ಪ್ರತಿ ತಿಂಗಳು ಮಹಿಳೆಯರು 7,000 ರೂಪಾಯಿ ಆದಾಯಗಳಿಸಲು ಸಾಧ್ಯವಿದೆ. ಇದು ಪ್ರಧಾನಿ ನರೇಂದ್ರ ಮೋದಿ ಚಾಲನೆ ನೀಡಿದ ಎಲ್ಐಸಿ ಬೀಮಾ ಸಖಿ ಯೋಜನೆ ಮೂಲಕ ಈ ಲಾಭ ಪಡೆದುಕೊಳ್ಳಬಹುದು. ಏನಿದು ಲ್ಐಸಿ ಬೀಮಾ ಸಖಿ ಯೋಜನೆ?
ಎಲ್ಐಸಿ ಬೀಮಾ ಸಖಿ ಯೋಜನೆ
ಮಹಿಳಾ ಸಬಲೀಕರಣಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ 9 ಡಿಸೆಂಬರ್ 2024 ರಂದು ಈ ಯೋಜನೆಗೆ ಚಾಲನೆ ನೀಡಿದರು. ಒಂದೇ ತಿಂಗಳಲ್ಲಿ 50 ಸಾವಿರಕ್ಕೂ ಹೆಚ್ಚು ಮಹಿಳೆಯರು ನೋಂದಾಯಿಸಿಕೊಂಡಿದ್ದಾರೆ. 10ನೇ ತರಗತಿ ಪಾಸಾದ 14 ರಿಂದ 70 ವರ್ಷದೊಳಗಿನ ಮಹಿಳೆಯರಿಗಾಗಿ ಈ ಯೋಜನೆ ತರಲಾಗಿದೆ. ಮಹಿಳೆಯರನ್ನು ಸ್ವಾವಲಂಬಿ ಮಾಡುವ ಸರ್ಕಾರದ ಯೋಜನೆ ಭಾಗವಾಗಿ ಈ ಯೋಜನೆಗೆ ಚಾಲನೆ ನೀಡಲಾಗಿದೆ.
ಎಲ್ಐಸಿ ಬೀಮಾ ಸಖಿ ಯೋಜನೆ ಎಂದರೇನು?
10ನೇ ತರಗತಿ ಪಾಸಾದ ಮಹಿಳೆಯರಿಗೆ ಎಲ್ಐಸಿ ಏಜೆಂಟ್ ಆಗಲು ವಿಶೇಷ ತರಬೇತಿ ನೀಡಲಾಗುತ್ತದೆ. ಮೊದಲ 3 ವರ್ಷ ಸ್ಟೈಫಂಡ್ ನೀಡಲಾಗುತ್ತದೆ. ನಂತರ ಎಲ್ಐಸಿ ಏಜೆಂಟ್ ಆಗಿ ಕೆಲಸ ಮಾಡಬಹುದು. ಪದವಿ ಮುಗಿದ ನಂತರ ಡೆವಲಪ್ಮೆಂಟ್ ಆಫೀಸರ್ ಆಗಿ ಅವಕಾಶ.
14 ಸಾವಿರ ಮಹಿಳೆಯರು:
ಒಂದು ತಿಂಗಳಲ್ಲಿ 52,511 ಮಹಿಳೆಯರು ನೋಂದಾಯಿಸಿಕೊಂಡಿದ್ದಾರೆ. 27,695 ಮಹಿಳೆಯರಿಗೆ ನೇಮಕಾತಿ ಪತ್ರ ನೀಡಲಾಗಿದೆ. 14,583 ಮಹಿಳೆಯರು ಪಾಲಿಸಿಗಳನ್ನು ಮಾರಾಟ ಮಾಡಲು ಪ್ರಾರಂಭಿಸಿದ್ದಾರೆ. ಈ ಮೂಲಕ ಸ್ವಾವಲಂಬಿ ಜೀವನ ಸಾಗಿಸುತ್ತಿದ್ದಾರೆ. ಇದಕ್ಕಾಗಿ ಇಡೀ ದಿನ ಕೆಲಸ ಮಾಡಬೇಕಿಲ್ಲ. ಕಡಿಮೆ ಸಮಯದಲ್ಲಿ ನಿಶ್ಚಿತ ಆದಾಯ ಪಡೆಯಲು ಇದು ನೆರವಾಗಲಿದೆ.
ಪ್ರತಿ ಪಂಚಾಯತ್‌ನಲ್ಲಿ ಒಬ್ಬ ಬೀಮಾ ಸಖಿ:
“ಒಂದು ವರ್ಷದಲ್ಲಿ ಪ್ರತಿ ಪಂಚಾಯತ್‌ನಲ್ಲಿ ಒಬ್ಬ ಬೀಮಾ ಸಖಿಯನ್ನು ನೇಮಿಸುವುದು ನಮ್ಮ ಗುರಿ. ಎಲ್ಐಸಿ ಅವರಿಗೆ ತರಬೇತಿ ನೀಡುತ್ತದೆ” ಎಂದು ಎಲ್ಐಸಿ ವ್ಯವಸ್ಥಾಪಕ ನಿರ್ದೇಶಕರು ಹೇಳಿದ್ದಾರೆ. ತರಬೇತಿ ಹಂತ ಹಂತಗಳಲ್ಲಿ ನೀಡಲಾಗುತ್ತದೆ. ಎಲ್ಐಸಿ ಪಾಲಿಸಿಗಳು, ನೋಂದಣಿ ಪ್ರಕ್ರಿಯೆ, ವಿಮೆ ಕಂತು ಪಾವತಿ ಸೇರಿದಂತೆ ಎಲ್ಲಾ ಮಾಹಿತಿಗಳು, ವಿಧಾನಗಳನ್ನು ತರಬೇತಿಯಲ್ಲಿ ಹೇಳಿಕೊಡಲಾಗುತ್ತದೆ.
2 ಲಕ್ಷ ಬೀಮಾ ಸಖಿ ಗುರಿ:
ಮುಂದಿನ ಮೂರು ವರ್ಷಗಳಲ್ಲಿ ಎರಡು ಲಕ್ಷ ಬೀಮಾ ಸಖಿಗಳನ್ನು ನೇಮಿಸುವ ಗುರಿ ಹೊಂದಿದೆ. 10ನೇ ತರಗತಿ ಪಾಸಾದ 14 ರಿಂದ 70 ವರ್ಷದೊಳಗಿನ ಮಹಿಳೆಯರು ಅರ್ಜಿ ಸಲ್ಲಿಸಬಹುದು.
ಎಷ್ಟು ಸ್ಟೈಫಂಡ್?:
ಮೊದಲ ವರ್ಷ ₹7000, ಎರಡನೇ ವರ್ಷ ₹6000 ಮತ್ತು ಮೂರನೇ ವರ್ಷ ₹5000 ಸ್ಟೈಫಂಡ್. ಇದಲ್ಲದೆ, ಕಮಿಷನ್ ಕೂಡ ಪಡೆಯಬಹುದು.
ಯಾರು ಸೇರಲು ಸಾಧ್ಯವಿಲ್ಲ?:
ಈಗಾಗಲೇ ಎಲ್ಐಸಿ ಏಜೆಂಟ್ ಆಗಿರುವವರ ಸಂಬಂಧಿಕರು ಸೇರಲು ಸಾಧ್ಯವಿಲ್ಲ. ನಿವೃತ್ತ ಉದ್ಯೋಗಿಗಳು ಅಥವಾ ಮರು ನೇಮಕಾತಿ ಪಡೆಯುವವರು ಸಹ ಅರ್ಜಿ ಸಲ್ಲಿಸಲು ಸಾಧ್ಯವಿಲ್ಲ.
ಅರ್ಜಿ ಸಲ್ಲಿಸುವುದು ಹೇಗೆ?:
ಹತ್ತಿರದ ಎಲ್ಐಸಿ ಕಚೇರಿಗೆ ಹೋಗಿ ಅರ್ಜಿ ಸಲ್ಲಿಸಬಹುದು. ವಯಸ್ಸಿನ ದಾಖಲೆ, ವಿಳಾಸದ ದಾಖಲೆ, ಶೈಕ್ಷಣಿಕ ದಾಖಲೆಗಳನ್ನು ಒದಗಿಸಬೇಕು.