ಪುಷ್ಪ 2 ಕಾಲ್ತುಳಿತ ಪ್ರಕರಣ: ಪರೋಕ್ಷವಾಗಿ ಅಲ್ಲು ಅರ್ಜುನ್ ಕಾರಣ ಎಂದ ಸಿಎಂ ರೇವಂತ್ ರೆಡ್ಡಿ

ಪುಷ್ಪ 2 ಚಿತ್ರ ಬಿಡುಗಡೆ ಸಂದರ್ಭದಲ್ಲಿ ನಡೆದ ಕಾಲ್ತುಳಿತ ಘಟನೆ ಬಗ್ಗೆ ಸಿಎಂ ರೇವಂತ್ ರೆಡ್ಡಿ ಪ್ರತಿಕ್ರಿಯಿಸಿದ್ದಾರೆ. ಅಲ್ಲು ಅರ್ಜುನ್ ಪರೋಕ್ಷವಾಗಿ ಕಾರಣ ಅಂತ ಹೇಳಿದ್ದಾರೆ. ಬಾಧಿತ ಕುಟುಂಬವನ್ನು ಕಡೆಗಣಿಸಿದ್ದಾರೆ ಅಂತ ಆರೋಪಿಸಿದ್ದಾರೆ.

‘ಪುಷ್ಪ2’ ಬಿಡುಗಡೆ ವೇಳೆ ಸಂಧ್ಯಾ ಥಿಯೇಟರ್ ಬಳಿ ನಡೆದ ಕಾಲ್ತುಳಿತ ಘಟನೆ ಒಂದು ತಿಂಗಳು ಕಳೆದರೂ ಮೀಡಿಯಾದಲ್ಲಿ ಚರ್ಚೆಯಲ್ಲಿದೆ. ಆಗ ಅಲ್ಲು ಅರ್ಜುನ್ ಬಂಧಿತರಾಗಿ, ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ರು. ಈ ಘಟನೆ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿತ್ತು.

ಈ ಬಗ್ಗೆ ತೆಲಂಗಾಣ ಸಿಎಂ ರೇವಂತ್‌ರೆಡ್ಡಿ ವಿಧಾನಸಭೆಯಲ್ಲಿ ಮಾತಾಡಿದ್ರು. ದಾವೋಸ್ ಪ್ರವಾಸದಲ್ಲಿದ್ದಾಗ ಆಂಗ್ಲ ಮಾಧ್ಯಮದವರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ್ರು. ಕಾಲ್ತುಳಿತಕ್ಕೆ ಅಲ್ಲು ಅರ್ಜುನ್ ನೇರ ಹೊಣೆಯಲ್ಲ ಅಂತ ಕೇಳಿದಾಗ ಉತ್ತರಿಸಿದ್ರು. 

ರೇವಂತ್ ರೆಡ್ಡಿ ಹೇಳಿದ್ದಿಷ್ಟು... ‘‘ಎರಡು ದಿನ ಮುಂಚೆ ಅನುಮತಿ ಕೇಳಿದ್ರೆ ಪೊಲೀಸರು ನಿರಾಕರಿಸಿದ್ರು. ಆದ್ರೂ ಥಿಯೇಟರ್‌ಗೆ ಅಲ್ಲು ಅರ್ಜುನ್ ಬಂದ್ರು. ಅಭಿಮಾನಿಗಳು ಜಾಸ್ತಿ ಬಂದಾಗ ಅವರ ಜೊತೆಗಿದ್ದ ಭದ್ರತಾ ಸಿಬ್ಬಂದಿ ಜನರನ್ನ ತಳ್ಳಿದ್ರು. ಕಾಲ್ತುಳಿತದಲ್ಲಿ ಒಬ್ಬರು ಸತ್ತರು. ಒಬ್ಬರು ಸಾಯೋದು ಅವರ ತಪ್ಪಲ್ಲ. ಆದ್ರೆ ಆ ಮಹಿಳೆ ಸತ್ತ ಮೇಲೆ 10-12 ದಿನ ಬಾಧಿತ ಕುಟುಂಬವನ್ನು ಕಡೆಗಣಿಸಿದ್ರು. ಕಾನೂನು ತನ್ನ ಕೆಲಸ ಮಾಡ್ತಿದೆ’’ ಅಂದ್ರು.

ಘಟನೆ ಹೀಗಿದೆ... ಡಿಸೆಂಬರ್ 4 ರಂದು ಪುಷ್ಪ-2 ಬೆನಿಫಿಟ್​ ಶೋ ವೇಳೆ ಆರ್ಟಿಸಿ ಕ್ರಾಸ್​ ರೋಡ್‌ನ ಸಂಧ್ಯಾ ಥಿಯೇಟರ್​ಗೆ ರಾತ್ರಿ ಅಲ್ಲು ಅರ್ಜುನ್​ ಬಂದ್ರು. ಅಭಿಮಾನಿಗಳು ನೋಡೋಕೆ ಜನ ಓಡಿ ಬಂದ್ರು. ತಳ್ಳಾಟ ನಡೀತು. ಅಭಿಮಾನಿಗಳನ್ನ ನಿಯಂತ್ರಿಸೋಕೆ ಪೊಲೀಸರು ಚದುರಿಸಿದ್ರು. 

ಕಾಲ್ತುಳಿತ ನಡೀತು. ತಾಯಿ ರೇವತಿ, ಮಗ ಶ್ರೀತೇಜ್ ಬಿದ್ದರು. ಪೊಲೀಸರು ಆಸ್ಪತ್ರೆಗೆ ಕರ್ಕೊಂಡು ಹೋದ್ರು. ರೇವತಿ ಸಾವನ್ನಪ್ಪಿದ್ರು, ಶ್ರೀತೇಜ್ ಗೆ ಚಿಕಿತ್ಸೆ ನಡೀತಿದೆ. ಈ ಕೇಸ್ ನಲ್ಲಿ 12 ಜನರನ್ನ ಪೊಲೀಸರು ಹಿಡಿದಿದ್ದಾರೆ.