ಕಂಗನಾ ಹೇಳಿದಂತೆ ಆಲಿಯಾ ರಣಬೀರ್‌ ಬೇರೆ ಬೇರೆ ಮನೆಯಲ್ಲಿರುವುದಾ? ಏನಿದು ನೀತು ಕಪೂರ್‌ ಪೋಸ್ಟ್‌?

ಮಂಗಳವಾರ, ಕಂಗನಾ ರಣಾವತ್ (Kangana Ranaut) ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ (Alia Bhatt- Ranbir Kapoor) ಮದುವೆ ಬಗ್ಗೆ ಪರೋಕ್ಷವಾಗಿ ವಾಗ್ದಾಳಿ ನಡೆಸಿದ್ದರು ಪೋಸ್ಟ್‌ನಲ್ಲಿ, ನಟಿ ರಣಬೀರ್ 'ಮಾಫಿಯಾ ಡ್ಯಾಡಿ  ಒತ್ತಡದಲ್ಲಿದ್ದಾರೆ ಮತ್ತು ಅವರ ಮದುವೆ ಫೇಕ್‌ ಎಂದು ಹೇಳಿಕೊಂಡಿದ್ದಾರೆ. ಅದರ ನಂತರ ನೀತು ಕಪೂರ್ (Neetu Kapoor) Instagramನಲ್ಲಿ ಕುಟುಂಬದ ಬಗ್ಗೆ ನಿಗೂಢ ಟಿಪ್ಪಣಿ ಪೋಸ್ಟ್ ಮಾಡಿದ್ದಾರೆ. ನೀತು ಅವರ ಈ ಪೋಸ್ಟ್ ರಣಬೀರ್‌ ಮತ್ತು ಆಲಿಯಾ ನಡುವೆ ಎಲ್ಲಾ ಸರಿಯಿಲ್ಲ ಎಂಬ ಅನುಮಾನವನ್ನು ಹುಟ್ಟುಹಾಕಿದೆ.

ನಿನ್ನೆ ಕಂಗನಾ ರಣಾವತ್‌ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಹೆಸರನ್ನು ಉಲ್ಲೆಖಿಸದೆ ಪರೋಕ್ಷವಾಗಿ ರಣಬೀರ್‌ ಮತ್ತು ಆಲಿಯಾ ಭಟ್‌ ಅವರನ್ನು ಟಾರ್ಗೆಟ್‌ ಮಾಡಿ ಪೋಸ್ಟ್‌ ಒಂದನ್ನು ಹಂಚಿಕೊಂಡಿದ್ದರು.

'ಇನ್ನೊಂದು ಸುದ್ದಿಯಲ್ಲಿ ಪ್ರತ್ಯೇಕ ಮಹಡಿಗಳಲ್ಲಿ ವಾಸಿಸುವ ಮತ್ತು ದಂಪತಿಗಳಂತೆ ನಟಿಸುವ ಫೇಕ್‌ ಪತಿ ಪತ್ನಿ ಜೋಡಿ ಸುಳ್ಳು ಸುದ್ದಿಗಳನ್ನು ಹರಡುತ್ತಿದ್ದಾರೆ. Myntra ಒಡೆತನದ ಬ್ರಾಂಡ್ ಅನ್ನು ತಮ್ಮದೇ ಎಂದು ಕರೆಯುವ ಈ ಜೋಡಿ ಕೈಯಲ್ಲಿ ಯಾವ ಮೂವಿಯೂ ಇಲ್ಲ. ಜೊತೆಗೆ ಇತ್ತೀಚಿನ ಕುಟುಂಬ ಪ್ರವಾಸದಲ್ಲಿ ಹೆಂಡತಿ ಮತ್ತು ಮಗಳನ್ನು ಹೇಗೆ ಸೈಡ್‌ಲೈನ್‌ ಮಾಡಿದರೆಂದು ಎಲ್ಲರಿಗೂ ಗೊತ್ತು. ಆದರೆ ಆ ಪತಿ ನನಗೆ ಸಂದೇಶ ಕಳುಹಿಸುತ್ತಿದ್ದರು. ಅವರನ್ನು ಭೇಟಿಯಾಗುವಂತೆ ಮನವಿ ಮಾಡಿದರು. ಈ ಬೋಗಸ್‌ ಜೋಡಿಯನ್ನು ಬಹಿರಂಗಪಡಿಸಬೇಕಾಗಿದೆ' ಎಂದು ನಟಿ ಪೋಸ್ಟ್ ಮಾಡಿದ್ದಾರೆ.

'ನೀವು ಚಲನಚಿತ್ರ ಪ್ರಚಾರಕ್ಕಾಗಿ/ಹಣಕ್ಕಾಗಿ/ಕೆಲಸಕ್ಕಾಗಿ ಮದುವೆಯಾದಾಗ ಹೀಗಾಗುತ್ತದೆಯೇ ಹೊರತು ಪ್ರೀತಿಗಾಗಿ ಅಲ್ಲ. ಮಾಫಿಯಾ ಡ್ಯಾಡಿಯ ಒತ್ತಡದಲ್ಲಿ ಮದುವೆಯಾದ ಈ ನಟನಿಗೆ ಪಾಪ ಕಿ ಪರಿಯನ್ನು ಮದುವೆಯಾಗಿರುವ ಪ್ರತಿಯಾಗಿ ಮೂರು  ಚಲನಚಿತ್ರಗಳ ಭರವಸೆ ನೀಡಲಾಯಿತು. ಇದೀಗ ನಕಲಿ ಮದುವೆಯಿಂದ ಮುಕ್ತರಾಗಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ದುಃಖದ ವಿಷಯವೆಂದರೆ ಮಗಳೂ ಆಗಿದೆ. ಹೆಂಡತಿಯನ್ನೂ ಬಿಡಲಾಗೋಲ್ಲ ಅನ್ನೋ ಒತ್ತಡದಲ್ಲಿದ್ದಾರೆಂದು ಕಂಗನಾ ಹೇಳಿದ್ದರು.

ಕಂಗನಾ ಅವರು ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮದುವೆಯ ಬಗ್ಗೆ ಪರೋಕ್ಷವಾಗಿ ವಾಗ್ದಾಳಿ ನಡೆಸಿದ ನಂತರ ಈಗ ನೀತು ಕಪೂರ್ 'ಕುಟುಂಬ'ದ ಬಗ್ಗೆ ಟಿಪ್ಪಣಿ ಬರೆದಿದ್ದಾರೆ.

'ನಮ್ಮ ಕುಟುಂಬಗಳು ಇನ್ನು ಮುಂದೆ ಒಂದೇ ಆಗಿಲ್ಲದಿರಲು ಕಾರಣವೆಂದರೆ ಕುಟುಂಬವನ್ನು ಒಟ್ಟಿಗೆ ಇಡುತ್ತಿದ್ದವರನ್ನು ನಾವು ಸಮಾಧಿ ಮಾಡಿದ್ದೇವೆ' ಎಂದು ನೀತು ಕಪೂರ್‌ ತಮ್ಮ ಪೋಸ್ಟ್‌ನಲ್ಲಿ ಹೇಳಿಕೊಂಡಿದ್ದಾರೆ.

ನೀತು ಕಪೂರ್‌ ಅವರ ಈ ಪೋಸ್ಟ್‌ ಸಖತ್‌ ವೈರಲ್‌ ಆಗುವ ಜೊತೆಗೆ ಆಲಿಯಾ ಮತ್ತು ರಣಬೀರ್‌ ಬೇರೆ ಬೇರೆ ವಾಸಿಸುತ್ತಿದ್ದರಾ ಎಂಬ ಅನುಮಾನಗಳನ್ನು ಹುಟ್ಟು ಹಾಕಿದೆ.  

ನೀತು ಕಪೂರ್  ಉದ್ದೇಶಪೂರ್ವಕವಾಗಿ ಇದನ್ನು ಪೋಸ್ಟ್ ಮಾಡಿದ್ದಾರೆ. ಕಪೂರ್ ಕುಟುಂಬದಲ್ಲಿ ಏನೋ ಗಂಭೀರವಾಗಿದೆ ಎಂದು ತೋರುತ್ತದೆ ಎಂದು ಸೋಶಿಯಲ್‌ ಮೀಡಿಯಾದಲ್ಲಿ ಜನರು ಕಾಮೆಂಟ್‌ ಮಾಡುತ್ತಿದ್ದಾರೆ.