ಬೈಕ್ ಸವಾರಿ ಮಾಡುವಾಗ ಹೆಲ್ಮೆಟ್ ಕಡ್ಡಾಯ. ಹಾಗಂತ ಯಾವುದೋ ಹೆಲ್ಮೆಟ್, ಅಥವಾ ಉತ್ತಮ ಹೆಲ್ಮೆಟ್ ಸರಿಯಾಗಿ ಧರಿಸಿದಿದ್ದರೂ ಬೀಳುತ್ತೆ ದಂಡ. ಹೆಲ್ಮೆಟ್ ಧರಿಸುವಾಗ ಯಾವ ಅಂಶಗಳನ್ನು ಗಮನಿಸಬೇಕು.
ದ್ವಿಚಕ್ರ ವಾಹನಗಳ ರೈಡರ್ ಹಾಗೂ ಹಿಂಬದಿ ಸವಾರರಿಗೆ ಹೆಲ್ಮೆಟ್ ಕಡ್ಡಾಯವಾಗಿದೆ. ಅಪಘಾತಗಳ ಸಂದರ್ಭದಲ್ಲಿ ಹೆಲ್ಮೆಟ್ ರಕ್ಷಣೆ ನೀಡುತ್ತದೆ. ಜೀವ ಉಳಿಸುವ ಕಾರ್ಯದಲ್ಲಿ ಹೆಲ್ಮೆಟ್ ಪಾತ್ರ ಪ್ರಮುಖವಾಗಿದೆ. ಸುರಕ್ಷತೆ ದೃಷ್ಟಿಯಿಂದ ಸರ್ಕಾರ ದ್ವಿಚಕ್ರ ವಾಹನ ಸವಾರರಿಗೆ ಹೆಲ್ಮೆಟ್ ಕಡ್ಡಾಯ ಮಾಡಿದೆ. ಇಷ್ಟೇ ಅಲ್ಲ ಹೆಲ್ಮೆಟ್ ಧೂಳು ಸೇರಿದಂತೆ ಇತರ ಮಾಲಿನ್ಯಗಳಿಂದ ಕಣ್ಮು, ಮುಖವನ್ನೂ ರಕ್ಷಿಸುತ್ತದೆ.
ಕೂದುಲ ಉದುರುವಿಕೆ, ಕಿರಿಕಿರಿ, ಬೆವರು,ಬೈಕ್ ರೈಡಿಂಗ್ ವೇಳೆ ಸ್ವಚ್ಚಂದವಾಗಿ ತೆರಳಲು ಸೇರಿದಂತೆ ಹಲವು ಕಾರಣಗಳಿಂದ ಹೆಲ್ಮೆಟ್ ಧರಿಸದೆ ಪ್ರಯಾಣ ಮಾಡುತ್ತಾರೆ. ಹೆಲ್ಮೆಟ್ ಇಲ್ಲದ ಪ್ರಯಾಣದ ವೇಳೆ ಸಂಭವಿಸುವ ಅಪಘಾತದಲ್ಲಿ ಸಾವಿನ ಪ್ರಮಾಣ ಹೆಚ್ಚು ಅನ್ನೋದು ಅಂಕಿ ಅಂಶಗಳು ದೃಢಪಡಿಸುತ್ತದೆ.
ಭಾರತದ 1998 ರ ಮೋಟಾರು ವಾಹನ ಕಾಯ್ದೆ ತಿದ್ದುಪಡಿ ಮೂಲಕ ದ್ವಿಚಕ್ರ ವಾಹನ ಸವಾರರಿಗೆ ಹೆಲ್ಮೆಟ್‌ಗಳನ್ನು ಕಡ್ಡಾಯಗೊಳಿಸಿದೆ. ತಪ್ಪಾದ ಅಥವಾ ಹೆಲ್ಮೆಟ್ ಬಳಸದಿದ್ದರೆ ₹1000-₹2000 ದಂಡ ವಿಧಿಸಲಾಗುತ್ತದೆ. ಹೆಲ್ಮೆಟ್ ಕಡ್ಡಾಯ ಮಾತ್ರವಲ್ಲ ಹೆಲ್ಮೆಟ್‌ಗಳನ್ನು ತಪ್ಪಾಗಿ ಧರಿಸುತ್ತಾರೆ. ಹೊಸ ನಿಯಮಗಳು ಅನಧಿಕೃತ, ಕಳಪೆ ಗುಣಮಟ್ಟದ ಹೆಲ್ಮೆಟ್ ಧರಿಸಿದರೂ ದಂಡ ವಿಧಿಸಲಾಗುತ್ತದೆ. ಇಷ್ಟೇ ಅಲ್ಲ ನೀವು ಉತ್ತಮ ಹೆಲ್ಮೆಟ್ ಖರೀದಿಸಿ ಅದನ್ನು ಸರಿಯಾಗಿ ಧರಿಸದಿದ್ದರೂ ದಂಡ ವಿಧಿಸಲಾಗುತ್ತದೆ. ಪೊಲೀಸರು ಇದ್ದಾರೆ, ಕ್ಯಾಮೆರಾ ಇದೆ ಅನ್ನೋ ಕಾರಣಕ್ಕೆ, ದಂಡ ತಪ್ಪಿಸಲು ಹಲವರು ಹೆಲ್ಮೆಟ್‌ಗಳನ್ನು ಸಡಿಲವಾಗಿ ಧರಿಸುತ್ತಾರೆ, ಲಾಕ್ ಮಾಡುವುದಿಲ್ಲ. ಹಳೇ ಹೆಲ್ಮೆಟ್‌ಗಳಲ್ಲಿ ಮುರಿದ ಲಾಕ್‌ಗಳನ್ನು ಹೊಂದಿರುತ್ತಾರೆ. ಇದು ಅಪಘಾತಗಳಲ್ಲಿ ಗಂಭೀರ ಗಾಯಕ್ಕೆ ಕಾರಣವಾಗಬಹುದು. ಗಲ್ಲದ ಪಟ್ಟಿಯನ್ನು ಜೋಡಿಸದಿದ್ದರೆ ₹1000-₹2000 ದಂಡ ವಿಧಿಸಬಹುದು.
ಹೆಲ್ಮೆಟ್ ಇದ್ದರೂ, ತಪ್ಪಾದ ಬಳಕೆಗೆ ₹2000 ದಂಡ ವಿಧಿಸಬಹುದು. ಓಪನ್-ಫೇಸ್ ಹೆಲ್ಮೆಟ್‌ಗೆ ₹1000 ದಂಡ ವಿಧಿಸಲಾಗುತ್ತದೆ. ಹೆಲ್ಮೆಟ್ ಅನ್ನು ದೃಢವಾಗಿ ಜೋಡಿಸದಿದ್ದರೆ ₹1000 ದಂಡ ವಿಧಿಸಲಾಗುತ್ತದೆ. ತಪ್ಪಾದ ಹೆಲ್ಮೆಟ್ ಬಳಕೆಗೆ ₹2000 ವರೆಗೆ ದಂಡ ವಿಧಿಸಬಹುದು.
ಭಾರತೀಯ ಮಾನದಂಡಗಳ ಬ್ಯೂರೋ (ಬಿಎಸ್‌ಐ) ಅನ್ನು ಪೂರೈಸದ ಹೆಲ್ಮೆಟ್‌ಗಳಿಗೂ ದಂಡ ವಿಧಿಸಲಾಗುತ್ತದೆ. ಐಎಸ್‌ಐ ಲೇಬಲ್ ಕಡ್ಡಾಯ; ಇಲ್ಲದಿದ್ದರೆ, ₹1000 ದಂಡ ಅನ್ವಯಿಸುತ್ತದೆ. ಸವಾರಿ ಮಾಡುವಾಗ ಐಎಸ್‌ಐ ಗುರುತು ಹೊಂದಿರುವ ಹೆಲ್ಮೆಟ್‌ಗಳನ್ನು ಮಾತ್ರ ಅನುಮತಿಸಲಾಗಿದೆ. ಕಲಂ 194D MVA ಅಡಿಯಲ್ಲಿ ಪಾಲಿಸದಿದ್ದರೆ ₹1000 ದಂಡ ವಿಧಿಸಲಾಗುತ್ತದೆ. ಹಾಗಾಗಿ, ಹೆಲ್ಮೆಟ್ ಇದ್ದರೂ, ತಪ್ಪಾದ ಬಳಕೆ ಅಥವಾ ಸರ್ಕಾರಿ ನಿಯಮಗಳನ್ನು ಪಾಲಿಸದಿದ್ದರೆ ದಂಡ ವಿಧಿಸಲಾಗುತ್ತದೆ. ನಿಮ್ಮನ್ನು ರಕ್ಷಿಸಿಕೊಳ್ಳಲು ನಿಮ್ಮ ಹೆಲ್ಮೆಟ್ ಅನ್ನು ಸರಿಯಾಗಿ ಧರಿಸಿ.