ಚಾಂಪಿಯನ್ ರಿಯಾಲಿಟಿ ಶೋನ ಚಾಂಪಿಯನ್ ಯಾರು ಗೊತ್ತಾ..?

ಅತ್ಯಂತ ಕ್ಲಿಷ್ಟಕರ ಟಾಸ್ಕ್‌ಗಳಿಂದಲೇ ಮನೆಮಾತಾದ ಕಲರ್ಸ್ ಸೂಪರ್‌ನ ‘ಚಾಂಪಿಯನ್’ ರಿಯಾಲಿಟಿ ಶೋ ಫೈನಲ್ ಮುಗಿದಿದೆ. ನಾಲ್ವರಲ್ಲಿ ವಿನ್ನರ್ ಯಾರು ಅನ್ನೋ ಕುತೂಹಲ ಬಾಕಿಯಿತ್ತು. ಅವಾರ್ಡ್‌ನ 5 ಲಕ್ಷ ನಗದು ಯಾರಿಗೆ ಸಿಗಲಿದೆ ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಇತ್ತು. ಈ ಕುತೂಹಲಗಳಿಗೆಲ್ಲ ತೆರೆಬಿದ್ದಿದೆ

ಬೆಂಗಳೂರು(ಅ.15): ಅತ್ಯಂತ ಕ್ಲಿಷ್ಟಕರ ಟಾಸ್ಕ್‌ಗಳಿಂದಲೇ ಮನೆಮಾತಾದ ಕಲರ್ಸ್ ಸೂಪರ್‌ನ ‘ಚಾಂಪಿಯನ್’ ರಿಯಾಲಿಟಿ ಶೋ ಫೈನಲ್ ಮುಗಿದಿದೆ. ನಾಲ್ವರಲ್ಲಿ ವಿನ್ನರ್ ಯಾರು ಅನ್ನೋ ಕುತೂಹಲ ಬಾಕಿಯಿತ್ತು. ಅವಾರ್ಡ್‌ನ 5 ಲಕ್ಷ ನಗದು ಯಾರಿಗೆ ಸಿಗಲಿದೆ ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಇತ್ತು. ಈ ಕುತೂಹಲಗಳಿಗೆಲ್ಲ ತೆರೆಬಿದ್ದಿದ್ದು, ಬಾಗಲಕೋಟೆ ಜಿಲ್ಲೆಯ ಡ್ಯಾನ್ಸರ್ ಯೋಗಿತಾ ‘ಚಾಂಪಿಯನ್’ ಆಗಿದ್ದಾರೆ ಎಂದು ವಾಹಿನಿಯ ಮೂಲಗಳು ತಿಳಿಸಿವೆ.

ಈ ವಿಶಿಷ್ಟ ರಿಯಾಲಿಟಿ ಶೋನ ಗ್ರಾಂಡ್ ಫಿನಾಲೆ ಅ.15, 16ರಂದು ಪ್ರಸಾರವಾಗಲಿದೆ. ಬಾಗಲಕೋಟೆ ಜಿಲ್ಲೆಯ ಡ್ಯಾನ್ಸರ್ ಯೋಗಿತಾ, ದಕ್ಷಿಣ ಕನ್ನಡ ಜಿಲ್ಲೆ ಸುಳ್ಯದ ಕಬಡ್ಡಿ ಆಟಗಾತಿ ಪ್ರಿಯಾಂಕಾ ಕಾಮತ್, ಶ್ರೀರಂಗಪಟ್ಟಣದ ಕುಸ್ತಿಪಟು ರೀಟಾ ಹಾಗೂ ಕೊಡಗು ಹಾಕಿಪಟು ಸಂಧ್ಯಾ ಫೈನಲ್ ತಲುಪಿದ್ದರು. ದಾವಣಗೆರೆಯಲ್ಲಿ ನಡೆದ ಗ್ರ್ಯಾಂಡ್ ಫಿನಾಲೆಯ ಕಲರ್‌ುಲ್ ಕಾರ್ಯಕ್ರಮದಲ್ಲಿ ಹಿರಿಯ ನಟಿ ಮಹಾಲಕ್ಷ್ಮಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದರು.

ಅವರೊಂದಿಗೆ ಸಿನಿಮಾ ಹಾಗೂ ಕಿರುತೆರೆಯ ಜನಪ್ರಿಯ ತಾರೆಗಳೂ ಇದ್ದರು. ಅವರ ಸಮ್ಮುಖದಲ್ಲೇ ‘ಚಾಂಪಿಯನ್ ಪಟ್ಟ’ಕ್ಕೆ ಪಾತ್ರರಾದ ಯೋಗಿತಾಗೆ ‘ಕಲರ್ಸ್ ಸೂಪರ್’ ಕಡೆಯಿಂದ  5 ಲಕ್ಷ ನಗದು ಮತ್ತು ಪ್ರಶಸ್ತಿ ಲಕ ನೀಡಲಾಗಿದೆ.

ಮೊಟ್ಟ ಮೊದಲ ಬಾರಿಗೆ ಯುವತಿಯರಿಗಾಗಿಯೇ ಶುರುವಾಗಿದ್ದ ಸಾಹಸಿ ರಿಯಾಲಿಟಿ ಶೋ ಎನ್ನುವ ಹೆಗ್ಗಳಿಕೆ ‘ಚಾಂಪಿಯನ್ ಶೋ’ದ್ದು. ರಹಮಾನ್ ಇದನ್ನು ಅಷ್ಟೇ ಖಡಕ್ ಆಗಿ ನಡೆಸಿಕೊಟ್ಟರು. ಒಟ್ಟು 16 ಯುವತಿಯರು ಈ ಶೋಗೆ ಪ್ರವೇಶ ಪಡೆದಿದ್ದರು. ಆಡಿಷನ್ ಮೂಲಕವೇ ಇವರನ್ನೆಲ್ಲ ಆರಿಸಲಾಗಿತ್ತು. ದೈಹಿಕ ಹಾಗೂ ಮಾನಸಿಕ ಸದೃಢತೆಯೇ ಇದರ ಮಾನದಂಡವಾಗಿತ್ತು. ಒಟ್ಟು ಎರಡೂವರೆ ತಿಂಗಳು ಶೋನ ಎಲ್ಲ ಟಾಸ್ಕ್‌ಗಳನ್ನು ಯಶಸ್ವಿಯಾಗಿ ನಿಭಾಯಿಸುತ್ತಾ ಬಂದ ನಾಲ್ವರು ೈನಲ್‌ನಲ್ಲಿದ್ದರು. ಕರ್ನಾಟಕದ ನಾಲ್ಕು ವಿಭಿನ್ನ ಪ್ರದೇಶಗಳನ್ನು ಪ್ರತಿನಿಸಿದ್ದಂತಿದ್ದ ಈ ಸ್ಪರ‌್ಗಳಲ್ಲಿ ಉತ್ತರ ಕರ್ನಾಟಕದ ಹುಡುಗಿಯದ್ದೇ ಮೇಲುಗೈ ಆದಂತಾಗಿದೆ.