ಭಾರತೀಯ ಕೋಟ್ಯಾಧಿಪತಿಯ ಮಗಳು, ಪಾಪ್ ಗಾಯಕಿ ಬಳಿ 27,720 ಕೋಟಿ ಮೌಲ್ಯದ ಬಾಸ್ಕೆಟ್‌ಬಾಲ್ ಟೀಂ!

ಅಂಜಲಿ ರಣದಿವ್ ಅವರು ಗಾಯಕಿ ಮತ್ತು ಗೀತರಚನೆಗಾರ್ತಿ.  ಮಾತ್ರವಲ್ಲಇವರು ನ್ಯಾಷನಲ್ ಬಾಸ್ಕೆಟ್‌ಬಾಲ್ ಅಸೋಸಿಯೇಶನ್‌ನ (NBA) ಸ್ಯಾಕ್ರಮೆಂಟೊ ಕಿಂಗ್ಸ್‌ನ ಮಾಲೀಕರಾಗಿರುವ ವಿವೇಕ್ ರಣದಿವ್ ಅವರ ಮಗಳು.

ಅಂಜಲಿ ರಣದಿವ್ ಅವರು  ಅಂಜಲಿ ವರ್ಲ್ಡ್ ಮತ್ತು ನಾನಿ ಎಂಬ ಹೆಸರುಗಳನ್ನೂ ಹೊಂದಿದ್ದಾರೆ. ಈಗ ರಣದಿವ್ ತನ್ನ ಗಮನವನ್ನು ಪಾಪ್ ಸಂಗೀತದಿಂದ ಬಾಸ್ಕೆಟ್‌ಬಾಲ್‌ಗೆ ಬದಲಾಯಿಸಿದ್ದಾರೆ. 

30 ವರ್ಷ ವಯಸ್ಸಿನ ಅಂಜಲಿ ತಮ್ಮ ಮೊದಲ ಅಲ್‌ಬಾಮ್ 'ವಿ ಟರ್ನ್ ಅಪ್' ಅನ್ನು ಏಪ್ರಿಲ್ 2014 ರಲ್ಲಿ ತಾವೇ ಬರೆದು ಬಿಡುಗಡೆ ಮಾಡಿದರು. ಅವರ ಎರಡನೇ ಅಲ್‌ಬಾಮ್ 'ನೋಬಡಿ' ಎಂದು ಹೆಸರಿಟ್ಟರು ಇದು ಟೈಗಾ ಮತ್ತು ಸೇಜ್ ದಿ ಜೆಮಿನಿಯನ್ನು ಒಳಗೊಂಡಿತ್ತು. 

ಅಂಜಲಿ ತಂದೆ ವಿವೇಕ್ ಯಶವಂತ ರಣದಿವ್ ಭಾರತೀಯ-ಅಮೆರಿಕನ್ ಉದ್ಯಮಿ. ಮುಂಬೈನಲ್ಲಿ ಹುಟ್ಟಿದ ಅವರು  ಭಾರತೀಯ-ಅಮೆರಿಕನ್ ವ್ಯವಹಾರ ಕಾರ್ಯನಿರ್ವಾಹಕ, ಎಂಜಿನಿಯರ್, ಲೇಖಕ, ಭಾಷಣಕಾರ TIBCO ಸಾಫ್ಟ್‌ವೇರ್, ವ್ಯಾಪಾರ ಗುಪ್ತಚರ ಸಾಫ್ಟ್‌ವೇರ್ ಕಂಪನಿ ಮತ್ತು ಟೆಕ್ನೆಕ್ರಾನ್ ಸಾಫ್ಟ್‌ವೇರ್ ಸಿಸ್ಟಮ್‌ಗಳ ಸ್ಥಾಪಕ ಮತ್ತು ಮಾಜಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (CEO) ಆಗಿದ್ದಾರೆ.

ರಣದಿವೆ ಅವರು ರಾಷ್ಟ್ರೀಯ ಬಾಸ್ಕೆಟ್‌ಬಾಲ್ ಅಸೋಸಿಯೇಶನ್‌ನ ಸ್ಯಾಕ್ರಮೆಂಟೊ ಕಿಂಗ್ಸ್‌ನ ಸಹ-ಮಾಲೀಕರು ಮತ್ತು ಅಧ್ಯಕ್ಷರೂ ಆಗಿದ್ದಾರೆ. 2022 ರಲ್ಲಿ, ರಣದಿವ್ ಮೈನರ್ ಲೀಗ್ ಬೇಸ್‌ಬಾಲ್ ಫ್ರ್ಯಾಂಚೈಸ್, ಸ್ಯಾಕ್ರಮೆಂಟೊ ರಿವರ್ ಕ್ಯಾಟ್ಸ್ ಅನ್ನು ಖರೀದಿಸಿದರು.

ಫೋರ್ಬ್ಸ್ ಪ್ರಕಾರ, ಅಕ್ಟೋಬರ್ 2023 ರ ಹೊತ್ತಿಗೆ ರಣದಿವೆ ಅವರ ತಂಡವು ಸುಮಾರು 27,720 ಕೋಟಿ (USD 3.33 ಶತಕೋಟಿ) ಮೌಲ್ಯವನ್ನು ಹೊಂದಿದೆ.  ಅಂಜಲಿ ಸ್ಟಾಕ್ಟನ್ ಕಿಂಗ್ಸ್ ಜಿ ಲೀಗ್ ತಂಡದ ಸಹಾಯಕ ಜನರಲ್ ಮ್ಯಾನೇಜರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇದಕ್ಕೂ ಮೊದಲು, ಅವರು ಸ್ಯಾಕ್ರಮೆಂಟೊ ಕಿಂಗ್ಸ್‌ನ ಸಾಮಾಜಿಕ ಜವಾಬ್ದಾರಿ ಸಂಯೋಜಕರಾಗಿದ್ದರು. 

ಈ ವರ್ಷದ ಆರಂಭದಲ್ಲಿ 2023 NBA ಪ್ಲೇಆಫ್‌ಗಳಲ್ಲಿ ಉತ್ತಮ ಪ್ರದರ್ಶನದ ಮೂಲಕ  ಹೆಚ್ಚಿನ ಗಮನ ಸೆಳೆದರು. ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದಾರೆ ಮತ್ತು ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ. ಅಂಜಲಿ ಇನ್‌ಸ್ಟಾಗ್ರಾಮ್‌ನಲ್ಲಿ 163K ಅನುಯಾಯಿಗಳನ್ನು ಹೊಂದಿದ್ದಾರೆ.

ಅಂಜಲಿ ಯುಸಿ ಬರ್ಕ್ಲಿಯಿಂದ ಸಾಗರ ವಿಜ್ಞಾನ ವಿಷಯದಲ್ಲಿ   ಪದವಿ ಪಡೆದಿದ್ದಾರೆ. ಅವರು ಜಾಸ್ ಮತ್ತು ಪಾವ್ಸ್ ಎಂಬ ಲಾಭರಹಿತ ಸಂಸ್ಥೆಯನ್ನು ಸ್ಥಾಪಿಸಿದರು, ಇದು ಶಾರ್ಕ್, ಹಿಮಕರಡಿಗಳು ಮತ್ತು ಹುಲಿಗಳ ಸಂರಕ್ಷಣೆಗಾಗಿ ಜಾಗೃತಿ ಮೂಡಿಸುತ್ತದೆ.  

Anjali Ranadive

ಅಂಜಲಿ ಬಡತನ, ಬುಡಕಟ್ಟು  ಸಮುದಾಯಗಳ ಮೇಲೆ ಕೇಂದ್ರೀಕರಿಸಲು ತಂಡದ ಸಾಮಾಜಿಕ ಜವಾಬ್ದಾರಿ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಾರೆ. ಅಕ್ಟೋಬರ್ 2015 ರಲ್ಲಿ, ಅವರು ಮಾಂಟೆರಿ ಬೇ ಅಕ್ವೇರಿಯಂನಿಂದ 2015 ರ ಪಾಲ್ ವಾಕರ್ ಓಷನ್ ಲೀಡರ್ಶಿಪ್ ಪ್ರಶಸ್ತಿಯನ್ನು ಪಡೆದರು. ಅವರು 2022 NBA ಆಲ್-ಸ್ಟಾರ್ ಸೆಲೆಬ್ರಿಟಿ ಗೇಮ್‌ನ ಭಾಗವಾಗಿದ್ದರು.