ವೇದಗಳು ಮತ್ತು ಪುರಾಣಗಳು ಗೋದಾನವನ್ನು ಮಹಾನ್ ಪುಣ್ಯದ ಕಾರ್ಯವೆಂದು ವಿವರಿಸುತ್ತವೆ. ಗೋದಾನದ ಪ್ರಯೋಜನವೇನು?
ಹಿಂದೂ ಕಲ್ಪನೆಯಲ್ಲಿ ಗೋವಿಗೆ ಯಾವಾಗಲೂ ಪವಿತ್ರ ಸ್ಥಾನವಿದೆ. ಹಿಂದೂ ಪುರಾಣಗಳು ಕಾಮಧೇನು, ಬಯಕೆಯನ್ನು ಈಡೇರಿಸುವ ಹಸುವಿನ ಬಗ್ಗೆ ಹೇಳುತ್ತವೆ. ಆಕೆಯನ್ನು ದೇವತೆಯಾಗಿಯೂ ಗೌರವಿಸಲಾಗುತ್ತದೆ. ಪ್ರಾಚೀನ ಕಾಲದಿಂದಲೂ, ಹಸುಗಳು ಮಂಗಳಕರ ಮತ್ತು ಸಮೃದ್ಧಿಯನ್ನು ಪ್ರತಿನಿಧಿಸುತ್ತವೆ. ಕಾಮಧೇನುವಿನಲ್ಲಿ 33 ಕೋಟಿ ಸಕಲ ದೇವಾನುದೇವತೆಗಳೂ ನೆಲೆಸಿದ್ದಾರೆ ಎಂಬ ನಂಬಿಕೆ ಇದೆ. ಹಾಗಾಗಿಯೇ ಗೋವೆಂದರೆ ಹಿಂದೂಗಳಿಗೆ ಸರ್ವಶ್ರೇಷ್ಠ. ಇಂಥ ಅತ್ಯುನ್ನತವಾದುದನ್ನು ಕೊಡುವುದು ಸಾಮಾನ್ಯದ ವಿಷಯವಲ್ಲ. ಹಾಗಾಗಿಯೇ ವೇದಗಳು ಮತ್ತು ಪುರಾಣಗಳು ಗೋದಾನವನ್ನು ಮಹಾನ್ ಪುಣ್ಯದ ಕಾರ್ಯವೆಂದು ವಿವರಿಸುತ್ತವೆ.
ಹಸುವನ್ನು ದಾನ ಮಾಡುವುದು ಪ್ರಪಂಚದ ಅನೇಕ ಭಾಗಗಳಲ್ಲಿ ವಿಲಕ್ಷಣವಾಗಿ ಕಾಣಿಸಬಹುದು. ಆದರೆ ಭಾರತದಲ್ಲಿ, ಇದು ರಾಜರು ಸಹ ಆಚರಿಸುವ ಪ್ರಾಚೀನ ಸಂಪ್ರದಾಯವಾಗಿದೆ. ಹೋಮಗಳಂತಹ ಧಾರ್ಮಿಕ ವಿಧಿವಿಧಾನಗಳಿಗೆ ಹಸುವಿನ ಹಾಲಿನಿಂದ ತಯಾರಿಸಿದ ತುಪ್ಪವು ಅತ್ಯಂತ ಪ್ರಮುಖವಾಗಿದೆ.
ಎಲ್ಲಾ ಮಾನವರಿಗೆ 7 ತಾಯಂದಿರಿದ್ದಾರೆ ಮತ್ತು ಅವರಲ್ಲಿ ಒಬ್ಬಳು ಹಸು ಎಂದು ವೇದಗಳು ಹೇಳುತ್ತವೆ. ಹಸುಗಳು ನಮಗೆ ಹಾಲು ಕೊಡುತ್ತವೆ, ಅದು ನಮ್ಮನ್ನು ಪೋಷಿಸುತ್ತದೆ. ನಮ್ಮ ಆಹಾರದಲ್ಲಿ ಬಳಸುವ ತುಪ್ಪ, ಮೊಸರು ಮತ್ತು ಬೆಣ್ಣೆಯನ್ನು ಸಹ ಹಸುಗಳು ನೀಡುತ್ತವೆ. ಹಸುವಿನ ಸಗಣಿಯನ್ನು ಕೃಷಿಯಲ್ಲಿ ಬಳಸಲಾಗುತ್ತದೆ, ಆದರ ಗೋಮೂತ್ರವನ್ನು ಸಾಂಪ್ರದಾಯಿಕ ಔಷಧಿಗಳಲ್ಲಿ ಬಳಸಲಾಗುತ್ತದೆ. ಹೀಗಾಗಿ, ಎಲ್ಲಾ ಗೋ ಉತ್ಪನ್ನಗಳು ನಮಗೆ ಉಪಯುಕ್ತವಾಗಿವೆ. ಜೊತೆಗೆ ಗೋವು ಕೃಷಿಯಲ್ಲಿ ನೆರವಾಗುತ್ತದೆ. ಹಾಗಾಗಿ, ಗೋವು ಪೂಜನೀಯ ವಸ್ತುವಾಗುವುದರಲ್ಲಿ ಆಶ್ಚರ್ಯವಿಲ್ಲ.
ದೋಷ ಅಳಿಸಿ, ಅದೃಷ್ಟ ಮೆರೆಸೋ ಕಪ್ಪು ದಾರ! ಯಾವ ಕಾಲಿಗೆ ಕಟ್ಟಬೇಕು?
ಇದೇ ಕಾರಣದಿಂದ ಎಲ್ಲ ರೀತಿಯ ದಾನಗಳಿಗಿಂತ ಗೋದಾನವನ್ನು ಶ್ರೇಷ್ಠವೆಂದು ಪರಿಗಣಿಸಲಾಗಿದೆ. ಗೋದಾನವು ನಮ್ಮನ್ನು ಶುದ್ಧರನ್ನಾಗಿ ಮಾಡಲು ಮತ್ತು ಶಾಶ್ವತವಾದ ಆನಂದದ ಅತ್ಯುನ್ನತ ಸ್ಥಿತಿಯನ್ನು ಸಾಧಿಸಲು ಸಹಾಯ ಮಾಡುತ್ತದೆ. ವಿಷ್ಣು, ಶಿವ, ಬ್ರಹ್ಮ, ಸೂರ್ಯ, ಚಂದ್ರ, ವರುಣ ಮತ್ತು ಅಗ್ನಿ ಕೂಡ ಗೋವನ್ನು ದಾನ ಮಾಡುವವರಿಗೆ ನಮಸ್ಕರಿಸುತ್ತಾರೆ ಎಂದು ನಂಬಲಾಗಿದೆ.
ಗೋ ದಾನದಿಂದ 7 ತಲೆಮಾರುಗಳಿಗೆ ಆಶೀರ್ವಾದ
ಜ್ಯೋತಿಷ್ಯದಲ್ಲಿ, ಗೋವಿನ ದಾನವನ್ನು ಜ್ಯೋತಿಷಿಗಳು ಸಾಮಾನ್ಯವಾಗಿ ಕೆಟ್ಟ ಕರ್ಮಗಳನ್ನು ತೊಡೆದುಹಾಕಲು ಪರಿಹಾರವಾಗಿ ಸೂಚಿಸುತ್ತಾರೆ. ಒಬ್ಬ ವ್ಯಕ್ತಿಯು ತಿಳಿದೋ ಅಥವಾ ಉದ್ದೇಶಪೂರ್ವಕವಾಗಿ ಮಾಡಿದ ಕೆಟ್ಟ ಕರ್ಮವು ಸಂಬಂಧಪಟ್ಟ ವ್ಯಕ್ತಿಯನ್ನು ಮಾತ್ರವಲ್ಲದೆ ನಂತರದ ಪೀಳಿಗೆಯ ಮೇಲೂ ಪರಿಣಾಮ ಬೀರುತ್ತದೆ. ಗೋದಾನ ಮಾಡುವುದರಿಂದ ಇದನ್ನು ತಡೆಯಬಹುದು. ಇದು ನಮ್ಮ ಪೂರ್ವಜರಿಂದ ಆಶೀರ್ವಾದವನ್ನು ಮತ್ತು ನಮಗೆ, ನಮ್ಮ ಮಕ್ಕಳಿಗೆ ಮತ್ತು ಅವರ ವಂಶಸ್ಥರಿಗೆ ಅನೇಕ ಪ್ರಯೋಜನಗಳನ್ನು ತರುತ್ತದೆ. ವಾಸ್ತವವಾಗಿ, ಗೋದಾನದ ಪರಿಣಾಮಗಳನ್ನು 7 ತಲೆಮಾರುಗಳು ಅನುಭವಿಸಬಹುದು ಎನ್ನಲಾಗುತ್ತದೆ.
ಒಬ್ಬರ ಜಾತಕದಲ್ಲಿ ಗ್ರಹಗಳ ಋಣಾತ್ಮಕ ಪರಿಣಾಮಗಳನ್ನು ತಗ್ಗಿಸಲು ಹಸುವಿನ ಆಹಾರವು ಪರಿಹಾರವಾಗಿದೆ ಎಂದು ಹೇಳಲಾಗುತ್ತದೆ. ಧರ್ಮಗ್ರಂಥಗಳ ಪ್ರಕಾರ ಬಡವರಿಗೆ ಮತ್ತು ಪ್ರಾಣಿಗಳಿಗೆ ಆಹಾರವನ್ನು ನೀಡುವುದು ಪುಣ್ಯ ಕಾರ್ಯವಾಗಿದೆ ಮತ್ತು ಉತ್ತಮ ಕರ್ಮವನ್ನು ಪಡೆಯಲು ನಮಗೆ ಸಹಾಯ ಮಾಡುತ್ತದೆ. ಸಂತಾನದ ಆಶೀರ್ವಾದ ಮತ್ತು ರಿಯಲ್ ಎಸ್ಟೇಟ್‌ನಿಂದ ಲಾಭವನ್ನು ಬಯಸುವವರು ಗೋವಿಗೆ ಹಸಿರು ಹುಲ್ಲು, ಹಿಟ್ಟು ಅಥವಾ ಸಿಹಿತಿಂಡಿಗಳನ್ನು ನೀಡಬಹುದು.
Dev Diwali 2022 ಮೇಲೆ ಗ್ರಹಣದ ಕರಿನೆರಳು, ಏನಿದು ದೇವರ ದೀಪಾವಳಿ?
ಹಸುವಿನ ಆಹಾರದ ಸಲಹೆಗಳು
1.ನಿಮ್ಮ ಜಾತಕದಲ್ಲಿ ಸೂರ್ಯನು ಪ್ರತಿಕೂಲವಾಗಿದ್ದರೆ ಹಸುಗಳಿಗೆ ರೊಟ್ಟಿಯೊಂದಿಗೆ ಆಹಾರ ನೀಡಿ.
2.ಚಂದ್ರನ ಸ್ಥಾನವು ದುರ್ಬಲವಾಗಿದ್ದರೆ, ಪ್ರತಿದಿನ ಹಸುವಿಗೆ ನೀರನ್ನು ಅರ್ಪಿಸಿ.
3.ನಿಮ್ಮ ಜಾತಕದಲ್ಲಿ ಮಂಗಳನ ಸ್ಥಾನವು ದುರ್ಬಲವಾಗಿದ್ದರೆ, ಮಂಗಳವಾರದಂದು ಹಸುಗಳಿಗೆ ಕಾಳು ಮತ್ತು ಬೆಲ್ಲವನ್ನು ಅರ್ಪಿಸಿ.
4. ಜಾತಕದಲ್ಲಿ ಬುಧಕ್ಕೆ ಬಲ ತುಂಬಲು, ಬುಧವಾರದಂದು ಹಸುಗಳಿಗೆ ಹಸಿರು ಹುಲ್ಲು ಅಥವಾ ಹಸಿರು ಎಲೆಗಳ ತರಕಾರಿಗಳನ್ನು ತಿನ್ನಿಸಿ.
5. ಗುರುಗ್ರಹಕ್ಕೆ ಬಲ ತುಂಬಲು, ಗುರುವಾರದಂದು ಹಸುಗಳಿಗೆ ನೆನೆಸಿದ ಬೇಳೆ ಮತ್ತು ಬೆಲ್ಲವನ್ನು ಅರ್ಪಿಸಿ.
6. ಶುಕ್ರ ಬಲಹೀನನಾಗಿದ್ದರೆ ಅಥವಾ ಅದರ ದುಷ್ಪರಿಣಾಮಗಳನ್ನು ಕಡಿಮೆ ಮಾಡಲು, ನಿಮ್ಮ ಆಹಾರವನ್ನು ಹಸುವಿಗೆ ಪ್ರತಿದಿನ ಅರ್ಪಿಸಿ.
7.ನೀವು ರಾಹು ಮಹಾ ದಶಾ ಕಳೆಯುತ್ತಿದ್ದರೆ, ಪ್ರತಿದಿನ ಸಂಜೆ ಕಪ್ಪು ಹಸುವಿಗೆ ನೆನೆಸಿದ ಕಪ್ಪು ಬೇಳೆಯನ್ನು ಅರ್ಪಿಸಿ.
8.ನಿಮ್ಮ ಜಾತಕದಲ್ಲಿ ಶನಿಯು ಪ್ರತಿಕೂಲವಾಗಿದ್ದರೆ ಅಥವಾ ನೀವು ಸಾಡೇಸಾತಿಯನ್ನು ಅನುಭವಿಸುತ್ತಿದ್ದರೆ, ಶನಿವಾರ ಹಸುಗಳಿಗೆ ಹಸಿರು ಪಾಲಕ್ ಅಥವಾ ಎಣ್ಣೆ ಸವರಿದ ರೊಟ್ಟಿಯನ್ನು ಅರ್ಪಿಸಿ.
9.ಕೇತು ದೋಷಪೂರಿತವಾಗಿದ್ದರೆ, ಗೋಧಿ ಹಿಟ್ಟಿನಲ್ಲಿ ಎಳ್ಳನ್ನು ಬೆರೆಸಿ ಹಸುಗಳಿಗೆ ಅರ್ಪಿಸಿ.
ಸಂಖ್ಯಾಶಾಸ್ತ್ರದ ಪ್ರಕಾರ 2023ರ ಬುತ್ತಿಯಲ್ಲಿ ನಿಮ್ಮ ಜನ್ಮಸಂಖ್ಯೆಗೆ ಏನಿರಲಿದೆ?
ವಾಸ್ತು ಲಾಭ
ಗೋವುಗಳಿಂದ ಸುತ್ತುವರಿದ ಕೃಷ್ಣ ಕೊಳಲು ನುಡಿಸುತ್ತಿರುವ ಫೋಟೋವನ್ನು ಮನೆಯಲ್ಲಿ ಹಾಕಿದರೆ ಧನಾತ್ಮಕ ಶಕ್ತಿ ಬರುತ್ತದೆ. ಪ್ರಮುಖ ಕೆಲಸಕ್ಕೆ ಹೋಗುವಾಗ ಹಸುವನ್ನು ನೋಡುವುದು ಅಥವಾ ಅದರ ಧ್ವನಿಯನ್ನು ಕೇಳುವುದು ಮಂಗಳಕರವಾಗಿದೆ. ನಿಮ್ಮ ಮನೆಯಲ್ಲಿ ಹಸು ಇದ್ದರೆ ವಾಸ್ತು ದೋಷ ನಿವಾರಣೆಯಾಗುತ್ತದೆ. ದೇವಸ್ಥಾನದಲ್ಲಿ ಹಸುವಿನ ತುಪ್ಪದ ದೀಪವನ್ನು ಬೆಳಗಿಸುವುದರಿಂದ ಧನಾತ್ಮಕತೆಯನ್ನು ನೀಡುತ್ತದೆ. ಹಸುಗಳಿಗೆ ಅಗೌರವ ತೋರಿಸುವುದನ್ನು ತಪ್ಪಿಸಬೇಕು, ಏಕೆಂದರೆ ಅದು ದುರಾದೃಷ್ಟವನ್ನು ತರುತ್ತದೆ.