2026ರ ಫಿಫಾ ವಿಶ್ವಕಪ್‌ನಲ್ಲಿ ಆಡಲ್ಲ: ಶಾಕ್ ಕೊಟ್ಟ ಲಿಯೋನೆಲ್ ಮೆಸ್ಸಿ..!

ಫುಟ್ಬಾಲ್‌ ಅಭಿಮಾನಿಗಳಿಗೆ ಶಾಕ್ ನೀಡಿದ ಲಿಯೋನೆಲ್ ಮೆಸ್ಸಿ 2026ರ ಫಿಫಾ ವಿಶ್ವಕಪ್ ಆಡೊಲ್ಲವೆಂದ ಫುಟ್ಬಾಲ್ ಮಾಂತ್ರಿಕ ಕತಾರ್‌ನಲ್ಲಿ ಆಡಿದ ವಿಶ್ವಕಪ್ ನನ್ನ ಕೊನೆಯ ವಿಶ್ವಕಪ್‌ ಎಂದು ಅರ್ಜೆಂಟೀನಾ ನಾಯಕ

ಬೀಜಿಂಗ್‌(ಜೂ.14): ಸಾರ್ವಕಾಲಿಕ ಶ್ರೇಷ್ಠ ಫುಟ್ಬಾಲಿಗರಲ್ಲಿ ಓರ್ವರಾಗಿರುವ ಅರ್ಜೇಂಟೀನಾದ ನಾಯಕ ಲಿಯೋನೆಲ್ ಮೆಸ್ಸಿ 2026ರ ಫಿಫಾ ವಿಶ್ವಕಪ್ ಫುಟ್ಬಾಲ್ ಟೂರ್ನಿಯಲ್ಲಿ ತಾವು ಆಡುವುದಿಲ್ಲ ಎನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ. ಈ ಮೂಲಕ ಲಕ್ಷಾಂತರ ಅವರ ಅಭಿಮಾನಿಗಳಿಗೆ ಫುಟ್ಬಾಲ್ ಮಾಂತ್ರಿಕ ಮೆಸ್ಸಿ ಶಾಕ್ ನೀಡಿದ್ದಾರೆ.

ಈ ಬಗ್ಗೆ ಚೀನಾದ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿರುವ ಅವರು, ಕತಾರ್‌ನಲ್ಲಿ ಆಡಿದ ವಿಶ್ವಕಪ್ ನನ್ನ ಕೊನೆಯ ವಿಶ್ವಕಪ್‌. ಮುಂದಿನ ವಿಶ್ವಕಪ್‌ ನಾನು ಆಡುವುದಿಲ್ಲ ಎಂದಿದ್ದಾರೆ. 35 ವರ್ಷದ ಲಿಯೋನೆಲ್ ಮೆಸ್ಸಿ ಕಳೆದ ವರ್ಷ ತಮ್ಮ ಚೊಚ್ಚಲ ಫಿಫಾ ವಿಶ್ವಕಪ್ ಎತ್ತಿ ಹಿಡಿದಿದ್ದರು. ಆ ಬಳಿಕ ಅವರು ಮುಂದಿನ ವಿಶ್ವಕಪ್‌ನಲ್ಲಿ ಆಡುವ ಬಗ್ಗೆ ಸ್ಪಷ್ಟ ನಿರ್ಧಾರ ಪ್ರಕಟಿಸದಿದ್ದರೂ, ಕೋಚ್‌ಗಳು ಹಾಗೂ ಸಹ ಆಟಗಾರರು 2026ರ ಫಿಫಾ ವಿಶ್ವಕಪ್‌ನಲ್ಲೂ ಮೆಸ್ಸಿ ಆಡಬಹುದು ಎನ್ನುವ ವಿಶ್ವಾಸ ವ್ಯಕ್ತಪಡಿಸಿದ್ದರು.

ಸದ್ಯ ಈ ಎಲ್ಲಾ ಗೊಂದಲಗಳಿಗೆ ಸ್ವತಃ ಲಿಯೋನೆಲ್ ಮೆಸ್ಸಿಯೇ ಉತ್ತರ ನೀಡಿದ್ದಾರೆ. ಇತ್ತೀಚೆಗಷ್ಟೇ ಫ್ರಾನ್ಸ್‌ನ ಪ್ಯಾರಿಸ್‌ ಸೈಂಟ್ ಜರ್ಮೈನ್‌(ಪಿಎಸ್‌ಜಿ) ತಂಡವನ್ನು ತೊರೆದಿರುವ ಮೆಸ್ಸಿ, ಮುಂದೆ ಅಮೆರಿಕದ ಮಿಯಾಮಿ ತಂಡದ ಪರ ಆಡಲಿದ್ದಾರೆ.

ಸ್ಯಾಫ್‌ ಫುಟ್ಬಾ​ಲ್‌: ಇಂದು ಟಿಕೆಟ್‌ ಮಾರಾಟ ಶುರು

ಬೆಂಗ​ಳೂ​ರು: ಜೂ.21ರಿಂದ ಜುಲೈ 4ರ ವರೆಗೆ ಬೆಂಗ​ಳೂ​ರಿನ ಕಂಠೀ​ರವ ಕ್ರೀಡಾಂಗ​ಣ​ದಲ್ಲಿ ನಡೆ​ಯ​ಲಿ​ರುವ 14ನೇ ಆವೃ​ತ್ತಿಯ ಸ್ಯಾಫ್‌ ಫುಟ್ಬಾಲ್‌ ಚಾಂಪಿ​ಯ​ನ್‌​ಶಿಪ್‌ ಪಂದ್ಯ​ಗಳ ಟಿಕೆಟ್‌ಗಳನ್ನು ಆನ್‌​ಲೈನ್‌ನಲ್ಲಿ ಮಾರಾ​ಟ​ಕ್ಕಿ​ಡಲಾ​ಗಿದೆ. ಟಿಕೆ​ಟ್‌​ಗಳು ಜೂನ್‌ 14ರಿಂದಲೇ ಪೇಟಿಎಂ ಆ್ಯಪ್‌​ನಲ್ಲಿ ಲಭ್ಯ​ವಿರುವು​ದಾಗಿ ಕರ್ನಾ​ಟಕ ರಾಜ್ಯ ಫುಟ್ಬಾಲ್‌ ಸಂಸ್ಥೆ ಮಾಹಿತಿ ನೀಡಿದೆ. 

ಟಿಕೆಟ್‌ ಬೆಲೆ 99 ರುಪಾಯಿನಿಂದ ಆರಂಭ​ವಾ​ಗ​ಲಿದ್ದು, ಗರಿಷ್ಠ 799 ರುಪಾಯಿ ನಿಗ​ದಿ​ಪ​ಡಿ​ಸ​ಲಾ​ಗಿದೆ. ಒಟ್ಟು 7 ವಿಭಾ​ಗ​ಗ​ಳ​ಲ್ಲಿ ಟಿಕೆಟ್‌ ಮಾರಾಟ ಮಾಡ​ಲಾ​ಗು​ತ್ತದೆ. ಈ ಬಾರಿ 8 ತಂಡ​ಗಳು ಪಾಲ್ಗೊ​ಳ್ಳ​ಲಿದ್ದು, ತಲಾ 4 ತಂಡ​ಗಳ 2 ಗುಂಪು​ಗ​ಳ​ನ್ನಾಗಿ ವಿಂಗ​ಡಿ​ಸ​ಲಾ​ಗಿದೆ. ಭಾರತ ಗುಂಪು ಹಂತ​ದಲ್ಲಿ ಪಾಕಿ​ಸ್ತಾ​ನ​(​ಜೂ.21), ನೇಪಾ​ಳ​(​ಜೂ.24) ಹಾಗೂ ಜೂ.27ಕ್ಕೆ ಕುವೈ​ತ್‌ ವಿರುದ್ಧ ಆಡ​ಲಿದೆ.

ನೆಟ್‌​ಬಾಲ್‌: ಭಾರ​ತಕ್ಕೆ ಸತತ 2ನೇ ಸೋಲು

ಜೊಂಜು​(​ಕೊ​ರಿ​ಯಾ​): ಏಷ್ಯನ್‌ ಯೂತ್‌ ನೆಟ್‌​ಬಾಲ್‌ ಚಾಂಪಿ​ಯ​ನ್‌​ಶಿ​ಪ್‌​ನಲ್ಲಿ ಭಾರತ ಸತತ 2ನೇ ಸೋಲು ಕಂಡಿದೆ. ಭಾನು​ವಾರ ಹಾಂಕಾಂಗ್‌ ವಿರುದ್ಧ 35-45 ಅಂಕ​ಗ​ಳಿಂದ ಸೋತಿದ್ದ ಭಾರತ, ಸೋಮ​ವಾರ ಮಲೇ​ಷ್ಯಾ ವಿರುದ್ಧ 30-69 ಅಂಕ​ಗ​ಳಿಂದ ಶರ​ಣಾ​ಯಿತು. ಭಾರತ ಮುಂದಿನ ಪಂದ್ಯ​ದಲ್ಲಿ ಮಂಗ​ಳ​ವಾರ ಜಪಾನ್‌ ವಿರುದ್ಧ ಆಡ​ಲಿದೆ.

ಹಾಕಿ ಏಷ್ಯಾ​ಕಪ್‌ ಗೆದ್ದ ಭಾರತ ವನಿ​ತೆ​ಯ​ರಿಗೆ ಸನ್ಮಾನ

ಬೆಂಗ​ಳೂ​ರು: ಇತ್ತೀ​ಚೆಗೆ ಜಪಾ​ನ್‌​ನಲ್ಲಿ ನಡೆದ ಕಿರಿಯ ಮಹಿ​ಳೆ​ಯರ ಏಷ್ಯಾ​ಕಪ್‌ ಹಾಕಿ ಟೂರ್ನಿ​ಯಲ್ಲಿ ಚೊಚ್ಚಲ ಬಾರಿ ಚಾಂಪಿ​ಯನ್‌ ಆದ ಭಾರತ ತಂಡ ಮಂಗ​ಳ​ವಾರ ಬೆಂಗ​ಳೂ​ರಿಗೆ ಆಗ​ಮಿ​ಸಿದ್ದು, ವಿಮಾನ ನಿಲ್ದಾ​ಣ​ದಲ್ಲಿ ಅದ್ಧೂರಿ ಸ್ವಾಗತ ಏರ್ಪ​ಡಿ​ಸ​ಲಾ​ಯಿತು. ಬಳಿಕ ಸಾಯ್‌ ಕೇಂದ್ರ​ದಲ್ಲಿ ಅದ್ಧೂರಿ ಮೆರ​ವ​ಣಿಗೆ, ಸನ್ಮಾನ ಕಾರ‍್ಯ​ಕಮ ನಡೆ​ಯಿತು. ಮೆರ​ವ​ಣಿ​ಗೆ​ಯಲ್ಲಿ ಆಟ​ಗಾ​ರ್ತಿ​ಯರೇ ಕುಣಿದು ಕುಪ್ಪ​ಳಿ​ಸಿದ್ದು ವಿಶೇ​ಷ​ವಾ​ಗಿತ್ತು. ಸಾಯ್‌ ಕೇಂದ್ರದ ಅಧಿ​ಕಾ​ರಿ​ಗಳು ಈ ವೇಳೆ ಉಪ​ಸ್ಥಿ​ತ​ರಿ​ದ್ದ​ರು.

ನೆ​ಟ್‌​ಬಾಲ್‌: ಭಾರ​ತ​ಕ್ಕೆ ಜಪಾನ್‌ ವಿರುದ್ಧ ಗೆಲು​ವು

ಜೊಂಜು​(​ಕೊ​ರಿ​ಯಾ​): ಏಷ್ಯನ್‌ ಯೂತ್‌ ನೆಟ್‌​ಬಾಲ್‌ ಚಾಂಪಿ​ಯ​ನ್‌​ಶಿ​ಪ್‌​ನಲ್ಲಿ ಭಾರತ 2ನೇ ಗೆಲುವು ಸಾಧಿ​ಸಿದೆ. ಮಂಗ​ಳ​ವಾರ ಜಪಾನ್‌ ವಿರುದ್ಧ ಭಾರತ 68-28 ಅಂಕ​ಗ​ಳಿಂದ ಭರ್ಜರಿ ಗೆಲುವು ತನ್ನ​ದಾ​ಗಿ​ಸಿ​ಕೊಂಡಿತು. ಮೊದ​ಲಾ​ರ್ಧ​ದಲ್ಲೇ 37-14 ಅಂಕ​ಗಳ ಮುನ್ನಡೆ ಸಾಧಿ​ಸಿದ್ದ ಭಾರತ ಕೊನೆ​ವ​ರೆಗೂ ಪಂದ್ಯದ ಮೇಲಿನ ಹಿಡಿತ ಸಡಿ​ಲ​ಗೊ​ಳಿ​ಸ​ಲಿಲ್ಲ. ಆರಂಭಿಕ ಪಂದ್ಯ​ದಲ್ಲಿ ಥಾಯ್ಲೆಂಡ್‌ ವಿರುದ್ಧ ಗೆದ್ದಿದ್ದ ಭಾರತ ಬಳಿಕ ಹಾಂಕಾಂಗ್‌ ಹಾಗೂ ಮಲೇಷ್ಯಾ ವಿರುದ್ಧ ಸೋಲ​ನು​ಭ​ವಿ​ಸಿತ್ತು. ಮುಂದಿನ ಪಂದ್ಯ​ದಲ್ಲಿ ಬುಧ​ವಾರ ಬದ್ಧ​ವೈರಿ ಪಾಕಿ​ಸ್ತಾನ ವಿರುದ್ಧ ಸೆಣ​ಸಾ​ಡ​ಲಿದೆ.