'ಪೋಕಿರಿ'ಗಿಂತ ಈ ಚಿತ್ರದಲ್ಲಿ ಮಹೇಶ್ ಬಾಬು ಅಳೋ ಸೀನ್ ದಿ ಬೆಸ್ಟ್ ಎಂದ ಡೈರೆಕ್ಟರ್ ರಾಜಮೌಳಿ: ಕಾರಣ ಇಲ್ಲಿದೆ!

ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು ಅನೇಕ ಬ್ಲಾಕ್ ಬಸ್ಟರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಆದರೆ ಮಹೇಶ್ ಬಾಬು ಅವರ ಅಭಿನಯದ ದೃಷ್ಟಿಯಿಂದ ಕೆಲವು ಚಿತ್ರಗಳು ಸೂಪರ್ ಹಿಟ್ ಆಗಿವೆ.

ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಆದರೆ ಮಹೇಶ್ ಬಾಬು ಅವರ ಅಭಿನಯದ ದೃಷ್ಟಿಯಿಂದ ಕೆಲವು ಚಿತ್ರಗಳು ಅಮೂಲ್ಯವಾಗಿವೆ. ಮಹೇಶ್ ಅವರ ಅತ್ಯುತ್ತಮ ಅಭಿನಯ ನೀಡಿದ ಚಿತ್ರಗಳಲ್ಲಿ ಮುರಾರಿ, ಪೋಕಿರಿ ಚಿತ್ರದ ಕ್ಲೈಮ್ಯಾಕ್ಸ್ ಸೇರಿದಂತೆ ಹೀಗೆ ಕೆಲವು ಚಿತ್ರದ ಹೆಸರನ್ನು ಹೇಳಬಹುದು. 

ಒಂದು ಚಿತ್ರದಲ್ಲಿ ಮಹೇಶ್ ಬಾಬು ಭಾವನಾತ್ಮಕವಾಗಿ ನಟಿಸಬೇಕಿತ್ತು. ಆದರೆ ಮಹೇಶ್ ನಿಜವಾಗಿಯೂ ಅತ್ತರು. ದಿಗ್ಗಜ ನಿರ್ದೇಶಕ ರಾಜಮೌಳಿ ಸಹ ಅದನ್ನು ಮೆಚ್ಚಿದರು. ಆ ಸಿನಿಮಾ ಯಾವುದು? ಆ ದೃಶ್ಯ ಯಾವುದು? ಎಂದು ತಿಳಿಯಲು ವಿವರಗಳಿಗೆ ಹೋಗೋಣ. ಸೂಪರ್ ಸ್ಟಾರ್ ಮಹೇಶ್ ಬಾಬು, ಸುಕುಮಾರ್ ಕಾಂಬಿನೇಷನ್ ನಲ್ಲಿ ಬಂದ ಚಿತ್ರ 1 ನೇನೊಕ್ಕಡಿನೆ. ಈ ಚಿತ್ರ ವಾಣಿಜ್ಯಿಕವಾಗಿ ಡಿಸಾಸ್ಟರ್. ಗೊಂದಲಮಯ ಕಥಾಹಂದರದಿಂದಾಗಿ ಪ್ರೇಕ್ಷಕರಿಗೆ ಇಷ್ಟವಾಗಲಿಲ್ಲ. 

ಆದರೆ ಒಂದು ವರ್ಗದ ಪ್ರೇಕ್ಷಕರು ಈ ಚಿತ್ರವನ್ನು ಕಲ್ಟ್ ಮೂವಿಯಾಗಿ ನೋಡುತ್ತಾರೆ. ಈ ಚಿತ್ರದಲ್ಲಿ ಸುಕುಮಾರ್ ಅವರ ನಿರ್ದೇಶನ, ಮಹೇಶ್ ಬಾಬು ಅವರ ಅಭಿನಯಕ್ಕೆ ಪ್ರಶಂಸೆಗಳು ವ್ಯಕ್ತವಾದವು. ಇನ್ನು ರಾಜಮೌಳಿಗೆ ಈ ಚಿತ್ರ ತುಂಬಾ ಇಷ್ಟವಾಯಿತು. ರಾಜಮೌಳಿ ಒಂದು ಸಂದರ್ಭದಲ್ಲಿ ಮಾತನಾಡುತ್ತಾ ಮಹೇಶ್ ಬಾಬು ಅವರ ವೃತ್ತಿಜೀವನದ ಅತ್ಯುತ್ತಮ ಅಭಿನಯ ಎಂದರೆ ಪೋಕಿರಿ ಚಿತ್ರದ ಕ್ಲೈಮ್ಯಾಕ್ಸ್‌ನಲ್ಲಿ ನಾಜರ್ ಸಾಯುವ ದೃಶ್ಯ ಎಂದು ರಾಜಮೌಳಿ ಹೇಳಿದ್ದರು. ಆ ದೃಶ್ಯದಲ್ಲಿ ಮಹೇಶ್ ಅವರ ಭಾವನಾತ್ಮಕ ಅಭಿನಯ ತುಂಬಾ ಅದ್ಭುತವಾಗಿದೆ. 

ಇದೀಗ 1 ನೇನೊಕ್ಕಡಿನೆ ಕ್ಲೈಮ್ಯಾಕ್ಸ್ ನಲ್ಲಿ ಮಹೇಶ್ ಅವರ ಅಭಿನಯ ಪೋಕಿರಿಗಿಂತಲೂ ಅತ್ಯುತ್ತಮವಾಗಿದೆ ಎಂದು ರಾಜಮೌಳಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ರಾಜಮೌಳಿ ಅವರ ಹೇಳಿಕೆಯ ಬಗ್ಗೆ ಸಂದರ್ಶನದಲ್ಲಿ ಮಹೇಶ್ ಬಾಬು ಪ್ರತಿಕ್ರಿಯಿಸಿದ್ದಾರೆ. ಅವರು ಹೇಳಿದ್ದು ಸತ್ಯ. ಏಕೆಂದರೆ 1 ನೇನೊಕ್ಕಡಿನೆ ಚಿತ್ರದ ಕ್ಲೈಮ್ಯಾಕ್ಸ್ ನಲ್ಲಿ ನಾನು ಪುಸ್ತಕ ಹಿಡ್ಕೊಂಡು ಅಳುತ್ತೇನೆ. ಅದು ನಟನೆಯಲ್ಲ. ನಿಜಕ್ಕೂ ಅಳು ಬಂದಿತ್ತು. ಗೌತಮ್ ತನ್ನ ಕೈಬರಹದಲ್ಲಿ ಬರೆದ ಅಕ್ಷರಗಳು ಆ ಪುಸ್ತಕದಲ್ಲಿದ್ದವು. 

ಅವುಗಳನ್ನು ನೋಡುತ್ತಿದ್ದಂತೆ ನನಗೆ ಭಾವನೆಗಳನ್ನು ತಡೆಯಲಾಗಲಿಲ್ಲ. ಸುಕುಮಾರ್ ನಿಜವಾಗಿಯೂ ಆ ಪುಸ್ತಕದಲ್ಲಿ ಗೌತಮ್ ಕೈಬರಹದಲ್ಲಿ ಬರೆಸಿದ್ದಾರಂತೆ. ಅದನ್ನು ನೋಡುತ್ತಿದ್ದಂತೆ ನಾನು ಸಹಜವಾಗಿಯೇ ಭಾವುಕನಾದೆ. ಆ ದೃಶ್ಯವು ಒಂದೇ ಟೇಕ್ ನಲ್ಲಿ ಪೂರ್ಣಗೊಂಡಿತು ಎಂದು ಮಹೇಶ್ ಬಾಬು ತಿಳಿಸಿದ್ದಾರೆ. 

ಶೀಘ್ರದಲ್ಲೇ ಮಹೇಶ್ ಬಾಬು ರಾಜಮೌಳಿ ನಿರ್ದೇಶನದಲ್ಲಿ ನಟಿಸಲು ಸಿದ್ಧರಾಗಿದ್ದಾರೆ. ಈಗಾಗಲೇ ಸಿದ್ಧತೆಗಳು ಆರಂಭವಾಗಿವೆ. ಆದರೆ ಸಿನಿಮಾ ಲಾಂಚ್ ಯಾವಾಗ ಎಂಬುದನ್ನು ಇನ್ನೂ ಪ್ರಕಟಿಸಿಲ್ಲ. ದೊಡ್ಡ ಪ್ಯಾನ್ ಇಂಡಿಯಾ ಸಿನಿಮಾವಾಗಿ ಈ ಚಿತ್ರವನ್ನು ತೆರೆಗೆ ತರಲು ರಾಜಮೌಳಿ ಯೋಜಿಸುತ್ತಿದ್ದಾರೆ.