ನಿಮ್ಮ ಟ್ವೀಟ್‌ಗಳನ್ನು ಓದುವ ಮೂಲಕ ನೀವು ಯಾವ ರೀತಿಯ ಮನೋಧರ್ಮವನ್ನು ಹೊಂದಿದ್ದೀರಿ ಎಂದು ಸಂಪೂರ್ಣವಾಗಿ ಅಪರಿಚಿತರು ಊಹಿಸಬಹುದು. ನಾಮಪದಗಳು, ಕ್ರಿಯಾಪದಗಳು, ವಿಶೇಷಣಗಳು ಮತ್ತು ನೀವು ಮಾತನಾಡುವ ವೇಗವು ನಿಮ್ಮ ವ್ಯಕ್ತಿತ್ವದ ಬಗ್ಗೆ ಅನಿಸಿಕೆಗಳನ್ನು ನೀಡುತ್ತದೆ.
ಸಾಮುದ್ರಿಕಾ ಶಾಸ್ತ್ರದಲ್ಲಿ, ದೇಹದ ಅಂಗಗಳು, ರೇಖೆಗಳು, ಗುರುತುಗಳ ಮೂಲಕ ವ್ಯಕ್ತಿಯ ವ್ಯಕ್ತಿತ್ವದ ಬಗ್ಗೆ ಅನೇಕ ವಿಷಯಗಳನ್ನು ಹೇಳಲಾಗುತ್ತದೆ. ಇಷ್ಟೇ ಅಲ್ಲ, ಮನುಷ್ಯ ಮಾತನಾಡುವ ರೀತಿಯ ಬಗ್ಗೆ ಸಮುದ್ರಶಾಸ್ತ್ರದಲ್ಲಿ ಸಾಕಷ್ಟು ಮಾಹಿತಿ ನೀಡಲಾಗಿದೆ. ಪ್ರತಿಯೊಬ್ಬರೂ ಮಾತನಾಡುವ ರೀತಿ ವಿಭಿನ್ನವಾಗಿರುತ್ತದೆ. ಒಬ್ಬ ವ್ಯಕ್ತಿಯು ಮಾತನಾಡುವ ರೀತಿಯು ಅವನ ವ್ಯಕ್ತಿತ್ವದ ಬಗ್ಗೆ ಬಹಳಷ್ಟು ಹೇಳಬಹುದು.
ವೇಗವಾಗಿ ಮಾತನಾಡುವವರ ಗುಣಲಕ್ಷಣಗಳು
ಸಾಮುದ್ರಿಕಾ ಶಾಸ್ತ್ರದ ಪ್ರಕಾರ, ಒಬ್ಬ ವ್ಯಕ್ತಿಯು ಯಾವುದೇ ಹಿಂಜರಿಕೆಯಿಲ್ಲದೆ ನೇರವಾಗಿ ಮತ್ತು ತ್ವರಿತವಾಗಿ ಮಾತನಾಡಲು ಒಗ್ಗಿಕೊಂಡಿರುತ್ತಾನೆ ಎಂದರೆ ಆಗ ಅವನು ದೈಹಿಕವಾಗಿ ಸದೃಢನಾಗಿರುತ್ತಾನೆ ಮತ್ತು ತುಂಬಾ ಉಲ್ಲಾಸಭರಿತ ಸ್ವಭಾವವನ್ನು ಹೊಂದಿರುತ್ತಾನೆ. ಅಂತಹ ಜನರು ತುಂಬಾ ಸಂತೋಷವಾಗಿರುತ್ತಾರೆ ಮತ್ತು ಅವರ ನಡವಳಿಕೆಯು ತುಂಬಾ ಪರಿಣಾಮಕಾರಿಯಾಗಿದೆ. ಈ ಜನರು ತುಂಬಾ ಉತ್ಸಾಹಭರಿತರು. ಅವರು ಯಾವುದೇ ವಿವಾದಕ್ಕೆ ಸಿಲುಕಲು ಇಷ್ಟಪಡುವುದಿಲ್ಲ.
Zodiac of Rich People: ಜಗತ್ತನ್ನೇ ಆಳೋಷ್ಟು ಶ್ರೀಮಂತರು ಈ ರಾಶಿಯವರು.. ನಿಮ್ಮದೂ ಇದೇ ರಾಶಿನಾ?
ತೊದಲುವ ಜನರ ಸ್ವಭಾವ
ಬುಧ ಗ್ರಹದ ಅಶುಭದ ಕಾರಣ ಮಾತನಾಡುವಾಗ ಎಡವಟ್ಟು ಅಥವಾ ಪದಗಳು ಅಂಟಿಕೊಂಡಿರಬಹುದು. ಹೀಗೆ ಮಾತಾಡುವವರಿಗೆ ಆತ್ಮವಿಶ್ವಾಸದ ಕೊರತೆಯಿರಬಹುದು. ಸಣ್ಣ ವಿಷಯಗಳು ಸಹ ಅವರ ಮನಸ್ಸಿನ ಮೇಲೆ ಪರಿಣಾಮ ಬೀರಬಹುದು. ಭಯ, ಆತಂಕ ಆವರಿಸುವ ಕಾರಣ ಮಾತಿನಲ್ಲಿ ತೊದಲುವಿಕೆ ಇರುತ್ತದೆ. ತೊದಲುವ ಜನರಲ್ಲಿ ಕೀಳರಿಮೆ ಕೂಡಾ ಹೆಚ್ಚು.
ಜೋರಾಗಿ ಮಾತನಾಡುವ ಸ್ವಭಾವ
ಅನೇಕ ಜನರು ತುಂಬಾ ಗಟ್ಟಿಯಾದ ಧ್ವನಿಯನ್ನು ಹೊಂದಿದ್ದಾರೆ, ಅವರು ತುಂಬಾ ನಾಯಕತ್ವದಲ್ಲಿ ಮಾತನಾಡುತ್ತಾರೆ. ಸಾಮುದ್ರಿಕಾ ಶಾಸ್ತ್ರದ ಪ್ರಕಾರ, ಈ ಜನರು ಇತರರನ್ನು ಸೋಲಿಸಲು ಪ್ರಯತ್ನಿಸುತ್ತಾರೆ, ಅವರು ಮಾತನಾಡುವಾಗ ಮತ್ತೊಬ್ಬರು ಅಡ್ಡಿ ಪಡಿಸುವುದನ್ನು ಇಷ್ಟಪಡುವುದಿಲ್ಲ. ಗಟ್ಟಿಯಾದ ಧ್ವನಿಯು ಗುರುವಿನ ಪ್ರಭಾವವನ್ನು ತೋರಿಸುತ್ತದೆ. ಈ ರೀತಿಯ ಧ್ವನಿ ಹೊಂದಿರುವ ಜನರು ತಮ್ಮ ಸುತ್ತಲಿನ ಜನರ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸುತ್ತಾರೆ.
ಇತರರು ಮಾತನಾಡುವಾಗ ಮಾತನಾಡುವ ಜನರ ಸ್ವಭಾವ
ಕೆಲವರು ಮತ್ತೊಬ್ಬರು ಮಾತನಾಡುವಾಗ ತಮ್ಮ ವಿಷಯವನ್ನು ಮಂಡಿಸುವ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. ಸಾಮುದ್ರಿಕಾ ಶಾಸ್ತ್ರ ಪ್ರಕಾರ, ಅಂತಹ ಜನರು ಸ್ವಲ್ಪ ಹಠಮಾರಿ. ಆದರೆ, ಅಂತಹ ಜನರು ತುಂಬಾ ಒಳ್ಳೆಯ ಆಲೋಚನೆಗಳನ್ನು ಹೊಂದಿದ್ದಾರೆ. ಅಂತಹವರ ಆಲೋಚನೆಗಳಿಗೆ ಗಮನ ಕೊಡದಿದ್ದರೆ, ಅವರು ತುಂಬಾ ಕೋಪಗೊಳ್ಳುತ್ತಾರೆ. ಅವರಿಗೆ ಮರೆವಿನ ಸಮಸ್ಯೆ ಹೆಚ್ಚು.
ಅಸ್ಪಷ್ಟವಾಗಿರುವ ಜನರ ಸ್ವಭಾವ
ಸಾಮುದ್ರಿಕಾ ಶಾಸ್ತ್ರದಲ್ಲಿ ಅಸ್ಪಷ್ಟ ಪದಗಳಲ್ಲಿ ಮಾತನಾಡುವ ಜನರು ತಮ್ಮ ಕೆಲಸದಲ್ಲಿ ಅಸಡ್ಡೆ ಹೊಂದಿರುತ್ತಾರೆ ಎಂದು ಹೇಳಲಾಗುತ್ತದೆ. ಈ ಜನರು ಸತ್ಯವಂತರು ಮತ್ತು ಪ್ರಾಮಾಣಿಕರು. ಈ ಜನರು ತಮ್ಮ ಮನಸ್ಸಿನ ಗುಟ್ಟುಗಳನ್ನು ಉಳಿಸಿಕೊಳ್ಳಲು ಸ್ಪಷ್ಟವಾಗಿ ಮಾತನಾಡುವುದಿಲ್ಲ. ಕೆಲವೊಮ್ಮೆ ಅವರು ವಿಷಯಗಳನ್ನು ಸರಿಯಾಗಿ ಗ್ರಹಿಸಿಕೊಳ್ಳುವ ಗೋಜಿಗೂ ಹೋಗುವುದಿಲ್ಲ, ಕೇಳಿಸಿಕೊಳ್ಳುವ ಗೋಜಿಗೂ ಹೋಗುವುದಿಲ್ಲ.. ಅವರ ಯೋಚನೆಗಳಲ್ಲಿ ಗೊಂದಲಗಳೂ ಹೆಚ್ಚು, ಗುಟ್ಟೂ ಹೆಚ್ಚು.
Astro Tips for Students: ಪರೀಕ್ಷೆಯಲ್ಲಿ ಯಶಸ್ಸಿಗಾಗಿ ಈ ಕಾರ್ಯ ಕೈಗೊಳ್ಳಿ..
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.