ಕುರುಕ್ಷೇತ್ರ ಸಿನಿಮಾ ಮುಹೂರ್ತ'ಕ್ಕೆ ದಿನಾಂಕ ಫಿಕ್ಸ್ : ಯಾರ್ಯಾರು ಯಾವ ಪಾತ್ರ ಮಾಡ್ತಾರೆ ಗೊತ್ತಾ ?

ಕುರುಕ್ಷೇತ್ರ ಚಿತ್ರದಲ್ಲಿ ಇಷ್ಟೆಲ್ಲ ಪಾತ್ರಗಳಿವೆ. ಕನ್ನಡದ ಹೆಸರಾಂತ ಕಲಾವಿದರೇ ಈ ಎಲ್ಲ ಪಾತ್ರಗಳನ್ನ ಮಾಡ್ತಿದ್ದಾರೆ. ಚಿತ್ರದ ನಿರ್ದೇಶಕ ನಾಗಣ್ಣ ಇದನ್ನ ಸುವರ್ಣ ನ್ಯೂಸ್ ಗೆ ಖಚಿತ ಪಡಿಸಿದ್ದಾರೆ. ಜುಲೈ 30 ಕ್ಕೆ ಅದ್ಧೂರಿಯಾಗಿಯೇ ಬೆಂಗಳೂರಿನ ಪ್ರಭಾಕರ್ ಕೋರಿ ಕನ್ವೆನ್ಷನ್ ಹಾಲ್​'ನಲ್ಲಿ ಸಂಜೆ 6 ಗಂಟೆ ಮೇಲೆ ಚಿತ್ರಕ್ಕೆ ಮುಹೂರ್ತ ನೆರವೇರಲಿದೆ. ಚಿತ್ರದಲ್ಲಿ ನಟಿ ಹರಿಪ್ರಿಯಾ ಪ್ರಮುಖ ಪಾತ್ರ ಮಾಡ್ತಿದ್ದಾರೆ.ನಟಿ ರೆಜಿನಾ ನಟಿಸೋ ಸಾಧ್ಯತೆನೂ ಇದೆ.

ಬೆಂಗಳೂರು(ಜು.24): ಕನ್ನಡ ಚಿತ್ರರಂಗದ ಅತಿ ದೊಡ್ಡ ಸಿನಿಮಾ 'ಕುರುಕ್ಷೇತ್ರ' ಸೆಟ್ಟೇರುತ್ತಿದೆ.ಜುಲೈ-30 ರಂದು ಚಿತ್ರಕ್ಕೆ ಅದ್ಧೂರಿ ಮುಹೂರ್ತ ನೆರವೇರಲಿದೆ. ಆದರೆ, ಈ ಚಿತ್ರದ ಕುರಿತು ಪಾತ್ರಧಾರಿಗಳ ಆಯ್ಕೆ ಬಗ್ಗೆ ಸಾಕಷ್ಟು ಕುತೂಹಲ ಇತ್ತು.ಯಾವ್ ಸ್ಟಾರ್ ಯಾವ್ ಪಾತ್ರ ಮಾಡ್ತಾರೆಂಬ ಪ್ರಶ್ನೆನೂ ಇತ್ತು. ಈಗ ಅದಕ್ಕೆ ತೆರೆ ಬಿದ್ದಿದೆ.

ನಿರ್ಮಾಪಕ ಮುನಿರತ್ನ ತಮ್ಮ ಈ ಕನಸಿನ ಚಿತ್ರವನ್ನ ಅದ್ದೂರಿಯಾಗಿಯೇ ತೆರೆಗೆ ತರಲಿದ್ದಾರೆ. ಕನ್ನಡ ಚಿತ್ರರಂಗದ ದೊಡ್ಡ ದೊಡ್ಡ ಸ್ಟಾರ್ ಗಳನ್ನ ಹಾಕಿಕೊಂಡೇ ಕನ್ನಡದ ಕ್ಯಾನ್​ವಾಸ್ ಮೇಲೆ ಕುರುಕ್ಷೇತ್ರವನ್ನೆ ಸೃಷ್ಟಿ ಮಾಡಲು ಹೊರಟಿದ್ದಾರೆ.

ಅಂತಿಮಗೊಂಡ ಪಾತ್ರಗಳ ಪರಿಚಯ

ಚಾಲೆಂಜಿಂಗ್ ಸ್ಟಾರ್ ದರ್ಶನ್- ದುರ್ಯೋಧನ
ಕ್ರೇಜಿ ಸ್ಟಾರ್ ರವಿಚಂದ್ರನ್- ಕೃಷ್ಣ
ಅಂಬರೀಶ್- ಭೀಷ್ಮಾಚಾರ್ಯ
ನಿಖಿಲ್ ಕುಮಾರ್- ಅಭಿಮನ್ಯು
ಶ್ರೀನಾಥ್- ಧೃತರಾಷ್ಟ್ರ
ಶಶಿಕುಮಾರ್- ಧರ್ಮರಾಯ
ಶ್ರೀನಿವಾಸ್ ಮೂರ್ತಿ- ದ್ರೋಣಾಚಾರ್ಯ
ಅವಿನಾಶ್- ಗಾಂಧರ್ವ ರಾಜ
ಸ್ನೇಹಾ- ದ್ರೌಪತಿ
ಲಕ್ಷ್ಮೀ- ಕುಂತಿ

ಕುರುಕ್ಷೇತ್ರ ಚಿತ್ರದಲ್ಲಿ ಇಷ್ಟೆಲ್ಲ ಪಾತ್ರಗಳಿವೆ. ಕನ್ನಡದ ಹೆಸರಾಂತ ಕಲಾವಿದರೇ ಈ ಎಲ್ಲ ಪಾತ್ರಗಳನ್ನ ಮಾಡ್ತಿದ್ದಾರೆ. ಚಿತ್ರದ ನಿರ್ದೇಶಕ ನಾಗಣ್ಣ ಇದನ್ನ ಸುವರ್ಣ ನ್ಯೂಸ್ ಗೆ ಖಚಿತ ಪಡಿಸಿದ್ದಾರೆ. ಜುಲೈ 30 ಕ್ಕೆ ಅದ್ಧೂರಿಯಾಗಿಯೇ ಬೆಂಗಳೂರಿನ ಪ್ರಭಾಕರ್ ಕೋರಿ ಕನ್ವೆನ್ಷನ್ ಹಾಲ್​'ನಲ್ಲಿ ಸಂಜೆ 6 ಗಂಟೆ ಮೇಲೆ ಚಿತ್ರಕ್ಕೆ ಮುಹೂರ್ತ ನೆರವೇರಲಿದೆ. ಚಿತ್ರದಲ್ಲಿ ನಟಿ ಹರಿಪ್ರಿಯಾ ಪ್ರಮುಖ ಪಾತ್ರ ಮಾಡ್ತಿದ್ದಾರೆ.ನಟಿ ರೆಜಿನಾ ನಟಿಸೋ ಸಾಧ್ಯತೆನೂ ಇದೆ.

ಈ ಚಿತ್ರದ ಬಗ್ಗೆ  ಚಂದನವದಲ್ಲಿ ಭಾರೀ ಸದ್ದು ಇದೆ. ಸುದ್ದೀನೂ ಇದೆ.ಅಂತಹ ಈ ಚಿತ್ರಕ್ಕೆ ಜಯ್ ವಿನ್ಸೆಂಟ್ ಕ್ಯಾಮೆರಾ ವರ್ಕ್ ಮಾಡ್ತಿದ್ದಾರೆ. ಕನ್ನಡದ ಈ ಕುರುಕ್ಷೇತ್ರಕ್ಕೆ ಬಾಹುಬಲಿ ಖ್ಯಾತಿಯ ಕಿಂಗ್ ಸಾಲೋಮನ್ ಸಾಹಸ ನಿರ್ದೇಶನ ಕೌತುಕದ ರಣರಂಗವನ್ನೇ ಸೃಷ್ಠಿ ಮಾಡಲಿದೆ. ಕುರುಕ್ಷೇತ್ರಕ್ಕೆ ವಿ. ಹರಿಕೃಷ್ಣರ ಸಂಗೀತ ಮೊಳಗಲಿದೆ. ಜೋ.ನಿ.ಹರ್ಷಾ ಸಂಕಲನ ಮಾಡಲಿದ್ದಾರೆ. 100 ಕ್ಕೂ ಹೆಚ್ಚು ದಿನ ಒಂದೇ ಹಂತದಲ್ಲಿಯೇ ಇಡೀ ಕುರುಕ್ಷೇತ್ರ ಚಿತ್ರವನ್ನ ನಾಗಣ್ಣ ಚಿತ್ರಸಲಿದ್ದಾರೆ.ಕನ್ನಡದ ಈ ಕುರುಕ್ಷೇತ್ರ ಸ್ಯಾಂಡಲ್​ ವುಡ್​ ನಲ್ಲಿ ದೊಡ್ಡ ನಿರೀಕ್ಷೆಯನ್ನ ಈಗಲೇ ಹುಟ್ಟು ಹಾಕಿದೆ.

-ರೇವನ್ ಪಿ.ಜೇವೂರ್, ಸುವರ್ಣ ನ್ಯೂಸ್