ಪವನ್ ಸಿನಿಮಾಗೇ ಒಪ್ಪಿಕೊಳ್ಳಲಿಲ್ಲ, ನಿನಗ್ಯಾಕೆ ಮಾಡ್ಲಿ?: ಸಾಯಿ ಕುಮಾರ್‌ಗೆ ಮೆಗಾ ಸ್ಟಾರ್ ಚಿರು ಶಾಕ್!

ಟಾಲಿವುಡ್‌ನ ಮೆಗಾಸ್ಟಾರ್ ಚಿರಂಜೀವಿ ಪ್ರಸ್ತುತ ಸಿನಿರಂಗದಲ್ಲಿ ಹೊಸ ಪ್ರತಿಭೆಯನ್ನು ಪ್ರೋತ್ಸಾಹಿಸುತ್ತಿದ್ದಾರೆ. ಯಾರು ಒಳ್ಳೆಯ ಸಿನಿಮಾ ಮಾಡಿದರೂ ಅವರನ್ನು ಪ್ರಶಂಸಿಸುತ್ತಿದ್ದಾರೆ. ಜೊತೆಗೆ ಯುವ ನಟರಿಗೆ ದಾರಿದೀಪವಾಗಿದ್ದಾರೆ. ಆದರೆ ಒಂದು ಕಾಲದಲ್ಲಿ ಚಿರಂಜೀವಿ ಯಾವ ಸಿನಿಮಾಗೆ ಬೇಕಾದರೂ ತಮ್ಮ ಬೆಂಬಲವನ್ನು ನೀಡುತ್ತಿರಲಿಲ್ಲವಂತೆ. 

ಹೌದು ! ಚಿರಂಜೀವಿ ಜೊತೆ  ಆತ್ಮೀಯವಾಗಿರುವ ನಟರಲ್ಲಿ  ಹಿರಿಯ ನಟ ಸಾಯಿ ಕುಮಾರ್ ಒಬ್ಬರು. ಚಿರು ಅವರನ್ನು ಸಾಯಿ ಕುಮಾರ್ ಪ್ರೀತಿಯಿಂದ ಅಣ್ಣ ಎಂದು ಕರೆಯುತ್ತಾರೆ. ಸಾಯಿ ಕುಮಾರ್ ವೃತ್ತಿಜೀವನದಲ್ಲಿಯೇ ಅತಿ ದೊಡ್ಡ ಹಿಟ್ ಚಿತ್ರ ಎಂದರೆ ಪೊಲೀಸ್ ಸ್ಟೋರಿ ಎಂದು ಹೇಳಬಹುದು. ಕನ್ನಡದಲ್ಲಿ ಬ್ಲಾಕ್ ಬಸ್ಟರ್ ಹಿಟ್ ಆದ ನಂತರ ತೆಲುಗಿನಲ್ಲಿಯೂ ಬಿಡುಗಡೆಯಾಯಿತು. ಈ ಸಂದರ್ಭದಲ್ಲಿ ಸಾಯಿ ಕುಮಾರ್ ಚಿರಂಜೀವಿ ಜೊತೆ  ನಡೆದ ಕುತೂಹಲಕಾರಿ ಘಟನೆಯನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. 

ಪೊಲೀಸ್ ಸ್ಟೋರಿಯನ್ನು ತೆಲುಗಿನಲ್ಲಿ ಬಿಡುಗಡೆ ಮಾಡಬೇಕೆಂದುಕೊಂಡಾಗ ಪ್ರಚಾರ ಬೇಕಿತ್ತು. ಬಿಡುಗಡೆಗೆ ಮುನ್ನ ಸಿನಿಮಾ ಗಣ್ಯರಿಗೆ ವಿಶೇಷ ಪ್ರದರ್ಶನ ಏರ್ಪಡಿಸಿದ್ದೇವೆ. ರಾಮಾನಾಯುಡು, ಎಸ್ ವಿ ಕೃಷ್ಣಾರೆಡ್ಡಿ ಮುಂತಾದ ಗಣ್ಯರನ್ನು ಆಹ್ವಾನಿಸಿದೆವು. ಆದರೆ ಇನ್ನೂ ದೊಡ್ಡ ನಾಯಕ ಯಾರಾದರೂ ಸಿನಿಮಾ ನೋಡಿದರೆ ಚೆನ್ನಾಗಿರುತ್ತದೆ ಎಂದುಕೊಂಡೆವು. ಚಿರಂಜೀವಿ ಅಣ್ಣನನ್ನು  ಕೇಳಿದರೆ ಹೇಗಿರುತ್ತದೆ ಎಂದು ಅನಿಸಿ ಅವರ ಮನೆಗೆ ಹೋದೆವು. ಈ ರೀತಿ ಪೊಲೀಸ್ ಸ್ಟೋರಿ ಸಿನಿಮಾ ಬಿಡುಗಡೆಯಾಗುತ್ತಿದೆ  ಅಣ್ಣ.. ನೀವು ಸಿನಿಮಾ ನೋಡಿ ವೀಡಿಯೊ ಬೈಟ್  ಕೊಟ್ಟರೆ ಚೆನ್ನಾಗಿರುತ್ತದೆ ಎಂದು ವಿನಂತಿಸಿದೆ. 

ನನ್ನನ್ನು ತೊಂದರೆ ಮಾಡಬೇಡ ಸಾಯಿ, ತುಂಬಾ ಕಾರ್ಯನಿರತನಾಗಿದ್ದೇನೆ. ಹಾಗೆ  ನಾನು ಮಾಡುವುದಿಲ್ಲ. ನಾನು ವೀಡಿಯೊ ಬೈಟ್  ಕೊಟ್ಟರೆ ನನ್ನ ಅಭಿಮಾನಿಗಳು ನಂಬಿ ಸಿನಿಮಾ ನೋಡುತ್ತಾರೆ. ಒಂದು ವೇಳೆ ಅವರಿಗೆ ಇಷ್ಟವಾಗದಿದ್ದರೆ.. ಅದಕ್ಕೇ ಬೇಡ ಎಂದರು. ನನ್ನ ತಮ್ಮ ಪವನ್ ಕಲ್ಯಾಣ್ ಅಕ್ಕಡಮ್ಮಾಯಿ ಇಕ್ಕಡಬ್ಬಾಯಿ ಚಿತ್ರಕ್ಕೂ ವೀಡಿಯೊ ಬೈಟ್  ಕೇಳಿದರು. ಆದರೆ ನಾನೇ  ಬೇಡ ಎಂದು ಹೇಳಿದೆ. ಸಿನಿಮಾ ಪ್ರಚಾರ ಜನರಿಂದಲೇ ಆಗಬೇಕು ಎಂದು ಚಿರು ತಿಳಿಸಿದರು. 

ಇದರಿಂದ  ಸಾಯಿ ಕುಮಾರ್.. ಸರಿ ಅಣ್ಣ ನೀವು ಸಿನಿಮಾ ನೋಡಿ ಇಷ್ಟವಾದರೆ ವೀಡಿಯೊ ಕೊಡಿ ಎಂದರಂತೆ. ಇಕ್ಕಟ್ಟಿನಲ್ಲಿ ಸಿಲುಕಿಸಿಬಿಟ್ಟೆ ಸಾಯಿ ಸರಿ ಹಾಗೇ ಮಾಡೋಣ ಎಂದರಂತೆ. ಒಂದು ಕಡೆ ಸೆಲೆಬ್ರಿಟಿಗಳಿಗೆ 6 ಗಂಟೆಗೆ ಪ್ರದರ್ಶನ ಆರಂಭವಾಯಿತು. ಹೈದರಾಬಾದ್‌ನಲ್ಲಿ ಇದ್ದದ್ದು ಒಂದೇ ಪ್ರಿಂಟ್. ಇದರಿಂದ ಚಿರಂಜೀವಿಗೆ ಬೇರೆ ಕಡೆ 7 ಗಂಟೆಗೆ  ಪ್ರದರ್ಶನ ಏರ್ಪಡಿಸಿದೆವು. ಆ ಚಿತ್ರಮಂದಿರದಿಂದ ಈ ಚಿತ್ರಮಂದಿರಕ್ಕೆ ನಾನೇ ರೀಲ್ ಅನ್ನು ಬೈಕ್ ನಲ್ಲಿ ಬದಲಾಯಿಸುತ್ತಿದ್ದೆ. 

ಇನ್ನು ಚಿತ್ರೀಕರಣದಿಂದ ನೇರವಾಗಿ ಚಿರಂಜೀವಿ ಬಂದರು. ದಣಿದಿದ್ದರು. ಸೀಟಿನಲ್ಲಿ ನಿರಾಳವಾಗಿ ಕುಳಿತರು. ಅವರ ಪತ್ನಿ ಸುರೇಖಾ ಕೂಡ ಬಂದರು. ಸಿನಿಮಾ ಆರಂಭವಾದ ನಂತರ ನಿರಾಳವಾಗಿ ಕುಳಿತಿದ್ದ ಚಿರಂಜೀವಿ ಗಮನವಿಟ್ಟು ಸಂಪೂರ್ಣವಾಗಿ ತೊಡಗಿಸಿಕೊಂಡು ಸಿನಿಮಾ ನೋಡಲು ಪ್ರಾರಂಭಿಸಿದರು. ಸಿನಿಮಾ ಮುಗಿಯಿತು. ಒಮ್ಮೆಲೇ ನನ್ನ ಭುಜದ ಮೇಲೆ ಕೈ ಹಾಕಿ ಎಷ್ಟು ಅದ್ಭುತವಾಗಿ ಮಾಡಿದ್ದೀಯಪ್ಪ ಎಂದು ಮೆಚ್ಚುಗೆ ವ್ಯಕ್ತಪಡಿಸಲು ಪ್ರಾರಂಭಿಸಿದರು. ಸಿನಿಮಾ ಅವರಿಗೆ ತುಂಬಾ ಇಷ್ಟವಾಯಿತು ಎಂದು ಸಾಯಿ ಕುಮಾರ್ ತಿಳಿಸಿದರು.