ಶ್ರೀಲಂಕಾದ ದಿಗ್ಗಜ ಆಟಗಾರ ಮಹೇಲಾ ಜಯವರ್ಧನೆ ಅವರನ್ನು ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್ ಆಗಿ ನೇಮಿಸಲಾಗಿದೆ. ಐಪಿಎಲ್ 2024ರ ಮೆಗಾ ಹರಾಜಿನ ಹಿನ್ನೆಲೆಯಲ್ಲಿ, ಮುಂಬೈ ತಂಡ ರೋಹಿತ್ ಶರ್ಮಾ ಬಗ್ಗೆ ಏನು ನಿರ್ಧಾರ ತೆಗೆದುಕೊಳ್ಳುತ್ತದೆ ಎಂಬ ಕುತೂಹಲ ಮೂಡಿದೆ.
ಐಪಿಎಲ್ 2025 ಸರಣಿಗಾಗಿ ಕ್ರಿಕೆಟ್ ಪ್ರೇಮಿಗಳ ಕಾತರ ಹೆಚ್ಚುತ್ತಿದೆ. ಚೆನ್ನೈ ಮತ್ತು ಮುಂಬೈ ತಂಡಗಳು ತಲಾ ಐದು ಬಾರಿ ಟ್ರೋಫಿ ಗೆದ್ದಿವೆ. ಧೋನಿ ಮತ್ತು ರೋಹಿತ್ ಇಬ್ಬರೂ ಈಗ ನಾಯಕರಲ್ಲ. ಮುಂದಿನ ಸೀಸನ್‌ನಲ್ಲಿ ಧೋನಿ ಆಡ್ತಾರಾ? ರೋಹಿತ್ ಯಾವ ತಂಡದ ಪರ ಆಡ್ತಾರೆ?
ಐಪಿಎಲ್ 2024ರ ಮುನ್ನ ರೋಹಿತ್‌ರನ್ನು ನಾಯಕತ್ವದಿಂದ ತೆಗೆದು ಹಾರ್ದಿಕ್‌ರನ್ನು ನೇಮಿಸಿದ್ದಕ್ಕೆ ಮುಂಬೈ ತಂಡ ಟೀಕೆಗೆ ಗುರಿಯಾಗಿತ್ತು. ಹಾರ್ದಿಕ್ ನಾಯಕತ್ವದ ಬಗ್ಗೆಯೂ ಅಸಮಾಧಾನ ವ್ಯಕ್ತವಾಗಿತ್ತು. 2025ರಲ್ಲಿ ರೋಹಿತ್ ಶರ್ಮಾ ಯಾವ ತಂಡ ಸೇರ್ತಾರೆ ಎಂಬ ಕುತೂಹಲ ಇದೆ.
ಮುಂಬೈ ಇಂಡಿಯನ್ಸ್ ರೋಹಿತ್‌ರನ್ನ ರಿಟೈನ್ ಮಾಡುತ್ತಾ ಅಥವಾ ಬಿಡುಗಡೆ ಮಾಡುತ್ತಾ ಎಂಬುದು 17 ದಿನಗಳಲ್ಲಿ ಗೊತ್ತಾಗುತ್ತದೆ. ಮೆಗಾ ಹರಾಜು ನವೆಂಬರ್‌ನಲ್ಲಿ ನಡೆಯಲಿದೆ. ಪ್ರತಿ ತಂಡವೂ ತಮ್ಮ ತಂಡವನ್ನು ಬಲಪಡಿಸಲು ಪ್ರಯತ್ನಿಸುತ್ತಿದೆ.
ಮಹೇಲಾ ಜಯವರ್ಧನೆ ಮತ್ತೆ ಮುಂಬೈ ತಂಡದ ಮುಖ್ಯ ಕೋಚ್ ಆಗಿ ಬಂದಿದ್ದಾರೆ. ಅವರು ಈ ಹಿಂದೆ 2017 ರಿಂದ 2022 ರವರೆಗೆ ಮುಂಬೈ ತಂಡದ ಕೋಚ್ ಆಗಿದ್ದರು. ಮಾರ್ಕ್ ಬೌಚರ್‌ರನ್ನು ತೆಗೆದು ಜಯವರ್ಧನೆಯವರನ್ನು ನೇಮಿಸಲಾಗಿದೆ.
ಜಯವರ್ಧನೆ ಕೋಚ್ ಆಗಿದ್ದಾಗ ಮುಂಬೈ ಮೂರು ಬಾರಿ ಟ್ರೋಫಿ ಗೆದ್ದಿದೆ. ಈಗ ಅವರು ಮತ್ತೆ ಮುಂಬೈ ತಂಡದ ಕೋಚ್ ಆಗಿರುವುದರಿಂದ ರೋಹಿತ್ ಶರ್ಮಾ ಮತ್ತೆ ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ಆಗಿ ಮರು ನೇಮಕವಾಗ್ತಾರಾ ಎನ್ನುವ ಕುತೂಹಲ ಜೋರಾಗಿದೆ.