ಎಡೆಲ್ವೀಸ್ ಮ್ಯೂಚುವಲ್ ಫಂಡ್‌ನ ವ್ಯವಸ್ಥಾಪಕ ನಿರ್ದೇಶಕಿ ಮತ್ತು ಸಿಇಒ ರಾಧಿಕಾ ಗುಪ್ತಾ ಅವರು ಶಾರ್ಕ್ ಟ್ಯಾಂಕ್ ಇಂಡಿಯಾ 3 ರ ಶೋಗೆ ಹೊಸ ಜಡ್ಜ್‌ ಆಗಿದ್ದಾರೆ. 40 ವರ್ಷದ ರಾಧಿಕಾ ಗುಪ್ತಾ ಜನಪ್ರಿಯ ವ್ಯಾಪಾರ ರಿಯಾಲಿಟಿ ಟಿವಿ ಶೋನ ಮೂರನೇ ಕಂತಿನಲ್ಲಿ ಅನುಭವಿ ಮುಖಗಳು ಮತ್ತು ಹಲವಾರು ಹೊಸ ಮುಖದ ಜೊತೆಗೆ ಕಾಣಿಸಿಕೊಳ್ಳಲಿದ್ದಾರೆ.
ಇತ್ತೀಚೆಗೆ, ಶಾರ್ಕ್ ಟ್ಯಾಂಕ್ ಇಂಡಿಯಾ ಹೊಸ ಪ್ರೋಮೋದಲ್ಲಿ ತಮ್ಮ ಹೊಸ ಶಾರ್ಕ್ ಹೆಸರನ್ನು ಅನಾವರಣಗೊಳಿಸಿತು. OYO ನ ರಿತೇಶ್ ಅಗರ್ವಾಲ್, ಜೊಮಾಟೊದ ದೀಪಿಂದರ್ ಗೋಯಲ್ ಮತ್ತು ಇನ್‌ಶಾರ್ಟ್‌ನ ಅಜರ್ ಇಕ್ಬಾಲ್, ಈಗ, ಎಡೆಲ್ವೀಸ್ ಮ್ಯೂಚುವಲ್ ಫಂಡ್ ಸಿಇಒ ಮತ್ತು ಎಂಡಿ ರಾಧಿಕಾ ಗುಪ್ತಾ ಹೊಸ ಶಾರ್ಕ್ ಆಗಿ ಸೇರಿದ್ದಾರೆ.
ಶಾರ್ಕ್ ಟ್ಯಾಂಕ್ ಇಂಡಿಯಾದ ಹೊಸ ಶಾರ್ಕ್, ರಾಧಿಕಾ ಗುಪ್ತಾ ಅವರು ಭಾರತದ ಅತ್ಯಂತ ಕಿರಿಯ CEO ಗಳಲ್ಲಿ ಒಬ್ಬರು, ಅವರು 1 ಲಕ್ಷ ಕೋಟಿ ರೂಪಾಯಿಗಳ ಕಂಪನಿ ಎಡೆಲ್ವೀಸ್ ಮ್ಯೂಚುಯಲ್ ಫಂಡ್ ಮುಖ್ಯಸ್ಥರಾಗಿದ್ದಾರೆ. ರಾಧಿಕಾ ಪಾಕಿಸ್ತಾನದಲ್ಲಿ ಜನಿಸಿದರು, ಅಲ್ಲಿ ಅವರು ಹುಟ್ಟುವಾಗಲೇ ದೈಹಿಕ ನ್ಯೂನತೆಗಳನ್ನು ಹೊಂದಿದ್ದರು. ಅವರ ಕುತ್ತಿಗೆ ಮುರಿದಂತೆ ಓರೆಯಾಗಿದೆ. ಇವರನ್ನು ಕತ್ತು ಮುರಿದ ಹುಡುಗಿ ಎಂದು ಕರೆಯಲಾಗುತ್ತದೆ.
ರಾಧಿಕಾ ಗುಪ್ತಾ ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದಿಂದ ನಿರ್ವಹಣೆ ಮತ್ತು ತಂತ್ರಜ್ಞಾನದಲ್ಲಿ ಜೆರೋಮ್ ಫಿಶರ್ ಪ್ರೋಗ್ರಾಂನ ಪದವೀಧರರಾಗಿದ್ದಾರೆ. ಯೂನಿವರ್ಸಿಟಿ ಆಫ್ ಪೆನ್ಸಿಲ್ವೇನಿಯಾ ಸ್ಕೂಲ್ ಆಫ್ ಎಂಜಿನಿಯರಿಂಗ್ ಮತ್ತು ಅಪ್ಲೈಡ್ ಸೈನ್ಸ್‌ನಿಂದ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಎಂಜಿನಿಯರಿಂಗ್‌ನಲ್ಲಿ ಬ್ಯಾಚುಲರ್ ಆಫ್ ಸೈನ್ಸ್ ಮಾಡಿದ್ದಾರೆ. ಮತ್ತು ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದ ವಾರ್ಟನ್ ಸ್ಕೂಲ್ ನಿಂದ 2005 ರಲ್ಲಿ ಅರ್ಥಶಾಸ್ತ್ರದಲ್ಲಿ (ಹಣಕಾಸು ಮತ್ತು ನಿರ್ವಹಣೆಯಲ್ಲಿ ಸಾಂದ್ರತೆಗಳು) ಬ್ಯಾಚುಲರ್ ಆಫ್ ಸೈನ್ಸ್ ಪದವಿಯನ್ನು ಪಡೆದರು.
ರಾಧಿಕಾ ಗುಪ್ತಾ ಒಮ್ಮೆ ಹ್ಯೂಮನ್ಸ್ ಆಫ್ ಬಾಂಬೆಗೆ ನೀಡಿದ ಸಂದರ್ಶನದಲ್ಲಿ ತನ್ನ ಭಾರತೀಯ ಉಚ್ಚಾರಣೆ ಮತ್ತು ವಕ್ರ ಕುತ್ತಿಗೆಗಾಗಿ ಶಾಲೆಯಲ್ಲಿ ಬೆದರಿಸಲಾಯಿತು ಮತ್ತು CEO ಆಗುವ ಮೊದಲು ಹಲವಾರು ಕಷ್ಟಗಳು ಮತ್ತು ತ್ಯಜಿಸಲ್ಪಟ್ಟ ಬಗ್ಗೆ ಬಹಿರಂಗಪಡಿಸಿದ್ದರು.
ನಾನು ವಕ್ರ ಕುತ್ತಿಗೆಯೊಂದಿಗೆ ಹುಟ್ಟಿದ್ದೇನೆ. ನನ್ನನ್ನು ಪ್ರತ್ಯೇಕಿಸಲು ಅದು ಸಾಕಾಗದಿದ್ದರೆ - ನಾನು ಯಾವಾಗಲೂ ಶಾಲೆಯಲ್ಲಿ ಹೊಸ ಮಗು. ತಂದೆ ರಾಜತಾಂತ್ರಿಕ ಅಧಿಕಾರಿಯಾಗಿದ್ದರು. ನಾನು ನೈಜೀರಿಯಾಕ್ಕೆ ಬರುವ ಮೊದಲು ಪಾಕಿಸ್ತಾನ, ನ್ಯೂಯಾರ್ಕ್ ಮತ್ತು ದೆಹಲಿಯಲ್ಲಿ ವಾಸಿಸುತ್ತಿದ್ದೆ. ನನ್ನ ಭಾರತೀಯ ಉಚ್ಚಾರಣೆಯನ್ನು ಅಣಕಿಸಲಾಗಿತ್ತು. ಇತರರೊಂದಿಗೆ ಹೋಲಿಕೆ ಮಾಡುವುದು ನನ್ನ ಆತ್ಮವಿಶ್ವಾಸ ಕುಸಿಯಿತು.
ರಾಧಿಕಾ ಗುಪ್ತಾ 22 ನೇ ವಯಸ್ಸಿನಲ್ಲಿ ಆತ್ಮಹತ್ಯೆಗೆ ಪ್ರಯತ್ನಿಸಿದರು. ಕಾರಣ ಕೆಲಸ ಹುಡುಕುತ್ತಾ 7 ನೇ ಬಾರಿಗೆ ನಿರಾಕರಣೆಯಾದಾಗ, ಆತ್ಮಹತ್ಯೆ ಮಾಡಿಕೊಳ್ಳಲು ಕಿಟಕಿಯ ಆಚೆ ನೋಡಿದಾಗ ಅವರ ಸ್ನೇಹಿತ ಕಾಪಾಡಿದ. ಬಳಿಕ ಅವರನ್ನು ಮನೋವೈದ್ಯಕೀಯ ವಾರ್ಡ್‌ಗೆ ದಾಖಲಿಸಲಾಯಿತು. ಖಿನ್ನತೆಗೆ ಒಳಗಾಗಿದ್ದಾರೆಂದು ನಿರ್ಧರಿಸಲಾಯ್ತು. ಬಳಿಕ ಉದ್ಯೋಗ ಸಂದರ್ಶನವಿದೆ ಎಂಬ ಒಂದೇ ಕಾರಣಕ್ಕೆ ಆಸ್ಪತ್ರೆಯಿಂದ ಬಿಡಲಾಯಿತು ಎಂದು ಸಂದರ್ಶನಲದಲ್ಲಿ ಹೇಳಿದ್ದಾರೆ
25 ನೇ ವಯಸ್ಸಿನಲ್ಲಿ ಭಾರತಕ್ಕೆ ಮರಳಿದ ಅವರು ಪತಿ ಮತ್ತು ಸ್ನೇಹಿತನೊಂದಿಗೆ ಸ್ವಂತ ಆಸ್ತಿ ನಿರ್ವಹಣೆ ಸಂಸ್ಥೆಯನ್ನು ಪ್ರಾರಂಭಿಸಿದರು. ಕೆಲವು ವರ್ಷಗಳ ನಂತರ ಕಂಪನಿಯನ್ನು ಎಡೆಲ್ವೀಸ್ MF ಸ್ವಾಧೀನಪಡಿಸಿಕೊಂಡಿತು. ಈ ಮೂಲಕ ರಾಧಿಕಾ ಕಾರ್ಪೊರೇಟ್ ಜಗತ್ತಿಗೆ ಕಾಲಿಟ್ಟರು. Edelweiss MF ನಲ್ಲಿ ಹೊಸ CEO ಅನ್ನು ನೇಮಿಸುವ ಮಾತುಕತೆ ಪ್ರಾರಂಭವಾದಾಗ, ಜವಾಬ್ದಾರಿ ತೆಗೆದುಕೊಳ್ಳಲು ಅವರು ಹಿಂಜರಿಯುತ್ತಿದ್ದರು. ಆದರೆ ನನ್ನ ರಾಧಿಕಾ ಪತಿ ಪ್ರೋತ್ಸಾಹಿಸಿದರು.
33 ನೇ ವಯಸ್ಸಿನಲ್ಲಿ, ರಾಧಿಕಾ ಗುಪ್ತಾ ದೇಶದ ಅತ್ಯಂತ ಕಿರಿಯ CEO ಗಳಲ್ಲಿ ಒಬ್ಬರಾದರು. ಮಿಂಟ್ ಪ್ರಕಾರ, "ರಾಧಿಕಾ 2017 ರಲ್ಲಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಎಡೆಲ್ವೀಸ್ ಅಸೆಟ್ ಮ್ಯಾನೇಜ್ಮೆಂಟ್ ಕಂಗೆ ಸೇರಿದರು. ಆ ಸಮಯದಲ್ಲಿ, ಫಂಡ್ ಹೌಸ್ 9,128 ಕೋಟಿ ರೂ ಆಸ್ತಿಯನ್ನು ಹೊಂದಿತ್ತು. ಈ ಅಂಕಿ ಅಂಶವು ಜನವರಿ 2023 ರಲ್ಲಿ 1,01,406 ಕೋಟಿ ರೂಗೆ ಏರಿದೆ.
ಈ ಮಧ್ಯೆ ರಾಧಿಕಾ ಗುಪ್ತಾ ಈಗ ಜನಪ್ರಿಯ ವ್ಯಾಪಾರ ರಿಯಾಲಿಟಿ ಶೋ ಶಾರ್ಕ್ ಟ್ಯಾಂಕ್ ಇಂಡಿಯಾದಲ್ಲಿ ಅಸ್ತಿತ್ವದಲ್ಲಿರುವ ಶಾರ್ಕ್‌ಗಳಾದ ನಮಿತಾ ಥಾಪರ್, ವಿನೀತಾ ಸಿಂಗ್, ಪೀಯುಶ್ ಬನ್ಸಾಲ್, ಅಮನ್ ಗುಪ್ತಾ ಮತ್ತು ಅನುಪಮ್ ಮಿತ್ತಲ್ ಜೊತೆಗೆ ಶಾರ್ಕ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಕಾರ್ಯಕ್ರಮದ ಹೊಸ ಸೀಸನ್ ಶೀಘ್ರದಲ್ಲೇ ಸೋನಿ ಲಿವ್‌ನಲ್ಲಿ ಮೂಡಿ ಬರಲಿದೆ.