ಶೇ.300ರಷ್ಟು ಸಂಭಾವನೆ ಹೆಚ್ಚಿಸಿಕೊಂಡ ಡಾಲಿ ಹೀರೋಯಿನ್ ಐಶ್ವರ್ಯಾ; ಬೆಚ್ಚಿಬಿದ್ದ ನಿರ್ದೇಶಕರು!

ಐಶ್ವರ್ಯಾ ರಾಜೇಶ್ ಸಂಭಾವನೆ ದಿಢೀರ್ ಏರಿಕೆ:  ಕನ್ನಡದ ಉತ್ತರಕಾಂಡ ಸಿನಿಮಾ ನಟಿ ಐಶ್ವರ್ಯಾ ರಾಜೇಶ್ ತಮ್ಮ ಸಂಭಾವನೆಯನ್ನ ಭಾರಿ ಪ್ರಮಾಣದಲ್ಲಿ ಏರಿಸಿದ್ದಾರಂತೆ. ನಟಿಯ ಅತ್ಯಧಿಕ ಸಂಭಾವನೆ ಬೇಡಿಕೆಯಿಂದಾಗಿ ನಿರ್ಮಾಪಕರು ಬೆಚ್ಚಿ ಬಿಚ್ಚಿಬಿದ್ದಿದ್ದಾರೆ. ಅಷ್ಟಕ್ಕೂ ಒಂದು ಸಿನಿಮಾಗೆ ಎಷ್ಟು ತಗೋತಾರೆ ಗೊತ್ತಾ..?

ತಮಿಳು, ತೆಲುಗು ಚಿತ್ರರಂಗದಲ್ಲಿ ತುಂಬಾ ಫೇಮಸ್ ಆಗಿರುವ ನ್ಯಾಚುರಲ್ ಬ್ಯೂಟಿ ಐಶ್ವರ್ಯಾ ರಾಜೇಶ್‌ಗೆ ಕನ್ನಡದಲ್ಲಿಯೂ ಬೇಡಿಕೆ ಬಂದಿದೆ. ಡಾಲಿ ಧನಂಜಯ ಅವರ ನಟನೆಯ 'ಉತ್ತರಕಾಂಡ' ಬಹುತಾರಾಗಣದ ಪ್ಯಾನ್ ಇಂಡಿಯಾ ಸಿನಿಮಾಗೆ ಐಶ್ವರ್ಯಾ ರಾಜೇಶ್ ನಾಯಕಿ ಆಗಿದ್ದಾರೆ. ಈ ಸಿನಿಮಾವನ್ನು 2022ರಲ್ಲಿಯೇ ಘೋಷಣೆ ಮಾಡಲಾಗಿದ್ದು, 2024ರ ಏಪ್ರಿಲ್‌ನಿಂದ ಚಿತ್ರೀಕರಣ ಆರಂಭಿಸಲಾಗಿದೆ. ಆದರೆ, ಇದೀಗ ನಟಿ ಐಶ್ವರ್ಯಾ ತೆಲುಗು, ತಮಿಳುನಲ್ಲಿ ಭಾರೀ ಯಶಸ್ವಿಯಾದ ಬೆನ್ನಲ್ಲಿಯೇ ತಮ್ಮ ಸಂಭಾವನೆಯನ್ನು ಭಾರೀ ದೊಡ್ಡ ಮಟ್ಟದಲ್ಲಿ ಏರಿಕೆ ಮಾಡಿಕೊಂಡಿದ್ದಾರೆ. ಅದು ಎಷ್ಟೆಂದರೆ ಹಿಂದಿನಕ್ಕಿಂತ ಶೇ.300 ಹೆಚ್ಚಳ ಮಾಡಿಕೊಂಡಿದ್ದಾರೆ.

ನಟಿ ಐಶ್ವರ್ಯಾ ರಾಜೇಶ್ ಮೂಲತಃ ಆಂಧ್ರದ ಹುಡುಗಿ ಆಗಿದ್ದರೂ ತಮಿಳಿನಲ್ಲಿ ನೆಲೆಸಿರುವ ಹುಡುಗಿ ಆಗಿದ್ದಾರೆ. ಸಿನಿಮಾ ಬ್ಯಾಕ್‌ಗ್ರೌಂಡ್ ಇರೋ ಈ ನಟಿ, ಇಂಡಸ್ಟ್ರಿಗೆ ಬಂದ ಮೇಲೆ ಸಾಕಷ್ಟು ಕಷ್ಟ ಅನುಭವಿಸಿದ್ದಾರೆ. ತೆಲುಗಲ್ಲಿ ಅವಕಾಶ ಸಿಗದಿದ್ದಾಗ, ತಮಿಳಲ್ಲಿ ಒಳ್ಳೆ ಇಮೇಜ್‌ ತಂದುಕೊಂಡಿದ್ದಾರೆ. ಆಮೇಲೆ ಇದೀಗ ತೆಲುಗು ಚಿತ್ರರಂಗದವರೂ ನಟಿಗೆ ಆಫರ್ ಕೊಡುತ್ತಿದ್ದಾರೆ. ಈಗ ತಮಿಳಿಗಿಂತ ತೆಲುಗಲ್ಲಿ ಐಶ್ವರ್ಯಾ ರಾಜೇಶ್‌ಗೆ ಕನ್ನಡ ಹಾಗೂ ತೆಲುಗು ಸಿನಿಮಾ ಆಫರ್‌ಗಳು ಜಾಸ್ತಿ ಬರುತ್ತಿವೆ.

ತಮಿಳುನಲ್ಲಿ ಅನೇಕ ಸಿನಿಮಾಗಳಲ್ಲಿ ನಟಿಸಿರೋ ಐಶ್ವರ್ಯಾ, 'ಕೌಸಲ್ಯ ಕೃಷ್ಣಮೂರ್ತಿ' ಸಿನಿಮಾ ಮೂಲಕ ಟಾಲಿವುಡ್‌ಗೆ ಕಾಲಿಟ್ಟರು. ಈ ಸಿನಿಮಾದಿಂದ ಒಳ್ಳೆ ಹೆಸರು ಗಳಿಸಿಕೊಂಡರು. ಆಮೇಲೆ 'ವರ್ಲ್ಡ್ ಫೇಮಸ್ ಲವರ್', 'ಟಕ್ ಜಗದೀಶ್', 'ರಿಪಬ್ಲಿಕ್' ಸಿನಿಮಾಗಳಲ್ಲಿ ನಟಿಸಿ ಮೆಚ್ಚುಗೆ ಗಳಿಸಿದ್ದಾರೆ. ಈ ಚೆಲುವೆ ಹೆಚ್ಚಾಗಿ ಕಥಾ ಪ್ರಧಾನ ಸಿನಿಮಾಗಳ ಮೇಲೆ ಫೋಕಸ್ ಮಾಡುತ್ತಾರೆ. ಕಮರ್ಷಿಯಲ್ ಸಿನಿಮಾಗಳಿಗಿಂತ ಕಥೆ ಚೆನ್ನಾಗಿರೋ ಸಿನಿಮಾಗಳನ್ನೇ ಒಪ್ಪಿಕೊಳ್ತಾರೆ. ಇತ್ತೀಚೆಗೆ ಸಂಕ್ರಾಂತಿಗೆ ಬಿಡುಗಡೆಯಾದ ಸಿನಿಮಾದಿಂದ ಬ್ಲಾಕ್‌ಬಸ್ಟರ್ ಹಿಟ್ ಕೊಟ್ಟಿದ್ದಾರೆ.

ಅನಿಲ್ ರವಿಪುಡಿ ನಿರ್ದೇಶನದ ಈ ಸಿನಿಮಾದಲ್ಲಿ ವೆಂಕಟೇಶ್ ಪತ್ನಿ ಭಾಗ್ಯಂ ಪಾತ್ರದಲ್ಲಿ ಐಶ್ವರ್ಯಾ ರಾಜೇಶ್ ನಟಿಸಿದ್ದಾರೆ. ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಗೆಲುವು ಸಾಧಿಸಿದೆ. ಸುಮಾರು ೩೦೦ ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಈ ಸಿನಿಮಾ ನಂತರ ಐಶ್ವರ್ಯಾ ರಾಜೇಶ್‌ಗೆ ಇನ್ನೂ ಹೆಚ್ಚಿನ ಆಫರ್‌ಗಳು ಬರ್ತಾ ಇವೆಯಂತೆ.

ಸಂಕ್ರಾಂತಿಗೆ ಬಿಡುಗಡೆಯಾದ ಸಿನಿಮಾ ಬ್ಲಾಕ್‌ಬಸ್ಟರ್ ಹಿಟ್ ಆದ್ದರಿಂದ ಐಶ್ವರ್ಯಾ ತಮ್ಮ ಸಂಭಾವನೆಯನ್ನ ಭಾರಿ ಪ್ರಮಾಣದಲ್ಲಿ ಏರಿಸಿದ್ದಾರಂತೆ. ಇಲ್ಲಿಯವರೆಗೆ ಒಂದು ಸಿನಿಮಾಗೆ ಒಂದು ಕೋಟಿ ರೂಪಾಯಿ ತಗೋತಿದ್ರಂತೆ. ಈಗ ಮೂರರಿಂದ ನಾಲ್ಕು ಕೋಟಿ ಬೇಡಿಕೆ ಇಡ್ತಿದ್ದಾರಂತೆ.

ಹೀಗಾಗಿ ತೆಲುಗಲ್ಲಿ ಐಶ್ವರ್ಯಾ ರಾಜೇಶ್‌ರನ್ನ ತಗೊಳ್ಳೋಕೆ ನಿರ್ಮಾಪಕರು ಸ್ವಲ್ಪ ಹೆದರುತ್ತಿದ್ದಾರಂತೆ. ಕಥೆಗೆ ಬೇಕಿದ್ರೆ, ಅವರನ್ನ ತಗೊಳ್ಳೋದು ಅನಿವಾರ್ಯ. ಅದಕ್ಕೆ ಕೇಳಿದಷ್ಟು ಸಂಭಾವನೆ ಕೊಡ್ತಿದ್ದಾರಂತೆ. ನಟಿಯಾಗಿ ಐಶ್ವರ್ಯಾ ರಾಜೇಶ್ ಅನೇಕ ಸ್ಟಾರ್ ನಟಿಯರಿಗಿಂತ ಚೆನ್ನಾಗಿ ನಟಿಸ್ತಾರೆ. ಹೋಮ್ಲಿ ಹೀರೋಯಿನ್ ಆಗಿ ಒಳ್ಳೆ ಇಮೇಜ್ ಕೂಡ ಇದೆ. ಟಾಲಿವುಡ್‌ನಲ್ಲಿ ಐಶ್ವರ್ಯಾ ರಾಜೇಶ್ ಕೆರಿಯರ್ ಹೇಗಿರತ್ತೆ ಅಂತ ನೋಡಬೇಕು.