ಯುರೋ ಕಪ್: ಕ್ವಾರ್ಟರ್ಗೆ ಇಂಗ್ಲೆಂಡ್, ಉಕ್ರೇನ್ ಪ್ರವೇಶ
ಸಾರಾಂಶ
* ಯೋರೋ ಕಪ್ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯಗಳು ಮುಕ್ತಾಯ * ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟ ಇಂಗ್ಲೆಂಡ್ ಹಾಗೂ ಉಕ್ರೇನ್ ತಂಡಗಳು * ಶುಕ್ರವಾರ ಮೊದಲೆರಡು ಕ್ವಾರ್ಟರ್ ಫೈನಲ್ಗಳು ನಡೆಯಲಿವೆ.
ಲಂಡನ್(ಜು.01): ಯುರೋ ಕಪ್ 2020ರ ಕ್ವಾರ್ಟರ್ ಫೈನಲ್ಗೆ ಇಂಗ್ಲೆಂಡ್ ಹಾಗೂ ಉಕ್ರೇನ್ ತಂಡಗಳು ಲಗ್ಗೆಯಿಟ್ಟಿವೆ. ಇದರೊಂದಿಗೆ ಪ್ರೀಕ್ವಾರ್ಟರ್ ಫೈನಲ್ ಪಂದ್ಯಗಳು ಮುಕ್ತಾಯವಾಗಿವೆ.
ಪ್ರಿ ಕ್ವಾರ್ಟರ್ನಲ್ಲಿ ಜರ್ಮನಿ ವಿರುದ್ಧ 2-0 ಗೋಲುಗಳಲ್ಲಿ ಇಂಗ್ಲೆಂಡ್ ಜಯಗಳಿಸಿದರೆ, ಸ್ವೀಡನ್ ವಿರುದ್ಧ ಉಕ್ರೇನ್ 2-1 ಗೋಲುಗಳಲ್ಲಿ ಗೆಲುವು ಪಡೆಯಿತು. ಇದರೊಂದಿಗೆ ಕ್ವಾರ್ಟರ್ ಫೈನಲ್ ವೇಳಾಪಟ್ಟಿ ಅಂತಿಮಗೊಂಡಿದೆ.
ಯುರೋ ಕಪ್ ಫುಟ್ಬಾಲ್: ಕ್ವಾರ್ಟರ್ಗೆ ಸ್ವಿಜರ್ಲೆಂಡ್, ಸ್ಪೇನ್ ಲಗ್ಗೆ
ಮೊದಲ ಕ್ವಾರ್ಟರ್ ಫೈನಲ್ನಲ್ಲಿ ಸ್ಪೇನ್-ಸ್ವಿಜರ್ಲೆಂಡ್, 2ನೇ ಕ್ವಾರ್ಟರ್ ಫೈನಲ್ನಲ್ಲಿ ಬೆಲ್ಜಿಯಂ-ಇಟಲಿ, 3ನೇ ಕ್ವಾರ್ಟರ್ನಲ್ಲಿ ಡೆನ್ಮಾರ್ಕ್-ಚೆಕ್ ಗಣರಾಜ್ಯ ಹಾಗೂ 4ನೇ ಕ್ವಾರ್ಟರ್ ಫೈನಲ್ನಲ್ಲಿ ಉಕ್ರೇನ್-ಇಂಗ್ಲೆಂಡ್ ತಂಡಗಳು ಮುಖಾಮುಖಿಯಾಗಲಿವೆ. ಶುಕ್ರವಾರ ಮೊದಲೆರಡು ಕ್ವಾರ್ಟರ್ ಫೈನಲ್ಗಳು ನಡೆಯಲಿವೆ.
ಈಗಾಗಲೇ ಹಾಲಿ ವಿಶ್ವ ಚಾಂಪಿಯನ್ ಫ್ರಾನ್ಸ್ ಯುರೋ ಕಪ್ 2020 ಟೂರ್ನಿಯಿಂದ ಹೊರಬಿದ್ದಿದೆ. ವಿಶ್ವಕಪ್ ರನ್ನರ್-ಅಪ್ ಕ್ರೊವೇಷಿಯಾ ಕೂಡ ಆಘಾತ ಅನುಭವಿಸಿದೆ. ಹೀಗಾಗಿ ಈ ಬಾರಿ ಹೊಸ ಎರಡು ತಂಡಗಳು ಫೈನಲ್ನಲ್ಲಿ ಪ್ರಶಸ್ತಿಗಾಗಿ ಪೈಪೋಟಿ ನಡೆಸುವ ಸಾಧ್ಯತೆಯಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.