ಮನಸ್ಸಲ್ಲಿರೋದನ್ನ ಮೊದ್ಲು ತೆಗಿ: ಮಗನ ಮಾಜಿ ಹೆಂಡ್ತಿ ಸಮಂತಾಗೆ ನಾಗಾರ್ಜುನ್ ಕೌಂಟರ್ ಕೊಟ್ಟಿದ್ಯಾವಾಗ?

ಒಂದು ಕಾಲದಲ್ಲಿ ನಟಿ ಸಮಂತಾ ಅಕ್ಕಿನೇನಿ ಕುಟುಂಬದಲ್ಲಿ ಚೆನ್ನಾಗಿಯೇ ಇದ್ದರು. ನಾಗ ಚೈತನ್ಯನ ಜೊತೆ ಸಮಂತಾ ಪ್ರೇಮ ವಿವಾಹ ಆಗಿದ್ದು ಎಲ್ಲರಿಗೂ ಗೊತ್ತು. ಈ ಸಂದರ್ಭದಲ್ಲಿ ಅಕ್ಕಿನೇನಿ ಕುಟುಂಬದ ಸದಸ್ಯರೊಂದಿಗೆ ಸಮಂತಾ ಒಡನಾಟ ಚೆನ್ನಾಗಿತ್ತು.

ಡಿವೋರ್ಸ್ ಬಳಿಕ ಸಮಂತಾ ಅವರು ಅಕ್ಕಿನೇನಿ ಕುಟುಂಬದಿಂದ ಸಂಪೂರ್ಣ ದೂರವಾಗಿದ್ದಾರೆ. ನಾಗಾರ್ಜುನ, ಸಮಂತ, ನಾಗ ಚೈತನ್ಯ 'ಮನಂ' ಸಿನಿಮಾದಲ್ಲಿ ನಟಿಸಿದ್ರು. ಆ ಸಿನಿಮಾ ಸೂಪರ್ ಹಿಟ್ ಆಗಿತ್ತು.

ಸಮಂತಾ, ಚೈತನ್ಯ 'ಏ ಮಾಯೇ ಚೇಸಾವೆ', 'ಆಟೋನಗರ್ ಸೂರ್ಯ', 'ಮಜಿಲಿ' ಸಿನಿಮಾಗಳಲ್ಲಿ ನಟಿಸಿದ್ರು. ನಮ್ಮ ಕುಟುಂಬದಲ್ಲಿ ಸಿನಿಮಾಗಳ ಬಗ್ಗೆ ಚರ್ಚೆ ಮಾಡ್ತೀವಿ ಅಂತ ನಾಗಾರ್ಜುನ ಒಂದು ಸಂದರ್ಶನದಲ್ಲಿ ಹೇಳಿದ್ರು. ಇಷ್ಟ ಆಗಿದ್ದು, ಆಗದೇ ಇರೋದನ್ನ ಮುಚ್ಚುಮರೆ ಇಲ್ಲದೆ ಹೇಳ್ತೀವಿ. ನಾನು ನಟಿಸಿದ ಸಿನಿಮಾ ಆದ್ರೂ, ಸಮಂತಗೆ ಇಷ್ಟ ಆಗದಿದ್ರೆ ಮುಖಕ್ಕೆ ಹೇಳ್ತಾಳೆ ಎಂಬುದನ್ನು ನಾಗಾರ್ಜುನ್ ಅವರೇ ಹೇಳಿಕೊಂಡಿದ್ದರು.

ಸಮಂತ ರುತ್ ಪ್ರಭು

ನಾಗಾರ್ಜುನ ಸಿನಿಮಾಗಳಲ್ಲಿ 'ಮನ್ಮಥುಡು 2' ದೊಡ್ಡ ಫ್ಲಾಪ್. 'ಮನ್ಮಥುಡು' ಎಷ್ಟು ದೊಡ್ಡ ಹಿಟ್ ಆಗಿತ್ತೋ, 'ಮನ್ಮಥುಡು 2' ಅಷ್ಟೇ ದೊಡ್ಡ ಫ್ಲಾಪ್. ರಾಹುಲ್ ರವೀಂದ್ರನ್ ನಿರ್ದೇಶನದ ಈ ಚಿತ್ರದಲ್ಲಿ ನಾಗಾರ್ಜುನ, ರಕುಲ್ ಪ್ರೀತ್ ಸಿಂಗ್ ನಡುವಿನ ಪ್ರೇಮ ದೃಶ್ಯಗಳು ಓವರ್ ಆಗಿತ್ತು ಎಂಬ ವಿಶ್ಲೇಷಣೆ ಕೇಳಿ ಬಂದಿತ್ತು. ಹಾಗಾಗಿಯೇ ಈ ಸಿನಿಮಾ ಪ್ರೇಕ್ಷಕರಿಗೆ ಇಷ್ಟ ಆಗಿರಲಿಲ್ಲ.

'ಮನ್ಮಥುಡು 2' ಟ್ರೈಲರ್ ಬಿಡುಗಡೆ ಆದಾಗ ಸಮಂತಾಗೆ ಅದು ಇಷ್ಟ ಆಗಿರಲಿಲ್ಲ. ನಾಗಾರ್ಜುನ ಟ್ರೈಲರ್ ಬಗ್ಗೆ ಕುಟುಂಬದವರ ಅಭಿಪ್ರಾಯ ಕೇಳಿದ್ರು . ಅಖಿಲ್, ನಾಗ ಚೈತನ್ಯ ಟ್ರೈಲರ್ ಚೆನ್ನಾಗಿದೆ ಅಂದ್ರಂತೆ. ಲಿಪ್ ಕಿಸ್ ಬಗ್ಗೆ ಏನೂ ಹೇಳಿಲ್ಲ ಅಂತ ನಾಗಾರ್ಜುನ ನಕ್ಕು ಹೇಳಿದ್ರು. ಸಮಂತಾ ಮಾತ್ರ ಟ್ರೈಲರ್ ಇಷ್ಟ ಆಗಿಲ್ಲ ಎಂದು ಫಿಲ್ಟರ್ ಇಲ್ಲದೇ ಹೇಳಿದ್ದರು.

ಮನ್ಮಥುಡು 2

ಲಿಪ್ ಕಿಸ್, ರೊಮ್ಯಾನ್ಸ್ ಬಗ್ಗೆ ಗೊಣಗ್ತಾ ಇದ್ಲು. ಆಗ ನಾಗಾರ್ಜುನ ಸಮಂತಗೆ ಕೌಂಟರ್ ಕೊಟ್ರು. ಮೊದ್ಲು ನಿನ್ ಮನಸ್ಸಲ್ಲಿರೋ ರೊಮ್ಯಾಂಟಿಕ್ ಸೀನ್ ತೆಗಿ, ಆಮೇಲೆ ಟ್ರೈಲರ್ ನೋಡು ಅಂದ್ರಂತೆ. ಆಮೇಲೆ ಟ್ರೈಲರ್ ಚೆನ್ನಾಗಿದೆ ಅಂದ್ಲು. ಆದ್ರೆ ಸಮಂತಾಗೆ ಸಿನಿಮಾ ಇಷ್ಟ ಆಗಿಲ್ಲ. 'ಮನ್ಮಥುಡು 2' ರಿಲೀಸ್ ಆಗಿ ಫ್ಲಾಪ್ ಆಯ್ತು.