ವಿರಾಟ್ ಕೊಹ್ಲಿ ಅಲ್ಲವೇ ಅಲ್ಲ, ಈ ಯಂಗ್‌ಸ್ಟರ್ ಆರ್‌ಸಿಬಿ ಹೊಸ ಕ್ಯಾಪ್ಟನ್?

ವಿರಾಟ್ ಕೊಹ್ಲಿ ನಾಯಕರಾಗಿ ವಾಪಸ್ ಬರ್ತಾರೆ ಅನ್ನೋ ಗುಸುಗುಸುಗಳಿಗೆ ತೆರೆ ಎಳೆದಿರೋ ಆರ್‌ಸಿಬಿ, ಇನ್ನೂ ಯಾವ ತೀರ್ಮಾನ ಆಗಿಲ್ಲ ಅಂತ ಹೇಳಿದೆ. ಮತ್ತೊಬ್ಬ ಟೀಂ ಇಂಡಿಯಾ ಸ್ಟಾರ್ ಆಟಗಾರ ಆರ್‌ಸಿಬಿ ನಾಯಕತ್ವ ವಹಿಸಿಕೊಳ್ಳೋ ಸಾಧ್ಯತೆ ಇದೆ ಅಂತ ವರದಿಗಳಾಗಿವೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ

ಎಲ್ಲಾ ಐಪಿಎಲ್ ತಂಡಗಳು 2025ರ ಮೆಗಾ ಹರಾಜಿಗೆ ಮುನ್ನ ತಮ್ಮ ರೀಟೈನ್ ಆಟಗಾರರ ಪಟ್ಟಿ ಬಿಡುಗಡೆ ಮಾಡಿವೆ. ಎಲ್ಲರ ಕಣ್ಣು ಆರ್‌ಸಿಬಿ ಮೇಲಿತ್ತು. 21 ಕೋಟಿಗೆ ವಿರಾಟ್‌ರನ್ನ ಉಳಿಸಿಕೊಂಡಿದ್ದರಿಂದ, ವಿರಾಟ್ ನಾಯಕರಾಗ್ತಾರೆ ಅನ್ನೋ ಗುಸುಗುಸು ಶುರುವಾಗಿತ್ತು.

ಆರ್‌ಸಿಬಿ ಇದಕ್ಕೆ ಪ್ರತಿಕ್ರಿಯಿಸಿ, ನಾಯಕ ಯಾರು ಅಂತ ಇನ್ನೂ ತೀರ್ಮಾನ ಆಗಿಲ್ಲ ಅಂತ ಹೇಳಿದೆ. ಹರಾಜಿನಲ್ಲಿ ಟೀಂ ಇಂಡಿಯಾ ಸ್ಟಾರ್‌ನ ಮೇಲೆ ಕಣ್ಣಿಟ್ಟಿದೆ ಅಂತ ಸುಳಿವು ಕೊಟ್ಟಿದೆ. ಹಾಗಾಗಿ 2025ರ ಐಪಿಎಲ್‌ನಲ್ಲಿ ಮತ್ತೊಬ್ಬ ಟೀಂ ಇಂಡಿಯಾ ಸ್ಟಾರ್ ಆರ್‌ಸಿಬಿ ನಾಯಕರಾಗುವ ಸಾಧ್ಯತೆ ಇದೆ. ಆ ಆಟಗಾರ ಯಾರು?

ಕೊಹ್ಲಿ ಈ ಹಿಂದೆ ಆರ್‌ಸಿಬಿ ನಾಯಕರಾಗಿದ್ರು. ಧೋನಿ (226), ರೋಹಿತ್ ಶರ್ಮಾ (158) ನಂತರ 143 ಪಂದ್ಯಗಳನ್ನ ಆಡಿರೋ ಮೂರನೇ ನಾಯಕ ಕೊಹ್ಲಿ. ಆರ್‌ಸಿಬಿಗೆ 66 ಗೆಲುವು ತಂದುಕೊಟ್ಟಿದ್ರು. 2016ರಲ್ಲಿ ಫೈನಲ್ ತಲುಪಿದ್ರೂ, ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಸೋತು, ಟ್ರೋಫಿ ಗೆಲ್ಲೋಕೆ ಆಗಿಲ್ಲ. ಆರ್‌ಸಿಬಿ ಕ್ರಿಕೆಟ್ ನಿರ್ದೇಶಕ ಮೋ ಬೋಬಾಟ್, ಕೊಹ್ಲಿ ನಾಯಕತ್ವದ ಬಗ್ಗೆ ಮಾತಾಡಿ, ಇನ್ನೂ ಯಾವ ತೀರ್ಮಾನ ಆಗಿಲ್ಲ, ಹರಾಜಲ್ಲಿ ನಾಯಕನನ್ನ ಹುಡುಕ್ತೀವಿ ಅಂತ ಹೇಳಿದ್ದಾರೆ.

JioCinema ಜೊತೆ ಮಾತಾಡಿದ ಬೋಬಾಟ್, ಆರ್‌ಸಿಬಿ ನಾಯಕ ಯಾರು ಅಂತ ಇನ್ನೂ ತೀರ್ಮಾನ ಆಗಿಲ್ಲ ಅಂತ ಹೇಳಿದ್ರು. ಡು ಪ್ಲೆಸಿಸ್‌ರನ್ನ ಮುಂದುವರಿಸದೇ ಇರೋದು ಮಾತ್ರ ಖಚಿತ. ಹರಾಜಿಗೆ ಹೋಗುವಾಗ ಯಾವ ತೀರ್ಮಾನಕ್ಕೂ ಬಂದಿಲ್ಲ ಅಂತ ಹೇಳಿದ್ರು.

ಕೆಎಲ್ ರಾಹುಲ್ ಮೇಲೆ ಕಣ್ಣಿಟ್ಟ ಆರ್‌ಸಿಬಿ: ಪಿಟಿಐ ವರದಿ ಪ್ರಕಾರ, ಆರ್‌ಸಿಬಿ ಹರಾಜಲ್ಲಿ ಕೆಎಲ್ ರಾಹುಲ್‌ರನ್ನ ಖರೀದಿಸಲು ಉತ್ಸುಕವಾಗಿದೆ. ರಾಹುಲ್ ಉತ್ತಮ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಮಾತ್ರವಲ್ಲ, ನಾಯಕನಾಗಿಯೂ ಒಳ್ಳೆಯ ಆಯ್ಕೆ.

ವಿರಾಟ್ ಕೊಹ್ಲಿ ನಾಯಕತ್ವದ ಬಗ್ಗೆ ಆರ್‌ಸಿಬಿ ಇನ್ನೂ ಯಾವ ತೀರ್ಮಾನ ತೆಗೆದುಕೊಂಡಿಲ್ಲ. ಹಾಗಾಗಿ ಹೊಸ ನಾಯಕ ಬರೋದು ಪಕ್ಕಾ ಅಂತ ಕಾಣ್ತಿದೆ. ಕೆಎಲ್ ರಾಹುಲ್‌ರನ್ನ ಖರೀದಿಸಿದ್ರೆ, ಅವ್ರನ್ನೇ ನಾಯಕ ಮಾಡಬಹುದು ಅನ್ನೋ ಚರ್ಚೆ ಕ್ರಿಕೆಟ್ ವಲಯದಲ್ಲಿದೆ.

ಕೆಎಲ್ ರಾಹುಲ್ ಬದಲು ಲಕ್ನೋ ತಂಡಕ್ಕೆ ಯಾರು?: ಪಿಟಿಐ ವರದಿ ಪ್ರಕಾರ, ಲಕ್ನೋ ತಂಡ ರಾಹುಲ್ ಬದಲು ಇಶಾನ್ ಕಿಶನ್‌ರನ್ನ ತನ್ನ ತಂಡಕ್ಕೆ ಸೇರಿಸಿಕೊಳ್ಳಲು ಯೋಚಿಸ್ತಿದೆ. ಮುಂಬೈ ಇಂಡಿಯನ್ಸ್ ಇಶಾನ್‌ರನ್ನ ಬಿಟ್ಟುಕೊಟ್ಟಿದೆ. ಆದ್ರೆ, ಆರ್‌ಟಿಎಂ ಕಾರ್ಡ್ ಇರೋದ್ರಿಂದ ಮುಂಬೈ ಮತ್ತೆ ಇಶಾನ್‌ರನ್ನ ಖರೀದಿಸಬಹುದು.