ಸ್ಮಾರ್ಟ್‌ಫೋನ್ ಯುಗದಲ್ಲಿ ಕೀಪ್ಯಾಡ್ ಮೊಬೈಲ್ ಬಳಸ್ತಾರೆ ಪುಷ್ಪ ನಟ: ಇದರ ಬೆಲೆ ಕೇಳಿದ್ರೆ ಬೆರಗಾಗ್ತೀರಾ!

ಪುಷ್ಪ ನಟ ಫಹಾದ್‌ ಫಾಸಿಲ್‌ ಸಿಂಪಲ್ಲಾದ ಕೀಪ್ಯಾಡ್‌ ಮೊಬೈಲ್‌ ಬಳಸುತ್ತಿರುವುದು ಎಲ್ಲರಿಗೂ ಆಶ್ಚರ್ಯ ಹುಟ್ಟಿಸಿದೆ.

ಸ್ಮಾರ್ಟ್‌ಫೋನ್‌ ಯುಗದಲ್ಲಿ ಖ್ಯಾತ ದಕ್ಷಿಣ ಭಾರತೀಯ ನಟ ಫಹಾದ್‌ ಫಾಸಿಲ್‌ ಸಿಂಪಲ್ಲಾದ ಕೀಪ್ಯಾಡ್‌ ಮೊಬೈಲ್‌ ಬಳಸುತ್ತಿರುವುದು ಆಶ್ಚರ್ಯ ಹುಟ್ಟಿಸಿದೆ.

ಮೇಲ್ನೋಟಕ್ಕೆ ಬೇಸಿಕ್‌ ಸೆಟ್‌ನಂತೆ ಕಾಣುವ ಈ ಫೋನನ್ನು ಫಹಾದ್‌ ಕೈಯಲ್ಲಿ ನೋಡಿ ಜನ ‘ಪುಷ್ಪ’ ನಟನ ಸರಳತನವನ್ನು ಕೊಂಡಾಡಿದ್ದರು.

ಆದರೆ ಈ ಬಗ್ಗೆ ಪರಿಶೀಲಿಸಿ ನೋಡಿದಾಗ ತಿಳಿದು ಬಂದಿದ್ದೇನೆಂದರೆ ಇದು 10 ಲಕ್ಷ ರು. ಬೆಲೆಯ ವರ್ತು ಕಂಪನಿಯ ಲಕ್ಸುರಿ ಮೊಬೈಲ್‌ ಎಂಬುದು.

ಈ ಕಂಪನಿಯ ಫೋನುಗಳಲ್ಲಿ ಕನ್ಸಿಯರ್ಜ್‌ ಅನ್ನುವ ಫೀಚರ್‌ ಇದ್ದು ಅದು ಯಾವ ದೇಶದಲ್ಲಿದ್ದರೂ ವೈಯುಕ್ತಿಕ ಸಲಹೆ, ಸೂಚನೆ ನೀಡುತ್ತದೆ.

ಸದ್ಯಕ್ಕೆ ಈ ಫೋನ್‌ ಔಟ್‌ ಆಫ್‌ ಸ್ಟಾಕ್‌ ಆಗಿದ್ದು ಖರೀದಿಗೆ ಲಭ್ಯವಿಲ್ಲ. ಈ ಕಂಪನಿ, ಚಿನ್ನದ, ವಜ್ರದ ಫೋನ್‌ ಮಾರಾಟಕ್ಕೂ ಹೆಸರುವಾಸಿಯಾಗಿದೆ.