ಲೆಜೆಂಡರಿ ನಟಿಯ ಮುಂದೆ ಹೆಸರು ಹೇಳಲು ಭಯಪಟ್ಟ ಚಿರಂಜೀವಿ: ಅವರ ಆಶೀರ್ವಾದದಿಂದ ಮೆಗಾಸ್ಟಾರ್ ಆದ್ರಾ?

 ಮೆಗಾಸ್ಟಾರ್ ಚಿರಂಜೀವಿ ತಮ್ಮ ವೃತ್ತಿ ಜೀವನದಲ್ಲಿ ಅನೇಕ ದೊಡ್ಡ ನಟರು, ನಟಿಯರ ಜೊತೆ ಕೆಲಸ ಮಾಡಿದ್ದಾರೆ. ಎಷ್ಟೋ ಚಿತ್ರಗಳಲ್ಲಿ ನಟಿಸಿದ್ರೂ, ಪ್ರತಿ ನಟನಿಗೆ ವೃತ್ತಿ ಜೀವನದಲ್ಲಿ ಮರೆಯಲಾಗದ ಕ್ಷಣಗಳು ಇರ್ತವೆ. ಅಂಥ ಅಪರೂಪದ ಅನುಭವ ಚಿರಂಜೀವಿಗೆ ಅವರ ವೃತ್ತಿ ಜೀವನದ ಆರಂಭದಲ್ಲೇ ಎದುರಾಯ್ತು.

ಶೂಟಿಂಗ್‌ಗೆ ಹೋದ ಮೇಲೆ, ನೀನು ಯಾರ ಜೊತೆ ನಟಿಸ್ತಿದೀಯಾ ಅಂತ ಗೊತ್ತಾ ಅಂತ ಚಿತ್ರತಂಡದವರು ಕೇಳಿದ್ರು. ಗೊತ್ತಿಲ್ಲ ಅಂತ ಹೇಳ್ದೆ. ಮಹಾನಟಿ ಸಾವಿತ್ರಿ ಅವರ ಕಾಂಬಿನೇಷನ್‌ನಲ್ಲಿ ನಟಿಸೋಕೆ ಹೊರಟಿದ್ದೀಯಾ ಅಂತ ಹೇಳಿದ್ರು. ಒಮ್ಮೆಲೇ ನನ್ನ ಮೈ ಜುಮ್ ಅಂದ್ಹಾಗಾಯ್ತು. ಅವರು ಹೋಟೆಲ್ ರೂಮಲ್ಲಿ ರೆಸ್ಟ್ ತಗೋತಿದ್ರು. ಅವರಿಗೆ ಪರಿಚಯ ಮಾಡಿಸ್ತೀನಿ ಅಂತ ನನ್ನನ್ನ ಅಲ್ಲಿಗೆ ಕರ್ಕೊಂಡು ಹೋದ್ರು.

ಎಷ್ಟೊಂದು ಇಷ್ಟಪಡೋ ಸಾವಿತ್ರಿ ಅವರನ್ನ ಒಮ್ಮೆಲೇ ನೋಡಿದಾಗ ನನ್ನ ಬಾಯಲ್ಲಿ ಮಾತು ಬರಲಿಲ್ಲ. ನಿನ್ನ ಹೆಸರೇನು ಬಾಬು ಅಂತ ಸಾವಿತ್ರಿ ಅವರು ನನ್ನನ್ನ ಕೇಳಿದ್ರು. ಮಹಾನಟಿ ಹಾಗೆ ಕೇಳಿದ ತಕ್ಷಣ ತಡಬಡಾಯಿಸಿಬಿಟ್ಟೆ. ಭಯ ಆಯ್ತು. ಅಲ್ಲಿಯವರೆಗೂ ನನ್ನ ಹೆಸರು ಕೊಣಿಡೆಲ ಶಿವಶಂಕರ ವರಪ್ರಸಾದ್. ಆದ್ರೆ ಸಿನಿಮಾಕ್ಕೋಸ್ಕರ ಚಿರಂಜೀವಿ ಅಂತ ಬದಲಾಯಿಸಿಕೊಂಡೆ. ಅದನ್ನ ನೆನಪು ಮಾಡಿಕೊಂಡು ಸ್ವಲ್ಪ ಧೈರ್ಯ ತಗೊಂಡು ಚಿರಂಜೀವಿ ಅಂತ ಹೇಳ್ದೆ. ಅವರು ತಕ್ಷಣ ಶುಭಂ, ಗಾಡ್ ಬ್ಲೆಸ್ ಯು ಅಂತ ಹರಸಿದ್ರು. ಆ ರೀತಿ ಸಾವಿತ್ರಿ ಅವರ ಜೊತೆ ಮೊದಲ ಮಾತುಕತೆ ಮುಗೀತು.

ಶೂಟಿಂಗ್ ನಡೀತಿರುವಾಗ ಮದ್ಯದಲ್ಲಿ ಮಳೆ ಬಂತು. ನಟ-ನಟಿಯರೆಲ್ಲಾ ಒಂದು ಕಡೆ ಕೂತ್ಕೊಂಡ್ರು. ಎಲ್ಲರಿಗೂ ಬೋರ್ ಆಗ್ತಿತ್ತು. ಚಿತ್ರತಂಡದಲ್ಲಿ ನನ್ನ ಫ್ರೆಂಡ್ ಒಬ್ಬ, ನಿಮಗೆ ಗೊತ್ತಾ ಇವನು ಚಿರಂಜೀವಿ, ಡ್ಯಾನ್ಸ್ ತುಂಬಾ ಚೆನ್ನಾಗಿ ಮಾಡ್ತಾನೆ ಅಂತ ಹೇಳ್ದ. ಟೈಮ್ ಪಾಸ್​ಗೆ ಡ್ಯಾನ್ಸ್ ಮಾಡು ಅಂತ ಎಲ್ಲರೂ ಕೇಳಿದ್ರು. ಡ್ಯಾನ್ಸ್ ಅಂದ್ರೆ ನನಗೆ ಎಲ್ಲಿಲ್ಲದ ಉತ್ಸಾಹ ಬರುತ್ತೆ. ತಕ್ಷಣ ಟೇಪ್ ರೆಕಾರ್ಡರ್ ಆನ್ ಮಾಡಿ ಡ್ಯಾನ್ಸ್ ಶುರು ಮಾಡ್ದೆ. ಸಾವಿತ್ರಿ ಅವರು ಕೂಡ ನೋಡ್ತಿದ್ರು.

ಮಳೆ ಬಿದ್ದಿದ್ದರಿಂದ ಮಧ್ಯದಲ್ಲಿ ಕಾಲು ಜಾರಿ ಕೆಳಗೆ ಬಿದ್ದೆ. ಆದ್ರೆ ಅದನ್ನ ಕೂಡ ಡ್ಯಾನ್ಸ್ ತರಾನೇ ಕವರ್ ಮಾಡ್ದೆ. ಅದನ್ನ ಸಾವಿತ್ರಿ ಅವರು ಗಮನಿಸಿ ಆಮೇಲೆ ನನ್ನ ಜೊತೆ ಮಾತಾಡಿದ್ರು. ನೀನು ನನಗೆ ತುಂಬಾ ಇಷ್ಟ ಆದೆ ಅಪ್ಪ. ಒಳ್ಳೆ ಆರ್ಟಿಸ್ಟ್ ಆಗ್ತೀಯಾ. ಕೆಳಗೆ ಬಿದ್ದರೂ ಬಿಡದೆ ಡ್ಯಾನ್ಸ್ ಮಾಡ್ದೆ. ಆ ಗುಣ ನನಗೆ ಇಷ್ಟ ಆಯ್ತು ಅಂತ ಅವರು ಹೇಳಿದ್ರು. ಅವರ ಬಾಯಿಂದ ಬಂದ ಆ ಮಾತು ನಿಜವಾಯ್ತೋ ಏನೋ, ನಾನು ಇವತ್ತು ಇಷ್ಟೆಲ್ಲಾ ದೊಡ್ಡವನಾಗಿದ್ದೇನೆ ಅಂತ ಚಿರಂಜೀವಿ ನೆನಪಿಸಿಕೊಳ್ತಾರೆ.