ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ, ಮನ್ಸೂರ್ ಅಲಿ ಖಾನ್ ಪಟೌಡಿ ಅವರು 1965 ರಲ್ಲಿ ಬಾಲಿವುಡ್‌ನ ನಟಿ ಶರ್ಮಿಳಾ ಟ್ಯಾಗೋರ್ ಅವರ ಪ್ರೀತಿಯಲ್ಲಿ ಬಿದ್ದರು 1969 ರಲ್ಲಿ ಅದ್ಧೂರಿ ವಿವಾಹವಾದರು. ಆದರೆ, ಆ ಸಮಯದಲ್ಲಿ ಯಾವುದೇ ಆಟಗಾರನ ಪತ್ನಿ ಅಥವಾ ಗೆಳತಿಗೆ ಕ್ರಿಕೆಟಿಗರೊಂದಿಗೆ ಪಂದ್ಯಗಳಿಗೆ ಬರಲು ಅವಕಾಶವಿರಲಿಲ್ಲ. ಆದರೆ ಶರ್ಮಿಳಾ ಅವರು ಮನ್ಸೂರ್ ಅವರ ಇಂಗ್ಲೆಂಡ್ ಪಂದ್ಯಾವಳಿಗೆ ಜೊತೆಯಾದರು. ಸಂದರ್ಶನವೊಂದರಲ್ಲಿ ಕ್ರಿಕೆಟಿಗರ ಕೆಟ್ಟ ಪ್ರದರ್ಶನಕ್ಕಾಗಿ ಅನೇಕ ಕ್ರಿಕೆಟ್ ಅಭಿಮಾನಿಗಳು ತನ್ನನ್ನು ದೂಷಿಸಿದ್ದಾರೆ ಎಂದು ಉಲ್ಲೇಖಿಸಿದ್ದರು. ಕಳಪೆ ಪ್ರದರ್ಶನಕ್ಕೆ ನಾನೇ ಕಾರಣ ಎಂದು ನಂಬಲಾಗಿತ್ತು ಎಂದಿದ್ದರು.
ಭಾರತದ ಮಾಜಿ ನಾಯಕ, ಮೊಹಮ್ಮದ್ ಅಸಾದುದ್ದೀನ್ ಅವರು ಮಿಸ್ ಇಂಡಿಯಾ 1980 ಪ್ರಶಸ್ತಿ ವಿಜೇತ ಸಂಗೀತಾ ಬಿಜಲಾನಿ ಅವರ ಪ್ರೀತಿಯಲ್ಲಿ ಬಿದ್ದರು. ಡೇಟಿಂಗ್ ಸಮಯದಲ್ಲಿ ಭಾರತ-ಶ್ರೀಲಂಕಾ ಸೆಮಿ-ಫೈನಲ್, ICC ವರ್ಲ್ಡ್ ಕಪ್ 1996 ರ ಸಂದರ್ಭದಲ್ಲಿ ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ಅವರ ಪಂದ್ಯವೊಂದರಲ್ಲಿ ಸಂಗೀತಾ ಅವರ ಜೊತೆಯಲ್ಲಿ ಕಾಣಿಸಿಕೊಂಡರು. ದುರದೃಷ್ಟವಶಾತ್, ಭಾರತವು ಆ ಪಂದ್ಯದಲ್ಲಿ ಸೋತಿತ್ತು. ಅಭಿಮಾನಿಗಳು ಮೊಹಮ್ಮದ್ ಕೆಟ್ಟ ಆಟಕ್ಕೆ ಸಂಗೀತಾ ಅವರನ್ನು ದೂಷಿಸಿದರು. 1996ರಲ್ಲಿ ಮದುವೆಯಾಗಿ 14 ವರ್ಷಗಳ ವೈವಾಹಿಕ ಜೀವನದ ನಂತರ 2010 ರಲ್ಲಿ, ಇಬ್ಬರೂ ವಿಚ್ಛೇದನ ಪಡೆದರು.
ಭಾರತದ ಮಾಜಿ ಕ್ರಿಕೆಟಿಗ, ಯುವರಾಜ್ ಸಿಂಗ್ ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿ ಮತ್ತು ಆಲ್ ರೌಂಡರ್ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ. ICC ವಿಶ್ವಕಪ್ 2011 ರಲ್ಲಿ ಅವರ ದೊಡ್ಡ ಕೊಡುಗೆಯೊಂದಿಗೆ, ಭಾರತವು 28 ಸುದೀರ್ಘ ವರ್ಷಗಳ ನಂತರ ಮರಳಿ ಚಾರ್ಮ್ ಪಡೆಯಿತು. ಇದರ ಹೊರತಾಗಿ, ಯುವಿ ಬಹುದೊಡ್ಡ ಮಹಿಳಾ ಅಭಿಮಾನಿಗಳನ್ನು ಹೊಂದಿದ್ದರು. ಬಿ-ಟೌನ್ ಸುಂದರಿಯರು ಸಹ ಅವನತ್ತ ಆಕರ್ಷಿತರಾಗುದ್ದರು. ನಟಿ ದೀಪಿಕಾ ಪಡುಕೋಣೆ ಅವರೊಂದಿಗೆ ಯುವಿ ಡೇಟಿಂಗ್‌ನಲ್ಲಿದ್ದರು ಎನ್ನಲಾಗಿದೆ. 2008 ರಲ್ಲಿ ಭಾರತದ ಆಸ್ಟ್ರೇಲಿಯಾ ಪ್ರವಾಸದ ಸಮಯದಲ್ಲಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡರು. ಈ ವೇಳೆ ಯುವಿ ಟೆಸ್ಟ್ ಸರಣಿಯಲ್ಲಿ ಹೀನಾಯ ಪ್ರದರ್ಶನ ತೋರಿದರು. ಆಗ ಅಪಾರ ಅಭಿಮಾನಿಗಳು ದೀಪಿಕಾ ಅವರನ್ನು ದೂಷಿಸಿದರು. ಬಳಿಕ ಯುವಿ ಬಾಲಿವುಡ್ ನಟಿ, ಹೇಜೆಲ್ ಕೀಚ್ ಅವರನ್ನು ವಿವಾಹವಾಗಿದ್ದು, ಇಬ್ಬರು ಮಕ್ಕಳ ತಂದೆಯಾಗಿದ್ದಾರೆ.
ವಿರಾಟ್ ಕೊಹ್ಲಿ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಅವರನ್ನು ಪ್ರೀತಿಸಿ ಮದುವೆಯಾದರು. 2015 ರ ಐಸಿಸಿ ವಿಶ್ವಕಪ್‌ನ ಸೆಮಿಫೈನಲ್ ಸಮಯದಲ್ಲಿ ಕೆಟ್ಟ ಪ್ರದರ್ಶನ ನೀಡಿದ್ದಕ್ಕೆ, ಕ್ರಿಕೆಟಿಗನ ಅಪಾರ ಅಭಿಮಾನಿಗಳು ಅನುಷ್ಕಾ ಮೇಲೆ ಕೆಂಡಕಾರಿದರು. ಆದರೆ ಇವರಿಬ್ಬರು ಅದಕ್ಕೆ ಕಿವಿಗೊಡಲಿಲ್ಲ, ಮತ್ತು ಈಗಲೂ ಸಹ, ವಿರಾಟ್ ಮತ್ತು ಅನುಷ್ಕಾ ಮೈದಾನ ಮತ್ತು ವಿಐಪಿ ಲಾಂಜ್‌ ಗಳಲ್ಲಿ ಬ್ಲಿಂಕ್ಸ್ ಮತ್ತು ಕಿಸ್‌ಗಳನ್ನು ವಿನಿಮಯ ಮಾಡಿಕೊಳ್ಳುತ್ತಿರುತ್ತಾರೆ. 2017 ರ ಡಿಸೆಂಬರ್ 11 ರಂದು ಈ ಜೋಡಿ ಹಕ್ಕಿಗಳು ಮದುವೆಯಾಗಿದ್ದು, ಈಗ ಇಬ್ಬರು ಮಕ್ಕಳ ಪೋಷಕರಾಗಿದ್ದಾರೆ.
ಭಾರತೀಯ ತಂಡದ ಮಾಜಿ ನಾಯಕ, ಸೌರವ್ ಗಂಗೂಲಿ ಮತ್ತು ನಟಿ-ಕಮ್-ರಾಜಕಾರಣಿ ನಗ್ಮಾ ಅವರೊಂದಿಗೆ ಸಂಬಂಧ ಹೊಂದಿದ್ದರು ಎಂದು ವರದಿಯಾಗಿತ್ತು. 90 ರ ದಶಕದ ಉತ್ತರಾರ್ಧದಲ್ಲಿ ಸಾಕಷ್ಟು ರೂಮರ್‌ಗಳಿತ್ತು. ಸೌರವ್ ಎಂದಿಗೂ ಈ ಸುದ್ದಿಯನ್ನು ನಿರಾಕರಿಸಿಲ್ಲ. ಒಪ್ಪಿಕೊಂಡಿಲ್ಲ ಕೂಡ. ಈ ಬಗ್ಗೆ ನಟಿ ನಗ್ಮಾ ಕೂಡ ಸಂದರ್ಶನವೊಂದರಲ್ಲಿ ಹಿಂಟ್‌ ಕೊಟ್ಟಿದ್ದರು. ಈ ಸುದ್ದಿ ಗಂಗೂಲಿ ಕೆರಿಯರ್ ಮೇಲೆ ಹೊಡೆತ ಬಿತ್ತು. ಪತ್ನಿ ಡೋನಾ ಗಂಗೂಲಿ ಅವೆಲ್ಲವನ್ನೂ ತಳ್ಳಿಹಾಕಿದ್ದರು. ಕೆಲವು ಪತ್ರಿಕೆಗಳು ನಮ್ಮನ್ನು ದೂಷಿಸಲು ಪ್ರಯತ್ನಿಸುತ್ತಿರುವ ರೀತಿಗೆ ನಾನು ತುಂಬಾ ಕೋಪಗೊಂಡಿದ್ದೇನೆ. ಸೌರವ್ ಇಂತಹ ಘಟನೆಗಳಿಗೆ ಬಲಿಯಾಗುತ್ತಿರುವುದು ದುರದೃಷ್ಟಕರ ಎಂದಿದ್ದರು. 1997ರಲ್ಲಿ ಬಾಲ್ಯದ ಗೆಳತಿ ಡೋನಾ ಅವರನ್ನು ವಿವಾಹವಾದರು.