ಕೇರಳದ ನಾಲ್ಕನೇ ತರಗತಿ ವಿದ್ಯಾರ್ಥಿನಿಯ ಪ್ರಶ್ನೆ ಪತ್ರಿಕೆ ವೈರಲ್
ಮೆಸ್ಸಿ ಬಗ್ಗೆ ಬರೆಯಲು ಕೇಳದ ಪ್ರಶ್ನೆಗೆ ಖಡಕ್ ಆಗಿ ತಿರುಗೇಟು ಕೊಟ್ಟ ಬ್ರೆಜಿಲ್ ಫ್ಯಾನ್
ನಾನು ನೇಯ್ಮಾರ್ ಫ್ಯಾನ್, ಹಾಗಾಗಿ ಮೆಸ್ಸಿ ಬಗ್ಗೆ ಉತ್ತರ ಬರೆಯೊಲ್ಲವೆಂದ 4 ತರಗತಿ ವಿದ್ಯಾರ್ಥಿನಿ
ಮಲಪುರಂ(ಮಾ.27): 'ಪ್ರಖ್ಯಾತ ಫುಟ್ಬಾಲಿಗ ಲಿಯೋನೆಲ್ ಮೆಸ್ಸಿ ಬಗ್ಗೆ ಬರೆಯಿರಿ' ಎಂದು ಪರೀಕ್ಷೆಯಲ್ಲಿ ಪ್ರಶ್ನೆ ಕೇಳಿದರೆ, ನೀವೆಲ್ಲ ಏನು ಬರೆಯುತ್ತೀರೋ ಗೊತ್ತಿಲ್ಲ, ಆದರೆ ಕೇರಳದ ನಾಲ್ಕನೇ ತರಗತಿಯ ವಿದ್ಯಾರ್ಥಿನಿಯೊಬ್ಬಳು ಬರೆದ ಉತ್ತರ ಮಾತ್ರ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ.
ಹೌದು, ಕೇರಳದಲ್ಲಿರುವ ಫುಟ್ಬಾಲ್ ಕ್ರೇಜ್‌ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಆದರೆ ಇಲ್ಲೊಬ್ಬ ಯುವ ಅಭಿಮಾನಿ ಶಾಲಾ ಪರೀಕ್ಷೆಯಲ್ಲೂ ತನ್ನ ಅಭಿಮಾನ, ನಿಷ್ಠೆ ಪ್ರದರ್ಶಿಸಿ ಗಮನ ಸೆಳೆದಿದ್ದಾಳೆ. 4ನೇ ತರಗತಿಯ ಪ್ರಶ್ನೆ ಪತ್ರಿಕೆಯಲ್ಲಿ ಅರ್ಜೆಂಟೀನಾ ಫುಟ್ಬಾಲಿಗ ಲಿಯೋನೆಲ್ ಮೆಸ್ಸಿಯ (Lionel Messi) ಭಾವಚಿತ್ರದೊಂದಿಗೆ ಅವರ ಜೀವನದ ಕುರಿತು ಬರೆಯುವಂತೆ 5 ಅಂಕಗಳಿಗೆ ಪ್ರಶ್ನೆ ಕೇಳಲಾಗಿತ್ತು.
undefined
ಇದಕ್ಕೆ ರಿಜಾ ಫಾತಿಮಾ ಎನ್ನುವ ವಿದ್ಯಾರ್ಥಿನಿ ಉತ್ತರಿಸಲು ನಿರಾಕರಿಸಿದ್ದಾರೆ. ಜೊತೆಗೆ ಪ್ರಶ್ನೆ ಕೇಳಿದ ಶಿಕ್ಷಕರಿಗೆ ‘ನಾನು ನೇಯ್ಮರ್‌ರ ಅಭಿಮಾನಿ, ಬ್ರೆಜಿಲ್ ತಂಡವನ್ನು ಬೆಂಬಲಿಸುತ್ತೇನೆ. ಈ ಪ್ರಶ್ನೆಗೆ ಉತ್ತರಿಸುವುದಿಲ್ಲ’ ಎಂದು ಸಂದೇಶವನ್ನೂ ಬರೆದಿದ್ದಾಳೆ. ರಿಜಾ ಅವರ ಉತ್ತರ ಪತ್ರಿಕೆಯ ಫೋಟೋ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.
This shows the passion of a football fan! And how deeprooted the football in children esp. in Malabar area, Kerala.
This is a question from Class 4, Board Exams.
Qn. Write a biography of Messi using following points...
Answer is hilarious (1/2) pic.twitter.com/Enrvfr2uOn
ಆದರೆ ರಿಜಾ ಫಾತಿಮಾ ಬರೆದ ಉತ್ತರ ಕಂಡು ಆಕೆಯ ಪ್ರತಿಭೆ ಹಾಗೂ ಪ್ರಾಮಾಣಿಕತೆಯನ್ನು ಮೆಚ್ಚಿ ಶಿಕ್ಷಕರು ಅಂಕ ನೀಡಿದರೆ ಅಥವಾ ಇಲ್ಲವೇ ಎನ್ನುವುದರ ಕುರಿತಂತೆ ಸದ್ಯ ಇದುವರೆಗೂ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ. ಇನ್ನು ರೀತಿ ಉತ್ತರ ಬರೆದಿದ್ದೇಕೆ ಎಂದು ಮಲೆಯಾಳಂನ ಚಾನೆಲ್‌ವೊಂದು ಆಕೆಯನ್ನು ಪ್ರಶ್ನಿಸಿದಾಗ, ರಿಜಾ ಫಾತಿಮಾ, "ನನ್ನ ಟೀಚರ್ ಕೂಡಾ ಯಾಕೆ ಹೀಗೆ ಉತ್ತರ ಬರೆದೆ ಎಂದು ನನ್ನನ್ನು ಕೇಳಿದರು. ನಾನಾಗ ನನ್ನ ಮನಸ್ಸಿನಲ್ಲಿ ಏನು ಬರುತ್ತದೆಯೋ ಅದನ್ನೇ ಮಾಡುತ್ತೇನೆ. ಅದನ್ನು ಬಿಟ್ಟು ನನ್ನ ಮನಸ್ಸಿಗೆ ವಿರುದ್ದವಾಗಿ ಏನನ್ನೂ ಮಾಡುವುದಿಲ್ಲ. ನಾನು ನೇಯ್ಮರ್ ಫುಟ್ಬಾಲ್ ಆಡುವಾಗ ಮಾತ್ರ ಫುಟ್ಬಾಲ್ ಪಂದ್ಯವನ್ನು ನೋಡುತ್ತೇನೆ. ಆದರೆ ನಾನು ಮೆಸ್ಸಿ ಅಭಿಮಾನಿಯಲ್ಲ. ನಾನು ಪ್ರಶ್ನೆ ಪತ್ರಿಕೆಯಲ್ಲಿ ಮೆಸ್ಸಿ ಫೋಟೋ ನೋಡುತ್ತಿದ್ದಂತೆಯೇ ನೇಯ್ಮರ್ ಕುರಿತು ಬರೆಯಬೇಕೆನಿಸಿತು. ಹಾಗಾಗಿ ನಾನು ಈ ಉತ್ತರವನ್ನು ಬರೆದೆ ಎಂದು ಹೇಳಿದ್ದಾಳೆ.
ಬೆಂಗ್ಳೂರಲ್ಲಿ ಚಿನ್ನದ ಹುಡುಗ: ಒಂದು ವೈಫಲ್ಯದಿಂದ ನಿರಾಶೆಗೊಳಗಾಗಬೇಡಿ ಮಕ್ಕಳಿಗೆ ನೀರಜ್ ಚೋಪ್ರಾ ಕಿವಿಮಾತು..!
ಕೆಲತಿಂಗಳ ಹಿಂದಷ್ಟೇ ಜರುಗಿದ ಕತಾರ್ ಫಿಫಾ ವಿಶ್ವಕಪ್ ಟೂರ್ನಿಯಲ್ಲಿ (Qutar FIFA World Cup) ಲಿಯೋನೆಲ್ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ತಂಡವು ಫ್ರಾನ್ಸ್ ತಂಡವನ್ನು ಬಗ್ಗುಬಡಿದು ಫಿಫಾ ವಿಶ್ವಕಪ್ ಟ್ರೋಫಿಗೆ ಮುತ್ತಿಕ್ಕಿತ್ತು. ಬರೋಬ್ಬರಿ 36 ವರ್ಷಗಳ ಬಳಿಕ ಅರ್ಜೆಂಟೀನಾ ತಂಡವು ಫಿಫಾ ವಿಶ್ವಕಪ್ ಜಯಿಸುವಲ್ಲಿ ಯಶಸ್ವಿಯಾಯಿತು. ಇದರ ಜತೆಗೆ ಫಿಫಾ ವಿಶ್ವಕಪ್ ಗೆಲ್ಲಬೇಕೆಂಬ ಜೀವಮಾನದ ಕನಸನ್ನು ನನಸಾಗಿಸಿಕೊಳ್ಳುವಲ್ಲಿ ಲಿಯೋನೆಲ್ ಮೆಸ್ಸಿ ಯಶಸ್ವಿಯಾಗಿದ್ದರು.
ವೃತ್ತಿ ಬದುಕಿನಲ್ಲಿ 800 ಗೋಲು ಹೊಡೆದ ಮೆಸ್ಸಿ!
ಬ್ಯೂನಸ್‌ ಐರಿಸ್‌(ಅರ್ಜೆಂಟೀನಾ): ಸಾರ್ವಕಾಲಿಕ ಶ್ರೇಷ್ಠ ಫುಟ್ಬಾಲಿಗರಲ್ಲಿ ಓರ್ವರಾದ ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ ವೃತ್ತಿಬದುಕಿನಲ್ಲಿ 800 ಗೋಲುಗಳ ಮೈಲಿಗಲ್ಲು ತಲುಪಿದ್ದು, ಈ ಸಾಧನೆ ಮಾಡಿದ 2ನೇ ಆಟಗಾರ ಎನಿಸಿಕೊಂಡಿದ್ದಾರೆ. ಪೋರ್ಚುಗಲ್‌ನ ಕ್ರಿಸ್ಟಿಯಾನೋ ರೊನಾಲ್ಡೋ 830 ಗೋಲುಗಳೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
IFFHS Playmaker Awards Winners and Their Number of Goals:
1. 🇦🇷MESSI (800)
2.🇧🇷Kaka (190)
3.🇧🇪KDB (162)
4.🇫🇷Zidane (156)
5.🇪🇸Xavi (123)
6.🇪🇸Iniesta (102)
7. 🇭🇷Modric (99)
8.🇩🇪Kroos (89)
Having 800 goals while being a playmaker is crazy 🤯🐐 pic.twitter.com/Wn5BrKBB8Q
ಫಿಫಾ ವಿಶ್ವಕಪ್ ಗೆದ್ದ ಬಳಿಕ ಅರ್ಜೆಂಟೀನಾ ಕಳೆದ ಶುಕ್ರವಾರ ಮೊದಲ ಅಂತಾರಾಷ್ಟ್ರೀಯ ಪಂದ್ಯವನ್ನು ಪನಾಮ ವಿರುದ್ಧ ಆಡಿತು. ಪಂದ್ಯದ 89ನೇ ನಿಮಿಷದಲ್ಲಿ ಫ್ರೀ ಕಿಕ್‌ ಅನ್ನು ಗೋಲಾಗಿ ಪರಿವರ್ತಿಸಿ 800 ಗೋಲುಗಳನ್ನು ಪೂರ್ತಿಗೊಳಿಸಿದರು. ಇದು ಅವರ 99ನೇ ಅಂತಾರಾಷ್ಟ್ರೀಯ ಗೋಲು. ಉಳಿದ 701 ಗೋಲುಗಳನ್ನು ವಿವಿಧ ಕ್ಲಬ್‌ಗಳು, ದೇಶಿ ಲೀಗ್‌ಗಳಲ್ಲಿ ಬಾರಿಸಿದ್ದಾರೆ.