☰
ಮಹಿಳೆಯರು ಓಂಕಾರವನ್ನು ಉಚ್ಚರಿಸಬಹುದೇ? ಓಂ ನಮಃಶಿವಾಯ ಎಂಬ ಪಂಚಾಕ್ಷರಿ ಮಂತ್ರದಲ್ಲಿ ಓಂ ಎಂಬ ಬೀಜಮಂತ್ರವನ್ನು ಮಹಿಳೆಯರು ಉಚ್ಚರಿಸಬಾರದು ಎಂದು ಕೆಲವರು ಹೇಳುತ್ತಾರೆ? ಆದರೆ ಇದು ನಿಜವೇ? ಅಂಥ ನಿಷೇಧಗಳಿವೆಯೇ? ಇಲ್ಲಿದೆ ವಿವರ.
ಮಹಿಳೆಯರು ʼಓಂʼಕಾರವನ್ನು ಉಚ್ಚರಿಸುವಂತಿಲ್ಲ. ʼಓಂ ನಮಃಶಿವಾಯʼ ಅನ್ನುವಂತಿಲ್ಲ. ಅವರು ಬರೀ ʼನಮಃಶಿವಾಯʼ ಎಂದರೆ ಸಾಕು- ಎಂದು ಹಲವಾರು ಆಧ್ಯಾತ್ಮಿಕ ವ್ಯಕ್ತಿಗಳೇ ಹೇಳುವುದನ್ನು ಕೇಳಿದ್ದೇವೆ. ಯಾರಾದರೂ ಹೀಗೆ ಹೇಳಿದರೆ ಅವರಿಗೆ ಆಧ್ಯಾತ್ಮಿಕತೆಯ ಆಳವೇ ಅರ್ಥವಾಗಿಲ್ಲ ಎನ್ನಬೇಕು. ಓಂ ಪಠಣವು ಮಹಿಳೆಯರಿಗೆ ನಿಷೇಧಿತವಲ್ಲ. ಹಿಂದೂ ಧರ್ಮದಲ್ಲಿ ಮಹಿಳೆಯರು ಅದನ್ನು ಪಠಿಸುವುದನ್ನು ತಡೆಯುವ ಯಾವುದೇ ನಿರ್ದಿಷ್ಟ ನಿಷೇಧವಿಲ್ಲ. ಆದರೂ ಈ ಬಗ್ಗೆ ತಪ್ಪು ಕಲ್ಪನೆ ಬೇರೂರಿಕೊಂಡು ಬಂದಿದೆ.
ಹಿಂದೂ ಧರ್ಮದ ಮೂಲ ಗ್ರಂಥಗಳಾದ ವೇದಗಳಲ್ಲಿ ಮಹಿಳೆಯರು "ಓಂ" ಸೇರಿದಂತೆ ವೇದ ಮಂತ್ರಗಳನ್ನು ಪಠಿಸುವುದನ್ನು ಅಥವಾ ಕಲಿಯುವುದನ್ನು ಸ್ಪಷ್ಟವಾಗಿ ನಿಷೇಧಿಸುವುದಿಲ್ಲ. "ಓಂ" ಸೇರಿದಂತೆ ವೇದ ಮಂತ್ರಗಳನ್ನು ಪಠಿಸುವುದರಿಂದ ಮಹಿಳೆಯರ ಮಕ್ಕಳನ್ನು ಹೆರುವ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುತ್ತದೆ ಎಂಬ ತಪ್ಪು ಕಲ್ಪನೆಗಳಿವೆ. ಇವುಗಳಿಗೆ ವೇದಗಳು ಅಥವಾ ಹಿಂದೂ ಧರ್ಮದಲ್ಲಿ ಯಾವುದೇ ಆಧಾರವಿಲ್ಲ.
ಗಾಯತ್ರಿ ಮಂತ್ರದಂತಹ ಕೆಲವು ವೇದ ಮಂತ್ರಗಳು ಸಾಂಪ್ರದಾಯಿಕವಾಗಿ ಉಪನಯನ ಸಮಾರಂಭಕ್ಕೆ (ಪವಿತ್ರ ದಾರ ಸಮಾರಂಭ) ಒಳಗಾದವರಿಗೆ ಸೀಮಿತವಾಗಿದ್ದರೂ, ಈ ನಿರ್ಬಂಧವು ಗುರುಗಳಿಂದ ದೀಕ್ಷೆ ಪಡೆಯದ ಯಾರಿಗಾದರೂ ಅನ್ವಯಿಸುತ್ತದೆ, ನಿರ್ದಿಷ್ಟವಾಗಿ ಮಹಿಳೆಯರಿಗೆ ಅಲ್ಲ. "ಓಂ" ಎಂಬುದು ಒಂದು ಸಾರ್ವತ್ರಿಕ ಬೀಜಮಂತ್ರ. ಅದು ದೈವಿಕತೆಯ ಪ್ರಾತಿನಿಧ್ಯ. ಅದು ಯಾವುದೇ ನಿರ್ದಿಷ್ಟ ಲಿಂಗ ಅಥವಾ ಜಾತಿಗೆ ಸೀಮಿತವಾಗಿಲ್ಲ.
ಶಿವನ ಶಕ್ತಿಯೊಂದಿಗೆ "ನಮಃ ಶಿವಾಯ" ಸಂಬಂಧ ಹೊಂದಿರುವುದರಿಂದ ಮಹಿಳೆಯರಿಗೆ ಅದು ಹೆಚ್ಚು ಪ್ರಯೋಜನಕಾರಿ, ಆದ್ದರಿಂದ ಅವರು ಓಂ ಅನ್ನು ಪಠಿಸಬೇಕಿಲ್ಲ ಎಂದು ಕೆಲವರು ನಂಬುತ್ತಾರೆ. ಹಾಗಿಲ್ಲ. "ಓಂ" ಪುರುಷರಿಗೆ ಮಾತ್ರ ಸೀಮಿತವಾಗಿಲ್ಲ. ಮಹಿಳೆಯರು ಅದನ್ನು ಜಪಿಸಲು ಸ್ವತಂತ್ರರು. ಸ್ವಾಮಿ ವಿವೇಕಾನಂದರಂತಹ ಉದಾರವಾದಿ ಮತ್ತು ವಿದ್ವಾಂಸ ಸಂತರು ಮಹಿಳೆಯರು "ಓಂ" ಜಪಿಸಬಹುದು, ವೇದಗಳನ್ನು ಅಧ್ಯಯನ ಮಾಡಬಹುದು ಎಂದಿದ್ದಾರೆ.
ಓಂಕಾರ ಎಲ್ಲಾ ವೇದ, ಮಂತ್ರಗಳು, ಆಚರಣೆಗಳು ಮತ್ತು ಎಲ್ಲದರ ಮೂಲತತ್ತ್ವವಾಗಿದೆ. ಇದು ಹಿಂದೂ ಧರ್ಮ, ಜೈನ ಮತ್ತು ಬೌದ್ಧ ಧರ್ಮದ ಜನರಿಂದ ಅಂಗೀಕರಿಸಲ್ಪಟ್ಟ ವಿಜ್ಞಾನವೇ ಆಗಿದೆ. ಇದನ್ನು ಧ್ಯಾನ ಅಥವಾ ಯೋಗದ ಮಹತ್ವದ ಭಾಗವಾಗಿ ಸಹ ಅಳವಡಿಸಿಕೊಳ್ಳಲಾಗಿದೆ. ಈ ಮಂತ್ರವನ್ನು ಜಪಿಸುವ ಜನರು ಪ್ರಶಾಂತ ಮತ್ತು ಶಾಂತ ಭಾವನೆ ಹೊಂದುತ್ತಾರೆ. ಇದು ಏಕಾಗ್ರತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ರಕ್ತದೊತ್ತಡ, ಹೃದಯದ ತೊಂದರೆಗಳಂತಹ ದೇಹದ ವಿವಿಧ ಕಾಯಿಲೆಗಳ ನಿಯಂತ್ರಣಕ್ಕೆ ಸಹಾಯ ಮಾಡುತ್ತದೆ. ಜತೆಗೆ ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ, ದೇಹದೊಳಗೆ ಸೇರಿಕೊಂಡಿರುವ ವಿಷವನ್ನು ತೆಗೆದುಹಾಕುತ್ತದೆ.
ಓಂ ಉಚ್ಛಾರ ಮಾಡದೇ ಯಾವುದೇ ಪೂಜೆ ಸಂಪೂರ್ಣ ಆಗುವುದಿಲ್ಲ. ಮಂತ್ರಗಳಲ್ಲಿ ಓಂ ಉಚ್ಛಾರ ಮಾಡದೇ ಮಂತ್ರ ಹೇಗೆ ಪೂರ್ಣಗೊಳ್ಳುವುದು? ಆದರೆ ಓಂಗೆ ಕೇವಲ ಧಾರ್ಮಿಕ ಮಹತ್ವ ಅಲ್ಲದೇ ಶಾರೀರಿಕ ಮಹತ್ವ ಕೂಡಾ ಇದೆ. ಓಂನಿಂದ ಅಗಾಧ ಶಾರೀರಿಕ ಉಪಯೋಗಗಳು ಇವೆ.
ಓಂ ಉಚ್ಛಾರಣೆ ಮಾಡುವುದರಿಂದ ಪಚನ ಕ್ರಿಯೆ ಸರಿಯಾಗುತ್ತದೆ. ಓಂ ಉಚ್ಛಾರಣೆ ಮಾಡುವುದರಿಂದ ಶರೀರದಲ್ಲಿ ಯುವಾವಸ್ಥೆಯ ಸ್ಫೂರ್ತಿ ಹರಿದಾಡುತ್ತದೆ. ಆಯಾಸವನ್ನು ದೂರ ಮಾಡಲು ಸುಲಭ ಉಪಾಯ ಓಂ ಉಚ್ಛಾರ ಮಾಡುವುದು. ಸರಿಯಾಗಿ ನಿದ್ರೆ ಬಾರದೇ ಇದ್ದ ಸಂದರ್ಭದಲ್ಲಿ ಓಂ ಎಂದು ಪಠಣ ಮಾಡಿ. ಇದರಿಂದ ಮನಸ್ಸು ಶಾಂತವಾಗಿ ನಿದ್ರೆ ಚೆನ್ನಾಗಿ ಬರುತ್ತದೆ. ಓಂ ಉಚ್ಛಾರಣೆಯಿಂದ ಶ್ವಾಸಕೋಶದ ತೊಂದರೆ ಕಡಿಮೆಯಾಗುತ್ತದೆ.
ಏನಿದು ಸರ್ಪ ಸಂಸ್ಕಾರ? ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಕತ್ರಿನಾ ಕೈಫ್‌ ಸರ್ಪ ಸಂಸ್ಕಾರ ಮಾಡಿಸಿದ್ದು ಯಾಕೆ?
ನಿಮಗೆ ಭಯವಾಗುತ್ತಿದ್ದರೆ ಕಣ್ಣನ್ನು ಮುಚ್ಚಿಕೊಂಡು ದೀರ್ಘ ಶ್ವಾಸ ತೆಗೆದುಕೊಂಡು, ಐದು ಬಾರಿ ಓಂ ಎಂದು ಉಚ್ಛರಿಸಿ. ಇದು ಶರೀರದ ವಿಷ ಅಂಶಗಳನ್ನು ಹೊರ ಹಾಕುತ್ತದೆ. ಇದನ್ನು ಉಚ್ಛಾರ ಮಾಡುವುದರಿಂದ ಒತ್ತಡ ಕಡಿಮೆಯಾಗುತ್ತದೆ. ಹೃದಯವನ್ನು ಆರೋಗ್ಯವಾಗಿಡಲು ಓಂಕಾರ ಸಹಕಾರಿ. ಓಂ ಎಂದು ಹೇಳುವುದರಿಂದ ರಕ್ತ ಸಂಚಾರ ಸುಗಮವಾಗುತ್ತದೆ. ಓಂ ಉಚ್ಛಾರ ಮಾಡುವುದರಿಂದ ಉಂಟಾಗುವ ಕಂಪನದಿಂದ ಬೆನ್ನೆಲುಬು ಗಟ್ಟಿಯಾಗುತ್ತದೆ ಹಾಗೂ ಮುಂದೆ ಇದರಿಂದ ಯಾವುದೇ ಸಮಸ್ಯೆ ಕಾಣಿಸುವುದಿಲ್ಲ. ಓಂ ಉಚ್ಛಾರಣೆ ಮಾಡುವುದರಿಂದ ಗಂಟಲಿನಲ್ಲಿ ಕಂಪನ ಉಂಟಾಗುತ್ತದೆ. ಇದರಿಂದ ಥೈರಾಯ್ಡ್‌ ಗ್ರಂಥಿಗಳ ಮೇಲೆ ಸಕಾರಾತ್ಮಕ ಪ್ರಭಾವ ಉಂಟಾಗುತ್ತದೆ.
ಆಧ್ಯಾತ್ಮಿಕ ಸಾಧನೆಯ ಮಾರ್ಗದಲ್ಲಿ ಪ್ರಥಮವಾಗಿ ಬರುವುದೇ ಓಂ ಕಾರದ ಮಂತ್ರ. ಈ ಓಂ ಕಾರವನ್ನು ಮಹಿಳೆಯರು ಮತ್ತು ಪುರುಷರು ಯಾರೇ ಆಗಲಿ ಸ್ವರ ಕ್ರಮ ಅನುಸರಿಸಿ ಉಚ್ಚರಿಸಿದರೆ ದೇಹ ಮತ್ತು ಆತ್ಮದ ಸಾಕ್ಷಾತ್ಕಾರವನ್ನು ಅನುಭವಿಸಬಹುದು.
ಈ ದಿನಾಂಕದಂದು ಹುಟ್ಟಿದವರಿಗೆ ಎರಡು ಮದುವೆ ಇಲ್ಲವೇ ಮತ್ತೊಂದು ಸಂಬಂಧ ಹೆಚ್ಚು! ಯಾವುದದು ಸಂಖ್ಯೆ?
