ಜ.5ರಂದು ದೀಪಿಕಾ ಪಡುಕೋಣೆ ಹುಟ್ಟು ಹಬ್ಬ ಆಚರಿಸಿಕೊಳ್ಳಲ್ಲಿದ್ದು, ಅಂದೇ ರಣವೀರ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳಲ್ಲಿದ್ದಾರೆಂದು ಹೇಳಲಾಗುತ್ತಿದೆ.
ಬೆಂಗಳೂರು: ವಿಯೆನ್ನಾದಲ್ಲಿ ಹೊಸ ವರ್ಷ ಆಚರಿಸಿಕೊಂಡ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್, ಅಲ್ಲೀಯೇ ರಿಂಗ್ ಬದಲಿಸಿಕೊಳ್ತಾರೆ ಎಂಬ ಸುದ್ದಿ ಇತ್ತು. ಇದೀಗ ಲಂಕಾದಲ್ಲಿರುವ ಈ ಜೋಡಿ, ಜ.5ಕ್ಕೆ ರಿಂಗ್ ಬದಲಿಸಿಕೊಳ್ತಾರೆ ಎನ್ನಲಾಗುತ್ತಿದೆ.
ಅನುಷ್ಕಾ-ವಿರಾಟ್ ಕೋಹ್ಲಿ ಕದ್ದು ಮುಚ್ಚಿ ಮದುವೆಯಾದಂತೆ ಈ ಜೋಡಿಯೂ ಅಭಿಮಾನಿಗಳಿಗೆ ದಿಢೀರ್ ಮದುವೆ ಸುದ್ದಿಯೊಂದನ್ನು ನೀಡುತ್ತಾರಂತೆ. ನಾಳೆ ದೀಪಿಕಾ 32ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದು, ಈ ಸಂದರ್ಭದಲ್ಲಿಯೇ ನಿಶ್ಚಿತಾರ್ಥವನ್ನೂ ಮಾಡಿಕೊಳ್ಳಲ್ಲಿದ್ದಾರೆಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ವಿಪರೀತ ಹರಿದಾಡುತ್ತಿದೆ.
ಈ ಜೋಡಿಯನ್ನು ಗುರುತಿಸುವ ಮಂದಿ ಲಂಕಾದಲ್ಲಿಯೂ ಇದ್ದು, ಇವರಿಬ್ಬರ ಖಾಸಗೀತನಕ್ಕೆ ಧಕ್ಕೆಯಾಗುವಂತೆ ಮಾಡುವ ಸಾಧ್ಯತೆ ಇಲ್ಲವೆಂದು, ಈ ಜೋಡಿ ಲಂಕಾಗೆ ತೆರಳಿದೆಯಂತೆ.
ಈ ಜೋಡಿ ನಟಿಸಿದ ಪದ್ಮಾವತಿ ಬಿಡುಗಡೆಯಾಗುವ ಹಂತದಲ್ಲಿದ್ದು, ವಿವಾಧ ಭುಗಿಲೆದ್ದ ಕಾರಣ ಚಿತ್ರ ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿದೆ.