ಪ್ರತಿಯೊಬ್ಬ ಮಧ್ಯಮ ವರ್ಗದ ವ್ಯಕ್ತಿಯ ಕನಸು ₹1 ಕೋಟಿ ಗಳಿಸಬೇಕೆಂಬುದು. ಆದರೆ ಕೆಲವೇ ಸಾವಿರ ರೂಪಾಯಿ ಸಂಬಳದಲ್ಲಿ ₹1 ಕೋಟಿ ಗಳಿಸುವುದು ಸಾಧ್ಯವೇ? ಕೆಲವು ತಂತ್ರಗಳನ್ನು ಅನುಸರಿಸುವ ಮೂಲಕ, ನಿಮ್ಮ ಗಮನಕ್ಕೆ ಬಾರದೇ ನಿಮ್ಮ ಖಾತೆಯಲ್ಲಿ ₹1 ಕೋಟಿ ಆಗೋ ಹಾಗಿ ಮಾಡಬಹುದು. ಹೇಗೆ?
ಸಾಮಾನ್ಯವಾಗಿ, ಶ್ರೀಮಂತ ವ್ಯಕ್ತಿಗಳು ಮತ್ತು ಸೆಲೆಬ್ರಿಟಿಗಳು ದಿನಕ್ಕೆ ಕೋಟಿಗಟ್ಟಲೆ ರೂಪಾಯಿಗಳನ್ನು ಸಂಪಾದಿಸುತ್ತಾರೆ. ಅವರ ಆದಾಯದ ಪ್ರಾಥಮಿಕ ಮೂಲಗಳು ಕೈಗಾರಿಕೆ, ರಿಯಲ್ ಎಸ್ಟೇಟ್, ಷೇರು ಮಾರುಕಟ್ಟೆ ಮತ್ತು ಚಲನಚಿತ್ರಗಳು. ಈ ವಲಯಗಳಲ್ಲಿ ಅವರ ಹೂಡಿಕೆಗಳಿಂದ ಕಡಿಮೆ ಅವಧಿಯಲ್ಲಿಯೇ ಕೋಟಿಗಟ್ಟಲೆ ರೂ. ಆಸ್ತಿ ಗಳಿಸುತ್ತಾರೆ. ಆದಾಗ್ಯೂ, ಮಧ್ಯಮ ವರ್ಗದ ಜನರು ಈ ವಲಯಗಳಲ್ಲಿ ಭಾರಿ ಹೂಡಿಕೆ ಮಾಡುವುದು ಕಷ್ಟ. ಅದಕ್ಕಾಗಿಯೇ ಅವರು ತಮ್ಮಲ್ಲಿರುವುದರೊಂದಿಗೆ ರಾಜಿ ಮಾಡಿಕೊಳ್ಳಬೇಕು ಮತ್ತು ಅವರ ಆಕಾಂಕ್ಷೆಗಳನ್ನು ಪೂರೈಸುವುದಕ್ಕೆ ಪ್ರಯತ್ನಿಸಲೂ ಸಾಧ್ಯವಿಲ್ಲ. ಆದಾಗ್ಯೂ, ಚುರುಕಾಗಿ ಯೋಚಿಸುವ ಮೂಲಕ ಮತ್ತು ಪ್ರತಿ ತಿಂಗಳೂ ತಮ್ಮ ಗಳಿಕೆಯಲ್ಲಿ ಅಲ್ಪ ಮೊತ್ತವನ್ನು ಹೂಡಿಕೆ ಮಾಡುವ ಮೂಲಕ, ಕಡಿಮೆ ಅವಧಿಯಲ್ಲಿ ₹1 ಕೋಟಿ ಗಳಿಸಬಹುದು.
ಇದಕ್ಕಾಗಿ ಆರಿಸಬೇಕಾದ ಕ್ಷೇತ್ರ ಷೇರು ಮಾರುಕಟ್ಟೆ. ಷೇರು ಮಾರುಕಟ್ಟೆ ವಿಷಯಕ್ಕೆ ಬಂದಾಗ, ಹೆಚ್ಚಿನವರು ಇಲ್ಲಿ ಹಣವನ್ನು ಕಳೆದು ಕೊಳ್ಳುತ್ತಾರೆ ಎಂಬ ತಪ್ಪು ಕಲ್ಪನೆ ಇದೆ. ಇದು ಸ್ವಲ್ಪ ಸತ್ಯವಾದರೂ ಸೂಕ್ತ ಕಂಪನಿಯಲ್ಲಿ, ಸರಿಯಾದ ಸಮಯದಲ್ಲಿ ಮತ್ತು ಸರಿಯಾದ ಸ್ಥಳದಲ್ಲಿ ಹೂಡಿಕೆ ಮಾಡುವುದರಿಂದ ಸುಲಭವಾಗಿ ಎರಡಂಕಿ ಆದಾಯ ಗಳಿಸಬಹುದು ಎಂದು ಅನೇಕರು ಈಗ ಸಾಬೀತು ಪಡಿಸಿದ್ದಾರೆ. ಹಾಗಾದರೆ, ಷೇರು ಮಾರುಕಟ್ಟೆಯಲ್ಲಿ ಹೇಗೆ ಹೂಡಿಕೆ ಮಾಡಬೇಕು?
ಹಣ ಉಳಿಸುವ ವಿಷಯಕ್ಕೆ ಬಂದಾಗ, ಎಲ್ಲರಿಗೂ ಮೊದಲು ನೆನಪಾಗುವುದು ಬ್ಯಾಂಕ್ ಮತ್ತು ಅಂಚೆ ಕಚೇರಿಗಳು. ಆದಾಗ್ಯೂ, ವಿವಿಧ ಕಾರಣಗಳಿಂದಾಗಿ, ಅವರು ಹೆಚ್ಚಿನ ಬಡ್ಡಿ ದರಗಳನ್ನು ನೀಡುವ ಸ್ಥಿತಿಯಲ್ಲಿಲ್ಲದಿರಬಹುದು. ಆರ್‌ಡಿ ಮತ್ತು ಎಫ್‌ಡಿಗಳಿಗೆ ಹೋಲಿಸಿದರೆ, ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳಲ್ಲಿ ದೀರ್ಘಾವಧಿಯ ಹೂಡಿಕೆಗಳು ಹೆಚ್ಚಿನ ಆದಾಯ ನೀಡುತ್ತವೆ. ಉದಾಹರಣೆಗೆ, ನಿಫ್ಟಿ-50 ಸೂಚ್ಯಂಕದಲ್ಲಿ ಪಟ್ಟಿ ಮಾಡಲಾದ ಕಂಪನಿಗಳಲ್ಲಿ ಹೂಡಿಕೆ ಮಾಡುವ ಮ್ಯೂಚುವಲ್ ಫಂಡ್‌ಗಳು ಉತ್ತಮ ಆದಾಯ ನೀಡುತ್ತವೆ.
ಭಾರತೀಯ ಸ್ಟೇಟ್ ಬ್ಯಾಂಕ್ (State Bank of India) ಮೂಲಕ ಮ್ಯೂಚುವಲ್ ಫಂಡ್‌ಗಳಲ್ಲಿ (Mutual Fund) ಹೂಡಿಕೆ ಮಾಡುವ ಮೂಲಕ, ನಿಮ್ಮ ಸಣ್ಣ ಹೂಡಿಕೆ ನಿಗದಿತ ಸಮಯದಲ್ಲಿ ದೊಡ್ಡ ಮೊತ್ತವಾಗಿ ಬದಲಾಗಬಹುದೆನ್ನುತ್ತಾರೆ ಹೂಡಿಕೆ ತಜ್ಞರು. ದೀರ್ಘಾವಧಿಯ ದೃಷ್ಟಿಕೋನದಿಂದ ಹೂಡಿಕೆ ಮಾಡುವ ಮೂಲಕ ಹೆಚ್ಚಿನ ಆದಾಯವನ್ನು ಬಯಸುವವರಿಗೆ ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳು ಸೂಕ್ತ. ಸಾರ್ವಜನಿಕ ವಲಯದ ಬ್ಯಾಂಕ್ (Public Sector Bank) ಆಗಿರುವ ಸ್ಟೇಟ್ ಬ್ಯಾಂಕ್ ದಶಕಗಳಿಂದ ಜನರಿಗೆ ಸೇವೆ ಸಲ್ಲಿಸುತ್ತಿದೆ ಮತ್ತು ವಿಶ್ವಾಸಾರ್ಹ ಬ್ಯಾಂಕ್ ಆಗಿದೆ. ಆದ್ದರಿಂದ, ಎಸ್‌ಬಿಐನಲ್ಲಿ ಹೂಡಿಕೆಗಳು ತುಂಬಾ ಸುರಕ್ಷಿತವೆಂದು ಷೇರು ಮಾರುಕಟ್ಟೆ ತಜ್ಞರು ಹೇಳುತ್ತಾರೆ.
ನೀವು ಎಸ್‌ಬಿಐ ಮೂಲಕ ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳಲ್ಲಿ ಪ್ರತಿ ತಿಂಗಳು ₹15,000 ಹೂಡಿಕೆ ಮಾಡಲು ಸಾಧ್ಯವಾದರೆ, ಅದು ಕಡಿಮೆ ಅವಧಿಯಲ್ಲಿ ₹1 ಕೋಟಿ ಆಗುತ್ತದೆ. ಅದು ಹೇಗೆ ಸಾಧ್ಯ? ನೀವು ಈಕ್ವಿಟಿ ಮ್ಯೂಚುವಲ್ ಫಂಡ್ ಯೋಜನೆಗಳಲ್ಲಿ ಪ್ರತಿ ತಿಂಗಳು ₹15,000 ಹೂಡಿಕೆ ಮಾಡಿದರೆ, ಅದು ನಿಮಗೆ ವಾರ್ಷಿಕ ಶೇ.12 ರಷ್ಟು ಬಡ್ಡಿಯಷಟು ಆದಾಯವನ್ನು ನೀಡುತ್ತದೆ. ಈ ರೀತಿಯಾಗಿ, ನಿಮ್ಮ ಹೂಡಿಕೆಯು 211 ತಿಂಗಳುಗಳಲ್ಲಿ ₹1 ಕೋಟಿ ತಲುಪುತ್ತದೆ. ಅಂದರೆ ಸುಮಾರು 17 ವರ್ಷ 11 ತಿಂಗಳಲ್ಲಿ ₹1 ಕೋಟಿ ಆಗುತ್ತದೆ. ನೀವು ಪ್ರತಿ ತಿಂಗಳು ₹20,000 ಹೂಡಿಕೆ ಮಾಡಿದರೆ, ನೀವು ಕೇವಲ 185 ತಿಂಗಳುಗಳಲ್ಲಿ, ಅಂದರೆ 15 ವರ್ಷ 4 ತಿಂಗಳಲ್ಲಿ ₹1 ಕೋಟಿ ಗಳಿಸಬಹುದು. ನೀವು ಪ್ರತಿ ತಿಂಗಳು ನಿಗದಿತ ಮೊತ್ತವನ್ನು ಹೂಡಿಕೆ ಮಾಡಿದರೆ, ಈ ದೊಡ್ಡ ಮೊತ್ತವು ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ಅಗತ್ಯವಾದಾಗ ತುಂಬಾ ಉಪಯುಕ್ತವಾಗಿರುತ್ತದೆ.