ಬಾಲಿವುಡ್‌ನಲ್ಲಿ 500 ಕೋಟಿ ರೂ. ಕ್ಲಬ್ ಸೇರಿದ ನಟಿಯರು: ಕನ್ನಡತಿಯರದ್ದೇ ಮೈಲುಗೈ!

ರಶ್ಮಿಕಾ ಮಂದಣ್ಣ ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಲ್ಲಿರುತ್ತಾರೆ. ಕನ್ನಡದ ನಂತರ ತೆಲಗು ಚಿತ್ರಗಳಲ್ಲಿ ಹೆಸರು ಮಾಡಿದ ರಶ್ಮಿಕಾ ಅವರು ಈಗ ಬಾಲಿವುಡ್‌ನಲ್ಲೂ ಸದ್ದು ಮಾಡುತ್ತಿದ್ದಾರೆ. ರಶ್ಮಿಕಾ ಈಗ  ತಮ್ಮ ಕೆರಿಯರ್‌ನ ಇನ್ನೊಂದು ಮೈಲಿಗಲ್ಲು ಮುಟ್ಟಿದ್ದಾರೆ. ಈಗ ನಟಿ  500 ಕೋಟಿ ಕ್ಲಬ್‌ ಪ್ರವೇಶಿಸಿದ ಕೆಲವೇ ನಟಿಯರಲ್ಲಿ ಒಬ್ಬರು. ಈ ಪಟ್ಟಿಯಲ್ಲಿರುವ ಉಳಿದವರು ಯಾರು ಗೊತ್ತಾ? ಅವರಲ್ಲಿ ದೀಪಿಕಾ ಪಡುಕೋಣೆ, ರಶ್ಮಿಕಾ ಮಂದಣ್ಣ ಹಾಗೂ ಅನುಷ್ಕಾ ಶೆಟ್ಟಿ ಕರ್ನಾಟಕದವರು ಎನ್ನುವುದೇ ಹೆಮ್ಮೆ. 

ದೀಪಿಕಾ ಪಡುಕೋಣೆ:
ದೀಪಿಕಾ ಪಡುಕೋಣೆ ಭಾರತದಲ್ಲಿ 500 ಕೋಟಿ ರೂ. ಕ್ಲಬ್‌ಗೆ ಪ್ರವೇಶಿಸಿದ ಮೊದಲ ಬಾಲಿವುಡ್ ನಟಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ, ಅವರ  ಪಠಾಣ್‌ ಚಿತ್ರ 543.05 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸುವ ಮೂಲಕ ಎಲ್ಲಾ ದಾಖಲೆಗಳನ್ನು ಮುರಿದಿದೆ.

ಅಮಿಶಾ ಪಟೇಲ್:
ಈ ಪಟ್ಟಿಯಲ್ಲಿ ಅಮಿಶಾ ಪಟೇಲ್‌ ಅತ್ಯಂತ ಹಿರಿಯ ನಟಿ . ಭಾರತದಲ್ಲಿ 525.45 ಕೋಟಿ ಕಲೆಕ್ಷನ್ ಮಾಡಿದ ಗದರ್ 2 ಮೂಲಕ ಅಮಿಶಾ ಪಟ್ಟಿಗೆ ಸೇರಿದ ಎರಡನೇ ಬಾಲಿವುಡ್ ನಟಿ.

ನಯನತಾರಾ:
ಬಾಲಿವುಡ್ ಚಿತ್ರ ಜವಾನ್ ಮೂಲಕ 500 ಕೋಟಿ ಗಳಿಸಿದ ದಕ್ಷಿಣ ಭಾರತದ ಮೊದಲ ನಟಿ ನಯನತಾರಾ. ಈ ಚಿತ್ರ ಭಾರತದಲ್ಲಿ 643 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ.

ಕುತೂಹಲಕಾರಿಯಾಗಿ ದೀಪಿಕಾ ಪಡುಕೋಣೆ ಕೂಡ ಜವಾನ್ ಚಿತ್ರದ ಪ್ರಮುಖ ಭಾಗವಾಗಿದ್ದರು.  ಆದ್ದರಿಂದ ಅವರು ಈ ಪಟ್ಟಿಯಲ್ಲಿ ಎರಡು ಚಿತ್ರಗಳನ್ನು ಹೊಂದಿದ್ದಾರೆ.

ರಶ್ಮಿಕಾ ಮಂದಣ್ಣ:
ಭಾರತದಲ್ಲಿ 519.64 ಕೋಟಿ ರೂಪಾಯಿಗಳನ್ನು ಗಳಿಸಿರುವ  ಆನಿಮಲ್‌ ಚಿತ್ರದ ಮೂಲಕ  ರಶ್ಮಿಕಾ ಮಂದಣ್ಣ ಇತ್ತೀಚೆಗೆ  500 ಕೋಟಿ ಕ್ಲಬ್‌ ಪ್ರವೇಶಿಸಿದ್ದಾರೆ. ಹಿಂದಿಯಲ್ಲಿ ಇದುವರೆಗೆ 480 ಕೋಟಿ ಕಲೆಕ್ಷನ್ ಮಾಡಿದೆ.

ಅನುಷ್ಕಾ ಶೆಟ್ಟಿ:
ನಾಲ್ಕು ನಟಿಯರಿಗಿಂತ ಮೊದಲು ಈ ಕ್ಲಬ್‌ಗೆ ಪ್ರವೇಶಿಸಿದ ಮೊದಲ ಭಾರತೀಯ ನಟಿ ಅನುಷ್ಕಾ ಶೆಟ್ಟಿ. ಅನುಷ್ಕಾ ಶೆಟ್ಟಿ ಮೊದಲ ಬಾರಿಗೆ ಹಿಂದಿಯಲ್ಲಿ  ತೆಲುಗು ಚಿತ್ರ ಬಾಹುಬಲಿ ಮೂಲಕ  500 ಕೋಟಿ ಕ್ಲಬ್ ಸೇರಿದ್ದರು. ಆದರೆ ಅದು ಬಾಲಿವುಡ್‌ ಚಿತ್ರವಾಗಿರಲಿಲ್ಲ.  

ತಾಪ್ಸಿ ಪನ್ನು:
ದೀಪಿಕಾ, ಅಮಿಶಾ, ನಯನತಾರಾ, ರಶ್ಮಿಕಾ ಅವರ ಜೊತೆ ತಾಪ್ಸಿ ಪನ್ನು ಅವರು ಕೂಡ ಈ ಕ್ಲಬ್‌ ಸೇರಬಹುದು. ಎಸ್‌ಆರ್‌ಕೆ ನಟಿಸಿರುವ ರಾಜ್‌ಕುಮಾರ್ ಹಿರಾನಿ ಅವರ ಚಿತ್ರ  ಡುಂಕಿ ಸಕಾರಾತ್ಮಕ ವಿಮರ್ಶೆಗಳನ್ನು ಹೊಂದಿದೆ ಮತ್ತು ಈ ಮೈಲಿಗಲ್ಲು ಸಾಧಿಸುವ ಎಲ್ಲಾ ಅವಕಾಶಗಳನ್ನು ಹೊಂದಿದೆ.