ಡಿ ಮಾರ್ಟ್ ಕ್ಲೀನಪ್ ಸೇಲ್ ಆಫರ್; ವಾರದಲ್ಲಿ ಈ ದಿನ ಶಾಪಿಂಗ್ ಹೋದವರಿಗೆ ಭಾರೀ ಡಿಸ್ಕೌಂಟ್!

ಪ್ರತಿ ತಿಂಗಳು DMart ಅಲ್ಲಿ ಮನೆಗೆ ಬೇಕಾದ ಸಾಮಾನುಗಳನ್ನು ಕೊಳ್ಳುತ್ತೀರಾ? ಹಾಗಾದರೆ ಯಾವ ದಿನಗಳಲ್ಲಿ DMart ಅಲ್ಲಿ ಶಾಪಿಂಗ್ ಮಾಡಿದರೆ ಇನ್ನೂ ಕಡಿಮೆ ಬೆಲೆಗೆ ಸಾಮಾನುಗಳು ಸಿಗುತ್ತವೆ ಎಂದು ಇಲ್ಲಿ ತಿಳಿದುಕೊಳ್ಳಿ. 

DMart ಅಲ್ಲಿ ಯಾವಾಗ ಶಾಪಿಂಗ್ ಮಾಡಬೇಕು?

ಸೂಪರ್ ಮಾರ್ಕೆಟ್ ಕಲ್ಚರ್ ಭಾರತದಲ್ಲಿ ಬೆಳೆದಿದೆ. ಎಲ್ಲಾ ಸಾಮಾನುಗಳು ಒಂದೇ ಕಡೆ ಸಿಗುತ್ತವೆ. ಆದರೆ ಜನರ ಸ್ವಭಾವ ಮಾತ್ರ ಬದಲಾಗಿಲ್ಲ. ಎಲ್ಲಿ ಕಡಿಮೆ ಬೆಲೆಗೆ ಸಿಗುತ್ತದೆಯೋ ಅಲ್ಲಿ ಕೊಳ್ಳುತ್ತಾರೆ. ಈ ರಹಸ್ಯವನ್ನು ತಿಳಿದ DMart ತನ್ನ ವ್ಯಾಪಾರವನ್ನು ಬೆಳೆಸಿಕೊಂಡಿದೆ. 

DMart ಅಲ್ಲಿ ಅಗತ್ಯ ಸಾಮಾನುಗಳನ್ನು ಕೊಳ್ಳುವುದರಿಂದ ನಮಗೂ ಲಾಭ. ಬೇರೆ ಮಾರ್ಕೆಟ್ ಬೆಲೆಗಿಂತ ಕಡಿಮೆ ಬೆಲೆಗೆ DMart ಅಲ್ಲಿ ಸಾಮಾನುಗಳು ಸಿಗುತ್ತವೆ. MRP ಗಿಂತ ಕಡಿಮೆ ಬೆಲೆಗೆ ಸಿಗುತ್ತವೆ. ಅದಕ್ಕಾಗಿಯೇ ಜನರು DMart ಗೆ ಮುಗಿಬೀಳುತ್ತಾರೆ. ಶನಿವಾರ, ಭಾನುವಾರ ಬಂದರೆ ಸಾಕು ಇಲ್ಲಿಗೆ ಬಂದು ತಿಂಗಳಿಗೆ ಬೇಕಾದ ಸಾಮಾನುಗಳನ್ನು ಕೊಳ್ಳುತ್ತಾರೆ.

DMart ಅಲ್ಲಿ ಆ ದಿನ ಶಾಪಿಂಗ್ ಮಾಡಿದರೆ ನಿಮ್ಮ ದುಡ್ಡು ಉಳಿತಾಯ

DMart ಅಲ್ಲಿ ಮನೆಗೆ ಬೇಕಾದ ಎಲ್ಲಾ ಸಾಮಾನುಗಳು ಸಿಗುತ್ತವೆ. ಚಿಕ್ಕ ಗುಂಡುಸೂಜಿಯಿಂದ ಹಿಡಿದು ಅಡುಗೆ ಮನೆಯಲ್ಲಿ ಬಳಸುವ ಪ್ರತಿಯೊಂದು ವಸ್ತು, ಮಕ್ಕಳ ಆಟಿಕೆಗಳು, ಬಟ್ಟೆಗಳು, ಕೂಲ್ ಡ್ರಿಂಕ್ಸ್... ಹೀಗೆ ಸಿಗದ ವಸ್ತುವೇ ಇಲ್ಲ. ಎಲ್ಲವೂ ಒಂದೇ ಕಡೆ ಸಿಗುತ್ತವೆ, ಅದೂ ಕಡಿಮೆ ಬೆಲೆಗೆ. ವಾರಾಂತ್ಯದಲ್ಲಿ DMart ಗೆ ಹೋದರೆ ಏನೋ ಸಂತೆಗೆ ಹೋದ ಫೀಲಿಂಗ್. ಅಷ್ಟು ಜನಜಂಗುಳಿ ಇರುತ್ತದೆ. 

ವಾರಾಂತ್ಯದಲ್ಲಿ, ಅಂದರೆ ಶನಿವಾರ ಮತ್ತು ಭಾನುವಾರ DMart ನಲ್ಲಿ ಹೆಚ್ಚು ವ್ಯಾಪಾರ ನಡೆಯುತ್ತದೆ. ಆದ್ದರಿಂದ ಆ ದಿನ ಮಾರಾಟವಾಗದೆ ಉಳಿದ ಸಾಮಾನುಗಳನ್ನು ಸೋಮವಾರ 'ಕ್ಲೀನ್ ಅಪ್ ಸೇಲ್' ಗೆ ಇಡುತ್ತಾರೆ. ಹೀಗೆ ಸಾಮಾನ್ಯವಾಗಿ ಇರುವ ಬೆಲೆಗಿಂತ ಇನ್ನೂ ಕಡಿಮೆ ಬೆಲೆಗೆ ಮಾರುತ್ತಾರೆ. ಕೆಲವು ವಸ್ತುಗಳಿಗೆ ಡಿಸ್ಕೌಂಟ್ ಆಫರ್ ಗಳನ್ನು ನೀಡುತ್ತಾರೆ.

ವಾರಾಂತ್ಯದಲ್ಲಿ DMart ನಲ್ಲಿ ಭಾರಿ ರಿಯಾಯಿತಿ...

ಗ್ರಾಹಕರ ಬೇಡಿಕೆ ಹೆಚ್ಚಿರುವ ಶುಕ್ರವಾರ, ಶನಿವಾರ ಮತ್ತು ಭಾನುವಾರದಂದು ಸಾಧ್ಯವಾದಷ್ಟು ಹೆಚ್ಚು ಸಾಮಾನುಗಳನ್ನು ಮಾರಾಟ ಮಾಡಲು DMart ಪ್ರಯತ್ನಿಸುತ್ತದೆ. ಆದ್ದರಿಂದ ಈ ಮೂರು ದಿನಗಳಲ್ಲಿ ಹೆಚ್ಚು ಆಫರ್‌ಗಳನ್ನು ನೀಡುತ್ತದೆ. ಒಂದು ಕೊಂಡರೆ ಇನ್ನೊಂದು ಉಚಿತ, MRP ಗಿಂತ ಭಾರಿ ರಿಯಾಯಿತಿ ಮುಂತಾದ ಬೋರ್ಡ್‌ಗಳು ಈ ದಿನಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತವೆ. ಹೀಗೆ 'ಕ್ಲೀನ್ ಅಪ್ ಸೇಲ್' ಅಗತ್ಯ ಬಾರದಂತೆ ಎಚ್ಚರಿಕೆ ವಹಿಸುತ್ತಾರೆ. ಒಂದು ವೇಳೆ ಆ ಅಗತ್ಯ ಬಿದ್ದರೆ ಸೋಮವಾರ ಇನ್ನೂ ಕಡಿಮೆ ಬೆಲೆಗೆ ಸಾಮಾನುಗಳನ್ನು ಮಾರಾಟಕ್ಕೆ ಇಡುತ್ತಾರೆ.

DMart ವ್ಯಾಪಾರ ರಹಸ್ಯ ಇದೇನಾ?

ಸಾಮಾನ್ಯವಾಗಿ ಯಾವುದೇ ವ್ಯಾಪಾರದಲ್ಲಿ MRP ಗಿಂತ ಸ್ವಲ್ಪ ಹೆಚ್ಚಿನ ಬೆಲೆಗೆ ಸಾಮಾನುಗಳನ್ನು ಮಾರಾಟ ಮಾಡುತ್ತಾರೆ. ಸ್ವತಃ ಸಾಮಾನುಗಳನ್ನು ಉತ್ಪಾದಿಸುವವರು ಕೂಡ ಲಾಭವನ್ನು ನೋಡಿಕೊಂಡು ಬೆಲೆಯನ್ನು ನಿರ್ಧರಿಸುತ್ತಾರೆ. ಆದರೆ DMart MRP ಗಿಂತ ಕಡಿಮೆ ಬೆಲೆಗೆ ಸಾಮಾನುಗಳನ್ನು ಹೇಗೆ ನೀಡುತ್ತಿದೆ? ಇವರ ವ್ಯಾಪಾರ ರಹಸ್ಯ ಏನು? ಎಂದು ಅನೇಕರಿಗೆ ಸಂದೇಹ ಇರುತ್ತದೆ. ಅದನ್ನು ಇಲ್ಲಿ ತಿಳಿದುಕೊಳ್ಳೋಣ.

DMart ದೇಶಾದ್ಯಂತ ವ್ಯಾಪಾರ ನಡೆಸುತ್ತದೆ. ವಿವಿಧ ನಗರಗಳು ಮತ್ತು ಪಟ್ಟಣಗಳಲ್ಲಿ 300 ಕ್ಕಿಂತ ಹೆಚ್ಚು ಅಂಗಡಿಗಳನ್ನು ಹೊಂದಿದೆ. ಆದ್ದರಿಂದ ಈ ಕಂಪನಿ ನೇರವಾಗಿ ಉತ್ಪಾದಕ ಕಂಪನಿಗಳಿಂದಲೇ ಸಾಮಾನುಗಳನ್ನು ಖರೀದಿಸುತ್ತದೆ. ಮಧ್ಯವರ್ತಿಗಳ ಪಾತ್ರ ಇಲ್ಲದಿರುವುದರಿಂದ ಕಡಿಮೆ ಬೆಲೆಗೆ DMart ಸಾಮಾನುಗಳನ್ನು ಖರೀದಿಸುತ್ತದೆ. ಅದಕ್ಕಾಗಿಯೇ ಕಡಿಮೆ ಬೆಲೆಗೆ ಮಾರಾಟ ಮಾಡಲು ಸಾಧ್ಯವಾಗುತ್ತದೆ.

ಈ DMart ಒಡೆಯ ಯಾರು?

DMart ಅನ್ನು ಅವೆನ್ಯೂ ಸೂಪರ್ ಮಾರ್ಟ್ಸ್ ಲಿಮಿಟೆಡ್ ನಿರ್ವಹಿಸುತ್ತದೆ. ಭಾರತೀಯರಿಗೆ ದಿನಬಳಕೆಯ ವಸ್ತುಗಳನ್ನು ಒಂದೇ ಸ್ಥಳದಲ್ಲಿ ಒದಗಿಸಬೇಕೆಂದು ಷೇರು ಮಾರುಕಟ್ಟೆ ಹೂಡಿಕೆದಾರ ರಾಧಾಕಿಶನ್ ದಮಾನಿ ಇದನ್ನು ಪ್ರಾರಂಭಿಸಿದರು. 2002 ರಲ್ಲಿ ಪ್ರಾರಂಭವಾದ DMart ಯಶಸ್ವಿಯಾಗಿ ಸಾಗಿದೆ. 2022 ರ ಹೊತ್ತಿಗೆ DMart ಅಂಗಡಿಗಳ ಸಂಖ್ಯೆ 306. ದೇಶಾದ್ಯಂತ 14 ರಾಜ್ಯಗಳಲ್ಲಿ ಇದು ವ್ಯಾಪಿಸಿದೆ.