ಝೀ ಕೋಗಿಲೆ ಸುಹಾನ ಗುರಿ ಮುಟ್ಟಿದ ಕಥೆ
ಸಾರಾಂಶ
ಝೀ ಕನ್ನಡ ಗಾನ ಕೋಗಿಲೆ ಸುಹಾನಾ ಸೈಯದ್ ಈಗ ಎಂಬಿಎ ಪಧವೀಧರೆ. ಸಂಗೀತ ಅಭ್ಯಾಸದ ಜೊತೆಗೆ ಎಂಬಿಎಯನ್ನು ಮುಗಿಸಿದ್ದಾರೆ.
ಬೆಂಗಳೂರು (ಆ. 14): ಝೀಟೀವಿಯ ಸರೆಗಮಪದಲ್ಲಿ ಹಾಡಿ ಗಮನಸೆಳೆದ ಸುಹಾನಾ ಸೈಯದ್ ಸದ್ದಿಲ್ಲದೇ ಎಂಬಿಎ ಮುಗಿಸಿದ್ದಾರೆ. ಇದೀಗ ಅವರು ಎಂಬಿಎ ಪದವೀಧರೆ.
ಸರೆಗಮಪ ಮಾಡುತ್ತಿದ್ದಾಗಲೇ ಪರೀಕ್ಷೆ ಬರೆದಿದ್ದೆ. ನಂತರ ಆ ಕಾರ್ಯಕ್ರಮದ ನಡುವೆಯೇ ಇಂಟರ್ನಲ್ ಮುಗಿಸಿದೆ, ಒದ್ದಾಡುತ್ತಲೇ ಪ್ರಾಜೆಕ್ಟ್ ಕಂಪ್ಲೀಟ್ ಮಾಡಿದೆ. ಒಂದು ಕಡೆ ಸಂಗೀತ ಮತ್ತೊಂದು ಕಡೆ ಅಭ್ಯಾಸ. ಎರಡನ್ನೂ ಸರಿಸಮನಾಗಿ ತೆಗೆದುಕೊಂಡು ಬ್ಯಾಲೆನ್ಸ್ ಮಾಡೋದು ಕಷ್ಟದ ಕೆಲಸವೇ ಆಗಿತ್ತು.
ಇದರ ಮಧ್ಯೆ ಕೆಲವೊಂದಷ್ಟು ಮಂದಿಯ ಟೀಕೆ, ಗೇಲಿ ಬೇರೆ. ಇವರೆಲ್ಲ ಓದೋರೇನ್ರೀ, ಬರೀ ಶೋಕಿ ಮಾಡ್ತಾರೆ ಎಂಬಿತ್ಯಾದಿ ನೋಯಿಸುವ ಮಾತುಗಳ ನಡುವೆಯೇ ಕಷ್ಟಪಟ್ಟು ಓದಿದೆ. ಸವಾಲುಗಳ ಮಧ್ಯೆ ಗೆದ್ದೆ. ನಾನೇನು ಆಗಬೇಕು
ಅಂದುಕೊಂಡಿದ್ದೆನೋ ಅದೀಗ ಆಗಿದ್ದೇನೆ. ನನ್ನ ಬೆನ್ನಿಗೆ ನಿಂತು ಕಾಪಾಡಿದ ಹೆತ್ತವರಿಗೆ, ಮಿತ್ರರಿಗೆ, ಹಿತೈಷಿಗಳಿಗೆ ಥ್ಯಾಂಕ್ಸ್! ಹಾಗಂತ ಸುಹಾನಾ ಸೈಯದ್ ಹೇಳಿಕೊಂಡಿದ್ದಾರೆ. ಸುಹಾನಾಗೊಂದು ಅಭಿನಂದನೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.