ಸಾಯಿಬಾಬಾರಿಗೆ ಜಗತ್ತಿನಾದ್ಯಂತ ಕೋಟ್ಯಂತರ ಭಕ್ತರಿದ್ದಾರೆ. ಹೆಚ್ಚು ಕ್ತರು ಭೇಟಿ ನೀಡುವ ದೇವಸ್ಥಾನಗಳಲ್ಲಿ ಶಿರಡಿಯ ಸಾಯಿಬಾಬಾ ದೇವಾಲಯವೂ ಒಂದು. ನೀವು ಅನೇಕ ಸಾಯಿಬಾಬಾ ಪವಾಡಗಳ ಬಗ್ಗೆ ಕೇಳಿರಬಹುದು. ಪ್ರತಿ ಗುರುವಾರ ಸಾಯಿಬಾಬಾ ವ್ರತ ಆಚರಿಸುವುದರಿಂದ ಭಕ್ತರ ಇಷ್ಟಾರ್ಥಗಳು ಈಡೇರುತ್ತವೆ.
ಸಾಯಿಬಾಬಾ ಹಿಂದೂಗಳು ಮತ್ತು ಮುಸ್ಲಿಮರಲ್ಲಿ ಜನಪ್ರಿಯ ವ್ಯಕ್ತಿ. ಅವರನ್ನು ದೇವರ ಅವತಾರ ಎಂದು ನಂಬಲಾಗಿದೆ. ಸಾಯಿಬಾಬಾರವರ ಬೋಧನೆಗಳು ಹಿಂದೂ ಧರ್ಮ ಮತ್ತು ಇಸ್ಲಾಂ ಎರಡೂ ಅಂಶಗಳನ್ನು ಸಂಯೋಜಿಸಿವೆ. ಅವರು ಪ್ರೀತಿ, ಸಹನೆ, ಸಂತೃಪ್ತಿ, ದಾನ ಮತ್ತು ಆಂತರಿಕ ಶಾಂತಿಯ ಸಂಹಿತೆಯನ್ನು ಕಲಿಸಿದರು. ಅವರ ಬೋಧನೆಗಳನ್ನು ಅವರ ಒಂದು ಎಪಿಗ್ರಾಮ್ ಅಡಿಯಲ್ಲಿ ಸಂಕ್ಷಿಪ್ತಗೊಳಿಸಬಹುದು 'ಸಬ್ಕಾ ಮಾಲಿಕ್ ಏಕ್ ಹೈ'- ಅಂದರೆ ದೇವರು ಒಬ್ಬನೇ. ಶಿರಡಿ ಸಾಯಿಬಾಬಾ ಬಗ್ಗೆ ಅನೇಕ ಕತೆಗಳಿವೆ. ಅವರ ಹಲವಾರು ಪವಾಡಗಳು ಕೇಳಿ ಬರುತ್ತಲೇ ಇರುತ್ತವೆ. ಹಾಗಾಗಿಯೇ, ಶಿರಡಿ ದೇವಾಲಯಕ್ಕೆ ದೊಡ್ಡ ಭಕ್ತಗಣವಿದೆ.
ಒಬ್ಬರು ಸತತ ಒಂಬತ್ತು ಗುರುವಾರಗಳಂದು ವ್ರತವನ್ನು ಆಚರಿಸಿದರೆ ಅಥವಾ ಉಪವಾಸ ಮಾಡಿದರೆ, ವ್ಯಕ್ತಿಯು ಸಾಯಿಬಾಬಾರ ಆಶೀರ್ವಾದವನ್ನು ಪಡೆಯುತ್ತಾನೆ ಎಂದು ನಂಬಲಾಗಿದೆ. ಇದರಿಂದ ವ್ಯಕ್ತಿಯ ಎಲ್ಲಾ ಆಸೆಗಳನ್ನು ಪೂರೈಸಲಾಗುತ್ತದೆ ಮತ್ತು ಅವನು / ಅವಳು ಸಮೃದ್ಧಿ ಮತ್ತು ಯಶಸ್ಸಿನಿಂದ ಆಶೀರ್ವದಿಸಲ್ಪಡುತ್ತಾನೆ. ಸಾಯಿಬಾಬಾರ ಅನೇಕ ಭಕ್ತರು ಈ ಗುರುವಾರದ ವ್ರತದಿಂದ ಪ್ರಯೋಜನ ಪಡೆಯುತ್ತಾರೆ. ಇದೊಂದು ಸರಳ ವ್ರತವಾಗಿದ್ದು, ಕಠಿಣ ತಪಸ್ಸು ಬೇಕಾಗಿಲ್ಲ. ಆದ್ದರಿಂದ, ನೀವು ಸಾಯಿಬಾಬಾರವರ ಗುರುವಾರ ವ್ರತವನ್ನು ಆಚರಿಸಲು ಯೋಜಿಸುತ್ತಿದ್ದರೆ, ಅವರ ಆಶೀರ್ವಾದವನ್ನು ಪಡೆಯಲು ನೀವು ತಿಳಿದುಕೊಳ್ಳಬೇಕಾದ ಮತ್ತು ಅನುಸರಿಸಬೇಕಾದ ಕೆಲವು ವಿಷಯಗಳು ಇಲ್ಲಿವೆ:
ಸಾಯಿಬಾಬಾ ಗುರುವಾರ ವ್ರತ: ತಿಳಿಯಬೇಕಾದ ವಿಷಯಗಳು
1. ಈ ವ್ರತವನ್ನು ಯಾವುದೇ ಜಾತಿ ಅಥವಾ ಧರ್ಮದ ಭೇದವಿಲ್ಲದೆ ಯಾರು ಬೇಕಾದರೂ ಆಚರಿಸಬಹುದು.
2. ಈ ವ್ರತವನ್ನು ಗುರುವಾರದಂದು ಮಾತ್ರ ಪ್ರಾರಂಭಿಸಬೇಕು.
New Year 2023: ಹೊಸ ವರ್ಷಕ್ಕೆ ಮನೆ ಮುಖ್ಯ ಬಾಗಿಲಲ್ಲಿ ಇದನ್ನಿಟ್ಟು ಅದೃಷ್ಟ ಬದಲಿಸಿಕೊಳ್ಳಿ
3. ಅದರ ನಂತರ ನೀವು ಸತತ ಒಂಬತ್ತು ಗುರುವಾರ ಉಪವಾಸ ಮಾಡಬೇಕು.
4. ಉಪವಾಸದ ಸಮಯದಲ್ಲಿ, ನೀವು ಖಾಲಿ ಹೊಟ್ಟೆಯಲ್ಲಿ ಇರಬಾರದು. ಬದಲಿಗೆ ನೀವು ಹಣ್ಣು, ಹಾಲು, ಜ್ಯೂಸ್ ಇತ್ಯಾದಿಗಳನ್ನು ತಿನ್ನಬೇಕು ಮತ್ತು ನೀವು ದಿನಕ್ಕೆ ಒಂದು ಬಾರಿ ಮಾತ್ರ ಊಟ ಮಾಡಬಹುದು.
5. ಸಾಧ್ಯವಾದರೆ, ನೀವು ಗುರುವಾರ ಸಾಯಿ ದೇವಸ್ಥಾನಕ್ಕೆ ಭೇಟಿ ನೀಡಬೇಕು.
6. ಮನೆಯಲ್ಲಿ, ನೀವು ಬೆಳಿಗ್ಗೆ ಮತ್ತು ಸಂಜೆ ಪ್ರಾರ್ಥನೆ ಮಾಡಬೇಕು.
7. ಪ್ರಾರ್ಥನೆಯ ಸಮಯದಲ್ಲಿ, ನೀವು ಮೊದಲು ಮರದ ಹಲಗೆಯನ್ನು ಸ್ವಚ್ಛವಾದ ಸ್ಥಳದಲ್ಲಿ ಇಡಬೇಕು. ಬೋರ್ಡ್ ಅನ್ನು ಸ್ವಚ್ಛವಾದ ಹಳದಿ ಬಟ್ಟೆಯಿಂದ ಮುಚ್ಚಿ ಅದರ ಮೇಲೆ ಸಾಯಿಬಾಬಾರವರ ಪ್ರತಿಮೆ ಅಥವಾ ಚಿತ್ರವನ್ನು ಇರಿಸಿ. ಪ್ರತಿಮೆ ಅಥವಾ ಚಿತ್ರದ ಹಣೆಯ ಮೇಲೆ ಸ್ವಲ್ಪ ಕುಂಕುಮವನ್ನು ಹಾಕಿ. ದೇವರಿಗೆ ಹೂವಿನ ಮಾಲೆ ಮತ್ತು ಹಣ್ಣುಗಳನ್ನು ಅರ್ಪಿಸಿ. ಸಾಯಿಬಾಬಾರವರ ಬೋಧನೆಗಳ ಪುಸ್ತಕವನ್ನು (ಚಾಲಿಸಾ ಎಂದು ಕರೆಯಲಾಗುತ್ತದೆ) ಓದಿ ಮತ್ತು ಅದನ್ನು ಪೂರ್ಣಗೊಳಿಸಿದ ನಂತರ, ದೇವರಿಗೆ ಅರ್ಪಿಸಿದ ಆಹಾರವನ್ನು ವಿತರಿಸಿ.
8. ಒಂಬತ್ತನೇ ಗುರುವಾರ, 5 ಬಡವರಿಗೆ ಆಹಾರ ನೀಡಿ.
ಕಾಯಿಲೆ, ಸಾವಿನ ಭಯದಿಂದ ರಕ್ಷಿಸುವ ಮಹಾ ಮೃತ್ಯುಂಜಯ ಮಂತ್ರ
9. ಋತುಚಕ್ರದ ಕಾರಣದಿಂದ ಮಹಿಳೆಯು ಗುರುವಾರ ವ್ರತವನ್ನು ತಪ್ಪಿಸಿಕೊಂಡರೆ, ಆ ಗುರುವಾರವನ್ನು ಬಿಟ್ಟು ಮುಂದಿನ ವಾರ ಪುನರಾರಂಭಿಸಬಹುದು.
10. 9 ನೇ ಗುರುವಾರದಂದು ವ್ರತವನ್ನು ಮುಕ್ತಾಯಗೊಳಿಸಲಾಗುತ್ತದೆ. ಅಂದು ಐದು ಬಡವರಿಗೆ ಊಟ ನೀಡಬೇಕು.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.