ಇತ್ತೀಚೆಗೆ ತೆರೆಕಂಡ ‘ಪದ್ಮಾವತ್’ ಚಿತ್ರದಲ್ಲಿ ಪದ್ಮಾವತಿಯ ಪಾತ್ರಧಾರಿ ದೀಪಿಕಾ ಪಡುಕೋಣೆಗಿಂತ ಚಿತ್ರದ ಅಲಾವುದ್ದೀನ್ ಖಿಲ್ಜಿ ಪಾತ್ರದಲ್ಲಿ ರಣವೀರ್ ಸಿಂಗ್ ಅಭಿನಯ ಎಲ್ಲರಿಂದ ಭಾರೀ ಹೊಗಳಿಗೆ ಪಾತ್ರವಾಗಿದೆ.
ಮುಂಬೈ: ಇತ್ತೀಚೆಗೆ ತೆರೆಕಂಡ ‘ಪದ್ಮಾವತ್’ ಚಿತ್ರದಲ್ಲಿ ಪದ್ಮಾವತಿಯ ಪಾತ್ರಧಾರಿ ದೀಪಿಕಾ ಪಡುಕೋಣೆಗಿಂತ ಚಿತ್ರದ ಅಲಾವುದ್ದೀನ್ ಖಿಲ್ಜಿ ಪಾತ್ರದಲ್ಲಿ ರಣವೀರ್ ಸಿಂಗ್ ಅಭಿನಯ ಎಲ್ಲರಿಂದ ಭಾರೀ ಹೊಗಳಿಗೆ ಪಾತ್ರವಾಗಿದೆ. ಆದರೆ ಇಂಥದ್ದೊಂದು ಪಾತ್ರ ನಿಭಾಯಿಸಲು ರಣವೀರ್ 21 ದಿನ ಕೋಣೆಯೊಂದರಲ್ಲಿ ಅಕ್ಷರಶಃ ಏಕಾಂಗಿಯಾಗಿದ್ದರಂತೆ.
ಈ ಬಗ್ಗೆ ಸ್ವತಃ ಅವರೇ ಮಾಹಿತಿ ನೀಡಿದ್ದಾರೆ. ‘ಖಿಲ್ಜಿಯ ಪಾತ್ರಕ್ಕೆ ಬೇಕಾಗಿದ್ದ ಸ್ವಾರ್ಥತೆ, ಮಹತ್ವಾಕಾಂಕ್ಷೆ ಮತ್ತು ದುರಾಸೆಯ ಮಟ್ಟಕ್ಕೆ ನಾನು ಹೋಲುತ್ತಿಲ್ಲ ವಾದುದರಿಂದ, ಆ ಪಾತ್ರದಲ್ಲಿ ಮುಳುಗಲು, ನನ್ನನ್ನು ನಾನು ಒಂದು ರೀತಿಯಲ್ಲಿ ಏಕಾಂಗಿಯಾಗಿಸಿಕೊಂಡಿದ್ದೆ.
ಕತ್ತಲ ಅನುಭವವನ್ನು ಅನುಭವಿಸಲು ನನ್ನನ್ನು ನಾನು ತೊಡಗಿಸಿಕೊಂಡಿದ್ದೆ. ಗೋರೆಗಾಂವ್ ಮನೆಯಲ್ಲಿ ನಾನು ಬೀಗ ಹಾಕಿಕೊಂಡು 21 ದಿನಗಳನ್ನು ಕಳೆದಿದ್ದೆ. ನಾನು ಸಂಪೂರ್ಣ ಏಕಾಂಗಿಯಾಗಿದ್ದೆ’ ಎಂದು ರಣವೀರ್ ಹೇಳಿದ್ದಾರೆ.