್ಲ ಎಂದು ತಮನ್ನಾ ಹೇಳಿದ್ದಾರೆ.

ಕೆಲವೊಂದು ವೇಳೆ ಸ್ವತಃ ನಾನೇ ನಿರ್ದೇಶಕರಿಗೆ ನನ್ನ ಪಾತ್ರಗಳನ್ನು ಇನ್ನಷ್ಟು ಟೋನ್‌ ಮಾಡುವಂತೆ, ಇನ್ನಷ್ಟು ಹರಿತವಾಗಿರುವಂತೆ ಕೇಳಿಕೊಳ್ಳುತ್ತೇನೆ ಎಂದು ತಮನ್ನಾ ತಿಳಿಸಿದ್ದಾರೆ.

ಪುರುಷತ್ವವನ್ನು ಸಂಭ್ರಮಿಸುವ ಚಿತ್ರಗಳಲ್ಲಿ ನಟಿಸದೇ ಇರುವಂಥ ಹೆಚ್ಚಿನ ಪ್ರಯತ್ನ ಮಾಡುತ್ತಿದ್ದೇನೆ. ಇಂಥ ಫಿಲ್ಮ್‌ಗಳಲ್ಲಿ ಇನ್ನು ನಟಿಸಲೇ ಬಾರದು ಎಂದು ತೀರ್ಮಾನ ಮಾಡಿದ್ದೇನೆ ಎಂದಿದ್ದಾರೆ.

ಇದೇ ವೇಳೆ ತಾವು ಬಾಲಿವುಡ್‌ನಲ್ಲಿ ಯಶಸ್ವಿ ಹೀರೋಯಿನ್‌ ಅಲ್ಲ ಎನ್ನುವುದನ್ನು ತಮನ್ನಾ ಭಾಟಿಯಾ ಮುಕ್ತವಾಗಿ ಹೇಳಿಕೊಂಡಿದ್ದಾರೆ.

ನಾನು ಬಾಲಿವುಡ್‌ನಲ್ಲಿ ಯಶಸ್ವಿ ಹೀರೋಯಿನ್‌ ಅಲ್ಲ. ಆದರೆ ನಾನು ಅದನ್ನು ನನ್ನ ವೈಯಕ್ತಿಕ ವೈಫಲ್ಯ ಎಂದು ಎಂದಿಗೂ ನೋಡುವುದಿಲ್ಲ ಏಕೆಂದರೆ ಚಿತ್ರವು ಅನೇಕ ಜನರ ಕೊಡುಗೆಯಾಗಿದೆ ಮತ್ತು ನನ್ನದಲ್ಲ ಎಂದಿದ್ದಾರೆ.

ನನ್ನ ಯಶಸ್ಸು ಮತ್ತು ವೈಫಲ್ಯಗಳಿಂದ ನಾನು ಸ್ವಲ್ಪ ನಿರ್ಲಿಪ್ತನಾಗಿದ್ದೇನೆ. ನಾನು ಯಾವುದನ್ನೂ ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ' ಎಂದು ತಮನ್ನಾ ಸ್ಪಷ್ಟಪಡಿಸಿದ್ದಾರೆ.

ತಮನ್ನಾ ಕೊನೆಯ ಬಾರಿಗೆ ತೆರೆಯ ಮೇಲೆ ಕಾಣಿಸಿಕೊಂಡಿದ್ದು ಆಕ್ರಿ ಸಚ್‌ ಎನ್ನುವ ವೆಬ್‌ ಸಿರೀಸ್‌ನಲ್ಲಿ, ಈ ನಡುವೆ ಅವರ ಬಾಂದ್ರಾ ಮಲಯಾಳಂ ಸಿನಿಮಾ ಕೂಡ ಬಿಡುಗಡೆಗೆ ಸಿದ್ಧವಾಗುತ್ತಿದೆ.

ಅದರೊಂದಿಗೆ ಸಿ. ಸುಂದರ್‌ ಅವರ ಅರಮನೈ-4 ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ತಮನ್ನಾ ನಟಿಸುತ್ತಿದ್ದಾರೆ. ಹಿಂದಿ ಚಿತ್ರ ವೇದಾದಲ್ಲೂ ಅವರು ಹೀರೋಯಿನ್‌ ಆಗಿದ್ದಾರೆ. 

ಬಾಂದ್ರಾ ತಮನ್ನಾ ಭಾಟಿಯಾ ಅವರ ಮೊದಲ ಮಲಯಾಳಂ ಸಿನಿಮಾ ಆಗಿದ್ದು, ಅರುಣ್‌ ಗೋಪಿ ಇದರ ನಿರ್ದೇಶಕರಾಗಿದ್ದಾರೆ. ಇದು ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗಬಹುದು ಎನ್ನಲಾಗಿದೆ.