ಚೆಂದವನದಲ್ಲಿ ಮತ್ತೊಂದು ಚೆಂದದ ವಿವಾಹ. ಚಿರು-ಮೇಘನಾ ಅದ್ಧೂರಿ ಎಂಗೇಜ್ಮೆಂಟ್.ಲೀಲಾ ಪ್ಯಾಲೆಸ್'ನಲ್ಲಿ ಸಂಜೆ ನಡೆಯಲಿದೆ ಅದ್ದೂರಿ ನಿಶ್ಚಿತಾರ್ಥ. ಸುಮಧುರ ಕ್ಷಣಕ್ಕೆ ಸಾಕ್ಷಿಯಾಗಲಿದ್ದಾರೆ ಚಿತ್ರರಂಗದ ಗಣ್ಯರು.
ಚಿರಂಜೀವಿ ಸರ್ಜಾ.ಕನ್ನಡದ ಯುವ ಸಾಮ್ರಾಟ್.ಮೇಘನಾ ರಾಜ್.ಬಹು ಭಾಷಾ ನಟಿ.ಇವರಿಬ್ಬರ ಗೆಳೆತನಕ್ಕೆ 10 ವರ್ಷದ ಇತಿಹಾಸ. ಭಾವನಾತ್ಮಕವಾಗಿ ಒಂದಾಗಿದ್ದ ಈ ಗೆಳೆಯರು ಈಗ ದಾಂಪತ್ಯ ಜೀವನಕ್ಕೆ ಹೆಜ್ಜೆ ಇಡುತ್ತಿದ್ದಾರೆ.
ಚಿರಂಜೀವಿ - ಮೇಘನಾ ನಿಶ್ಚಿತಾರ್ಥ ಇಂದು ಸಂಜೆ ಲೀಲಾ ಪ್ಯಾಲೆಸ್'ನಲ್ಲಿ ಅರೇಂಜ್ ಆಗಿದೆ. ಗುರು-ಹಿರಿಯರ ಸಮ್ಮುಖದಲ್ಲಿಯೇ ಕ್ರೈಸ್ತ ಸಂಪ್ರದಾಯದಂತೆ ಚಿರು ಮತ್ತು ಮೇಘನಾ ಉಂಗುರು ಬದಲಿಸಿಕೊಳ್ಳಲಿದ್ದಾರೆ.
ಮೇಘಾನಾ ಅವರ ಜೆ.ಪಿ.ನಗರದ ಮನೇಲಿ ಹಿಂದು ಸಂಪ್ರದಾಯದಂತೆ ನಿಶ್ಚಿತಾರ್ಥ ಕಾರ್ಯಕ್ರಮಗಳೂ ನಡೆಯುತ್ತಿವೆ. ಸಂಜೆ ಎಂಗೇಜ್ಮೆಂಟ್ ಅದ್ದೂರಿಯಾಗಿ ನಡೆಯಲಿದೆ. ಚೆಂದನವನದ ಈ ಜೋಡಿಯ ನಿಶ್ಚಿತಾರ್ಥ ಸಂಭ್ರಮದಲ್ಲಿ ಆಪ್ತರು ಸೇರಿ ಚಿತ್ರರಂಗದ ಹಲವರು ಪಾಲ್ಗೊಳ್ಳುತ್ತಿದ್ದಾರೆ. ಇನ್ನು ಡಿಸೆಂಬರ್ 06 ರಂದು ಈ ಜೋಡಿಯ ಮದುವೆ ಎಂಬ ಸುದ್ದಿನೂ ಇದೆ.