ನಟ ಅಜಿತ್ ಸಿನಿಮಾಗಳಿಂದ 10 ವರ್ಷದಲ್ಲಿ 1,200 ಕೋಟಿ ಕಲೆಕ್ಷನ್; ಆದರೆ, ರೇಸ್‌ಗಾಗಿ ಖರ್ಚು ಮಾಡಿದ್ದೆಷ್ಟು?

ಅಜಿತ್ ಶೀಘ್ರದಲ್ಲೇ 'ಗುಡ್ ಬ್ಯಾಡ್ ಅಗ್ಲಿ' ಚಿತ್ರದೊಂದಿಗೆ ಬರಲಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಅಜಿತ್ ಸಿನಿಮಾಗಳು ನಿರೀಕ್ಷಿತ ಮಟ್ಟದಲ್ಲಿ ಯಶಸ್ಸು ಕಾಣುತ್ತಿಲ್ಲ. ಕಳೆದ 10 ವರ್ಷಗಳಲ್ಲಿ ಅಜಿತ್ ಕುಮಾರ್ ನಟಿಸಿದ ಸಿನಿಮಾಗಳು ಎಷ್ಟು ಕಲೆಕ್ಷನ್ ಮಾಡಿವೆ ಎಂದು ನೋಡೋಣ.

Ajith Box Office Report : ತಮಿಳು ಚಿತ್ರರಂಗದಲ್ಲಿ ಅಜಿತ್ ಕುಮಾರ್‌ಗೆ ಬಹಳಷ್ಟು ಅಭಿಮಾನಿಗಳಿದ್ದಾರೆ. ಅಜಿತ್ ಸಿನಿಮಾ ವೃತ್ತಿಜೀವನದ ಮೇಲೆ ಹೆಚ್ಚು ಗಮನ ಹರಿಸುತ್ತಾರೆ. ರೇಸಿಂಗ್, ಪ್ರಯಾಣ ಅಂದರೆ ಅವರಿಗೆ ತುಂಬಾ ಇಷ್ಟ. ಅದಕ್ಕಾಗಿ ಸಮಯ ಮತ್ತು ಹಣವನ್ನು ಚೆನ್ನಾಗಿ ಖರ್ಚು ಮಾಡುತ್ತಾರೆ.

ಅಜಿತ್‌ಗೆ ಸಿನಿಮಾ ಬಗ್ಗೆ ಆಸಕ್ತಿ ಕಡಿಮೆಯಾಗಿದೆ ಎಂದು ಹೇಳಲಾಗುತ್ತಿದೆ. ಅವರ ಇತ್ತೀಚಿನ ಸಿನಿಮಾಗಳು ಅಷ್ಟಾಗಿ ಮೆಚ್ಚುಗೆ ಗಳಿಸಿಲ್ಲ. ಕಳೆದ 10 ವರ್ಷಗಳಲ್ಲಿ ಅಜಿತ್ ಕುಮಾರ್ ಅವರ ಸಿನಿಮಾಗಳ ಬಾಕ್ಸ್ ಆಫೀಸ್ ಕಲೆಕ್ಷನ್ ವಿವರಗಳನ್ನು ಈಗ ನೋಡೋಣ. 

2014 ರಲ್ಲಿ ಬಿಡುಗಡೆಯಾದ ವೀರಂನಿಂದ (Veeram) ಇತ್ತೀಚೆಗೆ ಬರುತ್ತಿರುವ ವಿದಾಮುಯರ್ಚಿ (Vidaamuyarchi) ವರೆಗೆ ಅಜಿತ್ ಕುಮಾರ್ ಅವರ ಸಿನಿಮಾಗಳು ಒಟ್ಟು 1,167 ಕೋಟಿ ಕಲೆಕ್ಷನ್ ಮಾಡಿವೆ. ಈ ಸಮಯದಲ್ಲಿ ಕಾಲಿವುಡ್ ಬಾಕ್ಸ್ ಆಫೀಸ್ ಉತ್ತಮವಾಗಿರಲು ಅಜಿತ್ ಕುಮಾರ್ ಬಹಳ ಸಹಾಯ ಮಾಡಿದ್ದಾರೆ. ಈ ಅವಧಿಯಲ್ಲಿ ಅವರ ಸಿನಿಮಾಗಳು ಸರಾಸರಿ 130 ಕೋಟಿ ಕಲೆಕ್ಷನ್ ಮಾಡಿವೆ.

ಇದರಲ್ಲಿ ಕಡಿಮೆ ಕಲೆಕ್ಷನ್ ಮಾಡಿದ ಸಿನಿಮಾ ವೀರಂ (74.75 ಕೋಟಿ), ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ 'ತುನಿವು' (194.5 ಕೋಟಿ). ಇಷ್ಟು ದೊಡ್ಡ ನಟನಾಗಿದ್ದರೂ ಅಜಿತ್ ಕುಮಾರ್ ಇದುವರೆಗೂ 200 ಕೋಟಿ ಕ್ಲಬ್‌ಗೆ ಸೇರಲು ಸಾಧ್ಯವಾಗಿಲ್ಲ.

ತಮಿಳುನಾಡಿನಲ್ಲಿ ಅವರ ಸಿನಿಮಾಗಳಿಗೆ ಉತ್ತಮ ಕಲೆಕ್ಷನ್ ಬರುತ್ತದೆ. ಉಳಿದ ರಾಜ್ಯಗಳಲ್ಲಿ ಕಡಿಮೆ ಬರುತ್ತದೆ. ವಿಜಯ್, ರಜನಿಕಾಂತ್ ಅವರಂತಹ ಇತರ ನಟರು ಬೇರೆ ರಾಜ್ಯಗಳಲ್ಲಿ, ದೇಶಗಳಲ್ಲಿ ಕೂಡ ಚೆನ್ನಾಗಿ ಕಲೆಕ್ಷನ್ ಮಾಡುತ್ತಾರೆ. ಆದರೆ ಅಜಿತ್ ಸಿನಿಮಾಗಳಿಗೆ ತಮಿಳುನಾಡಿನಲ್ಲೇ ಹೆಚ್ಚು ಕಲೆಕ್ಷನ್ ಬರುತ್ತದೆ. ವಿಜಯ್, ಅಜಿತ್, ಸೂರ್ಯಗೆ ಹೋಲಿಸಿದರೆ ಅಜಿತ್‌ಗೆ ಕೇರಳ, ಆಂಧ್ರ, ಕರ್ನಾಟಕದಲ್ಲಿ ಕಡಿಮೆ ಅಭಿಮಾನಿಗಳಿದ್ದಾರೆ. ಅದಕ್ಕೆ ಅಲ್ಲಿ ಅಜಿತ್ ಸಿನಿಮಾಗಳು ಹೆಚ್ಚಾಗಿ ಪ್ರದರ್ಶನ ಆಗುವುದಿಲ್ಲ.

ಇಲ್ಲಿಯವರೆಗೆ ಅಜಿತ್ ನಟಿಸಿದ ಸಿನಿಮಾಗಳಲ್ಲಿ 100 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾಗಳು 'ವೇದಾಳಂ', 'ವಿಶ್ವಾಸಂ', 'ನೇರ್‌ಕೊಂಡ ಪಾರ್ವೈ', 'ವಲಿಮೈ', 'ತುನಿವು', 'ವಿದಾಮುಯರ್ಚಿ'. ಇದರಲ್ಲಿ ವಿಶ್ವಾಸಂ (180 ಕೋಟಿ), ವಲಿಮೈ (152 ಕೋಟಿ), ತುನಿವು (194.5 ಕೋಟಿ) ಮಾತ್ರ 150 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿವೆ. ಉಳಿದ ಸಿನಿಮಾಗಳು ಇದಕ್ಕಿಂತ ಕಡಿಮೆ ಕಲೆಕ್ಷನ್ ಮಾಡಿವೆ ಎಂದು ಸಿನೆಟ್ರಾಕ್ ಲಿಸ್ಟ್‌ನಲ್ಲಿದೆ.

ಅಜಿತ್ ಅವರ ಮುಂದಿನ ಸಿನಿಮಾ 'ಗುಡ್ ಬ್ಯಾಡ್ ಅಗ್ಲಿ' ಈ ಟ್ರೆಂಡ್ ಅನ್ನು ಬದಲಾಯಿಸುತ್ತದೆ ಎಂದು ಭಾವಿಸಲಾಗಿದೆ. ಆದಿಕ್ ರವಿಚಂದ್ರನ್ ನಿರ್ದೇಶನದಲ್ಲಿ ಬರುತ್ತಿರುವ `ಗುಡ್ ಬ್ಯಾಡ್ ಅಗ್ಲಿ` ಸಿನಿಮಾ ಏಪ್ರಿಲ್ 10 ರಂದು ಬಿಡುಗಡೆಯಾಗಲಿದೆ. ಇದನ್ನು ಪ್ಯಾನ್ ಇಂಡಿಯಾ ಸಿನಿಮಾವಾಗಿ ಬಿಡುಗಡೆ ಮಾಡುತ್ತಿದ್ದಾರೆ. ಹಾಗಾಗಿ ಈ ಸಿನಿಮಾ ಬಾಕ್ಸ್ ಆಫೀಸ್ ಬಳಿ ಚೆನ್ನಾಗಿ ಕಲೆಕ್ಷನ್ ಮಾಡುತ್ತದೆ ಎಂದು ಅಂದುಕೊಂಡಿದ್ದಾರೆ. ಮೈತ್ರಿ ಮೂವೀ ಮೇಕರ್ಸ್ ಈ ಸಿನಿಮಾವನ್ನು ನಿರ್ಮಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅಜಿತ್‌ಗೆ ಜೋಡಿಯಾಗಿ ತ್ರಿಷಾ ನಟಿಸುತ್ತಿದ್ದಾರೆ.

ಇನ್ನು ಅಜಿತ್ ಕುಮಾರ್ ಅವರು ಒಬ್ಬ ರೇಸರ್ ಆಗಿದ್ದು, ಸಿನಿಮಾದ ಜೊತೆಗೆ ರೇಸ್ ಕೂಡ ಮಾಡುತ್ತಿದ್ದಾರೆ. ಇತ್ತೀಚೆಗೆ ಕಾರ್ ರೇಸಿಂಗ್‌ನಲ್ಲಿ ಪ್ರಶಸ್ತಿಯನ್ನೂ ಗಳಿಸಿದ್ದರು. ಈ ವೇಳೆ ಸಿನಿಮಾ ನಾಯಕನೊಬ್ಬ ಕಾರ್ ರೇಸಿನಲ್ಲಿ ಪ್ರಶಸ್ತಿ ಪಡೆದಿದ್ದಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು. ಇನ್ನು ಅಜಿತ್ ರೇಸ್‌ಗಾಗಿ ಕೋಟ್ಯಂತರ ಹಣವನ್ನು ವ್ಯಯ ಮಾಡುತ್ತಿದ್ದಾರೆ. ಆದರೆ, ಇತ್ತೀಚೆಗೆ ಪ್ರಶಸ್ತಿ ಗಳಿಸಿದ ನಂತರ ಅವರಿಗೆ ರೇಸ್‌ನಿಂದಲೂ ಹಣ ವಾಪಸ್ ಬರಲಾರಂಭಿಸಿದೆ. ಅಂದರೆ ಅವರ ಕಾರ್ ರೇಸಿಂಗ್‌ಗೆ ಹಲವು ಕಂಒಪನಿಗಳು ಪ್ರಾಯೋಜಕತ್ವ ವಹಿಸಿಕೊಳ್ಳಲು ಮುಂದೆ ಬಂದಿವೆ ಎಂದು ಹೇಳಲಾಗುತ್ತಿದೆ.