ಅಪ್ಪು ನಿರ್ದೇಶಕ ಪೂರಿ ಜಗನ್ನಾಥ್ ಮತ್ತು ನಟಿ ಚಾರ್ಮಿ ಕೌರ್ ನಡುವೆ 10 ವರ್ಷಗಳ ಸಹಭಾಗಿತ್ವಕ್ಕೆ ಬ್ರೇಕ್: ಕಾರಣವೇನು?

ಡೈರೆಕ್ಟರ್ ಪೂರಿ ಜಗನ್ನಾಥ್ ಹೇಗಾದ್ರೂ ಕಮ್ ಬ್ಯಾಕ್ ಕೊಡಬೇಕು ಅಂತ ಪ್ರಯತ್ನಿಸ್ತಿದ್ದಾರೆ. ಅವರ ಕೆರಿಯರ್​ನಲ್ಲಿ ಯಾವತ್ತೂ ಇಲ್ಲದ ರೀತಿ ಫ್ಲಾಪ್ ಸಿನಿಮಾಗಳಿಂದ ತೊಂದರೆ ಅನುಭವಿಸುತ್ತಿದ್ದಾರೆ. ಇದಕ್ಕೆ ಸ್ವಂತ ಪ್ರೊಡಕ್ಷನ್​ನಲ್ಲಿ ಸಿನಿಮಾ ಮಾಡಿದ್ದರಿಂದ ಆರ್ಥಿಕವಾಗಿ ಕಷ್ಟ ಆಗ್ತಿದೆ.

ಡ್ಯಾಶಿಂಗ್ ಡೈರೆಕ್ಟರ್ ಪೂರಿ ಜಗನ್ನಾಥ್ ಹೇಗಾದ್ರೂ ಕಮ್ ಬ್ಯಾಕ್ ಕೊಡಬೇಕು ಅಂತ ಪ್ರಯತ್ನಿಸ್ತಿದ್ದಾರೆ. ಅವರ ಕೆರಿಯರ್​ನಲ್ಲಿ ಯಾವತ್ತೂ ಇಲ್ಲದ ರೀತಿ ಪೂರಿ ಫ್ಲಾಪ್ ಚಿತ್ರಗಳಿಂದ ತೊಂದರೆ ಅನುಭವಿಸುತ್ತಿದ್ದಾರೆ. ಇದಕ್ಕೆ ಸ್ವಂತ ಪ್ರೊಡಕ್ಷನ್​ನಲ್ಲಿ ಸಿನಿಮಾ ಮಾಡಿದ್ದರಿಂದ ಆರ್ಥಿಕವಾಗಿ ಕಷ್ಟ ಆಗ್ತಿದೆ. ಡಬಲ್ ಇಸ್ಮಾರ್ಟ್, ಲೈಗರ್ ಎರಡು ಸಿನಿಮಾಗಳು ಪೂರಿ ಜಗನ್ನಾಥ್​ರನ್ನು ಆರ್ಥಿಕ ಸಂಕಷ್ಟಕ್ಕೆ ತಳ್ಳಿವೆ.

ಪೂರಿ ಜಗನ್ನಾಥ್ ಡೈರೆಕ್ಷನ್​ನಲ್ಲಿ ನಟಿಸೋಕೆ ಹೀರೋಗಳು ಆಸಕ್ತಿ ತೋರಿಸ್ತಿಲ್ಲ ಅನ್ನೋ ಮಾತು ಟಾಲಿವುಡ್​ನಲ್ಲಿ ಕೇಳಿ ಬರ್ತಿದೆ. ಕಥೆ ಕಥನಗಳಲ್ಲಿ ಹಿಡಿತ ಇಲ್ಲ. ಪೂರಿ ಜಗನ್ನಾಥ್ ರೈಟಿಂಗ್ ಕೂಡ ಸರಿ ಇಲ್ಲ. ಇದರಿಂದ ಪೂರಿ ಮೇಲೆ ನಂಬಿಕೆ ಇಟ್ಟು ಸಿನಿಮಾ ಮಾಡೋಕೆ ಹೀರೋಗಳು ಧೈರ್ಯ ಮಾಡ್ತಿಲ್ಲ. ಆದರೆ ಲಕ್ಕಿಲಿ ಒಬ್ಬ ಸೀನಿಯರ್ ಹೀರೋ ಪೂರಿ ಜಗನ್ನಾಥ್​ಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ ಅಂತ ಗೊತ್ತಾಗಿದೆ. ಆ ಹೀರೋ ಬೇರೆ ಯಾರೂ ಅಲ್ಲ.. ಅಕ್ಕಿನೇನಿ ನಾಗಾರ್ಜುನ. ಇವರಿಬ್ಬರ ಕಾಂಬಿನೇಷನ್​ನಲ್ಲಿ ಶಿವಮಣಿ, ಸೂಪರ್​ನಂತಹ ಹಿಟ್ ಸಿನಿಮಾಗಳು ಬಂದಿವೆ.

ಸುಮಾರು 20 ವರ್ಷಗಳ ನಂತರ ಇವರಿಬ್ಬರ ಕಾಂಬಿನೇಷನ್ ರಿಪೀಟ್ ಆಗ್ತಿದೆ ಅಂತ ಗೊತ್ತಾಗಿದೆ. ಈ ಚಿತ್ರದ ವಿಚಾರದಲ್ಲಿ ಪೂರಿ ಜಗನ್ನಾಥ್ ಒಂದು ದೊಡ್ಡ ನಿರ್ಧಾರ ತೆಗೆದುಕೊಂಡಿದ್ದಾರೆ ಅಂತ ಸುದ್ದಿ ಬರ್ತಿದೆ. ಇಲ್ಲಿಯವರೆಗೆ ಪೂರಿ ಜಗನ್ನಾಥ್, ಹೀರೋಯಿನ್ ಚಾರ್ಮಿ ಜೊತೆ ನಿರ್ಮಾಣದ ಸಹಭಾಗಿತ್ವದಲ್ಲಿ ಸಿನಿಮಾಗಳನ್ನು ಮಾಡ್ತಿದ್ರು. ಇನ್ಮುಂದೆ ಪೂರಿ ಜಗನ್ನಾಥ್ ಬರೀ ಡೈರೆಕ್ಷನ್ ಮೇಲೆ ಮಾತ್ರ ಫೋಕಸ್ ಮಾಡಿ, ಪ್ರೊಡಕ್ಷನ್ ವಿಚಾರಗಳಿಂದ ದೂರ ಇರಬೇಕು ಅಂತ ನಿರ್ಧಾರ ಮಾಡಿದ್ದಾರಂತೆ.

ಚಾರ್ಮಿ ಜೊತೆ ಪಾರ್ಟ್ನರ್​ಶಿಪ್​ಗೆ ಕೂಡ ಫುಲ್ ಸ್ಟಾಪ್ ಇಡಲಿದ್ದಾರೆ ಅಂತ ಗೊತ್ತಾಗಿದೆ. ಆರ್ಥಿಕ ವ್ಯವಹಾರಗಳ ಮೇಲೆ ಫೋಕಸ್ ಮಾಡಿದ್ರೆ ಅಸಲಿ ಮ್ಯಾಟರ್ ಮಿಸ್ ಆಗುತ್ತೆ. ಅದಕ್ಕೆ ಇನ್ಮುಂದೆ ನಾನು ಡೈರೆಕ್ಷನ್​ಗೆ ಮಾತ್ರ ಸೀಮಿತವಾಗಿರಬೇಕು ಅಂತ ಪೂರಿ ಜಗನ್ನಾಥ್ ನಿರ್ಧಾರಕ್ಕೆ ಬಂದಿದ್ದಾರೆ. ಇನ್ಮುಂದೆ ಪೂರಿ ಜಗನ್ನಾಥ್, ಚಾರ್ಮಿ ಪಾರ್ಟ್ನರ್​ಶಿಪ್​ನಲ್ಲಿ ಸಿನಿಮಾಗಳು ಇರೋಕೆ ಸಾಧ್ಯವಿಲ್ಲ ಅಂತ ಪ್ರಚಾರ ನಡೀತಿದೆ. ಸುಮಾರು 10 ವರ್ಷಗಳ ಕಾಲ ಪೂರಿ ಜಗನ್ನಾಥ್, ಚಾರ್ಮಿ ಪಾರ್ಟ್ನರ್​ಶಿಪ್ ಮುಂದುವರೆದಿತ್ತು. ಜ್ಯೋತಿ ಲಕ್ಷ್ಮಿ ಚಿತ್ರದಿಂದ ಪೂರಿ, ಚಾರ್ಮಿ ನಿರ್ಮಾಣದಲ್ಲಿ ಭಾಗಿಯಾಗಿದ್ರು.