ಹೆಂಡತಿ ಗೌರಿಗೆ ಮದುವೆಯ ನಂತರಪ್ಯಾರಿಸ್‌ಗೆಕರೆದೊಯ್ದು ಐಫೆಲ್ ಟವರ್ ತೋರಿಸುವುದಾಗಿ ಪ್ರಾಮಿಸ್‌ ಮಾಡಿದ್ದರಂತೆ ಶಾರುಖ್ ಖಾನ್‌. ಆದರೆ ಗೌರಿಗೆ ಶಾರುಖ್‌ನೀಡಿದ ಭರವಸೆ ಸುಳ್ಳಾಯಿತಂತೆ.
ಮದುವೆಯಾದ ನಂತರ ಶಾರುಖ್ ಗೌರಿಯನ್ನುಮಧುಚಂದ್ರಕ್ಕೆ ಪ್ಯಾರಿಸ್‌ಗೆ ಕರೆದೊಯ್ಯುವುದಾಗಿ ಭರವಸೆ ನೀಡಿದ ವಿಷಯವನ್ನು ಸ್ವತಃ ಶಾರುಖ್ ಅವರೇ ಪ್ರಶಸ್ತಿ ಕಾರ್ಯಕ್ರಮವೊಂದರಲ್ಲಿ ಹಂಚಿಕೊಂಡಿದ್ದರು.
2019ರಲ್ಲಿ ಮುಂಬೈನಲ್ಲಿ ನಡೆದ ಆವಾರ್ಡ್‌ ಕಾರ್ಯಕ್ರಮದಲ್ಲಿ ವಿಕ್ಕಿ ಕೌಶಲ್ ಹನಿಮೂನ್‌ ಫೋಟೋವನ್ನು ಶಾರುಖ್ ಅವರಿಗೆ ತೋರಿಸಿದಾಗ, ಫೋಟೋ ನೋಡಿದ ಶಾರುಖ್ ಗೌರಿಗೆ ನೀಡಿದ ಸುಳ್ಳು ಭರವಸೆಯನ್ನು ನೆನಪಿಸಿಕೊಂಡರು.
'ಇದು ನನ್ನ ನೆಚ್ಚಿನ ಫೋಟೋ. ನಾನು ಮದುವೆಯಾದಾಗ, ನಾನು ತುಂಬಾ ಬಡವನಾಗಿದ್ದೆ, ಗೌರಿ ಸಹ ಮಧ್ಯಮ ವರ್ಗದ ಕುಟುಂಬಕ್ಕೆ ಸೇರಿದವಳು. ಮದುವೆನಂತರ ನಾನವಳನ್ನು ಪ್ಯಾರಿಸ್‌ಗೆ ಕರೆದೊಯ್ಯುತ್ತೇನೆ ಎಂದು ಭರವಸೆ ನೀಡಿದ್ದೆ. ಆದರೆ ನಮ್ಮ ಬಳಿ ಹಣ ಇಲ್ಲದ ಕಾರಣ ಆ ಭರವಸೆಯನ್ನು ಈಡೇರಿಸಲು ಸಾಧ್ಯವಾಗಲಿಲ್ಲ. ಗೌರಿಯ ರಿಯಾಕ್ಷನ್‌ ನೋಡಲು ಯೋಗ್ಯವಾಗಿತ್ತು, ಕೊನೆಗೆ ಹೇಗೋ ಮಾಡಿ ಗೌರಿಗೆ ಮನವರಿಕೆ ಮಾಡಿಕೊಟ್ಟೆ,' ಎಂದು ಶಾರುಖ್ ಹೇಳಿದ್ದರು.
ಗೌರಿಯನ್ನು ಪ್ಯಾರಿಸ್‌ಗೆ ಕರೆದೊಯ್ಯಲಾಗಲಿಲ್ಲ ಆದರೆ ಪ್ಯಾರಿಸ್‌ ಎಂದು ಹೇಳಿ ಡಾರ್ಜಿಲಿಂಗ್‌ಗೆ ಕರೆದುಕೊಂಡು ಹೋದೆ ಎಂದು ಶಾರುಖ್ ಹೇಳಿದ್ದರು.
ಆಗ ನಾನು ರಾಜು ಬಾನ್ ಗಯಾ ಜಂಟಲ್‌ಮ್ಯಾನ್ ಸಿನಿಮಾದ ಹಾಡನ್ನು ಚಿತ್ರೀಕರಿಸಲು ಡಾರ್ಜಿಲಿಂಗ್‌ಗೆ ಹೋಗಬೇಕಾಗಿತ್ತು ಎಂದು ಹೇಳಿಕೊಂಡ ಖಾನ್‌.
ಶಾರುಖ್ ಮತ್ತು ಗೌರಿ ಪ್ರೀತಿಗೆ ಧರ್ಮಒಂದು ದೊಡ್ಡ ಗೋಡೆಯಾಗಿತ್ತು.ಗೌರಿ ಕುಟುಂಬವನ್ನು ಒಪ್ಪಿಸಲು 5 ವರ್ಷಗಳ ಕಾಲ ಶಾರುಖ್ ಹಿಂದೂ ಆಗಿದ್ದರಂತೆ. ಅನೇಕ ತೊಂದರೆಗಳನ್ನು ಎದುರಿಸಿದ ನಂತರ, ಕುಟುಂಬವು ಅಂತಿಮವಾಗಿ ಸಂಬಂಧವನ್ನು ಒಪ್ಪಿಕೊಂಡಿತು.
ಕಾಲೇಜು ದಿನಗಳಲ್ಲಿ, ದೆಹಲಿಯಲ್ಲಿ ಮೊದಲ ಬಾರಿಗೆ ಭೇಟಿಯಾದ ಇಬ್ಬರು ಪ್ರೀತಿಸಿ, 6 ವರ್ಷಗಳ ಕಾಲ ಡೇಟಿಂಗ್‌ ನೆಡೆಸಿದರು. ಶಾರುಖ್ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಒಂದು ವರ್ಷದ ನಂತರ 1991ರಲ್ಲಿ ಗೌರಿಯನ್ನು ಮದುವೆಯಾದರು.
ದೆಹಲಿಯ ಕ್ಲಬ್‌ನಲ್ಲಿ ಮೊದಲ ಬಾರಿಗೆ ಗೌರಿಯನ್ನು ಭೇಟಿಯಾಗಿದ್ದು.ಇಬ್ಬರು ಒಟ್ಟಿಗೆ ಕುಳಿತು ತಂಪು ಪಾನೀಯವನ್ನು ಸೇವಿಸಿದ ಆ ಡೇಟ್‌ ಕೇವಲ 5 ನಿಮಿಷಳಾಗಿತ್ತು ಅಷ್ಟೇ. ಸಾಕಷ್ಟು ನಾಚಿಕೆ ಪಡುತ್ತಿದ್ದ ನನಗೆ 3 ಡೇಟಿಂಗ್‌ ನಂತರವೇ ಗೌರಿಯ ಪೋನ್‌ ನಂಬರ್‌ ಕೇಳಲು ಸಾಧ್ಯವಾಯಿತು, ಎಂದು ಶಾರುಖ್ ಸಂದರ್ಶನವೊಂದರಲ್ಲಿ ತಮ್ಮ ಪ್ರೀತಿಯ ಬಗ್ಗೆ ಹೇಳಿದ್ದರು.
ಶಾರುಖ್ ಮತ್ತು ಗೌರಿಒಮ್ಮೆ ಅಲ್ಲ ಮೂರು ಬಾರಿ ಮದುವೆಯಾದದ್ದು. ಮೊದಲ ಮದುವೆ ಕೋರ್ಟ್‌ ಮ್ಯಾರೇಜ್‌ ಆದರೆ ಎರಡನೆಯ ಬಾರಿ ಮುಸ್ಲಿಂ ಪದ್ಧತಿಯಂತೆ ಮತ್ತು 3ನೇ ಬಾರಿ ಪಂಜಾಬಿ ಶೈಲಿಯಲ್ಲಿ.
ಕೊನೆಯದಾಗಿ ಜೀರೊ ಸಿನಿಮಾದಲ್ಲಿ ಕಾಣಿಸಿಕೊಂಡ ನಂತರ ಯಾವುದೇ ಚಿತ್ರವನ್ನು ಇನ್ನೂ ಅನೌನ್ಸ್‌ ಮಾಡಿಲ್ಲ ಸೂಪರ್‌ ಸ್ಟಾರ್‌.