ಖಾನ್’ಗಳನ್ನೇ ಹಿಂದಿಕ್ಕಿ ಬಾಕ್ಸ್ ಆಫೀಸ್’ನಲ್ಲಿ 10,000 ಕೋಟಿ ಗಳಿಸಿದ ಏಕೈಕ ಭಾರತೀಯ ನಟಿ ಈಕೆ

ಗಳಿಕೆಯ ವಿಷಯದಲ್ಲಿ ದೊಡ್ಡ ದೈತ್ಯರನ್ನು ಸೋಲಿಸಿದ ಬಾಲಿವುಡ್ ನ ಏಕೈಕ ನಟಿ ಅವರು. ಸಲ್ಮಾನ್ ಖಾನ್, ಅಮೀರ್ ಖಾನ್ ಮತ್ತು ಶಾರುಖ್ ಖಾನ್ ಕೂಡ ತುಂಬಾನೆ ಹಿಂದೆ ಉಳಿಯುತ್ತಾರೆ.  ಬಾಕ್ಸ್ ಆಫೀಸ್ ಕ್ವೀನ್ ಯಾರು ಅನ್ನೋದನ್ನು ನೋಡೋಣ ಬನ್ನಿ.   

ಸಿನೆಮಾದಲ್ಲಿನ ಯಶಸ್ಸನ್ನು ಬಾಕ್ಸ್ ಆಫೀಸ್ (Box office hits)ಎಷ್ಟು ಗಳಿಸಿದ್ದಾರೆ ಎಂದು ನೋಡುವ ಮೂಲಕ ಅಳೆಯಲಾಗುತ್ತದೆ ಮತ್ತು ಇದು ಕಹಿ ಸತ್ಯ. ನಟರ ಮೌಲ್ಯವನ್ನು ಅವರ ಚಲನಚಿತ್ರಗಳು ಬಿಡುಗಡೆಯಾದಾಗ ಎಷ್ಟು ಗಳಿಸಬಹುದು ಎಂಬುದರ ಮೇಲೆ ನಿರ್ಧರಿಸಲಾಗುತ್ತದೆ. ಅದರ ಪ್ರಕಾರ ನೋಡೋದಾದ್ರೆ ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಮೀರ್ ಖಾನ್ ಬಾಕ್ಸ್ ಆಫೀಸ್ ಗಳಿಕೆ ತುಂಬಾನೆ ಹೆಚ್ಚು, ಆದ್ರೆ ನಿಮಗೊಂದು ವಿಷ್ಯ ಗೊತ್ತಾ? ಈ ಬಾಲಿವುಡ್ ನಟಿಯ ಬಾಕ್ಸ್ ಆಫೀಸ್ ಕಲೆಕ್ಷನ್ ಮುಂದೆ ಯಾರ ಖಾನ್ ಗಳೂ ಸಹ ನಿಲ್ಲೋದಿಲ್ಲ. ಆ ನಟಿ ಯಾರು ಗೊತ್ತಾ ? 

ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದವರು ಯಾರು?
ಶಾರುಖ್, ಸಲ್ಮಾನ್ ಮತ್ತು ಅಮೀರ್ ತಮ್ಮ ವೃತ್ತಿಜೀವನದಲ್ಲಿ ಬಾಕ್ಸ್ ಆಫೀಸ್ ನಲ್ಲಿ 7000 ಕೋಟಿಗೂ ಹೆಚ್ಚು ಗಳಿಸಿದ್ದಾರೆ. ಆದರೂ, 10,000 ಕೋಟಿ ಗಡಿ ದಾಟುವಲ್ಲಿ ಯಶಸ್ವಿಯಾದ ಈ ಬಾಲಿವುಡ್ ನಟಿಯನ್ನು ಸೋಲಿಸಲು ಮಾತ್ರ ಅವರಿಗೆ ಸಾಧ್ಯವಿಲ್ಲ.

ದೀಪಿಕಾ ಪಡುಕೋಣೆ ಬಾಕ್ಸ್ ಆಫೀಸ್ ಕ್ವೀನ್
ನಾವು ಹೇಳುತ್ತಿರುವ ನಟಿ ದೀಪಿಕಾ ಪಡುಕೋಣೆ (Deepika Padukone). ಕಳೆದ ದಶಕದಲ್ಲಿ, ಅವರು ಭಾರತೀಯ ಚಿತ್ರರಂಗದಲ್ಲಿ ಅತ್ಯಂತ ಯಶಸ್ವಿ ಮತ್ತು ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯಾಗಿ ಹೊರಹೊಮ್ಮಿದ್ದಾರೆ. ನಟಿ ಅನೇಕ ಭಾಷೆಗಳಲ್ಲಿ ಹಿಟ್ ಸಿನಿಮಾಗಳನ್ನು ನೀಡುವ ಮೂಲಕ ಸೂಪರ್ ಸ್ಟಾರ್ ಸ್ಥಾನವನ್ನು ಭದ್ರಪಡಿಸಿದ್ದಾರೆ. 

ಅತಿ ಹೆಚ್ಚು ಗಳಿಸಿದ ಸಿನಿಮಾಗಳು 
18 ವರ್ಷಗಳ ವೃತ್ತಿಜೀವನದಲ್ಲಿ, ದೀಪಿಕಾ ಅವರ ಚಲನಚಿತ್ರಗಳು ಜಾಗತಿಕವಾಗಿ ಬಾಕ್ಸ್ ಆಫೀಸ್ನಲ್ಲಿ (Box Office) ಒಟ್ಟು 10,200 ಕೋಟಿ ರೂ. ಗಳಿಸಿದೆ. ಇದರಲ್ಲಿ ಅವರ ಭಾರತೀಯ ಚಲನಚಿತ್ರಗಳಿಂದ 8000 ಕೋಟಿ ಮತ್ತು ಹಾಲಿವುಡ್ ಬಿಡುಗಡೆಯಾದ ಏಕೈಕ ಹಾಲಿವುಡ್ ಚಿತ್ರ - XXX ನಿಂದ 2200 ಕೋಟಿ ಸೇರಿವೆ.

ಪದ್ಮಾವತ್ ನಂತಹ ಹಿಟ್ ಸಿನಿಮಾ
ದೀಪಿಕಾ ಅವರ ಅನೇಕ ಹಿಟ್ ಸಿನಿಮಾಗಳು (Hit films), ಸ್ಟಾರ್ ನಟರನ್ನು ಒಳಗೊಂಡಿವೆ.  ಆದರೆ ಅವರು ತಮ್ಮದೇ ಆದ 'ಪದ್ಮಾವತ್' ನಂತಹ ಹಿಟ್ ಸಿನಿಮಾಗಳನ್ನು ಸಹ ನೀಡಿದ್ದಾರೆ.

ಎರಡು ವರ್ಷಗಳಲ್ಲಿ ಬದಲಾದ ಆಟ
ಕುತೂಹಲಕಾರಿ ಸಂಗತಿಯೆಂದರೆ, ಎರಡು ವರ್ಷಗಳ ಹಿಂದಿನವರೆಗೂ ದೀಪಿಕಾ ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯಾಗಿರಲಿಲ್ಲ. ಅವರು ಟಾಪ್ 5 ರಲ್ಲಿಯೂ ಇರಲಿಲ್ಲ. 2023 ಮತ್ತು 2024 ರಲ್ಲಿ ಕೆಲವು ಮೆಗಾ ಸಿನಿಮಾ ಬಿಡುಗಡೆಗಳ ನಂತರ ಅವರು ಇಂದು ಅಗ್ರಸ್ಥಾನದಲ್ಲಿದ್ದಾರೆ.

ನಾಲ್ಕು ಚಿತ್ರಗಳು ದಾಖಲೆ ನಿರ್ಮಿಸಿವೆ
ಈ ಎರಡು ವರ್ಷಗಳಲ್ಲಿ, ಅವರು ಐದು ಚಿತ್ರಗಳಲ್ಲಿ ನಟಿಸಿದ್ದು. ಇದರಲ್ಲಿ ಪಠಾಣ್ (Pathan), ಜವಾನ್ ಮತ್ತು ಕಲ್ಕಿ 1000 ಕೋಟಿಗೂ ಹೆಚ್ಚು ಗಳಿಸಿವೆ. ಇತರ ಎರಡು ಚಿತ್ರಗಳಾದ ಫೈಟರ್ ಮತ್ತು ಸಿಂಗಂ (Singham) ಸಹ  300 ಕೋಟಿಗೂ ಹೆಚ್ಚು ಗಳಿಸಿದ್ದವು. ಈ ರೀತಿಯಾಗಿ, ದೀಪಿಕಾ ಈ ಎರಡು ವರ್ಷಗಳಲ್ಲಿ ತನ್ನ ಬಾಕ್ಸ್ ಆಫೀಸ್ ಗಳಿಕೆಗೆ 4000 ಕೋಟಿಗೂ ಹೆಚ್ಚು ಸೇರಿಸುವಲ್ಲಿ ಯಶಸ್ವಿಯಾದ

ಕತ್ರಿನಾ ಮತ್ತು ಪ್ರಿಯಾಂಕಾರನ್ನು ಹಿಂದಿಕ್ಕಿದ ದೀಪಿಕಾ
ದೀಪಿಕಾ ಪಡುಕೋಣೆ ಭಾರತದ ಅತಿ ಹೆಚ್ಚು ಗಳಿಕೆಯ ನಟಿಯರ ಪಟ್ಟಿಯಲ್ಲಿ ಪ್ರಿಯಾಂಕಾ ಚೋಪ್ರಾ (Priyanka Chopra) (6000 ಕೋಟಿ) ಮತ್ತು ಕತ್ರಿನಾ ಕೈಫ್ (5500 ಕೋಟಿ) ಗಿಂತ ಬಹಳ ಮುಂದಿದ್ದಾರೆ.

ಶಾರುಖ್ ಖಾನ್ ಮತ್ತು ಅಮೀರ್ ಖಾನ್ ಕೂಡ ಹಿಂದೆ
ಶಾರುಖ್ ಖಾನ್ (9000 ಕೋಟಿ), ಅಕ್ಷಯ್ ಕುಮಾರ್ (8300 ಕೋಟಿ), ಸಲ್ಮಾನ್ ಖಾನ್ (7500 ಕೋಟಿ) ಮತ್ತು ಅಮೀರ್ ಖಾನ್ (7200 ಕೋಟಿ) ನಂತರದ ಸ್ಥಾನದಲ್ಲಿದ್ದಾರೆ.

ಎರಡು ದೊಡ್ಡ ಸಿನಿಮಾಗಳು ಮುಂದೆ ಬರಲಿವೆ
ದೀಪಿಕಾ ಪ್ರಸ್ತುತ ಕಲ್ಕಿ 2 (Kalki 2) ಮತ್ತು ಬ್ರಹ್ಮಾಸ್ತ್ರ 2 (Bramhastra 2) ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇವು ನೂರಾರು ಕೋಟಿ ಗಳಿಸುವ ಸಾಮರ್ಥ್ಯವನ್ನು ಹೊಂದಿರುವ ಎರಡು ಮೆಗಾ ಚಲನಚಿತ್ರಗಳಾಗಿವೆ.