ಸುಖ ಪ್ರಸವಕ್ಕಾಗಿ 9 ಮಾಸಗಳಿಗೆ 9 ಗ್ರಹಗಳನ್ನು ಮೆಚ್ಚಿಸಿ..

ಆರೋಗ್ಯವಂತ ಮಗುವನ್ನು ಪಡೆಯಲು ಗರ್ಭಿಣಿಯು ಏನು ಮಾಡಬೇಕೆಂದು ಜ್ಯೋತಿಷ್ಯದಲ್ಲಿ ಪರಿಹಾರ ಸಲಹೆಗಳನ್ನು ನೀಡಲಾಗಿದೆ. 

ಆರೋಗ್ಯವಂತ ಮಗುವನ್ನು ಹೊಂದಲು ಕೇವಲ ಸ್ತ್ರೀ ಮತ್ತು ಪ್ರಸೂತಿ ತಜ್ಞರ ಬಳಿ ಹೋದರೆ ಸಾಕಾಗುವುದಿಲ್ಲ. ಏಕೆಂದರೆ ಮಗು ಗರ್ಭದಲ್ಲಿರುವ ಆ ನವಮಾಸಗಳೂ ನವಗ್ರಹಗಳಿಂದ ಆಳಲ್ಪಡುತ್ತವೆ. ಗರ್ಭಧಾರಣೆ ಸಂದರ್ಭದಲ್ಲಿ ಒಂದೊಂದು ತಿಂಗಳನ್ನು ಒಂದೊಂದು ಗ್ರಹ ಆಳುತ್ತದೆ. ಹಾಗಾಗಿ, ಗ್ರಹಗಳ ಸ್ಥಾನಗಳು ನಿಮ್ಮ ಪ್ರಗ್ನೆನ್ಸಿ ಪರವಾಗಿವೆ ಎಂಬುದನ್ನು ಸರಿಯಾಗಿ ತಿಳಿದುಕೊಳ್ಳಬೇಕು. ಒಂದು ವೇಳೆ ಗ್ರಹ ದೋಷವು ಯಾವುದಾದರೂ ತಿಂಗಳಲ್ಲಿ ಕಂಡುಬಂದರೆ ಅದಕ್ಕೆ ಸಂಬಂಧಿಸಿದಂತೆ ಆ ಗ್ರಹವನ್ನು ಮೆಚ್ಚಿಸಲು ಕೆಲ ಕಾರ್ಯ ಮಾಡಬೇಕು. ಪ್ರತಿ ತಿಂಗಳು ಕೂಡಾ ಪ್ರಗ್ನೆನ್ಸಿಯನ್ನಾಳುವ ಗ್ರಹದ ಶುಭ ಕೃಪೆಗಾಗಿ ಜ್ಯೋತಿಷ್ಯದ ಪ್ರಕಾರ ಏನು ಮಾಡಬೇಕೆಂಬುದನ್ನು ಇಲ್ಲಿ ನೀಡಲಾಗಿದೆ. 

ಮೊದಲ ಮಾಸ(1st Month)
ಗರ್ಭವತಿಯಾದ ಬಳಿಕ ಶುಕ್ರ ಗ್ರಹವು ಉತ್ತಮ ಫಲಿತಾಂಶ ನೀಡುತ್ತದೆ. ತಾಯಿಯಾಗುವವಳ ಜಾತಕದಲ್ಲಿ ಶುಕ್ರ(Venus) ದುರ್ಬಲನಾಗಿದ್ದರೆ, ಆಗ ತಾಯಿಯು ಕೆಲ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. 
ಶುಕ್ರವನ್ನು ಬಲಪಡಿಸಲು

•  ಗಂಡ ಹೆಂಡತಿ ಇಬ್ಬರೂ ಮನೆಯ ಪೂಜಾ ಗೃಹವನ್ನು ಸ್ವಚ್ಛಗೊಳಿಸಬೇಕು. 
• ಮನೆಯನ್ನು ತುಂಬಾ ಸ್ವಚ್ಛವಾಗಿಯೂ, ಶಿಸ್ತಾಗಿಯೂ ಜೋಡಿಸಿ ಇಟ್ಟುಕೊಳ್ಳಬೇಕು. 

ಎರಡನೇ ಮಾಸ(2nd Month)
ಇದು ಮಂಗಳ(Mars)ನಿಗೆ ಸೇರಿದ್ದು. ಮಂಗಳನು ಮೂಳೆ ಹಾಗೂ ರಕ್ತದ ಅಧಿಪತಿ. ಈ ಸಂದರ್ಭದಲ್ಲಿ ಭ್ರೂಣದ ಈ ಎರಡು ದೈಹಿಕ ರಚನೆಗಳು ಜರುಗುತ್ತವೆ. ಮಂಗಳ ಬಲವಾಗಿದ್ದಾಗ ಮಾತ್ರ ಆರೋಗ್ಯವಂತವಾದ, ಬಲವಾದ, ಧೈರ್ಯವಂತ ಮಗು ಜನಿಸಲು ಸಾಧ್ಯ. ಮಂಗಳನನ್ನು ಬಲಪಡಿಸಲು

• ಬೆಲ್ಲ ದಾನ ಮಾಡಿ.
• ಈ ತಿಂಗಳಲ್ಲಿ ಮಸಾಲೆ ಪದಾರ್ಥಗಳನ್ನು ತಿನ್ನಬೇಡಿ. 
• ಧಾರ್ಮಿಕವಾಗಿ ಸುಂದರಕಾಂಡದ ಹಾದಿ ಹಿಡಿಯಿರಿ. 
• ಬಲಗೈಗೆ ತಾಮ್ರದ ಬ್ರೇಸ್‌ಲೆಟ್ ಹಾಕಿಕೊಳ್ಳಿ. 
• 10 ಗ್ರಾಂ ಶತಾವರಿ ಮತ್ತಿ 10 ಗ್ರಾಂ ಬೆಲ್ಲವನ್ನು ಕುದಿವ ಹಾಲಿಗೆ ಸೇರಿಸಿಕೊಂಡು ಕುಡಿಯಿರಿ. 

ಮೂರನೇ ಮಾಸ(3rd Month)
ಮೂರನೇ ಮಾಸವು ಗುರು(Jupiter)ವಿಗೆ ಸಂಬಂಧಿಸಿದೆ. ತಾಯಿಯ ಜಾತಕದಲ್ಲಿ ಗುರುಬಲವಿದ್ದಾಗ ಮಗುವಿನ ಚರ್ಮ ಕಾಂತಿಯುತವಾಗಿ ಆರೋಗ್ಯದಿಂದ ಕೂಡಿರುತ್ತದೆ. ಗುರುವನ್ನು ಬಲಪಡಿಸಲು

• ಮೂರನೇ ತಿಂಗಳಲ್ಲಿ ಸಾಹಿತ್ಯ ಮತ್ತು ವಿಜ್ಞಾನವನ್ನು ಓದಿ ಮತ್ತು ಚರ್ಚಿಸಿ.
• ಬಿಳಿ ಮತ್ತು ಕೇಸರಿ ಶ್ರೀಗಂಧದ ತಿಲಕವನ್ನು ಹಣೆಗಿಡಿ. 

ನಾಲ್ಕನೇ ಮಾಸ(4th Month)
ಈ ಮಾಸವು ಸೂರ್ಯ(Sun)ನಿಗೆ ಸೇರಿದೆ. ಆತ್ಮದ ಉನ್ನತಿಗೆ ಮತ್ತು ಸದಾಚಾರಕ್ಕೆ, ಸೂರ್ಯ ಮುಖ್ಯ. ತಾಯಿಯ ಸೂರ್ಯನು ಬಲಶಾಲಿಯಾಗಿದ್ದರೆ, ಮಗುವಿಗೆ ಬಲವಾದ ಮುಖವಿರುತ್ತದೆ ಮತ್ತು ಈ ಮಗು ಗಣಿತ ಮತ್ತು ತತ್ವಶಾಸ್ತ್ರದಲ್ಲಿ ಉತ್ತಮವಾಗಿರುತ್ತದೆ. ಈ ತಿಂಗಳಲ್ಲಿ,

• ಉದಯಿಸುವ ಸೂರ್ಯನ ಮುಂದೆ ಕುಳಿತು ಗಾಯತ್ರಿ ಮಂತ್ರ ಪಠಣ ಮಾಡಿ.
• ತಾಮ್ರದ ಲೋಟದಲ್ಲಿ ಸಾಕಷ್ಟು ನೀರು ಕುಡಿಯಿರಿ.
• ಕೆಲವು ಕಲೆಗಳನ್ನು ಅಭ್ಯಾಸ ಮಾಡಿ.
• ಆಮ್ಲೀಯತೆ(acidity)ಯನ್ನು ಉಂಟುಮಾಡುವ ಆಹಾರವನ್ನು ಸೇವಿಸಬೇಡಿ.
  
  Gemini: ಇತರ ರಾಶಿಗಳೊಂದಿಗೆ ಮಿಥುನ ರಾಶಿಯವರ ಸ್ನೇಹ, ಲವ್, ಲೈಂಗಿಕ ಲೈಫ್‌ ಹೇಗಿರುತ್ತೆ?

5ನೇ ಮಾಸ(5th Month)
ಈ ತಿಂಗಳು ಚಂದ್ರ(moon)ನಿಗೆ ಸೇರಿದೆ. ತಾಯಿಯ ಚಂದ್ರನು ಉತ್ತಮ ಮತ್ತು ಬಲಶಾಲಿಯಾಗಿದ್ದರೆ, ಮಗುವಿನ ನಡವಳಿಕೆ ಮತ್ತು ಭಾವನೆಗಳು ಸಮತೋಲಿತವಾಗಿರುತ್ತವೆ. ಈ ಮಗು ಸಂತೋಷವಾಗಿರುತ್ತದೆ ಮತ್ತು ವೈಜ್ಞಾನಿಕತೆಯತ್ತ ಒಲವು ತೋರುತ್ತದೆ. ತಮ್ಮ ಮಗುವಿಗೆ ಚಂದ್ರನ ಆಶೀರ್ವಾದ ಬಲ ತರಲು ಗಂಡ ಮತ್ತು ಹೆಂಡತಿ ಇಬ್ಬರೂ ಈ ಪರಿಹಾರಗಳನ್ನು ಮಾಡಬೇಕು.

• ಬೆಳ್ಳಿಯ ಲೋಟದಲ್ಲಿ ನೀರು ಕುಡಿಯಬೇಕು. ಫ್ರಿಡ್ಜ್ ನೀರು ಕುಡಿಯಬಾರದು.
• ಅನುಲೋಮ ವಿಲೋಮ ಉಸಿರಾಟ ಅಭ್ಯಸಿಸಬೇಕು. 
• ಒಂದು ಲೋಟ ಬೆಚ್ಚಗಿನ ಹಾಲಿಗೆ 1 ಚಮಚ ತುಪ್ಪವನ್ನು ಬೆರೆಸಿ ಮತ್ತು ಅದರಲ್ಲಿ ಸ್ವಲ್ಪ ಪ್ರಮಾಣದ ಸಕ್ಕರೆಯನ್ನು ಸೇರಿಸಿ. ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ಈ ಹಾಲನ್ನು ಕುಡಿಯಿರಿ.
• ಈ ತಿಂಗಳಲ್ಲಿ ಆಧ್ಯಾತ್ಮಿಕ ಸಾಹಿತ್ಯವನ್ನು ಚರ್ಚಿಸಿ ಮತ್ತು ವೈಜ್ಞಾನಿಕ ವಿಷಯಗಳನ್ನು ಚರ್ಚಿಸಿ.

6ನೇ ಮಾಸ(6th Month)
ಇದು ಶನಿಯ ಮಾಸ. ಶನಿ ಬಲವಾಗಿದ್ದರೆ ಉತ್ತಮ ನರವ್ಯವಸ್ಥೆ ಮಗುವಿಗೆ ರೂಪುಗೊಳ್ಳುತ್ತದೆ. 

• ನಿಮ್ಮ ದೇಹದಲ್ಲಿ ಗ್ಯಾಸ್ ಉಂಟುಮಾಡುವ ಆಹಾರವನ್ನು ಸೇವಿಸುವುದನ್ನು ತಪ್ಪಿಸಿ.
• ನೀವು ಕಬ್ಬಿಣದ ಕೊರತೆಯನ್ನು ಹೊಂದಿಲ್ಲ ಎಂದು ಖಚಿತಪಡಿಸಿಕೊಳ್ಳಿ. ಕಬ್ಬಿಣದಂಶವಿರುವ ಆಹಾರವನ್ನು ಹೆಚ್ಚಾಗಿ ಸೇವಿಸಿ.
  
  Akshaya Tritiya 2022: 30 ವರ್ಷಗಳ ಬಳಿಕ ಅಕ್ಷಯ ತೃತೀಯದಂದು ಬರುತ್ತಿದೆ ಈ ಶುಭಯೋಗ

7ನೇ ಮಾಸ(7th Month)
ಗರ್ಭಿಣಿಯ ಏಳನೇ ತಿಂಗಳು ಬುಧನಿಗೆ ಸೇರಿದ್ದು. ಈ ಸಂದರ್ಭದಲ್ಲಿ ಮಗುವಿನ ಮೆದುಳು ಚುರುಕಾಗುತ್ತದೆ. ಬುಧ ಕೃಪೆ ಇದ್ದಾಗ ಮಗು ಬಹಳ ಜಾಣನಾಗುತ್ತದೆ. 

• ಈ ಮಾಸದಲ್ಲಿ ಓಂ ಜಪ ಮಾಡಿ.
• ಕಬ್ಬಿಣದ ವಸ್ತುಗಳನ್ನು ಧರಿಸಿದ್ದರೆ ತೆಗೆದುಬಿಡಿ. 

8ನೇ ಮಾಸ(8th Month)
8ನೇ ತಿಂಗಳು ಇಷ್ಟದೇವರಿಗೆ ಸಂಬಂಧಿಸಿದ್ದು. ಈ ತಿಂಗಳು ನಿಮಗಿಷ್ಟದ ದೇವರನ್ನು ಆರಾಧಿಸಿ. 

9ನೇ ಮಾಸ(9th Month)
9 ನೇ ತಿಂಗಳು ಮಗುವಿಗೆ ಜನ್ಮ ನೀಡಬೇಕಾದ ಸಮಯ. ಈ ತಿಂಗಳು ಮತ್ತೆ ಚಂದ್ರನಿಗೆ ಸೇರಿದೆ.

• ಬೆಳ್ಳಿ ಉಂಗುರ ಅಥವಾ ಬಳೆ ಬಿಟ್ಟು ಬೇರೆ ಯಾವುದೇ ಲೋಹವನ್ನು ಧರಿಸಬೇಡಿ.
• ತಿಳಿ ಬಣ್ಣದ ಬಟ್ಟೆಗಳನ್ನು ಮಾತ್ರ ಧರಿಸಿ ಉದಾ, ಬಿಳಿ, ಕೆನೆ ಅಥವಾ ತಿಳಿ ಹಳದಿ
• ರೇಖಾಚಿತ್ರಗಳನ್ನು ಮಾಡಿ. ಗಣಿತವನ್ನು ಅಧ್ಯಯನ ಮಾಡಿ.