ಪಿಗ್ಗಿ, ಪರಿಣಿತಿ ಗಂಡನ ಬಗ್ಗೆ ಕಂಡ ಒಂದೇ ತರ ಕನಸೇನು?
ಸಾರಾಂಶ
ಪ್ರಿಯಾಂಕ ಚೋಪ್ರಾ ಎಂಗೇಜ್ಮೆಂಟ್ ಖುಷಿಯಲ್ಲಿದ್ದಾರೆ. ಮದುವೆಯ ಬಗ್ಗೆ ಕನಸು ಕಾಣುತ್ತಿದ್ದಾರೆ. ಈ ಸಂದರ್ಭದಲ್ಲಿ ಸಹೋದರಿ ಪರಿಣಿತಿ ಚೋಪ್ರಾ ಪ್ರಿಯಾಂಕ ಚೋಪ್ರಾಗೆ ಭಾವನಾತ್ಮಕ ಪತ್ರ ಬರೆದಿದ್ದಾರೆ. ಅದರಲ್ಲಿ ತಮ್ಮ ಬಾಲ್ಯದ ನೆನಪನ್ನು ಮೆಲಕು ಹಾಕಿದ್ದಾರೆ.
ಮುಂಬೈ (ಆ. 21): ನಿಮ್ಮ ಬಾಲ್ಯದ ಗೆಳತಿ ಹಸೆಮಣೆಯಲ್ಲಿ ಕೂರುವ ಹೊತ್ತಿನಲ್ಲಿರುವಾಗ ನೀವು ಏನೆಂದು ಹರಸಬಲ್ಲಿರಿ? ಒಂದು ಪತ್ರ ಬರೆಯಿರಿ ಎಂದರೆ, ಏನು ಬರೆಯಬಲ್ಲಿರಿ? ಅದು ನಿಮಗೆ ಬಿಟ್ಟ ವಿಚಾರ. ಇಲ್ಲಿ ತನ್ನ ಬಾಲ್ಯದ ಗೆಳತಿ, ಸೋದರ ಸಂಬಂಧಿ ಪ್ರಿಯಾಂಕಾ ಚೋಪ್ರಾಗೆ ಪರಿಣಿತಿ ಚೋಪ್ರಾ ಮನ ಮುಟ್ಟುವಂತಹ ಪತ್ರವೊಂದನ್ನು ಬರೆದಿದ್ದಾರೆ ಓದಿ.
‘ನಿನಗೆ ಗೊತ್ತಾ ಪ್ರಿಯಾಂಕಾ, ನಾವಿಬ್ಬರೂ ಒಟ್ಟಿಗೆ ಆಟವಾಡಿಕೊಂಡು ಬೆಳೆದವರು. ಮಮ್ಮಿ, ಡ್ಯಾಡಿ ಆ ಕಾಲದಲ್ಲಿಯೇ ನಮ್ಮ ಮದುವೆ, ಗಂಡಂದಿರ ಬಗ್ಗೆ ರೇಗಿಸುತ್ತಿದ್ದರು. ಆಗ ನಾವು ನಾಚಿಕೊಳ್ಳುತ್ತಿದ್ದೆವು. ಬಾಲ್ಯದಲ್ಲಿಯೇ ನಮ್ಮಿಬ್ಬರಿಗೂ ಒಂದು ಕನಸಿತ್ತು. ಒಟ್ಟಿಗೆ ಮದುವೆಯಾಗಿ, ನಮಗೆ ಗಂಡನಾಗಿ ಬರುವವನಿಗೆ ಒಟ್ಟಿಗೆ ಟೀ ಕೊಡಬೇಕು ಎಂದು. ಅದು ಈಗ ನಿನ್ನ ಪಾಲಿಗೆ ಸಾಧ್ಯವಾಗುತ್ತಿದೆ. ನಿನಗೆ ನಿನ್ನ ಕನಸಿನ ರಾಜ ಸಿಕ್ಕಿದ್ದಾನೆ. ನನ್ನ ಪ್ರಕಾರ ಅವನಿಗಿಂತ ಸರಿಯಾದ ಜೋಡಿ ನಿನಗೆ ಬೇರೆ ಇಲ್ಲವೇ ಇಲ್ಲವೇನೋ. ಸೋ ಯುವರ್ ಲಕ್ಕಿ.
ನನ್ನ ಪ್ರಕಾರ ಒಬ್ಬ ವ್ಯಕ್ತಿಯ ಬಗ್ಗೆ ತಿಳಿದುಕೊಳ್ಳಬೇಕಾದರೆ ಎರಡು ಮಾರ್ಗಗಳಿವೆ. ಒಂದು ಅವರೊಂದಿಗೆ ಊಟ ಮಾಡಬೇಕು. ಮತ್ತೊಂದು ಅವರೊಂದಿಗೆ ಟ್ರಾವೆಲ್ ಮಾಡಬೇಕು. ನಿಕ್ ನಾನು ನಿನ್ನೊಂದಿಗೆ ಇವೆರಡನ್ನೂ ಮಾಡಿದ್ದೇನೆ. ಈ ವೇಳೆ ನಿನ್ನ ಒಳ್ಳೆಯತನದ ಪರಿಚಯವಾಗಿದೆ. ನೀನು ನನ್ನ ಅಕ್ಕನಿಗೆ ಸರಿಯಾದ ಜೋಡಿ. ಅಲ್ಲದೇ ಅವಳು ನೋಡಲಷ್ಟೇ ಒರಟು. ಆದರೆ ಅವಳ ಮನಸ್ಸು ಮಗುವಿನ ರೀತಿ. ಅವಳನ್ನು ಪ್ರೀತಿಯಿಂದ ನೋಡಿಕೋ. ಲವ್ ಯು ಬೋತ್, ಯಾವಾಗಲೂ ಖುಷಿಯಾಗಿರಿ’
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.