ಮಕ್ಕಳಿಲ್ಲದ ನಟಿ ವಿಜಯಶಾಂತಿ ಆಸ್ತಿ ಯಾರ ಪಾಲು? ಒಡವೆಗಳು ಮಾತ್ರ ಆ ದೇವರಿಗೆ!

ಲೇಡಿ ಸೂಪರ್ ಸ್ಟಾರ್ ವಿಜಯಶಾಂತಿ ಈಗ ಸುದ್ದಿಯಲ್ಲಿದ್ದಾರೆ. ರಾಜಕೀಯದಲ್ಲಿ ಸಕ್ರಿಯರಾಗಿರುವ ವಿಜಯಶಾಂತಿ, ಕಾಂಗ್ರೆಸ್ ಪಕ್ಷದಿಂದ ಎಂಎಲ್ ಸಿ ಆಗಿದ್ದಾರೆ. ಚಿತ್ರರಂಗದಲ್ಲೂ ಮತ್ತೆ 'ಅರ್ಜುನ್ ಸನ್ನಾಫ್ ವೈಜಯಂತಿ' ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಪವರ್ ಫುಲ್ ಪೊಲೀಸ್ ಅಧಿಕಾರಿ ವೈಜಯಂತಿ ಪಾತ್ರದಲ್ಲಿ ಮಿಂಚಿದ್ದಾರೆ.

ಬಹಳ ದಿನಗಳ ನಂತರ ವಿಜಯಶಾಂತಿ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಚಿತ್ರದಲ್ಲಿ ನಟಿಸಿದ್ದರು. ಈಗ ಕಲ್ಯಾಣ್ ರಾಮ್ ನಟನೆಯ 'ಅರ್ಜುನ್ ಸನ್ನಾಫ್ ವೈಜಯಂತಿ' ಚಿತ್ರದಲ್ಲಿ ಮಿಂಚಿದ್ದಾರೆ. ಮತ್ತೆ ಸಿನಿಮಾಗಳಲ್ಲಿ ನಟಿಸುತ್ತಾರಾ ಅಂದ್ರೆ ಇಲ್ಲ ಅಂತಾರೆ. ಜನಪ್ರತಿನಿಧಿಯಾಗಿರುವುದರಿಂದ ಸಿನಿಮಾ ಮಾಡೋಕೆ ಆಗಲ್ಲ ಅಂತ ಹೇಳಿದ್ದಾರೆ.

ಮಕ್ಕಳಿಲ್ಲದ ವಿಜಯಶಾಂತಿ ತಮ್ಮ ಆಸ್ತಿಯನ್ನು ಏನು ಮಾಡುತ್ತಾರೆ, ಯಾರಿಗೆ ಕೊಡುತ್ತಾರೆ ಎಂಬ ಕುತೂಹಲ ಮೂಡಿದೆ. ಜನರಿಗಾಗಿ ಮಕ್ಕಳನ್ನು ಬೇಡ ಅಂದಿದ್ದಾಗಿ, ತಮ್ಮ ಜೀವನವನ್ನು ಜನರಿಗೆ ಅರ್ಪಿಸಿಕೊಂಡಿದ್ದಾಗಿ ವಿಜಯಶಾಂತಿ ಹೇಳಿದ್ದಾರೆ.

ತಮ್ಮ ಮರಣದ ನಂತರ ಆಸ್ತಿಯನ್ನು ಜನರಿಗೆ ಕೊಡುವುದಾಗಿ ವಿಜಯಶಾಂತಿ ಹೇಳಿದ್ದಾರೆ. ತಾಯಿಯ ಹೆಸರಿನಲ್ಲಿ ಫೌಂಡೇಷನ್ ಸ್ಥಾಪಿಸಿ, ಶಿಕ್ಷಣ ಮತ್ತು ವೈದ್ಯಕೀಯ ಸೇವೆಗೆ ಆಸ್ತಿಯನ್ನು ಕೊಡುತ್ತೇನೆ ಅಂತ ಹೇಳಿದ್ದಾರೆ. ತಮ್ಮಲ್ಲಿರುವ ಒಡವೆಗಳನ್ನೆಲ್ಲಾ ತಿರುಪತಿ ವೆಂಕಟೇಶ್ವರ ಸ್ವಾಮಿ ಹುಂಡಿಗೆ ಹಾಕಿದ್ದಾಗಿ ತಿಳಿಸಿದ್ದಾರೆ.

ವಿಜಯಶಾಂತಿ, ನಟಿ ವಿಜಯಲಲಿತ ಅವರ ಮಗಳು. ಕುಟುಂಬದಲ್ಲಿ ಚಿತ್ರರಂಗದ ವ್ಯಕ್ತಿಗಳಿದ್ದ ಕಾರಣ ವಿಜಯಶಾಂತಿ ಸಿನಿಮಾರಂಗಕ್ಕೆ ಬೇಗನೆ ಎಂಟ್ರಿ ಕೊಟ್ಟರು. 15ನೇ ವಯಸ್ಸಿಗೆ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ವಿಜಯಶಾಂತಿ, ನಾಲ್ಕು ದಶಕಗಳಿಂದ ನಟಿಯಾಗಿ ಮಿಂಚುತ್ತಿದ್ದಾರೆ.

ಲೇಡಿ ಸೂಪರ್‌ಸ್ಟಾರ್ ಎಂದೇ ಖ್ಯಾತರಾಗಿರುವ ವಿಜಯಶಾಂತಿ, ಮಹಿಳಾ ಪ್ರಧಾನ ಚಿತ್ರಗಳ ಮೂಲಕ ಸ್ಟಾರ್ ಪಟ್ಟ ಗಳಿಸಿದ್ದಾರೆ. ಸ್ಟಾರ್ ನಟರಿಗೆ ಟಕ್ಕರ್ ಕೊಡುವಂತೆ ಅವರ ಚಿತ್ರಗಳು ಜನಪ್ರಿಯತೆ ಗಳಿಸಿದ್ದವು. 'ಅರ್ಜುನ್ ಸನ್ನಾಫ್ ವೈಜಯಂತಿ' ಚಿತ್ರದಲ್ಲಿ ಮತ್ತೊಮ್ಮೆ ಆ ಹಳೆಯ ದಿನಗಳನ್ನು ನೆನಪಿಸಿದ್ದಾರೆ.