ಹೆಣ್ಣು ಮಕ್ಕಳು ಎಷ್ಟೇ ಎತ್ತರಕ್ಕೆ ಹೋದರೂ ಎಷ್ಟೇ ದೊಡ್ಡ ಸಾಧನೆ ಮಾಡಿದರೂ ತುಂಬಾ ಭಾವುಕರಾಗಿರುತ್ತಾರೆ. ತಮ್ಮ ಬಾಳಿನ ಪ್ರಮುಖವಾದ ಸಂದರ್ಭದಲ್ಲಿ ಅಮ್ಮನ ಸೀರೆಯನ್ನು ಉಡುವುದು, ಅಜ್ಜಿಯ ಉಂಗುರವನ್ನು ಧರಿಸುವುದು ತುಂಬಾ ಸಹಜ ಪ್ರಕ್ರಿಯೆ. ಟೆಕ್ನಾಲಜಿ ಎಷ್ಟೇ ಮುಂದುವರಿದರೂ ಸ್ಯಾಂಡಲ್‌ವುಡ್‌ನಿಂದ ಹಾಲಿವುಡ್'ವರೆಗೆ ಈ ಭಾವುಕತೆ ಮಾತ್ರ ಹಾಗೇ ಉಳಿದಿದೆ ಅನ್ನುವುದಕ್ಕೆ ಎರಡು ಸಾಕ್ಷಿ ಇಲ್ಲಿದೆ.
ಬೆಂಗಳೂರು (ಮಾ. 06): ಹೆಣ್ಣು ಮಕ್ಕಳು ಎಷ್ಟೇ ಎತ್ತರಕ್ಕೆ ಹೋದರೂ ಎಷ್ಟೇ ದೊಡ್ಡ ಸಾಧನೆ ಮಾಡಿದರೂ ತುಂಬಾ ಭಾವುಕರಾಗಿರುತ್ತಾರೆ. ತಮ್ಮ ಬಾಳಿನ ಪ್ರಮುಖವಾದ ಸಂದರ್ಭದಲ್ಲಿ ಅಮ್ಮನ ಸೀರೆಯನ್ನು ಉಡುವುದು, ಅಜ್ಜಿಯ ಉಂಗುರವನ್ನು ಧರಿಸುವುದು ತುಂಬಾ ಸಹಜ ಪ್ರಕ್ರಿಯೆ. ಟೆಕ್ನಾಲಜಿ ಎಷ್ಟೇ ಮುಂದುವರಿದರೂ ಸ್ಯಾಂಡಲ್‌ವುಡ್‌ನಿಂದ ಹಾಲಿವುಡ್'ವರೆಗೆ ಈ ಭಾವುಕತೆ ಮಾತ್ರ ಹಾಗೇ ಉಳಿದಿದೆ ಅನ್ನುವುದಕ್ಕೆ ಎರಡು ಸಾಕ್ಷಿ ಇಲ್ಲಿದೆ.
ಇತ್ತೀಚೆಗೆ ಝೀ ಕನ್ನಡ ವಾಹಿನಿಯು ರಶ್ಮಿಕಾ ಮಂದಣ್ಣ ಅವರಿಗೆ ಹೆಮ್ಮೆಯ ಕನ್ನಡಿಗ ಪ್ರಶಸ್ತಿ ನೀಡಿ ಪುರಸ್ಕರಿಸಿತು. ಈ ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ಆಗಮಿಸಿದ್ದ ರಶ್ಮಿಕಾ ಮಂದಣ್ಣರ ಕ್ಸ್ಟ್ಯಾೂಮ್ ಎಲ್ಲರನ್ನೂ ಸೆಳೆದಿತ್ತು. ರಶ್ಮಿಕಾ ಕೂರ್ಗ್ ಶೈಲಿಯಲ್ಲಿ ಸೀರೆಯುಟ್ಟುಕೊಂಡು ಬಂದಿದ್ದರು. ಆ ಸೀರೆ ರಶ್ಮಿಕಾ ಮಂದಣ್ಣ ಅವರ ಬದುಕಲ್ಲಿ ತುಂಬಾ ಪ್ರಾಮುಖ್ಯತೆ ಹೊಂದಿರುವ ಸೀರೆ. ಯಾಕೆ ಅದು ವಿಶೇಷ ಎಂದರೆ ಈ ಸೀರೆ ರಶ್ಮಿಕಾ ಅವರ ಅಜ್ಜಿಯದು. ಅವರ ಅಜ್ಜಿ ತನ್ನ ಮದುವೆ
ದಿನದಂದು ಉಟ್ಟುಕೊಂಡಿದ್ದ ಸೀರೆ ಅದು.
ಅನಂತರ ಆ ಸೀರೆ ರಶ್ಮಿಕಾ ಅಮ್ಮನಿಗೆ ಬಂದಿದೆ. ಈಗ ಮೂರನೇ ಜನರೇಷನ್ನಿನ ರಶ್ಮಿಕಾ ಮಂದಣ್ಣ ಆ ಸೀರೆಯುಟ್ಟಿದ್ದಾರೆ. ಅದರಲ್ಲೂ ಹೆಮ್ಮೆಯ ಕನ್ನಡಿಗ ಪ್ರಶಸ್ತಿ ಪಡೆಯುವ ಸಂದರ್ಭದಲ್ಲಿ ಈ ಸೀರೆಯುಟ್ಟಿದ್ದಕ್ಕೂ ಕಾರಣ ಇದೆ. ರಶ್ಮಿಕಾ ಅವರನ್ನು ತುಂಬಾ ಇಷ್ಟಪಡುತ್ತಿದ್ದ ಅವರ ಅಜ್ಜಿ ತನ್ನ ಕೊನೆಯ ದಿನಗಳಲ್ಲಿ ‘ನೀನು ತುಂಬಾ ಎತ್ತರಕ್ಕೆ ಹೋಗುತ್ತೀಯಾ’ ಎಂದಿದ್ದರಂತೆ. ಆ ಮಾತು ರಶ್ಮಿಕಾ ಅವರಿಗೆ ಇನ್ನೂ ನೆನಪಿದೆ. ಅದೇ ಕಾರಣಕ್ಕೆ ಭಾವುಕರಾದ ರಶ್ಮಿಕಾ ಮಂದಣ್ಣ ಅದೇ ಸೀರೆಯುಟ್ಟುಕೊಂಡು ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಅಂದಹಾಗೆ ಈ ಸೀರೆ 61 ವರ್ಷ ಹಳೆಯ ಸೀರೆ.