ಖ್ಯಾತ ಕ್ರಿಕೆಟಿಗರು ನನಗೆ ನಗ್ನ ಚಿತ್ರ ಕಳುಹಿಸುತ್ತಿದ್ರು! ಸಂಜಯ್ ಬಾಂಗರ್ ಪುತ್ರಿ ಗಂಭೀರ ಆರೋಪ

ಮಾಜಿ ಭಾರತೀಯ ಕ್ರಿಕೆಟಿಗ ಸಂಜಯ್ ಬಾಂಗರ್ ಅವರ ಮಗಳು, ಟ್ರಾನ್ಸ್‌ಜೆಂಡರ್ ಕ್ರಿಕೆಟಿಗ ಅನನ್ಯಾ ಬಾಂಗರ್, ತಮ್ಮ ಲಿಂಗ ಪರಿವರ್ತನೆ ಮಾಡಿಸಿಕೊಂಡು ಸುದ್ದಿಯಾಗಿದ್ದರು. ಕೆಟ್ ಲೋಕದಲ್ಲಿ ಎದುರಿಸಿದ ಸವಾಲುಗಳು ಮತ್ತು ಐಸಿಸಿಯ ಹೊಸ ಟ್ರಾನ್ಸ್‌ಜೆಂಡರ್ ನೀತಿಯ ಬಗ್ಗೆ ತಮ್ಮ ನಿರಾಶೆಯನ್ನು ಹಂಚಿಕೊಂಡಿದ್ದಾರೆ.

ಮೊದಲು ಆರ್ಯನ್ ಬಾಂಗರ್ ಎಂದು ಕರೆಯಲ್ಪಡುತ್ತಿದ್ದ ಅನನ್ಯಾ ಬಾಂಗರ್, ಮಾಜಿ ಭಾರತೀಯ ಕ್ರಿಕೆಟಿಗ ಸಂಜಯ್ ಭಂಗಾರ್ ಅವರ ಟ್ರಾನ್ಸ್‌ಜೆಂಡರ್ ಮಗಳು. 23 ನೇ ವಯಸ್ಸಿನಲ್ಲಿ, ತಮ್ಮ ಲಿಂಗ ಪರಿವರ್ತನೆ ಮಾಡಿಸಿಕೊಂಡು ಸುದ್ದಿಯಾಗಿದ್ದು ಎಲ್ಲರಿಗೂ ಗೊತ್ತೇ ಇದೆ.

ಲಲ್ಲನ್‌ಟಾಪ್‌ಗೆ ನೀಡಿದ ಸಂದರ್ಶನವೊಂದರಲ್ಲಿ, ಅನನ್ಯಾ ಅವರು ಮುಶೀರ್ ಖಾನ್, ಸರ್ಫರಾಜ್ ಖಾನ್ ಮತ್ತು ಯಶಸ್ವಿ ಜೈಸ್ವಾಲ್‌ರಂತಹ ಪ್ರಸಿದ್ಧ ಆಟಗಾರರೊಂದಿಗೆ ಕ್ರಿಕೆಟ್ ಆಡಿದ್ದಾಗಿ ಬಹಿರಂಗಪಡಿಸಿದರು.

Anaya Bangar

ತನ್ನ ತಂದೆಯ ಸಾರ್ವಜನಿಕ ವರ್ಚಸ್ಸಿನಿಂದಾಗಿ, ತನ್ನ ಗುರುತನ್ನು ಮರೆಮಾಡಬೇಕಾಯಿತು ಎಂದು ಅವರು ಹೇಳಿದ್ದಾರೆ. ಅವರ ಪ್ರಕಾರ, ಕ್ರಿಕೆಟ್ ಲೋಕವು ಆಗಾಗ್ಗೆ ಅಭದ್ರತೆ ಮತ್ತು ನೀಚ ಪುರುಷತ್ವದಿಂದ ತುಂಬಿರುತ್ತದೆ ಎಂದು ಮನಬಿಚ್ಚಿ ಮಾತನಾಡಿದ್ದಾರೆ. 

ಲಿಂಗ ಪರಿವರ್ತನೆಯ ನಂತರ ಬೆಂಬಲ ಮತ್ತು ಕಿರುಕುಳ ಎರಡನ್ನೂ ಎದುರಿಸಿದ ಬಗ್ಗೆ ಅನನ್ಯಾ ಮಾತನಾಡಿದರು. ಕೆಲವು ಕ್ರಿಕೆಟಿಗರು ತಮಗೆ ಅಶ್ಲೀಲ ಚಿತ್ರಗಳನ್ನು ಕಳುಹಿಸಿದ್ದಾರೆ ಮತ್ತು ನಿರ್ದಿಷ್ಟವಾಗಿ ಒಬ್ಬ ವ್ಯಕ್ತಿ ತನ್ನನ್ನು ಸಾರ್ವಜನಿಕವಾಗಿ ಅವಮಾನಿಸಿದ್ದಾನೆ, ಆದರೆ ನಂತರ ತನ್ನ ಫೋಟೋಗಳನ್ನು ಕೇಳುತ್ತಾ ಖಾಸಗಿಯಾಗಿ ಸಂಪರ್ಕಿಸಿದ್ದಾನೆ ಎಂದು ಅವರು ಹೊಸ ಬಾಂಬ್ ಸಿಡಿಸಿದ್ದಾರೆ

ಕೆಲ ಕ್ರಿಕೆಟಿಗರು ತಮ್ಮ ನಗ್ನ ಚಿತ್ರಗಳನ್ನು ನನಗೆ ಕಳಿಸುತ್ತಿದ್ದರು. ಇನ್ನು ಕೆಲವರು, ಬಾ ಕಾರಿನಲ್ಲಿ ಹೋಗೋಣ. ನನಗೆ ನಿನ್ನ ಜತೆ ಮಲಗಬೇಕು ಎನ್ನುತ್ತಿದ್ದರು ಎಂದು ಆ ಕರಾಳ ಘಟನೆಗಳನ್ನು ಸಂದರ್ಶನದಲ್ಲಿ ಬಾಂಗರ್ ಪುತ್ರಿ ನೆನಪಿಸಿಕೊಂಡಿದ್ದಾರೆ.

ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯ ಇತ್ತೀಚಿನ ನೀತಿಯು ಟ್ರಾನ್ಸ್‌ಜೆಂಡರ್ ಮಹಿಳೆಯರು ಮಹಿಳಾ ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಸ್ಪರ್ಧಿಸುವುದನ್ನು ನಿಷೇಧಿಸುವ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಅನನ್ಯಾ ತಮ್ಮ ನಿರಾಶೆಯನ್ನು ವ್ಯಕ್ತಪಡಿಸಿದ್ದಾರೆ.

ಅನನ್ಯಾ ಭಂಗಾರ್ ಅವರ ಹೇಳಿಕೆಗಳು ನಿಜವೇ ಆಗಿದ್ದರೇ, ನಿಜಕ್ಕೂ ಪುರುಷ ಸಮಾಜ ತಲೆತಗ್ಗಿಸಬೇಕಾದ ವಿಚಾರ ಇದಾಗಿದೆ. ನೀವೇನಂತೀರಾ?