ಅಂಡರ್-19 ಭಾರತ ತಂಡ ಪ್ರಕಟ, ಆಯುಷ್ ಮಾಥ್ರೆ ಕ್ಯಾಪ್ಟನ್, ವೈಭವ್ ಸೂರ್ಯವಂಶಿಗೂ ಸ್ಥಾನ!

ಅಂಡರ್ 19 ಭಾರತ ತಂಡವು ಜೂನ್ ತಿಂಗಳಿನಲ್ಲಿ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದ್ದು, ಈ ವೇಳೆ ಅಭ್ಯಾಸ ಪಂದ್ಯ ಹಾಗೂ 5 ಪಂದ್ಯಗಳ ಏಕದಿನ ಸರಣಿಯನ್ನಾಡಲಿದೆ. ಐಪಿಎಲ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್‌ ತಂಡವನ್ನು ಪ್ರತಿನಿಧಿಸುತ್ತಿರುವ ಆಯುಷ್ ಮಾಥ್ರೆ ಭಾರತ ಅಂಡರ್-19 ತಂಡದ ನಾಯಕರಾಗಿ ನೇಮಕವಾಗಿದ್ದಾರೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ.

ಭಾರತ ತಂಡದ ಇಂಗ್ಲೆಂಡ್ ಪ್ರವಾಸ ೨೦೨೫

ಐಪಿಎಲ್ 2025 ಮುಗಿದ ನಂತರ, ಭಾರತ ತಂಡ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಜೂನ್ 20 ರಿಂದ ೫ ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ಆಡಲಿದೆ. ಅದೇ ತಿಂಗಳಲ್ಲಿ, ಭಾರತ 19 ವರ್ಷದೊಳಗಿನ ತಂಡವೂ ಇಂಗ್ಲೆಂಡಿಗೆ ತೆರಳಲಿದೆ. ಈ ಪ್ರವಾಸಕ್ಕೆ ಬಿಸಿಸಿಐ ಭಾರತೀಯ ಜೂನಿಯರ್ ತಂಡವನ್ನು ಪ್ರಕಟಿಸಿದೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಉತ್ತಮವಾಗಿ ಆಡುತ್ತಿರುವ ಮುಂಬೈನ ಆಯುಷ್ ಮಾಥ್ರೆ ಭಾರತ ಅಂಡರ್ 19 ತಂಡದ ನಾಯಕರಾಗಿ ನೇಮಕಗೊಂಡಿದ್ದಾರೆ.

19 ವರ್ಷದೊಳಗಿನ ಭಾರತ ಜೂನಿಯರ್ ತಂಡ

ರಾಜಸ್ಥಾನ ರಾಯಲ್ಸ್‌ ತಂಡದಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರುವ 14 ವರ್ಷದ ವೈಭವ್ ಸೂರ್ಯವಂಶಿಗೂ ತಂಡದಲ್ಲಿ ಸ್ಥಾನ ಸಿಕ್ಕಿದೆ. ಐಪಿಎಲ್ ಇತಿಹಾಸದಲ್ಲಿ 35 ಎಸೆತಗಳಲ್ಲಿ ಶತಕ ಬಾರಿಸಿದ ಕಿರಿಯ ಆಟಗಾರ. ಬಿಸಿಸಿಐ ಬಿಡುಗಡೆ ಮಾಡಿರುವ ಹೇಳಿಕೆಯಲ್ಲಿ, "ಜೂನ್ 24 ರಿಂದ ಜುಲೈ 23 ರವರೆಗೆ ಇಂಗ್ಲೆಂಡ್‌ನಲ್ಲಿ ನಡೆಯಲಿರುವ ಪಂದ್ಯಗಳಿಗಾಗಿ 19 ವರ್ಷದೊಳಗಿನ ತಂಡವನ್ನು ಭಾರತೀಯ ಜೂನಿಯರ್ ಕ್ರಿಕೆಟ್ ಸಮಿತಿ ಪ್ರಕಟಿಸಿದೆ.

ಇಂಗ್ಲೆಂಡಿಗೆ ತೆರಳುವ ಭಾರತ ಜೂನಿಯರ್ ತಂಡ

ಅಲ್ಲಿ 50 ಓವರ್‌ಗಳ ಅಭ್ಯಾಸ ಪಂದ್ಯ, 5 ಏಕದಿನ ಪಂದ್ಯಗಳು ಮತ್ತು ಇಂಗ್ಲೆಂಡ್ 19 ವರ್ಷದೊಳಗಿನ ತಂಡದ ವಿರುದ್ಧ 2 ದಿನಗಳ ಪಂದ್ಯಗಳಲ್ಲಿ ಭಾರತ ತಂಡ ಆಡಲಿದೆ ಎಂದು ತಿಳಿಸಲಾಗಿದೆ.

ಇಂಗ್ಲೆಂಡ್ ಪ್ರವಾಸಕ್ಕೆ ಭಾರತ ೧೯ ವರ್ಷದೊಳಗಿನ ತಂಡ

ಆಯುಷ್ ಮಾಥ್ರೆ (ನಾಯಕ), ವೈಭವ್ ಸೂರ್ಯವಂಶಿ, ವಿಹಾನ್ ಮಲ್ಹೋತ್ರಾ, ಮೌಲ್ಯರಾಜ್ ಸಿಂಗ್ ಸಾವ್ಡಾ, ರಾಹುಲ್ ಕುಮಾರ್, ಅಭಿಜ್ಞಾನ್ ಕುಂಡು (ಉಪನಾಯಕ/ವಿಕೆಟ್ ಕೀಪರ್), ಹರ್ವನ್ಶ್ ಸಿಂಗ್ (ವಿಕೆಟ್ ಕೀಪರ್), ಆರ್.ಎಸ್. ಅಂಬರೀಶ್, ಕನಿಷ್ಕ್ ಸವಾನ್, ಕಿಲಾನ್ ಪಟೇಲ್, ಹೆನಿಲ್ ಪಟೇಲ್, ಯುದ್ಧಜಿತ್ ಕುಹಾ, ಪ್ರಣವ್ ರಾಘವೇಂದ್ರ, ಮೊಹಮ್ಮದ್ ಅನಾನ್, ಆದಿತ್ಯ ರಾಣಾ, ಅನ್ಮೋಲ್ಜಿತ್ ಸಿಂಗ್.

ಕಾಯ್ದಿರಿಸಿದ ಆಟಗಾರರು: ನಮನ್ ಪುಷ್ಪಕ್, ಟಿ. ದೀಪೇಶ್, ವೇದಾಂತ್ ತ್ರಿವೇದಿ, ವಿಕಲ್ಪ್ ತಿವಾರಿ, ಅಲಂಕೃತ್ ರೇಪಿಲ್ (ವಿಕೆಟ್ ಕೀಪರ್)

ಇಂಗ್ಲೆಂಡ್ ವಿರುದ್ಧದ ಪಂದ್ಯದ ವೇಳಾಪಟ್ಟಿ

ಭಾರತ 19 ವರ್ಷದೊಳಗಿನ ತಂಡ ಜೂನ್ 24 ರಂದು ಮೊದಲ ಅಭ್ಯಾಸ ಪಂದ್ಯದಲ್ಲಿ ಆಡಲಿದೆ. ನಂತರ 5 ಏಕದಿನ ಪಂದ್ಯಗಳ ಸರಣಿ ಆರಂಭವಾಗಲಿದೆ. ಮೊದಲ ಪಂದ್ಯ ಜೂನ್ 27, ಎರಡನೇ ಪಂದ್ಯ ಜೂನ್ 30, ಮೂರನೇ ಪಂದ್ಯ ಜುಲೈ 2, ನಾಲ್ಕನೇ ಪಂದ್ಯ ಜುಲೈ 5 ಮತ್ತು ಐದನೇ ಪಂದ್ಯ ಜುಲೈ 7 ರಂದು ನಡೆಯಲಿದೆ. ಜುಲೈ 12-15 ಮತ್ತು ಜುಲೈ 20-23 ರಂದು ಬಹುದಿನ ಪಂದ್ಯಗಳು ನಡೆಯಲಿವೆ.