ಆಸ್ಕರ್ ನಿರ್ದೇಶಕ ರಾಜಮೌಳಿ ಮಾಡಿದ ಈ 2 ಸಿನಿಮಾಗಳು ಇಷ್ಟ ಆಗಿಲ್ಲ: ಡಾರ್ಲಿಂಗ್ ಪ್ರಭಾಸ್‌ ಹೀಗ್ಯಾಕೆ ಹೇಳಿದ್ರು?

ರಾಜಮೌಳಿ ಸಿನಿಮಾಗಳು ಇಷ್ಟ ಆಗದವರು ಯಾರಿದ್ದಾರೆ ಹೇಳಿ? ಜಕ್ಕಣ್ಣನ ಜೊತೆ ಮೂರು ಸಿನಿಮಾ ಮಾಡಿರೋ ಪ್ರಭಾಸ್‌ಗೆ ರಾಜಮೌಳಿ ಡೈರೆಕ್ಟ್ ಮಾಡಿದ ಎರಡು ಸಿನಿಮಾಗಳು ಇಷ್ಟ ಆಗಿಲ್ಲವಂತೆ. ಯಾವ ಸಿನಿಮಾಗಳು ಅಂತ ಗೊತ್ತಾ..?

ಸಿನಿಮಾ ಇಂಡಸ್ಟ್ರಿಯಲ್ಲಿ ಸೋಲನ್ನೇ ಕಾಣದ ನಿರ್ದೇಶಕ ಅಂದ್ರೆ ರಾಜಮೌಳಿ. ಸ್ವಲ್ಪ ಸಮಯ ತೆಗೆದುಕೊಂಡು ಸಿನಿಮಾ ಮಾಡಿದ್ರೂ, ಅವರ ಡೈರೆಕ್ಷನ್‌ನ ಪ್ರತಿ ಸಿನಿಮಾ ಸೂಪರ್ ಹಿಟ್ ಆಗುತ್ತಾನೇ ಇದೆ. ಇಂಡಸ್ಟ್ರಿಯಲ್ಲಿ ಈ ರೆಕಾರ್ಡ್ ಬೇರೆ ಯಾರ ಹೆಸರಲ್ಲೂ ಇಲ್ಲ. ಹೀರೋಗಳನ್ನ ಸ್ಟಾರ್ ಹೀರೋಗಳನ್ನಾಗಿ ಮಾಡಿದ ಕೀರ್ತಿ ಕೂಡ ರಾಜಮೌಳಿ ಅವರಿಗೆ ಸಲ್ಲುತ್ತದೆ.

ಟಾಲಿವುಡ್‌ ಅನ್ನು ಹಾಲಿವುಡ್‌ಗೆ ಕರೆದೊಯ್ದು ಆಸ್ಕರ್ ತಂದ ನಿರ್ದೇಶಕ ಕೂಡ ರಾಜಮೌಳಿ. ರಾಜಮೌಳಿ ಬಗ್ಗೆ ಹೇಳ್ತಾನೇ ಹೋದ್ರೆ ತುಂಬಾನೇ ಹೇಳಬಹುದು. ಆದ್ರೆ, ರಾಜಮೌಳಿ ಸಿನಿಮಾ ಇಷ್ಟ ಆಗದವರು ಯಾರಿದ್ದಾರೆ ಹೇಳಿ? ಜಕ್ಕಣ್ಣ ಸಿನಿಮಾ ರಿಲೀಸ್ ಆದ್ರೆ ಸಾಕು, ಹೀರೋ ಯಾರು ಅಂತ ನೋಡದೇನೆ ಸಿನಿಮಾ ನೋಡೋಕೆ ಹೋಗ್ತಾರೆ.

ರಾಜಮೌಳಿ ಸಿನಿಮಾ ಇಷ್ಟ ಆಗಿಲ್ಲ ಅಂತ ಯಾರೂ ಹೇಳಿಲ್ಲ. ಆದ್ರೆ ಯಂಗ್ ರೆಬೆಲ್ ಸ್ಟಾರ್ ಪ್ರಭಾಸ್‌ಗೆ ಮಾತ್ರ ರಾಜಮೌಳಿ ಮಾಡಿದ ಎರಡು ಸಿನಿಮಾಗಳು ಇಷ್ಟ ಆಗಿಲ್ಲವಂತೆ. ಬೇರೆ ಹೀರೋ ಹೇಳಿದ್ರೆ ಒಂದು, ರಾಜಮೌಳಿ ಜೊತೆ ಮೂರು ಸಿನಿಮಾ ಮಾಡಿರೋ ಪ್ರಭಾಸ್ ಹೇಳಿದ್ರೆ ಅಚ್ಚರಿ ಅನ್ಸುತ್ತೆ. ಪ್ರಭಾಸ್‌ಗೆ ರಾಜಮೌಳಿ ಡೈರೆಕ್ಟ್ ಮಾಡಿದ ಎರಡು ಸಿನಿಮಾಗಳು ಯಾಕೋ ಇಷ್ಟ ಆಗಿಲ್ಲವಂತೆ.

ಆ ಸಿನಿಮಾಗಳು ಯಾವುದೂ ಅಲ್ಲ, ಒಂದು ಸ್ಟೂಡೆಂಟ್ ನಂಬರ್ ಒನ್, ಇನ್ನೊಂದು ಯಮದೊಂಗ. ಈ ಎರಡು ಸಿನಿಮಾಗಳು ಪ್ರಭಾಸ್‌ಗೆ ಯಾಕೋ ಕನೆಕ್ಟ್ ಆಗಿಲ್ಲವಂತೆ. ಈ ವಿಷ್ಯವನ್ನು ಪ್ರಭಾಸ್ ಸ್ವತಃ ಜಕ್ಕಣ್ಣನ ಹತ್ರ ಹೇಳಿದ್ದಾರಂತೆ. ಈ ಎರಡು ಸಿನಿಮಾಗಳಲ್ಲಿ ಒಂದನ್ನು ರಾಜಮೌಳಿ ಪ್ರಭಾಸ್ ಜೊತೆ ಮಾಡಬೇಕು ಅಂತ ಅಂದುಕೊಂಡಿದ್ರಂತೆ. ಆದ್ರೆ ಆಗಿಲ್ಲ.

ರಾಜಮೌಳಿ ಡೈರೆಕ್ಷನ್‌ನಲ್ಲಿ ಹೆಚ್ಚು ಸಿನಿಮಾ ಮಾಡಿದ ಹೀರೋಗಳಲ್ಲಿ ಒಬ್ಬರು ಎನ್.ಟಿ.ಆರ್ ಆದ್ರೆ, ಇನ್ನೊಬ್ಬರು ಪ್ರಭಾಸ್. ಎನ್.ಟಿ.ಆರ್ ನಾಲ್ಕು ಸಿನಿಮಾ ಮಾಡಿದ್ರೆ, ಪ್ರಭಾಸ್ ಮೂರು ಸಿನಿಮಾ ಮಾಡಿದ್ದಾರೆ. ರಾಮ್ ಚರಣ್ ರಾಜಮೌಳಿ ಡೈರೆಕ್ಷನ್‌ನಲ್ಲಿ ಎರಡು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಪ್ರಭಾಸ್‌ಗೆ ಇಷ್ಟ ಆಗಿಲ್ಲ ಅಂತ ಹೇಳ್ತಿರೋ ಎರಡೂ ಸಿನಿಮಾಗಳು ಎನ್.ಟಿ.ಆರ್‌ ಅವರದ್ದೇ ಇರೋದು ವಿಶೇಷ. ಈ ಸುದ್ದಿಯಲ್ಲಿ ಎಷ್ಟು ನಿಜ ಅಂತ ಗೊತ್ತಿಲ್ಲ, ಆದ್ರೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.