ದೇಹದ ಎಲ್ಲ ಭಾಗಗಳ ಸ್ವ ಸ್ಪರ್ಶವೇ ನನ್ನ ಸೌಂದರ್ಯದ ಗುಟ್ಟು; ಮಿಲ್ಕಿ ಬ್ಯೂಟಿ ತಮನ್ನಾ ಮುಕ್ತ ಮಾತು!

ನಟಿ ತಮನ್ನಾ ತಮ್ಮ ದೇಹ ಸೌಂದರ್ಯದ ಬಗ್ಗೆ ಮಾತನಾಡಿದ್ದಾರೆ. ದೀರ್ಘ ದಿನದ ಕೆಲಸದ ನಂತರ ತಮ್ಮ ದೇಹದ ಪ್ರತಿಯೊಂದು ಭಾಗವನ್ನು ಮುಟ್ಟಿ ಧನ್ಯವಾದ ಹೇಳುವುದಾಗಿ ತಿಳಿಸಿದ್ದಾರೆ. ತೆಳ್ಳಗಿರುವುದಕ್ಕಿಂತ ದೇಹದ ಸೌಂದರ್ಯಕ್ಕೆ ಒತ್ತು ನೀಡುವುದಾಗಿ ಹೇಳಿದ್ದಾರೆ.

 ನಟಿ ತಮನ್ನಾ ಭಾರತೀಯ ಚಿತ್ರರಂಗದ ವೃತ್ತಿಜೀವನದ ಉತ್ತುಂಗದಲ್ಲಿದ್ದಾರೆ. ದೊಡ್ಡ ಪ್ರಾಜೆಕ್ಟ್‌ಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಈಗ ಫಿಲ್ಟರ್‌ಗಳಿಲ್ಲದೆ ತಮ್ಮ ದೇಹ ಸೌಂದರ್ಯದ ಬಗ್ಗೆ ಮಾತನಾಡಿದ್ದಾರೆ.

ದೇಹದಾರ್ಢ್ಯತೆಯ ಬಗ್ಗೆ ಯೂಟ್ಯೂಬರ್ ಮಸೂಮ್ ಮಿನಾವಾಲ ಜೊತೆಗಿನ ಸಂವಾದದಲ್ಲಿ ತಮನ್ನಾ 'ನಾನು ನನ್ನ ದೇಹವನ್ನು ಪ್ರೀತಿಸುತ್ತೇನೆ. ದೀರ್ಘ ದಿನದ ಕೆಲಸದ ನಂತರ, ನಾನು ಸ್ನಾನ ಮಾಡುವಾಗ ನನ್ನ ದೇಹದ ಪ್ರತಿಯೊಂದು ಭಾಗವನ್ನು ಮುಟ್ಟಿ ಧನ್ಯವಾದ ಹೇಳುತ್ತೇನೆ. ಇದು ಸ್ವಲ್ಪ ಹುಚ್ಚುತನ ಅಂತ ಅನಿಸಬಹುದು, ಆದರೆ ಯಾಕೆ ಮಾಡಬಾರದು? ಪ್ರತಿದಿನ ನನ್ನ ದೇಹ ಎಷ್ಟೆಲ್ಲಾ ಸಹಿಸಿಕೊಳ್ಳುತ್ತದೆ ಎಂದು ನನಗೆ ತಿಳಿದಿದೆ. ನನ್ನ ದೇಹದ ಎಲ್ಲಾ ಭಾಗಗಳನ್ನು ನಾನು ಸ್ಪರ್ಶಿಸುತ್ತೇನೆ, ಆ ದಿನವನ್ನು ಉತ್ತಮಗೊಳಿಸಿದ್ದಕ್ಕಾಗಿ ಮತ್ತು ನನ್ನೊಂದಿಗೆ ಇದ್ದಿದ್ದಕ್ಕಾಗಿ ಧನ್ಯವಾದಗಳನ್ನು ತಿಳಿಸುತ್ತೇನೆ' ಎಂದಿದ್ದಾರೆ.

ಇನ್‌ಸ್ಟಂಟ್ ಬಾಲಿವುಡ್‌ಗೆ ನೀಡಿದ ಹಿಂದಿನ ಸಂದರ್ಶನದಲ್ಲಿ ತಮ್ಮ ಹಿಂದಿನ ದೇಹದ ಚಿಂತೆಗಳನ್ನು ನಟಿ ಹಂಚಿಕೊಂಡಿದ್ದರು. ತೆಳ್ಳಗಿರುವುದು ಎಂದರೆ ಫಿಟ್ ಆಗಿರುವುದು ಎಂದು ತಾನು ನಂಬಿದ್ದೆ ಎಂದು ತಮನ್ನಾ ಹೇಳಿದರು. 'ತೆಳ್ಳಗಿರುವುದು ನನ್ನನ್ನು ಸುಂದರವಾಗಿಸುತ್ತದೆ ಎಂದು ನಾನು ಭಾವಿಸಿದ್ದೆ, ಆದರೆ ಅದು ನನಗೆ ಒಳ್ಳೆಯದಲ್ಲ ಎಂದು ನಂತರ ಅರಿತುಕೊಂಡೆ. ಆನಂತರವೇ ನಾನು ದೇಹದ ತೆಳ್ಳಗಿರುವುದಕ್ಕೆ ಬಿಟ್ಟು ಸೌಂದರ್ಯದ ಕಡೆಗೆ ಒತ್ತು ನೀಡಿದ್ದೇನೆ' ಎಂದು ನಟಿ ತಮನ್ನಾ ಹೇಳಿದ್ದರು.

ಇದನ್ನೂ ಓದಿ: ನಟಿ ತಮನ್ನಾ ವಿಜಯ್ ವರ್ಮಾ ಜೊತೆ ಲವ್ ಬ್ರೇಕಪ್ ಮಾಡ್ಕೊಂಡ್ರಾ?: ವೈರಲ್ ಆಗ್ತಿರೋ ಸುದ್ದಿಯಲ್ಲಿ ಎಷ್ಟು ನಿಜವಿದೆ?

'ಸೌಂದರ್ಯಕ್ಕೂ ತೆಳ್ಳಗಿರುವುದಕ್ಕೂ ಯಾವುದೇ ಸಂಬಂಧವಿಲ್ಲ. ಅದನ್ನು ಅರ್ಥಮಾಡಿಕೊಳ್ಳಲು ನನಗೆ ಬಹಳ ಸಮಯ ಹಿಡಿಯಿತು' ಎಂದು ಮತ್ತೊಂದು ಸಂದರ್ಶನದಲ್ಲಿಯೂ ತಮನ್ನಾ ಹೇಳೊಕೊಂಡಿದ್ದರು.

ದಕ್ಷಿಣ ಭಾರತದ ತೆಲುಗು, ತಮಿಳು ಚಿತ್ರರಂಗದಲ್ಲಿ ಬಹಳ ಖ್ಯಾತಿ ಗಳಿಸಿದ್ದ ತಮನ್ನಾ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟ ನಂತರ ಬಹಳ ಬ್ಯೂಸಿ ಆಗಿದ್ದಾರೆ. ಬಹುತೇಕ ದೊಡ್ಡ ದೊಡ್ಡ ಪ್ರಾಜೆಕ್ಟ್‌ಗಳು ನಟಿ ತಮನ್ನಾ ಕೈಗೆ ಸಿಗುತ್ತಿವೆ. ಜೊತೆಗೆ, ಜಾಹೀರಾತುಗಳಲ್ಲಿಯೂ ಹೆಚ್ಚಾಗಿ ಕಾಣಿಸಿಕೊಳ್ಳುವ ಮೂಲಕ ಆದಾಯಕ್ಕೆ ಕೊರತೆ ಇಲ್ಲದಂತೆ ಜೀವನ ನಡೆಸುತ್ತಿದ್ದಾರೆ. ಅದಕ್ಕೆ ತಕ್ಕಂತೆ ಈವರೆಗೂ ಮದುವೆ ಮಾಡಿಕೊಳ್ಳದೇ ತಮ್ಮ ಸೌಂದರ್ಯ ಕಾಪಾಡಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ನಮ್ಮದನ್ನೇ (!....?) ಬಳಸಿ ಬಳಸಿ ಸುಂದರವಾಗಿ ಕಾಣಿಸ್ಕೊಳ್ಳಿ: ತಮನ್ನಾ ಬ್ಯೂಟಿ ಟಿಪ್ಸ್‌ ವೈರಲ್!

ಅವಿನಾಶ್ ತಿವಾರಿ ಜೊತೆಗೆ ಸಿಕಂದರ್ ಕಾ ಮುಖದ್ದರ್‌ನಲ್ಲಿ ತಮನ್ನಾ ಕೊನೆಯದಾಗಿ ನಟಿಸಿದ್ದರು. ಜಿಮ್ಮಿ ಶೇರ್ಗಿಲ್ ತನಿಖಾ ಅಧಿಕಾರಿಯಾಗಿ ಚಿತ್ರದಲ್ಲಿ ನಟಿಸಿದ್ದರು.

ಇದೀಗ ನಟ ವಿಜಯ್ ವರ್ಮ ಜೊತೆ ತಮನ್ನಾ ಡೇಟಿಂಗ್ ಮಾಡುತ್ತಿದ್ದಾರೆ. ತಮನ್ನಾ ಮತ್ತು ವಿಜಯ್ ವರ್ಮ ಪ್ರವಾಸಗಳಲ್ಲಿ ಹಾಗೂ ಬಾಲಿವುಡ್ ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ. ಆದರೆ, ಈವರೆಗೆ ಮದುವೆ ವಿಚಾರದ ಬಗ್ಗೆ ಇಬ್ಬರಲ್ಲಿ ಒಬ್ಬರೂ ಯಾವುದೇ ಮಾಹಿತಿ ಬಹಿರಂಗಪಡಿಸಿಲ್ಲ.