ಆಕಾಶ್ ಮದುವೆಗೆ ನೀರಿನಂತೆ ಖರ್ಚು ಮಾಡಿದ ಅಂಬಾನಿ ಕಿರಿಯ ಮಗನ ಮದ್ವೆ ಹೇಗಿರುತ್ತೆ?

ಭಾರತದ ಎರಡನೇ ಶ್ರೀಮಂತ ಉದ್ಯಮಿ ಮುಖೇಶ್ ಅಂಬಾನಿ ಮನೆಯಲ್ಲಿ ಮತ್ತೊಮ್ಮೆ ಮದುವೆಯ ಸಮಾರಂಭ ಶುರುವಾಗಿದೆ. ಅವರ ಕಿರಿಯ ಮಗ ಅನಂತ್ ಅಂಬಾನಿ ಶೀಘ್ರದಲ್ಲೇ ರಾಧಿಕಾ ಮರ್ಚೆಂಟ್ ಅವರನ್ನು ಮದುವೆಯಾಗಲಿದ್ದಾರೆ. ಕಳೆದ ತಿಂಗಳು ಡಿಸೆಂಬರ್ 29 ರಂದು ರಾಜಸ್ಥಾನದ ಶ್ರೀನಾಥಜಿ ದೇವಸ್ಥಾನದಲ್ಲಿ ಈ ಜೋಡಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಇವರ ಮದುವೆ ಪೂರ್ವ ಕಾರ್ಯಕ್ರಮಗಳು ಶುರುವಾಗಿವೆ. ಮುಕೇಶ್ ಅಂಬಾನಿ ತಮ್ಮ ಹಿರಿಯ ಮಗ ಆಕಾಶ್ ಅಂಬಾನಿ ಮದುವೆಯಲ್ಲಿ ನೀರಿನಂತೆ ಹಣ ಖರ್ಚು ಮಾಡಿ ಸಖತ್‌ ಅದ್ಧೂರಿಯಾಗಿ ಮಾಡಿದ್ದರು.ಅಂಬಾನಿ ಅವರ ಹಿರಿಯ ಮಗ ಆಕಾಶ್ ಅಂಬಾನಿ ಶ್ಲೋಕಾ ಮೆಹ್ತಾ ಜೊತೆ ಮಾರ್ಚ್ 9, 2019 ರಂದು ವಿವಾಹವಾದರು . ಈ ಮದುವೆ ದೇಶದ ಅತ್ಯಂತ ದುಬಾರಿ ಮದುವೆಗಳಲ್ಲಿ ಒಂದಾಗಿದೆ.

ರತನ್ ಟಾಟಾ, ವಿಶ್ವಸಂಸ್ಥೆಯ ಮಾಜಿ ಪ್ರಧಾನ ಕಾರ್ಯದರ್ಶಿ ಬಾನ್ ಕಿ-ಮೂನ್, ನ್ಯೂಜಿಲೆಂಡ್ ಬೌಲರ್ ಶೇನ್ ಬಾಂಡ್, ಬ್ರಿಟನ್ ಮಾಜಿ ಪ್ರಧಾನಿ ಟೋನಿ ಬ್ಲೇರ್, ಶ್ರೀಲಂಕಾ ಬ್ಯಾಟ್ಸ್‌ಮನ್ ಮತ್ತು ಐಪಿಎಲ್ ಕೋಚ್ ಮಹೇಲಾ ಜಯವರ್ಧನೆ, ಗೂಗಲ್ ಸಿಇಒ ಸುಂದರ್ ಪಿಚೈ ಅವರು ಆಕಾಶ್ ಮತ್ತು ಶ್ಲೋಕಾ ಅವರ ವಿವಾಹದಲ್ಲಿ ಪಾಲ್ಗೊಂಡಿದ್ದರು.

ಇಷ್ಟೇ ಅಲ್ಲದೆ ಬಾಲಿವುಡ್‌ನ ಸೆಲೆಬ್ರೆಟಿಗಳು ಹಾಜರಾಗಿದ್ದರು .ಆಕಾಶ್-ಶ್ಲೋಕಾ ಮದುವೆಗೆ ಶಾರುಖ್ ಖಾನ್ ಪತ್ನಿ ಗೌರಿ ಜೊತೆ ಆಗಮಿಸಿದ್ದರು. ಮದುವೆಯಲ್ಲಿ ನೀತಾ ಅಂಬಾನಿ ಶಾರುಖ್ ಮತ್ತು ಗೌರಿ  ಜೊತೆ ಸಖತ್ ಡ್ಯಾನ್ಸ್ ಮಾಡಿದ್ದಾರೆ. ಗೌರಿ-ಶಾರುಖ್ ನೃತ್ಯದ ಹಲವು ವಿಡಿಯೋಗಳು ಕೂಡ ವೈರಲ್ ಆಗಿದ್ದವು. 

ಆಕಾಶ್ ಅಂಬಾನಿ ಅವರ ಮದುವೆಯ ಬರಾತ್‌ ಬಗ್ಗೆ ಹೇಳುವುದೇ ಬೇಡ. ಇದರಲ್ಲಿ ಅನೇಕ ದೊಡ್ಡ ಬಾಲಿವುಡ್ ಖ್ಯಾತನಾಮರು ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ. ಮೆರವಣಿಗೆಯಲ್ಲಿ ಸಿಂಗರ್‌ ಮೈಕಾ ಪ್ರದರ್ಶನ ನೀಡಿದರು. 

ಆಕಾಶ್ ಅಂಬಾನಿ ಅವರ ಮದುವೆಯ ಮೆರವಣಿಗೆಯ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಸದ್ದು ಮಾಡಿದ್ದವು .ಆಕಾಶ್-ಶ್ಲೋಕಾ ಮದುವೆಯಲ್ಲಿ ಶಾರುಖ್ ಖಾನ್ ಜೊತೆಗೆ ಕರಣ್ ಜೋಹರ್, ರಣಬೀರ್ ಕಪೂರ್ ಮತ್ತು ಮಿಕಾ ಸಿಂಗ್ ಕೂಡ ಕಾರ್ಯಕ್ರಮ ನೀಡಿದ್ದಾರೆ.

ಸ್ವತಃ ವರ ಆಕಾಶ್ ಅಂಬಾನಿ ರಣಬೀರ್ ಕಪೂರ್ ಜೊತೆ  ಡ್ಯಾನ್ಸ್ ಮಾಡಿದ್ದಾರೆ.ಮಗನ ಮದುವೆಯಲ್ಲಿ ಮುಖೇಶ್ ಅಂಬಾನಿ ಮತ್ತು ಅವರ ಪತ್ನಿ ನೀತಾ ಅಂಬಾನಿ ಡ್ಯಾನ್ಸ್ ಮಾಡಿರುವುದು ಕಂಡುಬಂದಿದೆ. 

ಆಕಾಶ್ ಅಂಬಾನಿ ಮತ್ತು ಶ್ಲೋಕಾ ಮೆಹ್ತಾ 'ರಾಧೆ ಕೃಷ್ಣ' ಥೀಮ್‌ನಲ್ಲಿ ಮದುವೆಯಾಗಿದ್ದಾರೆ. ಕಾರ್ಡ್‌ಗಳಿಂದ ಹಿಡಿದು ಮನೆಯ ಅಲಂಕಾರಗಳವರೆಗೆ, ಕೃಷ್ಣ  ಮತ್ತು ರಾಧೆಯ ಮೇಲಿನ ಅವನ ಪ್ರೀತಿಯ ಝಲಕ್ ಇತ್ತು.

ಆಕಾಶ್ ಮದುವೆಯಲ್ಲಿ ಕೇವಲ ಹೂವಿನ ಅಲಂಕಾರಕ್ಕೆ ಅಂಬಾನಿ ಕುಟುಂಬ ಕೋಟಿ ಕೋಟಿ ಖರ್ಚು ಮಾಡಿತ್ತು. ನವಿಲು, ಉಯ್ಯಾಲೆಗಳು ಮತ್ತು ಕೃಷ್ಣನ ವಿಗ್ರಹವನ್ನು ಸಹ ಹೂವಿನಿಂದ ಮಾಡಲಾಗಿತ್ತು. ಬಾಲಿವುಡ್ ಹೊರತುಪಡಿಸಿ, ಕ್ರೀಡೆ, ವ್ಯಾಪಾರ ಮತ್ತು ರಾಜಕೀಯದ ಸೆಲೆಬ್ರಿಟಿಗಳು ದಂಪತಿಗಳು ಮದುವೆಯಲ್ಲಿ ಭಾಗವಹಿಸಿದ್ದರು.

ಮದುವೆಯಲ್ಲಿ ಐಶ್ವರ್ಯಾ ರೈ ಬಚ್ಚನ್ ಮಗಳು ಆರಾಧ್ಯ ಮತ್ತು ಪತಿ ಅಭಿಷೇಕ್ ಬಚ್ಚನ್ ಜೊತೆ ಕಾಣಿಸಿಕೊಂಡಿದ್ದರು. ಈ ಸಮಯದಲ್ಲಿ, ಐಶ್ವರ್ಯಾ ನೇರಳೆ ಬಣ್ಣದ ಲೆಹೆಂಗಾವನ್ನು ಧರಿಸಿದ್ದರು, ಅಭಿಷೇಕ್ ಡಿಸೈನರ್ ಶೇರ್ವಾನಿಯಲ್ಲಿ ಕಾಣಿಸಿಕೊಂಡರೆ, ಆರಾಧ್ಯ ಗುಲಾಬಿ ಬಣ್ಣದ ಲೆಹೆಂಗಾದಲ್ಲಿ ಕಾಣಿಸಿಕೊಂಡಳು.

ಅಷ್ಟೇ ಅಲ್ಲ ಮಗಳು ಇಶಾ ಮದುವೆಗೂ ಮುಕೇಶ್ ಅಂಬಾನಿ ಅದ್ದೂರಿಯಾಗಿ ಹಣ ಖರ್ಚು ಮಾಡಿದ್ದರು. ಇಶಾ ಅಂಬಾನಿ ಪಿರಾಮಲ್ ಗ್ರೂಪ್ ಮಾಲೀಕ ಅಜಯ್ ಪಿರಾಮಲ್ ಅವರ ಪುತ್ರ ಆನಂದ್ ಅವರನ್ನು  ಡಿಸೆಂಬರ್ 12, 2018 ರಂದು 7 ವಿವಾಹವಾಗಿದ್ದಾರೆ