ಐಪಿಎಲ್ ಹರಾಜಿನ ಬಳಿಕ ಯಾವ ತಂಡ ಬಲಿಷ್ಠ? ಇಲ್ಲಿದೆ 10 ತಂಡಗಳ ಕಂಪ್ಲೀಟ್ ಮಾಹಿತಿ

2025ರ ಐಪಿಎಲ್ ಆಟಗಾರರ ಮೆಗಾ ಹರಾಜಿಗೆ ತೆರೆ ಬಿದ್ದಿದೆ. 577 ಆಟಗಾರರ ಪೈಕಿ 62 ವಿದೇಶಿ ಆಟಗಾರರು ಸೇರಿದಂತೆ 182 ಆಟಗಾರರು ಹರಾಜಾಗಿದ್ದಾರೆ. ಐಪಿಎಲ್ ಮೆಗಾ ಹರಾಜಿನ ಬಳಿಕ ಯಾವ ಆಟಗಾರರು ಯಾವ ತಂಡ ಸೇರಿಕೊಂಡಿದ್ದಾರೆ ಎನ್ನುವುದರ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ ನೋಡಿ  

1. ಚೆನ್ನೈ ಸೂಪರ್ ಕಿಂಗ್ಸ್:

5 ಬಾರಿಯ ಐಪಿಎಲ್ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್‌ ತಂಡವು 7 ವಿದೇಶಿ ಆಟಗಾರರು ಸೇರಿದಂತೆ 20 ಆಟಗಾರರನ್ನು ಖರೀದಿಸಿದೆ. ಇದಕ್ಕೂ ಮೊದಲು 5 ಆಟಗಾರರನ್ನು ಚೆನ್ನೈ ಫ್ರಾಂಚೈಸಿ ರೀಟೈನ್ ಮಾಡಿಕೊಂಡಿತ್ತು. 

2. ಡೆಲ್ಲಿ ಕ್ಯಾಪಿಟಲ್ಸ್:

ಚೊಚ್ಚಲ ಐಪಿಎಲ್ ಟ್ರೋಫಿ ಕನವರಿಕೆಯಲ್ಲಿರು ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಕೆ ಎಲ್ ರಾಹುಲ್, ಫಾಫ್ ಡು ಪ್ಲೆಸಿಸ್, ಮಿಚೆಲ್ ಸ್ಟಾರ್ಕ್ ಅವರಂತಹ ಆಟಗಾರರನ್ನು ಖರೀದಿಸಿದೆ. ಡೆಲ್ಲಿ ತಂಡದಲ್ಲಿ 7 ವಿದೇಶಿ ಆಟಗಾರರು ಸೇರಿದಂತೆ 23 ಆಟಗಾರರು ಇದ್ದಾರೆ.

3. ಗುಜರಾತ್ ಟೈಟಾನ್ಸ್:

ಶುಭ್‌ಮನ್ ಗಿಲ್ ನಾಯಕತ್ವದ ಗುಜರಾತ್ ಟೈಟಾನ್ಸ್ ತಂಡವು 7 ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 20 ಆಟಗಾರರನ್ನು ಹರಾಜಿನಲ್ಲಿ ಖರೀದಿಸಿದೆ. ಹರಾಜಿಗೂ ಮುನ್ನ 5 ಆಟಗಾರರನ್ನು ಗುಜರಾತ್ ರೀಟೈನ್ ಮಾಡಿಕೊಂಡಿತ್ತು. ಜೋಸ್ ಬಟ್ಲರ್, ಕಗಿಸೋ ರಬಾಡ, ಮೊಹಮ್ಮದ್ ಸಿರಾಜ್, ಪ್ರಸಿದ್ಧ್ ಕೃಷ್ಣ ಗುಜರಾತ್ ತಂಡ ಸೇರಿದ ಪ್ರಮುಖ ಆಟಗಾರರೆನಿಸಿಕೊಂಡಿದ್ದಾರೆ. 

4. ಕೋಲ್ಕತಾ ನೈಟ್ ರೈಡರ್ಸ್:

ಹಾಲಿ ಚಾಂಪಿಯನ್ ಕೋಲ್ಕತಾ ನೈಟ್ ರೈಡರ್ಸ್ ತಂಡವು ರೀಟೈನ್ ಆಟಗಾರರು ಸೇರಿದಂತೆ 8 ವಿದೇಶಿ ಆಟಗಾರರ ಜತೆಗೆ ಒಟ್ಟು 21 ಆಟಗಾರರು ತಂಡದಲ್ಲಿದ್ದಾರೆ. ವೆಂಕಟೇಶ್ ಅಯ್ಯರ್, ಏನ್ರಿಚ್ ನೋಕಿಯೆ, ಕ್ವಿಂಟನ್ ಡಿ ಕಾಕ್ ಅವರಂತ ಆಟಗಾರರನ್ನು ಕೆಕೆಆರ್ ಫ್ರಾಂಚೈಸಿ ಖರೀದಿಸಿದೆ.

5. ಲಖನೌ ಸೂಪರ್ ಜೈಂಟ್ಸ್‌:

ಚೊಚ್ಚಲ ಐಪಿಎಲ್ ಟ್ರೋಫಿ ಕನವರಿಕೆಯಲ್ಲಿರುವ ಲಖನೌ ಫ್ರಾಂಚೈಸಿಯು 6 ವಿದೇಶಿ ಆಟಗಾರರೊಂದಿಗೆ ಒಟ್ಟು 24 ಆಟಗಾರರನ್ನು ಹೊಂದಿದೆ. ರಿಷಭ್ ಪಂತ್, ಆವೇಶ್ ಖಾನ್, ಡೇವಿಡ್ ಮಿಲ್ಲರ್‌, ಅಬ್ದುಲ್ ಸಮದ್ ಲಖನೌ ಫ್ರಾಂಚೈಸಿ ಖರೀದಿಸಿದ ಪ್ರಮುಖ ಆಟಗಾರರೆನಿಸಿದ್ದಾರೆ.

6. ಮುಂಬೈ ಇಂಡಿಯನ್ಸ್:

5 ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡವು 8 ವಿದೇಶಿ ಆಟಗಾರರೊಂದಿಗೆ ಒಟ್ಟು 23 ಆಟಗಾರರ ಬಲ ಹೊಂದಿದೆ. ಟ್ರೆಂಟ್ ಬೌಲ್ಟ್‌, ದೀಪಕ್ ಚಹರ್, ವಿಲ್ ಜ್ಯಾಕ್ಸ್‌, ನಮನ್ ಧಿರ್ ಅವರಂತಹ ಆಟಗಾರರನ್ನು ತನ್ನ ತೆಕ್ಕೆಗೆ ಸೆಳೆದುಕೊಂಡಿದೆ.

7. ಪಂಜಾಬ್ ಕಿಂಗ್ಸ್‌

ಹರಾಜಿಗೂ ಮುನ್ನ ಕೇವಲ 2 ಆಟಗಾರರನ್ನು ರೀಟೈನ್ ಮಾಡಿಕೊಂಡಿದ್ದ ಪಂಜಾಬ್, ಇದೀಗ 8 ವಿದೇಶಿ ಆಟಗಾರರು ಸೇರಿದಂತೆ 23 ಆಟಗಾರರನ್ನು ಖರೀದಿಸಿದೆ. ಶ್ರೇಯಸ್ ಅಯ್ಯರ್, ಯುಜುವೇಂದ್ರ ಚಹಲ್, ಆರ್ಶದೀಪ್ ಸಿಂಗ್, ಮಾರ್ಕಸ್ ಸ್ಟೋನಿಸ್ ಪಂಜಾಬ್ ಖರೀದಿಸಿದ ಪ್ರಮುಖ ಆಟಗಾರರೆನಿಸಿದ್ದಾರೆ.

8. ರಾಜಸ್ಥಾನ ರಾಯಲ್ಸ್‌:

ಚೊಚ್ಚಲ ಆವೃತ್ತಿಯ ಐಪಿಎಲ್ ಚಾಂಪಿಯನ್ ರಾಜಸ್ಥಾನ ರಾಯಲ್ಸ್ ತಂಡದಲ್ಲಿ ಇದೀಗ 6 ವಿದೇಶಿ ಆಟಗಾರರು ಸೇರಿದಂತೆ 20 ಆಟಗಾರರನ್ನು ಹೊಂದಿದೆ. ಜೋಫ್ರಾ ಆರ್ಚರ್, ತುಷಾರ್ ದೇಶಪಾಂಡೆ, ವನಿಂದು ಹಸರಂಗ ರಾಯಲ್ಸ್ ಖರೀದಿಸಿದ ಪ್ರಮುಖ ಆಟಗಾರರೆನಿಸಿದ್ದಾರೆ.

9. ರಾಯಲ್ ಚಾಲೆಂಜರ್ಸ್ ಬೆಂಗಳೂರು:

ಹರಾಜಿಗೂ ಮುನ್ನ ಮೂರು ಆಟಗಾರರನ್ನು ರೀಟೈನ್ ಮಾಡಿಕೊಂಡಿದ್ದ ಆರ್‌ಸಿಬಿ ಇದೀಗ 8 ವಿದೇಶಿ ಆಟಗಾರರೊಂದಿಗೆ 22 ಆಟಗಾರರನ್ನು ಹೊಂದಿದೆ. ಜೋಶ್ ಹೇಜಲ್‌ವುಡ್, ಭುವನೇಶ್ವರ್ ಕುಮಾರ್, ಫಿಲ್ ಸಾಲ್ಟ್, ಜಿತೇಶ್ ಶರ್ಮಾ ಆರ್‌ಸಿಬಿ ಖರೀದಿಸಿದ ಪ್ರಮುಖ ಆಟಗಾರರೆನಿಸಿದ್ದಾರೆ.

10. ಸನ್‌ರೈಸರ್ಸ್ ಹೈದರಾಬಾದ್:

ಹರಾಜಿಗೂ ಮುನ್ನವೇ ಬಲಿಷ್ಠ ಆಟಗಾರರನ್ನು ರೀಟೈನ್ ಮಾಡಿಕೊಂಡಿದ್ದ ಕಳೆದ ಆವೃತ್ತಿಯ ರನ್ನರ್‌ ಅಪ್ ಸನ್‌ರೈಸರ್ಸ್ ತಂಡವು ಇದೀಗ 7 ವಿದೇಶಿ ಆಟಗಾರರೊಂದಿಗೆ 20 ಆಟಗಾರರನ್ನು ಹೊಂದಿದೆ. ಇಶಾನ್ ಕಿಶನ್, ಮೊಹಮ್ಮದ್ ಶಮಿ, ಹರ್ಷಲ್ ಪಟೇಲ್, ಅಭಿನವ್ ಮನೋಹರ್ ಆರೆಂಜ್ ಆರ್ಮಿ ಸೇರಿಕೊಂಡ ಪ್ರಮುಖರಾಗಿದ್ದಾರೆ.