ಹೀಗಿದೆ ನೋಡಿ ಮುಕೇಶ್ ಅಂಬಾನಿಯ ಐಷಾರಾಮಿ ಬೋಯಿಂಗ್ ಬ್ಯುಸಿನೆಸ್ ಜೆಟ್!
First Published | Oct 6, 2020, 4:51 PM ISTವಿಶ್ವದ ಬಹುತೇಕ ಉದ್ಯಮಿಗಳು ಖಾಸಗಿ ಜೆಟ್ ಇಟ್ಟುಕೊಳ್ಳಲು ಬಯಸುತ್ತಾರೆ. ಇದು ಸೌಲಭ್ಯದೊಂದಿಗೆ ದೊಡ್ಡಸ್ಥಿಕೆ ವಿಚಾರವೂ ಹೌದು. ಭಾರತದ ಅನೇಕ ಉದ್ಯಮಿಗಳ ಬಳಿ ತಮ್ಮದೇ ಆದ ಖಾಸಗಿ ಜೆಟ್ ಇದೆ. ಇದರ ಬೆಲೆ ಕೋಟಿಗಟ್ಟಲೇ ಇರುತ್ತದೆ. ಇದರೊಂದಿಗೆ ಇಬವುಗಳ ನಿರ್ವಹಣೆಗೂ ಭಾರೀ ಮೊತ್ತ ವ್ಯಯಿಸಬೇಕಾಗುತ್ತದೆ. ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿ ಮುಕೇಶ್ ಅಂಬಾನಿ ಬಳಿಯೂ ಪ್ರೈವೇಟ್ ಬೋಯಿಂಗ್ ಬ್ಯುಸಿನೆಸ್ ಜೆಟ್ ಇದೆ. ರಿಲಯನ್ಸ್ ಇಂಡಸ್ಟ್ರೀಸ್‌ನ ಚೇರ್ಮನ್ ಹಾಗೂ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿರುವ ಮುಕೇಶ್ ಅಂಬಾನಿ ಬೋಯಿಂಗ್ ಬ್ಯುಸಿನೆಸ್ ಜೆಟ್ ಹೊಂದಿರುವ ಭಾರತದ ಏಕೈಕ ವ್ಯಕ್ತಿಯಾಗಿದ್ದಾರೆ. ಅಂಬಾನಿ ಬಳಿ ಬೋಯಿಂಗ್ ಬ್ಯುಸಿನೆಸ್ ಜೆಟ್ 2 ಇದ್ದು, ಇದರ ಬೆಲೆ ಬರೋಬ್ಬರಿ 500 ಕೋಟಿ. ತನ್ನ ಈ ಜೆಟ್‌ಗಾಗಿ ಅವರು ತಮ್ಮ ಮನೆ ಆಂಟಿಲಿಯಾದಲ್ಲಿ ಎರಡು ಹೆಲಿಪ್ಯಾಡ್‌ಗಳನ್ನೂ ನಿರ್ಮಿಸಿದ್ದಾರೆ. 2007ರಲ್ಲಿ ಮುಕೇಶ್ ಅಂಬಾನಿ ತನ್ನ ಪತ್ನಿ ನೀತಾಗೆ 242 ಕೋಟಿ ಮೌಲ್ಯದ ಏರ್‌ ಬಸ್ 319 ಕಾರ್ಪೋರೇಟ್ ಜೆಟ್ ಉಡುಗೊರೆಯಾಗಿ ನೀಡಿದ್ದರು. ಅಂಬಾನಿ ಬಳಿ ಫಾಲ್ಕನ್ 900 ಈಎಕ್ಸ್‌ ಕೂಡಾ ಇದೆ. ಇಲ್ಲಿದೆ ನೋಡಿ ಮುಕೇಶ್ ಅಂಬಾನಿಯವರ ಬೋಯಿಂಗ್ ಬ್ಯುಸಿನೆಸ್ ಜೆಟ್‌ನ ಇನ್‌ಸೈಡ್‌ ಫೋಟೋಸ್.